| Quote: مرحبا فرح وحبابك والله سعدت بيك وبي ونستك رغم قلقك وحركتك السريعة .. واكتشفت فيك شخص مرتب ذو ذهن صافي وثقافة عميقة .. ما تكتبه هنا لا يعبر ابدا علي قدراتك التحليلية والمعرفية سعدت جدا بك والله اتمني ان التقيك مرة اخري .. ف ابوروضة زول ود بلد وهميم وداير بالمناسبة دي اقول كلام كنت داير اكتب عن لقائي بك في حينه .. لكن لاوزت .. ليس منك بل من خبرات سابقة .. اهو انا خاتي صورتي الحديثة جدا ورقم تلفوني ومحل سكني .. ومن السهولة الالتقاء بي .. دون اسرار اها ترددت والله .. البورداب بحيطو زياراتهم بالسرية المزعجة والبتخلي الزول يتردد كم مرة يقول انا بعرف فلان ولا لاقيتو ولا اياهون دة قاعد بالمناسبة انا استأذنت ارتيجا في الكتابة
|
يا عبدالحفيظ
والله يا عبدالحفيظ انت زي ما شايف انا لحظة اتصالي عليك ووصولي لي دكانك العامر لم يتجاوز النصف ساعة
لا سرية ولا يحزنون وفي شنو عشان الواحد يغتغت منه ولا يخاف يضاريه لو حدثتني كان حاقول ليك اكتب يا عبدالحفيظ وعلى اقل من مهلك
ليس هناك ما يدعوننا للتخفي
صحيح زيارات كانت خاطفة وسريعة
مش لقلق او لحركة سريعة والله تمنيت ان تطول جلساتنا وادرك بانك كنز يحوي الكثير وفي جعبتك الكثير الذي يستحق الجلوس والاستماع له بذهن مفتوح
فقط كانت حساسية العمل ووجودك في مكان الرزق والاصرار على عدم اطالة الجلسة اثناء ساعات العمل وتحويل الدكان الي جلسات انس وسمر
خاصة وانا لاحظت عبدالحفيظ لما يتناول موضوع بغوص فيه بعمق لدرجة ينسى ما حوله
الشي الجيد انت كنت معي وسط الجميع معارفي حتى وانت غياب ولم اسمع عنك الا ما هو جيد
وما هو في مقام الزول المهذب وراقي
شكراً للظروف التي جعلت اللقاء بيننا ممكناً
اما حكاية المنبر هنا دي حكاية تانية اظن اننا ناقشناها هههههههههههههههه
اصلا المنبر استقبلنا بالمشاكل والدواس ولم نستطيع الخروج من هذه المعمعة حتى الان
غايتو ربك يصلح الحال
عبدالحفيظ ابوسن
عبدالله عثمان
بشير حسـن بشـير
Artiga Gilani
فرح الطاهر ابو روضة
Kabar
علي دفع الله
محمد عبد الله حرسم
خالد علي محجوب المنسي
فيس بوك
تويتر
انستقرام
يوتيوب
بنتيريست