|
|
|
 Re: سودان اليابا والتابا (Re: ناصر حسين محمد)
|
كما ذكرت انه عندما تعتزم السفر (حتى قريب)
كانت الدمعات تطفر والمآقي تسيل بالدمع السخين
ويسود جوء معتم من الحزن
كانما منادي حلتنا امتطي حمارته وصار يصرخ باعلى صوته ( فلان ود فلان ود فلانة مات ) ..!!!
ولكن ..!!!
الصباح تتصل على قريبك في سوق أمدرمان
المساء يتصل عليك من جدة .!!!
تتهجم ..!!
ترجع لناس بيتو بتلفون ( تحمد السلامة)
تلقاهم ضاربين الزغرودة والفرح ..!!
الود اتخارج .!!
| |
 
|
|
|
|
|
|
|
|
Re: سودان اليابا والتابا (Re: ناصر حسين محمد)
|
تكلم حبوبتو او والدته
والونسة تجر
وتسالها
كيف الود سافر
وليه خليتيهو يسافر
وتتوقع ذات الحزن القديم
وذات المآقي الطافره بالدمع
والكلمات الحنينة
وووامبسو ..!!
ولكن تفاجئك الجدة او الام
قائلة
هي خليها تمرق،
ويسوقنا معاها
سودان اليابا والتابا..!!
| |
|
|
|
|
|
|
|
|
|
Re: سودان اليابا والتابا (Re: ناصر حسين محمد)
|
ما عاد الارتباط بالارض موجودا
عندما يأتي قول ( هي خليها تمرق وتسوقنا معاها ، سودان اليابا والتابا )
من جدة
ومن منطقتنا الحنينة
وجدة لم تفارق قريتها منذ عشرات السنين .!!
عندما ياتي لفظ سودان اليابا والتابا ..!!
منها
فصدقوني هنا أزمة ..!!
ولا يهم كيفية الحل
ان شاء الله ينقسم لتلاتشر دولة
المهم تكون هناك دولة وارض نحن اليها ..
| |
|
|
|
|
|
|
|
|
|
Re: سودان اليابا والتابا (Re: ناصر حسين محمد)
|
بلدياتنا في منطقة نجران مع (عيالو)
سالت زوجته انها ما بتخاف على الشفع من الضرب والقذائف العشوائية
والمحت ليها انها مفروض تمشي السودان متسيب الراجل براهو
ضحكت وقالت لي بدهشة (السودان) ..!!
واتبعتهاب ( موتة في نجران ولا السودان) ..!!
| |
|
|
|
|
|
|
| |
ناصر حسين محمد
فيس بوك
تويتر
انستقرام
يوتيوب
بنتيريست