|
Re: المواضيع المملة بالبورد (Re: عباس الدسيس)
|
حبيبنا .. السديس ..
لك التحايا والاشواق ..
Quote: غايتو انا تاني ما بفتح بوست الا لي ود الباوقه وتوفيق عيسي مكي بتاع بت الضهاري |
يعني دا تهديد ولا فرز عيشة ؟؟
غايتو ما بنتسرع طيلة ما كراع البقر جيابة ههههههههه ,,
تسلم يا راجل يا سمح .. لكن ما تنسي زي قصي دا زي الساحره في البيت منظرها شين
لكن برضو من التراث القديم .. يعني اسه يا سديس حا تدخلني في مشكلة مع قصي بما
اني احساسي تجاه من ناحية احساس ما سلبي صاح هارد مرارتي لكن بريدو ههههههههه
| |
|
|
|
|
|
|
Re: المواضيع المملة بالبورد (Re: مني عمسيب)
|
انا بتفق معاك في حكاية الانقاذ اججت للعنصرية وتدعم كافة الاطروحات التي تشعل الزيت على عصب النسيج الاجتماعي السوداني بس ما معاك في حكاية الناس تقيف فراجة محاربة وملاحقة هؤلاء الملاعين ضروري وفي رايي انت كمثقف ضد الممل والراتبة معني بانتاج ما يسيتطيع تجاوز هذا الحاجز قطعاً ليس بالهروب منه للامام او الخلف بل بمعالجته من جذوره تخريمة اخبار الكر كبة شنو والله مرات في مواضييع في المنبر ده احسن لينا منها الكركبة وعنج ود الباهي ولا كيف ههههههههههههه
| |
|
|
|
|
|
|
Re: المواضيع المملة بالبورد (Re: فرح الطاهر ابو روضة)
|
عبس يا حبيب والله ليك وحشة يا راجل عاش من شافك وين ايامك ,, ياخي والله كل ما اتذكر موضوع زولك داك القال ليك حاربتوني يا ناس مدني واتذكر كلامك لي بكري اضحك لامن اقع والله صحي ههههههههههههههههههه يجازي محنك يا عبس .. ويا خوي طول بالك المنبر ده فيه الكثير خليك زينا كده اتلبد ساي وتاوق بالطاقة ,,, وعوجه ما بتجيك ... بس اوع من الكركبه ههههههههههههه وخليك قريب يا حبيب ...
تحياتي : ياسر العيلفون .....
| |
|
|
|
|
|
|
Re: المواضيع المملة بالبورد (Re: almulaomar)
|
Quote: لكن ما تنسي زي قصي دا زي الساحره في البيت منظرها شين |
مني اخبارك انتي قايله شيخ قصي ما بشوف التعليق دا انصار السنة بقولو المؤمن حلوي عشان كدا من اكل الباسطة الشامية الواحد عيونو قدر قعر الفنجان تلقي قبيل شاف التعليق شحتا الله البعك بي بوست و ل اية منفصلة من ايات سحرة فرعوت بتاع هاروت وماروت عشان تأمني
| |
|
|
|
|
|
|
Re: المواضيع المملة بالبورد (Re: حيدر حسن ميرغني)
|
Quote: انا بتفق معاك في حكاية الانقاذ اججت للعنصرية وتدعم كافة الاطروحات التي تشعل الزيت على عصب النسيج الاجتماعي السوداني بس ما معاك في حكاية الناس تقيف فراجة محاربة وملاحقة هؤلاء الملاعين ضروري وفي رايي انت كمثقف ضد الممل والراتبة معني بانتاج ما يسيتطيع تجاوز هذا الحاجز قطعاً ليس بالهروب منه للامام او الخلف بل بمعالجته من جذوره تخريمة اخبار الكر كبة شنو والله مرات في مواضييع في المنبر ده احسن لينا منها الكركبة وعنج ود الباهي ولا كيف ههههههههههههه |
ابو روضة يا حبيبنا مشتاقين والله يالاخو اقطرك قطر عمك مجيدو خلاس جيت عايز تعملا لي حيث إن وبما أن الديلاكتيك والاقتصادي الاشتراكي عصب الامة والثورة سوف تنتصر دي بتاعت عبدالمنعم ((الزول دا وين غاطس في البطاطس)) ياالاخو اهو شاتني ببوست الشيطان يعظ من شافك انت جيت دخلتا لازم تحرجونا وتقولو شاربني شنو ما قلنا ليكم شاي بي لبن اخير كركبة الدكتور ومناحة ود الموج من ناس قصي
| |
|
|
|
|
|
|
Re: المواضيع المملة بالبورد (Re: عباس الدسيس)
|
Quote: عبس يا حبيب والله ليك وحشة يا راجل عاش من شافك وين ايامك ,, ياخي والله كل ما اتذكر موضوع زولك داك القال ليك حاربتوني يا ناس مدني واتذكر كلامك لي بكري اضحك لامن اقع والله صحي ههههههههههههههههههه يجازي محنك يا عبس .. ويا خوي طول بالك المنبر ده فيه الكثير خليك زينا كده اتلبد ساي وتاوق بالطاقة ,,, وعوجه ما بتجيك ... بس اوع من الكركبه ههههههههههههه وخليك قريب يا حبيب ...
تحياتي : ياسر العيلفون ..... |
أووووووووو حبيبنا وصديقنا ياسر شوق كميات من يوم الحفلة وعيك مع قفلة السعودية بنين والغذاء الاتجاه واحد كبسه الانسان بكون عندو طاقات مخزنه أها في صاحبي اشبه زولك داك من الشغل لي سكن العذابة سنتين ما شاف ليهو وش مرأة غير التلفزيون مرة كنا ماشين نزور لينا مريض في التخصصي حقكم ركبنا الاسانسير توشك خشت معانا ممرضه فاكا شعرها وعندها عطر اشرقك من سماحة الريحه اشوف ليك زولي عيونو حمرن وجضومو اتنفخن وجلدت شعر راسو وقفت ويدينو ارجفن ما فاضل ليهو كان الكركبه طوالي عملت حاجز بين البت وبينو وربك ستر الدور البعدو طوالي البت نزلت قفلت الاسانسير قال ل والله لو ما عملت حاجز كنت عايز اكنكش فيها الكنكشه مرضه يا حبيبنا اها زولك كنكش فيني بي بوست اخبارك والاسرة الكريمة
| |
|
|
|
|
|
|
Re: المواضيع المملة بالبورد (Re: عباس الدسيس)
|
Quote: شايفو شاتك ببوست كله شياطين وبيوت اشباح غايتو ياعبس الواحد لازم يعمل شخيت ويقيف منك بعيد |
حيدر سلام يا حبيبنا احلني الحل بله يا دينق اسرح وامرح خلي كراع في مدني والتانية في الخرطوم بس زح من ناس الكاملين الشرك فكا
| |
|
|
|
|
|
|
Re: المواضيع المملة بالبورد (Re: عباس الدسيس)
|
أخونا عباس ,,,,, ياخي إنت عسل ,,,,, عديييل
ياخي اجهشتنا بالضحك ,,,, إنشاالله دايمن معصور ,,,
| |
|
|
|
|
|
|
Re: المواضيع المملة بالبورد (Re: يحي قباني)
|
هههههههههههههههههههههه
سلام يا عبس
تعرف فتح البوستات في المنبر دا بقى زي الزول الفارش ليه سم فار في سعد قشرة
الناس يجو يعاينو ليك كدا ويمشوا محل الملابس
ما في زول يقول لك عندك شنو
غايتو نحن ننشد التوثيق
لا أكثر
| |
|
|
|
|
|
|
Re: المواضيع المملة بالبورد (Re: يحي قباني)
|
سلام يا دسيس
أها انا كتبت ليك هنا وهناك
هناك دي عارفها دي في بوست الزميل قصي
المهم ياخ
والله لو ما بوستاتك دي ما كان صبرنا على الغربة
الزمن دا كله
ليك تحية يا صاح
امشي هناك اقرا حكاية المنفلـة
........
| |
|
|
|
|
|
|
Re: المواضيع المملة بالبورد (Re: أحمد الشايقي)
|
صدقت وضيف للعنصرية التي خدمت الانقاذ والكيزان كذلك من الجهة الأخرى الاستفذاذات الدينية المتطرفة من الجانبين افراط وتفريط واحدين يجيبوا ليك كلام غير مسلمين ويستشهدوا به ضد الاسلام ليجعلوا المعركة في البورد كل فرد ضد الآخر ونترك قضايانا الهامة في بلد يحتاج للتفاكر لحل مشاكله الاقتصادية والسياسية.... ومن أمثال هؤلاء ياسر الشريف ...
| |
|
|
|
|
|
|
Re: المواضيع المملة بالبورد (Re: منتصر عبد الباسط)
|
Quote: أخونا عباس ,,,,, ياخي إنت عسل ,,,,, عديييل
ياخي اجهشتنا بالضحك ,,,, إنشاالله دايمن معصور ,,, |
حبينا صلاح اخبارك اديك واحده: موضوع ابيض واسود لو الزول اخدو براحه بدون تحسس بتعايش جابو لينا في الشركة سعوديين سود الجماعه ديل عشان لوني مصاحبني طالعين اسلمو كيفك يا خال وانا شابكم ليك اهليين يا اسود عندنا مدير ابيض معذب الناس ديل وانا بكرهو لي الله سيدي واحد فيهم حاولت اعمل فتنة بينو وبين الابيض قلت ليهو: الزول دا ما بحب الخيلان واللون الاسود تصدق عندو عقده الثانوي ما تماهو عشان لونو لقي ليهو وظيفة !!! انت يا ود الحلال اعمل شكله مع الراجل وفت ليهو الكلام وزولنا الابيض قال ليهو الكلام دا جبتو من وين قعد اعاين لي وانا عايز ازوغ اوصل ليهو رسالة ما اقول انا حمرت فيهو وشبكتو ليك بلغة السعوديين (( ايش فيك ... ايش فيك... ايش فيك)) ولا جاب خبري رش ليهو الكلام دا استاذ عباس ... الحادثه ذكرتني وبلغة عنصرية الشوايقه متزوجين اختنا عندهم واحد قريبهم مربي في الجزيرة من طفل شايل لهجة ناس الجزيرة وشغال في منظمة اجنبيه بشتري من اهلنا تجار الاسبيرات قطع الغيار للعربات وتاني ببيعه ليهم ((فساد مالي)) يوم عندهم طلبية راكب معاهو الخواجة قال ليهو نشتري الطلبية بتاعت الاسبيرات بدل تجي راجع تاني الصناعية ولسؤ حظو الخواجه وقف في دكان ود عمنا انا قاعد زولنا قعد اترجف قدم ورقة الطلبية لي ودعمنا الخواجه مفتح عندو ختم لي الاسبيرات البتدخل عندهم في المستودعات وزولنا من الشفقة ببيع الاسبيرات بختمها. ودعمنا قعد إلقط من الرفوف الاسبيرات وزولنا حافظ الاسبيرات البرجعها بختها ود عمنا في ياتو رف أها وقت مشي لي الاسبيرات الكان رجعها ليهو وعايز انزلها زولنا قعد اكورك (( ما من الليلاتو ... ما من الليلاتو ... ما من الليلاتو ... ما من الليلاتو ...)) الضحك شرطني... قلت ليهو يا زول دا شنو البتقول فيهو؟؟ قال لي والله الليلاتو دي لو جابو دكتور عبدالله الطيب من المقابر ما يعرف معناها شنو. لغير الناطقين بلهجة ناس الجزيرة ما من الليلاتو معناها ((ما من حقاتو))
| |
|
|
|
|
|
|
Re: المواضيع المملة بالبورد (Re: عباس الدسيس)
|
Quote: حتى بت عمسيب سمتك ( السديس )
اها بعد ده الا تصلي بينا ! |
حبينا يحي قباني سلام وتحية ياخ انت الذ زول في الناس هنا ومن ظرفاء المنبر عندك تعليقات في السلك بت عمسيب ليها زمن ساكاني السديس الزولة دي عايزة تجيب لي مصيبة انشاءالله تقيف هنا ما يوم ترص ليها قدامها شيخ ول امام المسجد الحرام لو مشت لي خادم شنو ما عارف تكون عايزة تعمل لي خروج نهائي البت دي جننتنا قدر ما قلنا ليها شايته ضفاري
| |
|
|
|
|
|
|
Re: المواضيع المملة بالبورد (Re: عباس الدسيس)
|
Quote: هههههههههههههههههههههه
سلام يا عبس
تعرف فتح البوستات في المنبر دا بقى زي الزول الفارش ليه سم فار في سعد قشرة
الناس يجو يعاينو ليك كدا ويمشوا محل الملابس
ما في زول يقول لك عندك شنو
غايتو نحن ننشد التوثيق
لا أكثر |
ابوالدر يا حبينا أخبارك مشتاقين والله تحياتي للاسرة الكريمة بعد قعدته تطبع لي في الراوايات بقيت زول مريش اجدعنا بي حاجة زي ما انت عارف انصار السنة انا ساكن معاهم في حي واحد في مدني وبصلي معاهم الجمعه المسجد بتاعم علي بعد خمسين متر من بيتنا عندهم حركة ما عاجباني بين صلاة المغرب والعشاء بعملو ندوة بالمكرفون وكما معلوم اي حاجة بتاعتم بعملوها مخالفة زي ما قال ليهم ادروب انت تشتت ومراة تغطي. مشيت كلمت رئيس الجماعه عامل فيها الود خطير وممكن اتجادل معاهم قلت ليهو يا شيخنا كلنا مسلمين وبنصلي معاكم هنا حكاية البتاعة بتاعتكم البمكرفون بين صلاة المغرب والعشاء مزعجة خلوها بدون مكرفون لانو في ناس بتكون تعبانه جاية من الشغل وعايزة تريح زي حالتنا واحيانا في ناس مريضه في البيوت عايزة الهدوء جزاكم الله خير لو وقفتوها وعملتوها بدون مكرفون. بالله تاني يوم لبعوني ليك بندوة زي حكاية صاحبنا بتاع البوستات واليات القرانية معاي استمرت لي الساعة 9 ليلا ما خلو لي جنبه انوم عليها لي اهلي ناس الشريف الصوفيه رشوهم ليك رش الحي كلو اعاين لي ويسوس كما قال صاحبنا ((هذا هو ابوجهل)). تاني يوم انا ماشي الشغل كان في زحمة مواصلات والناس تكابس لميت لي في دفار وجريت مع الناس اها في زوله لابسه انصار سنة اتعارضت لي قدامي في السلم وما عايز اكابسا عشان الجماعه ما اعلنو الجهاد فيني وهي عينة النسوان الدفارات كوم لحم وحاتله في السلم اها بتهذيب قلت ليها ... يا حاجة انتي حسي مقبله بي وراء ولا قدام. عايز اعرف دايره تنزل ولا تطلع طبعا طلعت هي ما حاجة بت صغيره بس جسمها كبير والجماعه مبيتين النية والله عينك ما تشوف الا النور عملو فيني عملية خليها علي الله.
| |
|
|
|
|
|
|
Re: المواضيع المملة بالبورد (Re: عباس الدسيس)
|
يا معلم الفين سلام وتحية المنبر من زمان تحس بيهو زي الاستراحة.. قول لي كيف دا يا سيدي الناس بلملمو احباطات الحياة البرة ويجو يفكوها فينا هنا ناس متعكلتة في التكفير وناسية: ((ادْعُ إِلَى سَبِيلِ رَبِّكَ بِالْحِكْمَةِ وَالْمَوْعِظَةِ الْحَسَنَةِ وَجَادِلْهُمْ بِالَّتِي هِيَ أَحْسَنُ إِنَّ رَبَّكَ هُوَ أَعْلَمُ بِمَنْ ضَلَّ عَنْ سَبِيلِهِ وَهُوَ أَعْلَمُ بِالْمُهْتَدِينَ)) سورة النحل 125 وناس متعكلتة وتخصص مغالطة عويرة في كل حاجة (في الدين، في السياسة، الكورة، الموسيقى، التاريخ..الخ) والبمارسو فيهو دا حسب تصنيفي بيدخل في إطارة العوارة والعلقنة وناس شغالة لي مصالحها.. يلبعو فيها وتحفر لييييل نهار بلا كلل أو ملل والنوع الليهو مية سنة في المنبر ولسة ما مفهوم هو عايز شنو ولا بيعمل في شنو وغيرهم كتير عشان كدة انا بقيت عندي كم اسم كدة لقيت ليهم كتابات بقراها .. ما لقيت بتخارج المصيبة المسنوح ود شيقوق استكتر علينا الكتابات العنكوليبية الطاعمة.. وود البوش مدروش ههههههههههههه . . . . . مداخلة مجوبكة مش؟؟
| |
|
|
|
|
|
|
Re: المواضيع المملة بالبورد (Re: almulaomar)
|
والله يا جماعه شيخ قصي دا زول ما ديمقراطي فتح لي بوست اداخلت معاهو مسح مداخلاتي المعني اشتري ليهو كاس اعمل الدوري اشيلو هو اها في اثنين متذكر قلت فيهم شنو بجيبهم هنا
Quote: شيخ قصي سلام نمسي عليك بنكتت الشيطان والبشير.. نتينياهو وجورج بوش وعمر البشير ماتو اثناء اجتماع ومن هناك خموهم كلهم النار... نتياهو قال اشتاق لي اسرائيل عايز اكلمهم واشوف الصهاينة عاملين شنو!!! اتصل عليهم وتكلم خمسة دقايق بعد نهاية المكالمة قال لي الشيطان عايز كم سعر المكالمة ؟؟ الشيطان قال ليهو 5 مليون دولار كتب ليهو شيك ورجع كرسيهو في النار جورج بوش دق الشمطه وقال ليه نتينياهو اتكلم انا ذاتي عايز اتكلم واشوف احوال امريكا الشيطان اداهو دقيقتين وقال ليهو عايز كم يا الشيطان. قال ليهو عشرة مليون دولار ... كتب ليهو شيك ورجع الكرسي بتاعو في الجحيم. عمك البشير زعلان وهاج وشاط وماج وقال ليه انا ليه ما اكلم السودان عايز اشوف اخبار الحوار الوطني والناس عملو شنو في الغاز والرغيف وصل سعرو كم والمخدرات وقف استيرادها والناس بتعالجو من وين والعمله الصعبه اتوفرت ليهم والشعب السوداني فضل فيهو زول ولا انقرضو كلهم. الشيطان اداهو اكلم السودان مسك التلفون 30 دقيقه بكلم بعد انتهي البشير قال ليهو اها يا ابو الشياطين يا فرده عايز مني كم؟؟ الشيطان قال ليهو دولار واحد نتينياهو وجورج بوش قالو ليهو شنو يا عمك دولار واحد بس الشيطان قال ليهم ايوه من الجحيم للجحيم مكالمة محلية. قصي انت قبل كم يوم عملت بوست قلت ماشي تحضر الماجستير القعدك شنو يعني طلعت نص البورد كفار وانا شيطان خفف الدقن يا فرده
|
| |
|
|
|
|
|
|
Re: المواضيع المملة بالبورد (Re: almulaomar)
|
Quote: سلام يا دسيس
أها انا كتبت ليك هنا وهناك
هناك دي عارفها دي في بوست الزميل قصي
المهم ياخ
والله لو ما بوستاتك دي ما كان صبرنا على الغربة
الزمن دا كله
ليك تحية يا صاح
امشي هناك اقرا حكاية المنفلـة |
ود الشايقي يا حبيبنا اخبارك مشتاقين والله زولك مسح مدلخلتك ومداخلاتي طلع انصار سنة ما ديمقراطي ياخ والله قصي خيب ظني فيهو طلع ما بتاع دعوة حسي لو اتقلب وحاورني بطريقة ميسي ما كان لقي ليهو أجر
| |
|
|
|
|
|
|
Re: المواضيع المملة بالبورد (Re: عباس الدسيس)
|
Quote: اتذكر زمان واحنا اطفال كنا نسكن في الدباغه بمدني حي خليط من جميع الجنسيات في السودان قمنا فيهو علي اكل الاقاشي والقورو ورياضتنا المحببه كانت صراع النوبة ومن اصدقاء الطفولة الذين كنت علي تواصل معهم |
والله يا عبس مدنى دي فيها سر غريب في التماذج وقبول الاخر ...انت خليك من الدباغة نحن في "ام سويقو" ياخي كنا مزيج ما عادي ... نصر الدين كزو من الكاميرون ابو بكر اصولهم من السنغال وجيمس جنوبي وناس صفر كدا اصولهم شامية وبتاع الفرن عبد الله غيلان يماني وناس حجة مريم بتاعت الفول نيجيرية ... طبعا الفئة ديل الاجانب العديييييل ونحن طبعا السكوت "المحس" المنعوتين والمدموغين بالعنصرية بالاضافة لبقية القبائل المستعربة .... فعلا والله يا عباس الواحد عمرو ما حس بي التفريق الهسي حاصل دا... دخلنا المدارس مع بعض وسبحنا في القورولعبنا دافوري واتدافعنا لي باسطة الشانزليزيه وسلا وما كان التعايش مصطنع او فيهو تزلف اوتكلف ... عشان كدا الزول الربى في مدني مفروض ياخد جنسية براها ...مش كدا وبس مفروض ناس الانثربولوجي يعملوا دراسات في سر انسان مدني .... والله الحاصل يا عباس لي ناس مدني لما يشوفوا هسي النعرات دي حاجة تطرش .... والمشكلة انو ما زادوها الا ناس الضهاري الفجأة لقوا روحم في المدن وعندهم باور سلطوي مستصحبنو من بيئتهم القائمة على الاقصاء اساسا ابقى عافي حبيبنا
| |
|
|
|
|
|
|
Re: المواضيع المملة بالبورد (Re: محمد مجيدو)
|
Quote: صدقت وضيف للعنصرية التي خدمت الانقاذ والكيزان كذلك من الجهة الأخرى الاستفذاذات الدينية المتطرفة من الجانبين افراط وتفريط واحدين يجيبوا ليك كلام غير مسلمين ويستشهدوا به ضد الاسلام ليجعلوا المعركة في البورد كل فرد ضد الآخر ونترك قضايانا الهامة في بلد يحتاج للتفاكر لحل مشاكله الاقتصادية والسياسية.... ومن أمثال هؤلاء ياسر الشريف ... |
منتصر سلام ياحبيبنا اعمل حسابك صاحبنا بلحقك بوست المرغه الصراعات الاسفيريه ما عندها معني وبتعني الطرف الاخر ما بقبل الحوار فعلا مشاكلنا كثيرة ونتيجة التعنت الفكري للمتاسلمين ما لاقين ليها حل وحواراتهم الفكريه بعتبروها صراعات شخصية تحياتي وتقديري
| |
|
|
|
|
|
|
Re: المواضيع المملة بالبورد (Re: عباس الدسيس)
|
Quote: والله يا جماعه شيخ قصي دا زول ما ديمقراطي فتح لي بوست اداخلت معاهو مسح مداخلاتي المعني اشتري ليهو كاس اعمل الدوري اشيلو هو |
ماك براك الكدة | أنا لامي فيني واحد مسمي نفسو "الشريف عرفات" فاتح لي بوست نفس الكذلك أيضاً. باسمي وبطالع فيهو زي باقي الناس واحد. _______ عليك الله بوست زي دا ما بديك احساس أورنيك 8؟ |
| |
|
|
|
|
|
|
Re: المواضيع المملة بالبورد (Re: اباذر عبد العال)
|
Quote: يا معلم الفين سلام وتحية المنبر من زمان تحس بيهو زي الاستراحة.. قول لي كيف دا يا سيدي الناس بلملمو احباطات الحياة البرة ويجو يفكوها فينا هنا ناس متعكلتة في التكفير وناسية: ((ادْعُ إِلَى سَبِيلِ رَبِّكَ بِالْحِكْمَةِ وَالْمَوْعِظَةِ الْحَسَنَةِ وَجَادِلْهُمْ بِالَّتِي هِيَ أَحْسَنُ إِنَّ رَبَّكَ هُوَ أَعْلَمُ بِمَنْ ضَلَّ عَنْ سَبِيلِهِ وَهُوَ أَعْلَمُ بِالْمُهْتَدِينَ)) سورة النحل 125 وناس متعكلتة وتخصص مغالطة عويرة في كل حاجة (في الدين، في السياسة، الكورة، الموسيقى، التاريخ..الخ) والبمارسو فيهو دا حسب تصنيفي بيدخل في إطارة العوارة والعلقنة وناس شغالة لي مصالحها.. يلبعو فيها وتحفر لييييل نهار بلا كلل أو ملل والنوع الليهو مية سنة في المنبر ولسة ما مفهوم هو عايز شنو ولا بيعمل في شنو وغيرهم كتير عشان كدة انا بقيت عندي كم اسم كدة لقيت ليهم كتابات بقراها .. ما لقيت بتخارج المصيبة المسنوح ود شيقوق استكتر علينا الكتابات العنكوليبية الطاعمة.. وود البوش مدروش ههههههههههههه . |
نادر النور سلام يا حبيبنا فعلا سوق بصل ودشيقوق من الناس الحلوين نتمني رؤية بوستاتو الجميلة اما ود البوش من دخل القفص الذهبي بقي غالي علينا اطل مرة مرة تحياتي وتقديري
| |
|
|
|
|
|
|
Re: المواضيع المملة بالبورد (Re: عباس الدسيس)
|
عباس اتنين نفر إبليس عجبني ليك وشاحد الله شيخ قصي يدفعك جزية عشان تبقى عليك زكاة وضرايب ومكوس عشان عفصت لي في بوستك بتاع ودالباوقة والبوست بقى زي قضية لجوء صاحبي في السويد ودي بحكيها ليك هناك
| |
|
|
|
|
|
|
Re: المواضيع المملة بالبورد (Re: عباس الدسيس)
|
شكرا يا دسيس
تعرف قلبي كان حاسي كدا
إذن جيد جداً إني أخبرتك وإلا لما عرفت اصلا انه مسحها
مافيش حد بيمشي للملل برجله كدا ويتحكر في هكذا أماكن
الحرية دي ما ساهلة يا دسيس ما كل الناس بيفهموها وما كل الناس بيستحقوهـا
ياخي ليك تحية وبانتظار الجلسة الما خمج
تحياتي
أحمد الشايقي
| |
|
|
|
|
|
|
Re: المواضيع المملة بالبورد (Re: عباس الدسيس)
|
Quote: عباس يا أخوي بحاول أتعلم إسباني لأنه الإسبانش آيز قتلننا ثم لم يحيين قتلنا ، بالإضافة إلى ذلك بشجع ريال سوسيداد والترجمة أطال الله عمرك
|
almulaomar سلام يا حبيبنا كدا انت طوالي بتكون مأزم وزعلان في وجود البرسا ومدريد وبقية العقد الفريد تحياتي وتقديري
| |
|
|
|
|
|
|
Re: المواضيع المملة بالبورد (Re: عباس الدسيس)
|
Quote: والله يا عبس مدنى دي فيها سر غريب في التماذج وقبول الاخر ...انت خليك من الدباغة نحن في "ام سويقو" ياخي كنا مزيج ما عادي ... نصر الدين كزو من الكاميرون ابو بكر اصولهم من السنغال وجيمس جنوبي وناس صفر كدا اصولهم شامية وبتاع الفرن عبد الله غيلان يماني وناس حجة مريم بتاعت الفول نيجيرية ... طبعا الفئة ديل الاجانب العديييييل ونحن طبعا السكوت "المحس" المنعوتين والمدموغين بالعنصرية بالاضافة لبقية القبائل المستعربة .... فعلا والله يا عباس الواحد عمرو ما حس بي التفريق الهسي حاصل دا... دخلنا المدارس مع بعض وسبحنا في القورولعبنا دافوري واتدافعنا لي باسطة الشانزليزيه وسلا وما كان التعايش مصطنع او فيهو تزلف اوتكلف ... عشان كدا الزول الربى في مدني مفروض ياخد جنسية براها ...مش كدا وبس مفروض ناس الانثربولوجي يعملوا دراسات في سر انسان مدني .... والله الحاصل يا عباس لي ناس مدني لما يشوفوا هسي النعرات دي حاجة تطرش .... والمشكلة انو ما زادوها الا ناس الضهاري الفجأة لقوا روحم في المدن وعندهم باور سلطوي مستصحبنو من بيئتهم القائمة على الاقصاء اساسا ابقى عافي حبيبنا |
طاهر ودحلتنا سلام وتحية عشنا في زمن تاني ما بتكرر الواحد اطلع من الصباح ارجع البيت المغرب ما إسأل من اكل شي قدوقدو من فريق فلاته ومرة عجور وطماطم من الجنائن ولو اتقفلت عليهو بقع النبق والمسكيت من الجروف شكل الحياة كان جميل قبل كم يوم في استراحة بتناقش معاي زول قال الانسان الوحيد من السودان لما اعرفك بي نفسو اقول ليك انا مدني بدون ذكر القبيلة تحياتي وتقديري
| |
|
|
|
|
|
|
Re: المواضيع المملة بالبورد (Re: adil amin)
|
Quote: ههههههههههههههههههههههههههههههههههههههههههههههههه
كامل التضامن مع حبيبنا الديسيس وشيطانيه الإثنين ..
ههههههههههههههههههههههههههههههههههههههههه
|
هع حبيبنا خالد ابو الرجال كفو .... ما بتقصر عكازك دا اطمن قبيله
| |
|
|
|
|
|
|
|