بتدخلوا وين؟

(عدل بواسطة عثمان عووضة on 02-29-2016, 02:36 PM)

(عدل بواسطة عثمان عووضة on 02-29-2016, 01:40 PM)

.................................

في العشرينيات أو التلاتينات ، كان جدا لنا رحمة الله عليه يحكى أنه كان فارسا و اصيلا بمعنى الكلمة ، اجواد لابعد الحدود ، متهور لدرجة الجنون و جميل الصوت كالقمري. يحكى إنو يوم جاي متأخر و شارب ... وأبوه لم يكن يحتمل هذا السلوك خاصة و انو لجده خلوة عريقة في امدرمان ، المهم أول ما جا داخل قام عليه أبوه بالعكاز ...وفي نص الراس...بس الابو كان شيخ كبير في السن و مع الضربة قام اترتح و كان حايقع ...قام جدنا مسكه عشان ما يقع..و قعد في الواطة و قال ليه : يابا... انا بقعد ليك في الواطة دي و انت اضرب....انا خايف عليك تقع و الله....فما كان من ابوه الا ان رمى العكاز ومشى ...قائلا انت كان ما عقلك دة !

الواحد بدأ يدخل في أضافرينو ياخ الدنيا دي ضيقة ضيق شديد والتسامح وطيب النفس دا قيمة كبيرة في التسعينات كنا ساكنين في سكن الشركة في طيبة الحسناب

الزول المعاي في البيت لطشتو ملاريا قال لي وديني المركز الطبي ركبنا مشينا لقينا الصف طويل جدا وهو مع الملاريا أخلاقو في رأس نخرتو

المهم بعد زحف لقينا نفسنا مع الدكتور بس منتظرين الجوة يطلع هل تصدق الزول الجوة أظنو بودع في الدكتور جاء راجل يتكلوا فيهو عشان يمشي ويقول وين الدكتور وين الدكتور الظاهر عندو كومة سكري

في اللحظة دي الزول الجوة طلع بس زولي عايز يقوم يتلائم دوري وما دوري وما بخليهم وأنا احنس فيهو عشان يسكت خليك يدخل المهم قدرت عليهو سكتو وزحيتو من الباب الراجل دخلوهو وقفلوا الباب ما اكتر من دقيقيتين جوا طالعين قالوا توفى

بالله عليك الله لو ما خليناهم دخلوا ؟ يمين أنا كان دخلت القبر عديل

والله يا عثمان أنا للآن لما اتخيل الموقف دا تجيني رجفة

(عدل بواسطة عاطف عمر on 02-29-2016, 09:07 PM)

يختلف الامر بين ان تبادر بالاساءة او اتهام الناس ظلما

و بين ان تردها او تدفع عنك تهمة

مع انو الحديث فى العام لكن ...

مسألة انك تساء او توصف بما ليس فيك .. امر فيه نظر

ان يأتى احدهم و يرمينى بالكوزنة و الدناءة و الخسة و الكذب و النفاق و العنصرية و جدادة الكترونية ثم يشكك فى رجولتى و يجعلنى و قوم لوط سواء

ده من وين تجيب ليهو الصبر

الواحد طالما هو قاعد في المنبر دا او بمشي يغيب ويجي راجع لا بد ان يعلم ويعود نفسه ان يتقبل كثير مما يحدث هنا بالرغم من صعوبة ذلك وان يقول لنفسه لابد ان نرى بعض القبح حتى نميز الجمال ونحس به..

لا تبتئس ولا تكن حساسا اكثر من اللزوم وعود نفسك ان تهرب سريعا من اي مكان تحس بأنك غير مرتاح فيه..وتكبر اللفة من اي شناة حاصلة حولك.

ولَك العتبى من قبل وبعد يا زول يا سمح يا زين...

فترنا ياخي من اللف والبلع

هرمنا ياخي

خلاس يا حبيبي

الروب

أجدني كثيراً في أبيات شيخنا أحمد ود سعد ( رضى الله عنه )

ﻋﺒﺪﺍً ﺣﺎﻣﻞ ﺍﻟﺬﻧﻮﺏ ﺗﻮﺍﺏ ﻋﻠﻰ ﺗﻮﺏ

ﻳﺎ ﻣﻦ ﺷﻔﻴﺖ ﺃﻳﻮﺏ ﻭﺟﻤﻊ ﺷﻤﻞ ﻳﻌﻘﻮﺏ

ﻧﺪﻋﻮﻙ ﺑﺎﻟﻤﻜﺘﻮﺏ ﻓﻲ ﺍﻟﻠﻮﺡ ﻭﺍﻟﻤﻮﻫﻮﺏ

ﺑﺎﻟﻨﻮﺭ ﺳﺪﺩ ﺛﻘﻮﺏ ﺭﻭﻋﻲ ﺍﻷﺿﺤﻰ ﻣﻌﻄﻮﺏ

ﻳﻮﻡ ﺍﻟﺮﺩﻡ ﺑﺎﻟﻄﻮﺏ ﺃﺟﺮﻧﺎ ﻣﻦ ﺍﻟﺨﻄﻮﺏ

ﻛﻮﻧﻲ ﻣﻦ ﺍﻟﻌﻴﻮﺏ ﻻﺑﺲ ﺇﺯﺍﺭ ﻭﺗﻮﺏ

ﻣﺴﺮﻑ ﻣﻠﻴﺎﻥ ﺫﻧﻮﺏ ﻣﻠﻴﺔ ﻗﺮﺑﺔ ﻣﻬﻴﻮﺏ

ﻟﻜﻨﻲ ﻓﻴﻚ ﻳﺎﻣﻦ ﺑﺎﻟﻜﺮﻳﻢ ﺣﺴﻨﺖ ﺍﻟﻈﻦ

ﺑﺎﻟﻐﻨﺎ ﻋﻦ ﻭ ﻋﻦ ﻓﻲ ﻧﺒﻴﻚ ﻣﺎ ﺑﺨﻴﺐ ﺍﻟﻈﻦ

والحال هكذا أرجو أن تعفيني من الرد على تفاصيل مداخلتك هذه أو أي مداخلة لك أخرى في أي بوست

وذلك لأنني ومع ذنوبي الكثيرة لا أستطيع تحمل ذنوب إضافية تنجم عن مغادرتك للبورد أومغادرة آخرين تضامناً معك

وفي ذات الوقت لا أرضى لآخرين أن يتحملوا أوزاراً بسببي جراء إتهامهم لي بالتسبب في تركك للبورد أو لاتهامهم لي بـ ( الجبن ) و ( إدعاء ) الحكمة

ثمة توضيح لازم

1- مداخلتي المذكورة في هذا البوست مداخلة عامة وكررتها بعبارات مختلفة في بوستات عدة أخرها ما أوردته بنفسك من آخر بوست لنا وكنت سوف أكتبها - وربما بتفاصيل أكثر - حتى ولو لم تتقاطع أحرفنا في ذلك البوست ، لذلك فإن تفصيلك لها على مقاسك أمر لا علاقة لى به ،

2- بوستك المعني قد أصبح ماضياً بالنسبة لي ولم أتعود أن أسجن نفسي في سجون الماضي فقد كتبت رأيي وعقبت أنت عليه ... الموضوع إنتهى... ليس مهماً أن تقنعني أو أقنعك .. المهم أن الآراء موجودة . تعبر عن رؤانا

3- حتى لا تفسر أي كتابة لي الآن أو مستقبلاً بأنها ذات علاقة بك أو بما دار من نقاش أقول لك وبوضوح كامل أن مساهماتك في هذا البورد قد أصبحت خارج دائرة اهتماماتي تماماً ، ولن أتضايق مطلقاً إن إستبعدت ( شخابيطي ) من دائرة إهتمامك

4- ألزم نفسي بمنهاج صارم في التداخل في البوستات ، ( موضوع البوست ) وأهم منه ( تقديري لكيفية تعامل صاحب البوست مع المتداخلين إتفاقاً واختلافاً ) ، الواضح لى - حتى الآن - هو أنني أخطأت في مسألة ( تقديري لكيفية تعاملك مع المتداخلين ) في مداخلتي ( لكن تظل مداخلتي صحيحة بالنسبة لي ) وهأنذا أصحح خطئي

5- الذين لا أتداخل في بوستاتهم لا يعني ذلك بالضرورة موقف شخصي منهم فالإنسان - أي إنسان - مجموعة من الجوانب ، نحب بعضها ونتحفظ على بعضها ونأبى بعضها وفي كل أحوالنا نعيش معهم ووسطهم ونحن أنفسنا نكون في نظرهم مثل نظرنا لهم

6- المذكور أعلاه لا يعتبر بأى حال من الأحوال إفساداً للود فيعرف أعز أصدقائي أنني قد لا أتداخل في بوستاتهم لسنين ولا ينقص ذلك من محبتهم في دواخلي مثقال ذرة

دخلت معك في هذه التفاصيل تقديراً لك ولحبيبنا عووضة ولأحباب مشتركين صداقة بيننا

دعنا نوقف هذا الذي لا طائل من ورائه ، فهذه الدنيا أقصر من أن نقضيها في ( كجار ) لا طائل من ورائه

وكلماتي وكلماتك لن تغير من نواميس الكون

العفو والعافية

أضم صوتي لصوت عثمان و سنستخدم حق الفيتو و اللي هو خاطرنا ...

الالم مبارينا شقيش ما نقبل

في حاجة كدا بقولوها في المحاكم:

قبل من حيث الشكل وشنو كدا ما عارف

اها بس اعكس الكلام دا

وتاني بناكدو

واكيد لن تكون عاقلا حينها .. ودي كلها مشاعر مبررة للتنفيس عن الغضب والحنق

الما مبرر انك تطرشو كلو لايف وات ز سبوت

اها كظم الغيظ دة مهارة زيو زي اي مهارة انسانية .. الزول يشوف طريقة ينميها ويروق دمو .. يمرق من النت قدر ما يقدر . ينصرف لامر اخر اي وسيلة

عمنا المرحوم جادالله الرفاعي كان عالما حافظا للقرآن ومعلما للتجويد في داره .. وبحب الكوشتينة وكيشة فيها .. بالو ما معاها وبزاملو واحد حريف جدا وطوالي مرشوشين اكان حريق ولا ويست ولا ضمنة

سألوهو

انت بتزامل حاج جادالله دة ليه

قال ليهم