حكى لي صاحبي انو ابوه قال لي اختو اللي هي عمة صاحبي انو فلان قريبنا بتو جاها واحد دبلوماسي عاوز اتزوجها ... ردت عمة صاحبي ع ب بري والله ما بنديها ليه ..ابو صاحبي قال ليها ع ب شنو دبلوماسي دي وظيفة كبيرة ...وزول حر ... ردت العمة اها كان كدي خلاس.... انتهت ....
سلام ابو علوة عنصرية العمة و موضوع الزواج دا أصله ما مشكلة ولا بفرق مع من تقع عليه مثل هذه العنصرية الاجتماعية بقدر ما تفرق عنصرية الدولة و تمييزها في الحقوق و التمنية وغيرها المعني دبلوماسي يعني وصل للخارجيةو أخذ حقه في التوظيف رغم ما وقع عليه من تمييز بسبب جهل هذه المرأة المشكلة في من بسبب العنصرية و نظرة القائمين على الأمر لهم كعبيد ما يلقوا نفس الفرصة في التوظيف أو التعليم اساسا بل ولا حتى حق الحياة في رقبتها, دي العنصرية العايزة حل و قلع ووعي حينها عنصرية العمّة و رفضها للنسب هيّن
02-18-2016, 11:39 AM
محمد حمزة الحسين
محمد حمزة الحسين
تاريخ التسجيل: 04-22-2013
مجموع المشاركات: 1437
يا مستنير، ما ممكن القصة دي تكون إنتهت هنا!! الحبكة دي لا تفتح حوار لأنو نحن هسع عنصرية العمة عرفناها لكن مستنين تمامة القصة عشان نشوف الأبو عنصري ولّ لا!!
02-18-2016, 02:24 PM
علي دفع الله
علي دفع الله
تاريخ التسجيل: 08-31-2012
مجموع المشاركات: 4740
يا رسول الاستنارة دوك ابو بكر انت نسيت ولا شنو في حديثك الصحيح (الاستنارة دي دربها حااااار) صدق المستنير ابو بكر ... الابو برضو عنصري وقال لي اختو دبلوماس وظيفة... الزول حر ... الحوار في المنطقة دي يا دوك محتاج لادوات اهمها التطبيق العملي للمساواة وليس منوط بيه الدولة ولا النظام بل منظمات المجتمع المدني وكل المثقفين والمستنيرين والتقدميين والناشطين ويبدوا في حيزهم المكاني المتواجدين فيه ..ومحتاجين حملات تنويرية في كل المدن والقرى والارياف ونوصل صوت واحد انو السودان هو الماعون الجامع ولو تركناه للعنصرية الايجابية والسلبية لن يكون هناك وطن اسمو السودان ..... ----------- انت عارف انا لمن اقرى السجال العنصري البدور في البورد هنا صراحة وصلت لي قناعة انو نحن كمعارضة يجب ان نؤسس لمنابر لمحاربة العنصرية والتوعية قبل مناداتنا بالثورة على النظام ...لان هذا النظام قوى وجوده بهذه العنصرية .. وحينما نقدر على ان نوصل لهذا المجتمع السوداني بانهم شركاء جميعا في نهضة الوطن من غير اي فرز عرقي او جهوي ويصدقوا هذا الطريق الجديد ثق هذا النظام سيتلاشى ونؤسس لسودان جديد يسع الجميع .. مودتي
02-22-2016, 04:51 AM
Hasheem Karouri
Hasheem Karouri
تاريخ التسجيل: 12-20-2015
مجموع المشاركات: 2790
Quote: وصلت لي قناعة انو نحن كمعارضة يجب ان نؤسس لمنابر لمحاربة العنصرية والتوعية قبل مناداتنا بالثورة على النظام ...لان هذا النظام قوى وجوده بهذه العنصرية .
ده كلام انسان حصيف ، وواقعي .
العلاج بتوعية الناس مرات ، ومرات ..
تسلم ياعلي ،،،،،
02-18-2016, 12:05 PM
Elsanosi Badr
Elsanosi Badr
تاريخ التسجيل: 03-29-2008
مجموع المشاركات: 4166
قال محدثي السوداني وهو ينظر الي التلفزيون: عليك الله شوف العب ابو شلاليف ده
فنظرت الي التلفزيون فرايت عمر البشير وقلت لمحدثي تقصد الرئيس فقال لي: ايوه
وعندها عرفت ان العنصرية في بلادنا لها بعد تراكمي بمعني ان محدثي ينظر الي البشير ك عب له (شلاليف) وعمر البشير ينظر الي سودانيين اخرين كعبيد لا يستحقون الحياة
ما بين عنصرية محدثي وعنصرية عمر البشير المتعنصر عليه والاخرين من السودانيين المتعنصر عليهم سكة طويلة من محو المرض والجهل
02-18-2016, 12:22 PM
محمد المسلمي
محمد المسلمي
تاريخ التسجيل: 08-08-2009
مجموع المشاركات: 11831
Quote: سلام ابو علوةعنصرية العمة و موضوع الزواج دا أصله ما مشكلة ولا بفرق مع من تقع عليه مثل هذه العنصرية الاجتماعية بقدر ما تفرق عنصرية الدولة و تمييزها في الحقوق و التمنية وغيرهاالمعني دبلوماسي يعني وصل للخارجيةو أخذ حقه في التوظيف رغم ما وقع عليه من تمييز بسبب جهل هذه المرأةالمشكلة في من بسبب العنصرية و نظرة القائمين على الأمر لهم كعبيد ما يلقوا نفس الفرصة في التوظيف أو التعليم اساسا بل ولا حتى حق الحياة في رقبتها, دي العنصرية العايزة حل و قلع ووعي حينها عنصرية العمّة و رفضها للنسب هيّن
شكراً ليك يا محمد البشرى لكن داير أضيف إنو العنصري المتعدي على الآخرين بالكلام والإهانة برضو القانون بي يحاسبوا، او المفروض يحاسبو.برضو في المثال السابق دا لو اب رفض زواج بنتو بي سبب عنصري، المفروض القاضي يزوجهم لو البنت راضية ، وممكن حتى العريس يشتكي الاب لو قال ليهو الكلام دا في وشو. في حاجة اخيرة، المفروض يكون في حساسية في إستخدام الكلمات العنصرية، انا ما قادر احددها كويس، لكن إستخدام الكلمات دي المفروض يكون في سياقات محددةحتى لو نحنا ما عنصريين ودايرين نحكي عن عنصريين، هسه عنوان البوست دا زاتو انا شايفو مسئ . رايكم شنو؟
The American lexicon is filled with slang, but some colloquialisms are best avoided by anyone with a modicum of racial sensitivity. Not only are they frowned upon, they're also considered racially offensive. Take the expression "honest injun." In January 2010, then Republican National Committee Chairman Michael Steele used the colloquialism to assure voters that his party did not need a makeover to be more relevant in contemporary America. After Steele's remarks, the American Indian community reproached him for using a term that's functioned to denigrate Native peoples for decades. Unfortunately, "honest injun" isn't the only term in popular use with dubious origins. Racist terms have been included in the American vocabulary for so long that many who use them are clueless about their offensive origins.
تحياتي لكم جميعا وحا ارد علي مداخلاتكم جميعها ------------ انتو عارفين حتى داخل القبيلة الواحدة في عنصرية يعني جعلي الجزيرة وبقية الاقاليم الهاجر من زمان وارتبط باهل المنطقة الهو فيها مشكوك في جعوليتو ومحس الجزيرة وشرق النيل فرز تاني و كواهلة الجزيرة البطانة بكواهلة كردفان و في قبايل البجة الحباب والخاسة مصنفين اقل من الهدندة والبني عامر والبشارين وفي البرقو تلقي الواحد يعرفك بي برقاوي صليحابي كأنو الما صليحابي اقل درجة والزغاوة فيهم اللحدادين والزغاوة الاصليين و معظم المكونات القبيلة للامة السودانية تجد فيها هذا التمييز حتى في داخلها .. --#####'------ الكلام الفوق دا ما علمي ولا نابع عن دراسة بل هو تجارب انا عايشتها بعض وقاءيعها حكاية او تجربة معاشة يعني العنصرية متأصلة في مكوننا الاثني ... بكل اثناته .. اجزم انه لا نقاء عرقي يمثلنا سواء للمتمردغين في العروبية او في المتمردغين في الافركانية .... ----####--- حا اواصل ..
02-18-2016, 01:41 PM
محمد المسلمي
محمد المسلمي
تاريخ التسجيل: 08-08-2009
مجموع المشاركات: 11831
شفت كلامك الكتبتو الخاص بتزويج القاضي لبنت اي زول يرفض زواجها لي سبب عنصري ما بجي الا بدولة محترمة ونظام ديمقراطي ...ودا ما بتم الا ببذل جهد مجتمعي من كل طوايف المجتمع تماشيا مع نهض الهمم لكنس هذا النظام البغيض ... اما بخصوص العنوان انا بتفق معاك انو مسيء ولكن دايرين نبداء بي الكلام الصريح والغطغطة واحدة من افاتنا في معالجة المشاكل ... وطيلة تاريخ تاسيس الدولة السودانية ما اظن هناك مشكلة وكارثة ممكن تفرتق وتشتت الوطن اكتر من العنصرية #يلا مع بعض لمحاربة العنصرية # تحياتي
02-18-2016, 02:54 PM
علي دفع الله
علي دفع الله
تاريخ التسجيل: 08-31-2012
مجموع المشاركات: 4740
دكتور السنوسي بدر ازيك زي ما قلت عمر البشير كما نسب اليه في حديثه عن الغرباوية شايف روحو اعلى مرتبة من تلكم النواحي وفي نفس الوقت هو ذات نفسو تمارس عليه العنصرية من مكون اخر من نفس البلد الهو حاكمها .... من هنا لابد ان نؤسس لي وطن يسع كل السودانيون و نرتضي بالسودانوية ربما نصبح امة لها اعتبارها ويمكن ان نعبر بالوطن لضفة الامان ...وناخد كل ماهو جميل في اختلافنا ونرمي كل ماهو قبيح مودتي
02-18-2016, 02:02 PM
علي دفع الله
علي دفع الله
تاريخ التسجيل: 08-31-2012
مجموع المشاركات: 4740
Quote: ما زال وعينا الاسري يرفض زواج العـــــ ب والفرخ .... حدي يتبرع يورينا الفرق بين العـــــ ب والفرخ شنووووو : : : : : : : : :
خلي في وعيكم الاسري في وعيك انت شنو ؟؟؟؟؟؟؟؟؟؟؟؟؟ وكويس انو صاحب البوست قال ليك لا تعليق قلت لي الفرق بين بين الفرخ والعب شنو ؟؟؟؟؟؟؟؟؟؟ كدي اسال الحبوبات وبوقعن ليك السؤال ده
02-18-2016, 01:57 PM
علي دفع الله
علي دفع الله
تاريخ التسجيل: 08-31-2012
مجموع المشاركات: 4740
تحياتي ود البشري كلامك كلو صحيح بس انا عاوز منو البقيم دا عب ودا حر ؟؟؟؟؟ باللون او الاثن او الجهة .اذا استصحبنا انو داخل الكيان الاثني الواحد تلقى في فرق ... العاوز اوصل ليه انو نترك عنصرية الحبوبات والعمات والجدود ونقتنع انو اي سوداني حر اين كانت منحدراتو الاثنية .. ومحتاجين برضو انو كل سوداني امتعالي بي قبيلتو يعرف انو مهما تعالى سيجد من يحتقره واي سوداني عندو احساس بالتهميش لا يعمم احساسو علي بقية المكون للامة السودانية ويحس بأنو وجوده داخل هذه الامة مقوي لها وليس خصما عليها .. #معا لسودان خالي من العنصرية# مودتي يا حبوب
02-18-2016, 01:42 PM
علي دفع الله
علي دفع الله
تاريخ التسجيل: 08-31-2012
مجموع المشاركات: 4740
سلام ود دفع الله سليل الانساب. ههههههه الدبلماسى سرق القلب وما حاسى. مرة كنت فى قرية صغيرة هادية......ناسها مشهورين بالطيبة والكرم....وانا جاى من السوق فى طرف الحلة كدارى.... وقف بتاع الكارو.....يا ابن العم ماشى الحلة....قلت ليهو نعم.....ماقدرت اقاوم متعة الكارو وخصوصا اذا كان فى اللستك كركاسة....تنقز نقزات ايقاعية جميلة مع الونسة.....انت مع ناس البترول ....ايوة عندنا كم يوم كدا وماشين لى قدم....عندى عم متزوج من المناطق دى.....اسمو منو.....قلت ليهو فلان الفلانى......هو عمك......تعال نحكى ليك قصتو....البت المتزجها بت عم لينا....هم كانو طلبة فى الجامعة.....فى يوم لمونا عجائر الحلة......وقالو لينا مافى زول فيكم يمشى عرس الناس ديل....العريس عب....وهم ذاتهم فيهم عرق عبيد....اتلمو مع بعض....زول يقرب منهم ما فى.... بعد كم يوم لمونا العجائز بى سرعة.......والحلة كلها فايرة.....الكلام القلناهو ليكم يوم داك كلام جهلاء.....هسى استرونا مع الضيوف.....الناس جاءت كميات كبيرة........وعجائزنا حلفو للعريس يسكن فى الحلة......لكن انا شغال فى الخرطوم.....شغال فى الخرطوم لكن بيتك هنا.....قال لى شايف البيت السطوح داك دا بيتو.....قدمو قدم خير للحلة....هسى امشى فى الحلة قول فلان العب.....والله ما تمرق حى......ضحكنا.....خلاص انا وصلت يا ابن العم شكرا ليك.
02-18-2016, 03:42 PM
عمر دهب
عمر دهب
تاريخ التسجيل: 10-19-2014
مجموع المشاركات: 2010
قبل سنوات كنا نجلس فى حديقة عامه مع صديقان واسر كثيره حولنا جاءنا رجل خليجى وجلس معنا واثناء ونسته قال لنا مجاملا انه جلس معنا لان امه عبده من عندنا اى والله ياعلى قالها بكل براءة حتى انه لم يشعر بانه جرحنا ان اهل الخليج لايفرقوا بين اسم السودان كوطن وكلمة سودانه وحكى لى صديق وحبيب ايضا ان زوجته بت العرب ذهبت لجارتها الخليجيه التى اخبرتها وقالت لهل ( والله كان عندنا عبده جارتنا طيبه مثلك رحلت مادرى وين صارت) ان اهل الخليج فى الموروث الشعبى كلمة سودانه تعنى ارض السودان وكل اغبش هو اصله من السودان صحيح انهم لا يستخدموا اللغه العنصرية حاليالان فيها سجن ولكن موجوده فى الوجدان وخلف الظهر فى اجازه ما قبل عشرة سنوات قلت لعمى فى السودان رحمه الله فى مناقشه ( والله ياعمى انا هناك عب ) غضب عمى غضب حقيقى وخاصمنى وسرد لى من الانساب حتى قرب يقنعنى المهم فى الامر اننا لانعانى من ازمة وليس لدينا عقد كسوادنه بل هى مصدر فخر لنا ولكن مشكلتنا مازلنا فى وهمنا القديم
02-18-2016, 08:41 PM
علي دفع الله
علي دفع الله
تاريخ التسجيل: 08-31-2012
مجموع المشاركات: 4740
عمر دهب يا صاحب ما دا المجنن عمك زاتو ...يعني بي هنا عاملين فيها اشرف الاشراق وبمارسوا كل اشكال العنصرية وبمجرد ما يمشو لكل اليلدان العربية من غير اي تمييز تصنيفهم عبيد.. عشان كدة السودانوية تجمعنا و فيها متسع ولكن .... #معا ضد كل اشكال العنصرية # مودتي
02-18-2016, 08:30 PM
علي دفع الله
علي دفع الله
تاريخ التسجيل: 08-31-2012
مجموع المشاركات: 4740
ايمن نواي يا صديقي المثال الذكرتو دا كتييييير وبكون من العامة وتصدق هؤلاء البسطاء اذا وجدوا تنوير صادق وعملي ستجدهم فطريا اكتر تقبلا لانهم صادقين .... . يا اخي هؤلاء اليسطاء صدقوا خزعبلات الانقاذ الدينية فما بالك لو وجدوا اناس صادقين في ترسيخ مباديء المواطنة و تساوي الناس بغض النظر عن اي فوارق طبقية او جهوية لكن الكارثة في الصفوة البمارسو العنصرية . مودتي
02-18-2016, 02:55 PM
Hasheem Karouri
Hasheem Karouri
تاريخ التسجيل: 12-20-2015
مجموع المشاركات: 2790
عجبني التوضيح بتاع ( الحزازات) الموجود بين القبائل في كل السودان لانو الشغلة ليس حكرا على المجموعات العربية كما روج بعضهم هنا مرارا وتكرارا
...
قانون الدولة السودانية بشكلها الراهن يساوي بين جميع المواطنين ومنذ الاستقلال وحتى تاريخه لا توجد قوانين تمييز عنصري كما كانت في امريكا شيكا بيكا او جنوب افريقيا . الصراعات الشعبية قليلة اذما قورنت مع التعايش العام بين المكونات وما يحدث من هتافات قليلة موجودة في عدة اماكن سوا اوربا او امريكا والسودان ليس استثناء
....
الزواج صحيح تلعب الاسر فيه دور كبير رغم حالات الرفض المبنية على احتلاف القبيلة الا ان هناك كثير من الزيجات تمت سوا في التاريخ القديم او الحاضر وده يرجع لاثر التعليم في حياة الناس وخصوصا المدن . حتى من يرفض تزويجه لسبب عرقي لا يقال له ذلك مباشرة بحلوها بشوية حاجات البت مخطوبة لود عمها دايرة تقراء . وده في حد ذاته تطور ملحوظ بالنسبة لمجتمعات شبه بدائية كما الحال في السودان .
..... اخيرا
لو كل زول فينا شات في خط ايجابي العنصرية بتتلاشى بسرعة و
لزوم اخوانا السلفية لما ارجع للحكم بتاع ربنا
في الكفارة والمقررة عتق رقبة بلقى انو لو كل مسلم (مسلم اصلي) مش على الورق في زمن تجارة الرقيق عمل بالنص القرأني في تكفير الذنب ما كان بكون في استرقاق وده ممكن نقول عليه محاربة الاسلام للعنصرية بطريقة ايجابية ( الشتلة هنا لسة ما نجضت نثبت حقوق الملكية الفكرية بس ) وكلنا نعلم ان العبودية ما كانت حكرا على الافارقة فهناك عرب صاروا عبيد وهناك روم صاروا عبيد وفرس وغيرهم وابرها لما دخل مكة قطع شك شحن كم فيل بالجواري تجاه اديس قبل ما تجيه الطير الابابيل
02-18-2016, 09:45 PM
علي دفع الله
علي دفع الله
تاريخ التسجيل: 08-31-2012
مجموع المشاركات: 4740
الجنيد ود حمد انت عندي من الاقلام العاقلة ورزينة ولمن يكتب ليس شهوة للكتابة بل لأرسال رسالة ... عجبني تعبيرك(لو كل زول فينا شات في خط ايجابي بتتلاشى وبسرعة) القول ما قلته ..كفاية تنظير يجب من الان ان نبداء في حملة لتوصيل صوتنا #معا لسودان خالي من العنصرية) تحياتي يا صديق
02-18-2016, 04:08 PM
حامد بدري
حامد بدري
تاريخ التسجيل: 03-10-2013
مجموع المشاركات: 2749
Quote: انتو عارفين حتى داخل القبيلة الواحدة في عنصرية يعني جعلي الجزيرة وبقية الاقاليم الهاجر من زمان وارتبط باهل المنطقة الهو فيها مشكوك في جعوليتو ومحس الجزيرة وشرق النيل فرز تاني و كواهلة الجزيرة البطانة بكواهلة كردفان و في قبايل البجة الحباب والخاسة مصنفين اقل من الهدندة والبني عامر والبشارين وفي البرقو تلقي الواحد يعرفك بي برقاوي صليحابي كأنو الما صليحابي اقل درجة والزغاوة فيهم اللحدادين والزغاوة الاصليين و معظم المكونات القبيلة للامة السودانية تجد فيها هذا التمييز حتى في داخله
العبودية حالة ذهنية اكتر من انها قصة لون اها في منطقتنا في شمال كجبار عندنا اولاد اهلنا من حتة اسمها كدرمة وتعني بلغتنا الحجر الاسود الناس ديل شايلين من كدرمة لونها الكالح السواد مابتشوف علا بياض سنونم وابدا تحليلك ده ماراكب معاهم حتى قصة صلحابي وحدادي ومسيري ازرق واحمر دي من باب كل فتاة بابيها معجبة والعنصرية في السودان ماوصلت درجة خطورة عالية يمكن مع الانقاذ زادت الفتنة والحمد لله عندنا تمازج وترابط ومدن كاملة مافيها من العنصرية الا كلمات ترمى هنا وهناك وياريت لو القوانين تفعل حتى في مجال الكلمات لانها مؤذية
02-18-2016, 05:06 PM
أيمن نواى على
أيمن نواى على
تاريخ التسجيل: 05-02-2015
مجموع المشاركات: 4327
الاستاذ على دفع الله اتخيل لى الاقطاب المختلفة بتجاذب......هسى انحننا بناتنا....جنهم وجن الولد الشعرو سبيبى.....الواحدة تدعك فى جسمها شئ حمام وشئ كريمات.....حتى لو يجيها سرطان ما يهمها....دايرة تفتح لونها بى اى طريقة.....همها كلو تفوذ بالولد الشعرو سبيبى دا.....قدر ما حاولنا نغير من رايهم ما قدرنا.....كنا بنغير من الود اب شعرو سبيبى......لكن لمن حصلت درجة المرض....استسلمنا وختينا السلاح ارضا موافقين بس يقنعها تخلى الكريمات المسرطنة. وبناتكم مجننا خدارى مابخلى...يا الاخدر لونو زرعى. القرقورى دا......سماحة الزول فى الطول والعلا قنبلة النباوى دا. يا يمة لو شفتى خايفاكى تعشمى فيه....من يومك الشفتى تبركيلو فيكى....بس فى الميناء بس شفتى....ودالغرب. والله يا ود دفع الله الواحد زاتو احتار يعمل شنو.
02-18-2016, 05:09 PM
ايمن الصادق
ايمن الصادق
تاريخ التسجيل: 01-02-2013
مجموع المشاركات: 1130
لست بمتشائم . ولكن لن نخرج من هذا الوحل أبدآ ... لأنه لا شئ يلوح في الأفق . بمعنى : لا مشروعات قوانين تحد من هذا ، ولا مناهج دراسيه ، ولا بيوتات للتوعيه والتثقيف في هذا الجانب ( الناس سواسيه ، ولافرق بين عربي ولا أعجمي إلأ بالتقوى ) ... يعني الموضوع مش عند ناس مخرفين وكبار سن وسينتهي مع تجدد الأجيال . ............... بإمكان أحدكم الذهاب لأقرب جامعه ، والتمعن في الشلليات والقروبات " يااااااااااااااااااااااااااااااااااااااااااااااااااه ... كثير منكم بيذكر التنوع اللكان سمه من سمات شلليات وقروبات الجامعات ، واليوم للأسف قلَ أن تجده . المهم جدآ لطفك ربي .
02-19-2016, 01:02 PM
علي دفع الله
علي دفع الله
تاريخ التسجيل: 08-31-2012
مجموع المشاركات: 4740
المكرمون/الأخ علي دفع الله و ضيوفك، السلام عليكم، كتب أخونا حامد بدري،
Quote: العبودية حالة ذهنية اكتر من انها قصة لون
هنا بيت القصيد يا حامد أخوي، العبودية دي إذا كانت بالمعاييرالجاهلية، ما في زول في السودان دا مارق منها. لكن الكل يريد الهروب من ذيل القائمة فيحاول أن يجد له ذيل آخر ليستريح نفسياً.
ود دفع الله حبابك بيحكي مصطفي مدني ابّشر في مذكراته انوا قال للوالدة ربنا يرحمها انهم في امريكا بقولوا ليهم عبيد اموا دقت صدرها وقالت ليهو (سجمي يا مصطفي ياولدي انت ماقلت ليهم انا ود مدني ابّشر)😂 كلام زين والقصة مجوبقة كلنا شايفين روحنا اسياد علي بعضنا عشان كده بنستعلي علي بعض حتي القبيلة الواحدة عندها درجة اولي ودرجة تانية بل وصلت مرحلة اكعب مرحلة المال الزول بقيموا بي مالوا حتي الحرامي بيحترموا مدام عندوا مال فالقصة زي ماقلت فهم ومصيروا يندثر او يتحول لي تنافس اقطاعي طبقي او استعلاء ثقافي غير موروث بمعني ود الخرطوم ود النيلين او دكتور ومهندس وود الاستاذ اشكالها عديدة ومعقدة لك ودي
02-18-2016, 06:07 PM
جمال ود القوز
جمال ود القوز
تاريخ التسجيل: 01-25-2013
مجموع المشاركات: 5925
نسال الله ان يبعد العنصرية من بلدنا فهي اس المصايب من وجهة نظري رفض النسب حق اصيل لاهل العروس و لا ارى اي عننصرية في رفض فلان وقبول فرتكان يعني كان رفضوا العريس المشكلة شنو ؟ ولا لازم يتم اجبارهم على الموافقة عشان يكونوا ناس متحضرين وفاهمين ده ماحل للعنصرية لانه اساسا ده مامكان لعلاج العنصرية باجبار الناس على تزويج بناتهم بالاكراه لارضاء فئة في المجتمع تحس بانها اقل قدرا من باقي الناس
02-18-2016, 06:48 PM
جمال ود القوز
جمال ود القوز
تاريخ التسجيل: 01-25-2013
مجموع المشاركات: 5925
لازم كل زول يعتز بأصله وفصله .. ومايكون عنده أي عقده نقص أو دونية تجاه جنس معين .. أو يحس بان هناك أثنية أعلى منه قدراً أوشأناً .. فيحاول ويجهد نفسه ببذل الغالي والنفيس لنيل نسب .. قد لايأتيه من وراءه الا التعاسة والشقاء .. بعدين والله داير أعرف .. الفرق بين بنات أهلك .. وبنات البشر الباقيين شنو .. ميزتهن شنو ؟ الزيادة عندهن شنو ؟ .. ولا حاجة .. والله بنات اهلك أكثر تميزاً .. على الأقل بتكون وسط ناسك وأهلك ..
صدقاً .. رفض النسب مافيهو عنصرية عشان الناس ما تخلط المواضيع ساي .. وتجوط الشغلة .. يأخ مرات عمك ذاااتو بيرفض يعرس ليك بنتو .. أها الواحد يقول شنو يعني .. عمي ده عنصري ..
ما الواحد بياكلها في حنانو ويلملم باقي كرامته وبتخارج .. هو ذاتو كان الزول ماشليق البوديهو لامن يترفض شنو !! .. تجس الوضع من بعيد لقيت الوضع ماياهو .. طوالي تنبرم وخيرها في غيرها .....
بلا جرس بلا عنصرية .. ده شاكوش راسو عديل .. دايرين يغتوهو بي حكاية العنصرية دي .. وشاكوش أهل البنت أسخم من شاكوش البنت ذااتا .. لأنه داك مفعوله مستمر وناااااشف ..
بعرف زول رفضوهو .. فكر ينتحر لتعلقه بالبنت .. الناس أقنعوهو بانه دي مانهاية الدنيا .. إنه ناس يرفضوهو .. أها بعد زمن .. قابلت نفس الشخصية دي .. إتجرات وفتحت معاه الموضوع القديم داك .. والله حلف قال لي ضفر المره المعاي دي .. بي فلانة وأهلها الرفضوني .. يبقى الشغلة مرات بتكون لي خير .. يرفضوك ناس عشان تلقى من توافقك وتعجبكـ في حتة تانية ..
كل إثنية لها خصوصياتها .. المفروض كل زول يعتز بي اهله وناسو .. ودي مافيها أي عنصرية .. بعدين بنات أهلك كان خليتن الماش يعرسن ليك منو .. لازمن الواحد يغتي قدحو .. ويكون أبو القدح ذاتو .. زي نكتة العريس أبو القدح داك .......
02-18-2016, 07:01 PM
جمال ود القوز
جمال ود القوز
تاريخ التسجيل: 01-25-2013
مجموع المشاركات: 5925
Quote: تزويج القاضي لبنت اي زول يرفض زواجها لي سبب عنصري ما بجي الا بدولة محترمة ونظام ديمقراطي
أين احترام الدولة وهي تنتهكـ حرية إختيار الناس ؟!!! ..
ياعلي ماتندفعوا ساي .. وتبنوا آراء على حيثيات خاطئة .. فرضاً أب رفض عريس لسبب عنصري .. العلاج بكون بأنه يتم تزويج بنته رجالة .. وغصباً عليهو ..!!! ولى زول ما دايره .. ده كلام شنو يازول ده ..
قولوا كلام معقول يأخ ......
02-18-2016, 06:43 PM
صديق مهدى على
صديق مهدى على
تاريخ التسجيل: 10-09-2009
مجموع المشاركات: 10216
أستاذ/ ود القوز، سلام، رغم أن التاريخ القضائي السوداني فيه عدد من السوابق التي قام فيه قضاة بتزويج بنات عاقلات رشيدات الى أشخاص هن يرغبن فيهم رغم إعتراض الوالدين، لا أظن أن أحداً عاقل يطالب بإصدار قوانين تلزم الآباء و الأمهات بتزويج بناتهم غصباً عنهم. و من يفكر مثل هذا التفكير هو من يعاني من مشكلة دونية. في مثل عامي بيقول: الجعلك حمار أجعلو بعراية الحمار. حسب معرفتي المتواضعة، لا توجد قوانين تحرم مجموعات معينة من مواطني السودان من حقوقهم المدنية. المطلوب هو التفعيل للقوانين الموجودة في الكتب. قد نحتاج إلى سن قوانين رادعة تجرِّم الأقوال و الممارسات العنصرية و تفعيلها.
أسعد كثيراً عندما أجد من الكتاب في هذ المنبر من يطرق بقوة على (أس) مشاكل شمال السودان ... الذي يزخر بأشكال وألوان من العنصرية والاستعلاء العرقي حتى بين أفراد البيت الواحد ناهيك عن القرية الواحدة أو القبيلة الواحدة.............................
وأجزم أن المعالجة الوحيدة - التي لابد أن تحدث في شمال السودان وعلى مستوى الدولة: السلطة والثروة - هي أن (يسود التحوت على الوعول)
أي (أن يحكم العبيد من يصفون أنفسهم بالأحرار أو الأسياد) ... رغم أن السيد الوحيد هو الرب خالق البشر من طين .........................
وكل البشر عبيداً له .............
وما جاء الإسلام إلا لإخراج الناس - كل الناس - من عبودية الناس إلى عبودية رب الناس... فمتى استعبدتم الناس وقد ولدتهم أمهاتهم أحراراً؟
............................................ ولكن عمر ليس كعمر؟
الاخ صديق ميرغني ازيك انا لمن قلت لا يوجد نقاء عرقي كتت قاصد الاضداد الاتنين عنصريي العروبة وعنصريي الافريكانية ..قلنا ليهم تعالوا للسودانوية بتجمعنا والله بتجمعنا .... وانا من اليوم فصاعدا ما عندي شيء حا اعملوا فيما تبقى من حياتي غير محاربة العنصرية والتوعية في كل مجالات نشاطي في الحزب في مجموعات التواصل الاجتماعي في منظمات المجتمع المدني الشغال فيها ...وحا افرد مساحات في صحيفة الميدان باعتباري صحفي ومراسل معتمد لها في سنار ..وفي بيوت البكاء والفرح في اي ندوة في الجامعات والمدارس ... تعالوا نبداء #معا من اجل وطن خالي من العنصرية# تحياتي
02-19-2016, 01:11 PM
علي دفع الله
علي دفع الله
تاريخ التسجيل: 08-31-2012
مجموع المشاركات: 4740
الاستاذ عثمان دنقس زي ما ذكرت في مداخلة سابقة العنصرية في السودان تمارس حتى داخل الاسرة الواحدة ... و نتمنى اننا نؤسس لطريق ثالث ونوعي اجيالنا القادمة بأنو في تداخلنا وتمازجنا حا نبقى ..وبتعالينا سنتلاشى ... مودتي يا محترم
02-18-2016, 10:13 PM
علي دفع الله
علي دفع الله
تاريخ التسجيل: 08-31-2012
مجموع المشاركات: 4740
حامد بدري يا صديق اذا تحليلي ما ظابط معاك على ارض الواقع صدقني حا اكون سعيد سعادة لا توصف واتمنى انو كل نواحي الوطن تكون كما في حيزك الجفرافي ... (العبودية حالة ذهنية اكثر من انها قصة لون ) صدقني يا حامد اللون اصبح هاجس كبير وباب هروب من الواقع يا ريت جزءية اللون دي ما تعديها ساي ... مودتي يا حبوب
02-18-2016, 09:36 PM
علي دفع الله
علي دفع الله
تاريخ التسجيل: 08-31-2012
مجموع المشاركات: 4740
Quote: نسال الله ان يبعد العنصرية من بلدنا فهي اس المصايب من وجهة نظري رفض النسب حق اصيل لاهل العروس و لا ارى اي عننصرية في رفض فلان وقبول فرتكان يعني كان رفضوا العريس المشكلة شنو ؟ ولا لازم يتم اجبارهم على الموافقة عشان يكونوا ناس متحضرين وفاهمين ده ماحل للعنصرية لانه اساسا ده مامكان لعلاج العنصرية باجبار الناس على تزويج بناتهم بالاكراه لارضاء فئة في المجتمع تحس بانها اقل قدرا من باقي الناس
تحية طيبة الاخ على دفع الله المثل بقول كله بالخناق الا الجواز بالاتفاق وجهة نظر الاخ جمال عبرت عنى تماما الزواج عندنا ليس ارتباط اثنين فقط بل مجموعة اهل وعائلات ممتدة ويجب اختيار النسيب لبنتك كما تختار لاولادك وموضوع العنصرية هنا لادخل له .. ولا يجب حشر السياسة فى امور العلاقات بين الناس . فمن حقى ان ارى ان فلانا ليس كفؤا لمصاهرتى او يكون زوجا لبنتى مهما كان منصبه او وظيفته او كثر ماله ..
02-19-2016, 00:43 AM
صلاح عباس فقير
صلاح عباس فقير
تاريخ التسجيل: 08-08-2009
مجموع المشاركات: 5482
وأنا أرى أن الأحزاب (الديمقراطية) كان مفروض من أول واجباتها: السعي لبث قيم جديدة، قيم المساواة واحترام الآخر، و... وبالتالي كان يُفترض أن يكون نشاطهم في الاصل، نشاط اجتماعي/أخلاقي، ... لكنهم غارقون في (السياسة)!
02-19-2016, 01:38 AM
الامين موسى البشاري
الامين موسى البشاري
تاريخ التسجيل: 08-09-2009
مجموع المشاركات: 15391
Quote: الحوار في المنطقة دي يا دوك محتاج لادوات اهمها التطبيق العملي للمساواة وليس منوط بيه الدولة ولا النظام بل منظمات المجتمع المدني وكل المثقفين والمستنيرين والتقدميين والناشطين ويبدوا في حيزهم المكاني المتواجدين فيه ..ومحتاجين حملات تنويرية في كل المدن والقرى والارياف ونوصل صوت واحد انو السودان هو الماعون الجامع ولو تركناه للعنصرية الايجابية والسلبية لن يكون هناك وطن اسمو السودان
كلام في محلو محاربة العنصرية معني بها المجتمع وليس الدولة ببساطة لأنو عمر القوانين ما قضت على العنصرية ولكن حدت منها أو يمكن أن تحد منها وتمنع ممارستها عمدا ..
قالوا في زول قال للتاني يا عب .. فما كان من صاحبنا الا وان اشتكاهو للعمدة العمدة في المحكمة بسأل في المتعدي الذي وصف الاخر بالعب وقال ليهو
العمدة: يا فلان انت قلته للزول دا يا عب؟ الجاني: يا عمدة انا خليني انت شايفو شنو؟
باقي القصة تمو خيال يا علي...
محاربة العنصرية تكون بمزيد من الوعي والتعليم
والاهم من دا كلو اعتداد الشخص بنفسه والاعتزاز بها مارتن لوثر كنج لو ما كان فخور بنفسه كان انكسر ولم يستطع محاربتها لكن اذا انت نفسك شايف مستحقر روحك .. اها تحاربها كيف؟! أكيد حتنهزم أمام العنصرية ....
المجتمع السوداني مجتمع قبلي بامتياز ومسألة الزواج دي خاصة جدا وتتدخل فيها الاسر بطريقة سافرة احيانا .. وقد لا تكون المنطلقات عنصرية بالضرورة يعني الرشايدة مثلا ما بزوجوا زول من بره القبيلة.. فهل دي عنصرية؟ وقس على بقية القبائل السودانية
Quote: محاربة العنصرية تكون بمزيد من الوعي والتعليم
يابشارى .. لو راجى الوعى والتعليم يعالجوا ليك العنصرية أطمئنك إنو تقعد للصباح ما حتتعالج .. العنصرية تتعالج فقط بمبدأ لا فضل لعربى على عجمى ولا لأبيض على أسود إلاّ بالتقوى .. والتقوى ههنا ــ فى القلب ــ وليست فى الكتب والإنترنت ..
القلم مابيزيل بلم .. صدقنى ..
وسلام لصاحب البوست ـــ على ـــ وللجميع ..
02-19-2016, 12:02 PM
الامين موسى البشاري
الامين موسى البشاري
تاريخ التسجيل: 08-09-2009
مجموع المشاركات: 15391
Quote: يابشارى .. لو راجى الوعى والتعليم يعالجوا ليك العنصرية أطمئنك إنو تقعد للصباح ما حتتعالج ..
يا منير نسبة الامية في السودان كبيرة جدا ومعظم مشاكلنا يا منير موروثة ومحكية عن جدي وجدك وحبوبتي وحبوبتك وديل المستهدفين بالوعي والتعليم الذي عنيته
Quote: العنصرية تتعالج فقط بمبدأ لا فضل لعربى على عجمى ولا لأبيض على أسود إلاّ بالتقوى .. والتقوى ههنا ــ فى القلب ــ وليست فى الكتب والإنترنت ..
ودي يا منير لازم توصلها للناس عبر التعليم الذي ينتج الوعي بأن كل الناس اولاد 9 زي ما بنقول في العامية . التعليم والوعي مطلوب وبشدة واديك مثال تاني مثلا المشاكل والصراعات القبلية في دارفور نتيجة لعدم الوعي والتعليم بتلاقي الواحد وعشان الاصطفاف خلف النعرات العنصرية بكتل اخوه بدم بارد وبعدها بدقيقتين بكون اتوضأ وعايز يصلي أو ممكن يكون قتله في نهار رمضان وهو صائم ولا يرى في ذلك جريمة او تعدي على الآخرين
كن بخير
02-19-2016, 02:28 AM
Gaafar Ismail
Gaafar Ismail
تاريخ التسجيل: 08-27-2005
مجموع المشاركات: 4911
اعتقد أن حدة النظرة العنصرية قد قلت كثيرا في هذا الزمن وتنحصر حاليا فقط في الجهلاء من الاجداد والحبوبات وبعض المتعلمين . سمعت أن بروف سودانيا في احدى الدول الآسيوية تقدم لزواج ابنته احد الطلبة الأفارقة المسلمين من غرب إفريقيا ، وبعد مشاورته ابنته وموافقتها وافق الرجل على الزواج يُقال أن بعض الغلاة من بني قبيلته لاموه على هذه الزيجة فالقمهم حجرا ودرسا لا يُنسى . لمثل هذا البروف تُرفع له القبعات اجلالا واحتراما. وكما تفضل الأستاذ علي دفع الله " لابد ان نؤسس لي وطن يسع كل السودانيون و نرتضي بالسودانوية ربما نصبح امة لها اعتبارها ويمكن ان نعبر بالوطن لضفة الامان ...ونأخذ كل ما هو جميل في اختلافنا ونرمي كل ما هو قبيح "
تحياتي ووافر احترامي
02-19-2016, 04:30 AM
Hasheem Karouri
Hasheem Karouri
تاريخ التسجيل: 12-20-2015
مجموع المشاركات: 2790
هسي دي زاتها ماعنصرية ..! العنصرية في نظري " المتواضع ) هي : التحييز والتعصب لجنس او نوع او اثنيه او معتقد ديني معين .! فمثلا :
كنت اعيش في ثمانينات القرن الحالي ، في احدي الدول العربية الشرق اوسطية ، لفترة طويلة . واتذكر في اول قدومي لذاك البلد ، اوقفني احد الاولاد الصغار في الطريق ، وامسك بيدي . ( وبل اصبعوا ، وبدأ يحك في يدي ، وينظر لاصبعه ) متخيلا حسب عقله البرئ ، انني لربما كنت مصبوغا ...!! رغم اني في التنصنيف العام ( اعتبر وسطي اللون ) . ليلتها ، جلست افكر ، كيف واننا ننظر ( بتحقير ، واستصغار ) للبعض في بلدي ، كالجنوبين ، وابناء غرب السودان ، وغيرهم من قبائل السودان . هذا الطفل ، اعذره بعض الشئ ، ( فهو لم يري شخصا ( اسودا ) حسب منطقه ، وفهمه البرئ . فالبئية التي نشأ فيها ، لايتوفر مثل هذا اللون .
* ثم قادني حظي الي احد الدول العربية ، فوجدت العنصرية ، موجودة ، وبكثرة ، ذات طرق واوصاف مختلفه . منها المبطن ، الذي تفصح عنه النظرات . ومن ( العديل وبسمعوا ليك في اضانك ) .
فالعنصرية يا اخ علي ، خصلة موجودة في دواخلنا ، و عند كل انسان . البعض تكون هذه الخصلة خامدة ، وخامله . وعند البعض تجدها نشطة .
والسبب الرئيسي للعنصرية في الكون . هو اللون ، خصوصا عندما تدخل لمجتمع جديد ، غريب ، ( عندها تشعر بالنقص ، والدنيونية ) . وعلاجها : الواحد يقعد مع جماعتوا ، واهلوا ، حتي لا تتنشط هذه الخصلة السيئة ، وتفرز الغدد ، وتتحرك النفس الامارة بالسؤء ، وتبدأ الكراهية والبغضاء ...
Quote: أسعد كثيراً عندما أجد من الكتاب في هذ المنبر من يطرق بقوة على (أس) مشاكل شمال السودان ... الذي يزخر بأشكال وألوان من العنصرية والاستعلاء العرقي حتى بين أفراد البيت الواحد ناهيك عن القرية الواحدة أو القبيلة الواحدة.............................
وأجزم أن المعالجة الوحيدة - التي لابد أن تحدث في شمال السودان وعلى مستوى الدولة: السلطة والثروة - هي أن (يسود التحوت على الوعول)
أي (أن يحكم العبيد من يصفون أنفسهم بالأحرار أو الأسياد) ... رغم أن السيد الوحيد هو الرب خالق البشر من طين .........................
وكل البشر عبيداً له .............
وما جاء الإسلام إلا لإخراج الناس - كل الناس - من عبودية الناس إلى عبودية رب الناس... فمتى استعبدتم الناس وقد ولدتهم أمهاتهم أحراراً؟
02-19-2016, 09:24 AM
Ahmed Yassin
Ahmed Yassin
تاريخ التسجيل: 01-31-2013
مجموع المشاركات: 5507
شوقي بدري ذكر في كتابه انهم في عام 1964م في (تشيكزسلوفاكيا) السابقة مجموعة من الطلبة العرب بالقرب منهم .. اخدوا صنة كدة والتفتوا عليهم سائلين:ـ الشباب عاراب !!!!؟؟؟ و .. ناسنا طنشوهم وماردوا عليهم .... سالوهم تاني ليش عم تحكو عارابي ؟؟ !!!!!!
02-19-2016, 09:39 AM
جمال ود القوز
جمال ود القوز
تاريخ التسجيل: 01-25-2013
مجموع المشاركات: 5925
Quote: في مثل عامي بيقول : الجعلك حمار أجعلو بعراية الحمار.
أستاذي عثمان دنقس .. والله ده الكلام .. هو زول عليك الله .. رفضني وشافني أقل منه شأنا ( وده شيء أكيد ماحاصل ) .. تاني شن بدوربو .. والله كان لقيتو في الشارع ده أخليهو ليهو .. مش أعرس بنتو واتلصق فيهو زيادة .. البشتنه وعدم الكرامة فوق كم !! ..
بعدين مهما حاول الآخرين .. تبسيط واختزال الأمر .. أنا شايف شغلة العرس دي أبداً ما مفتاح لعلاج عنصرية .. لأنه العرس ببساطة شديدة .. لا علاقة له بعنصرية مزعومة خطلاً وزيفاً .. وجهة نظري العلاج ما من هنا .. عشان الناس تقدر شوف محل العنصرية وين وتعالجه .. لازم تشخص الامر كويس .. حق التزويج والرفض حق أصيل لوالد العروس وأهلها .. لأنه الزواج ما علاقة بين اتنين يعرسوا بعض وانتهينا .. الشغلة أكبر من كده بكتير .. دي دوائر وعلاقات اجتماعية متشابكة ومتشعبة ولها امتدادتها .. فما ممكن يتم اختزال الأمر بهذه الصورة المعيبة .. عشان نعالج عنصرية ماعونها أكبر وأعم وأشمل .. من هذا التبسيط العجيب ..
هسه حاجة بسيطة جداً .. العروس الاتحدت اهلها واتزوجت بالمحكمة دي .. أكان الزوج ده طلع دون تطلعات العروس .. ورفضها أو رفضتو .. واستحالت الحياة بينهما وقام طلقها .. أها تمشي تقبل وين يعني !! .. ترجع لي أهلها بي ياتو وش !! .. وكان رفضوها تمشي وين ؟ .. تنكع في الشوارع عشان الناس عايزه تعالج العنصرية .. بالطريقة الخاطئة دي .. يعني نقوم نقع في مصيبة أنكى وأفدح من العنصرية ذااتا ...
شوفوا لينا حتة تانية نعالج بيها العنصرية دي .. وسيبكم من الشطر الميت ده ..
شاكر كتير التفاتكـ لما كتبت .. وممتن ومثّمن لارائكـ الحصيفة .. التي اتابعها بهذا المنبر ..
02-19-2016, 12:56 PM
Deng
Deng
تاريخ التسجيل: 11-28-2002
مجموع المشاركات: 52561
Quote: Quote: ما زال وعينا الاسري يرفض زواج العـــــ ب والفرخ .... حدي يتبرع يورينا الفرق بين العـــــ ب والفرخ شنووووو :
شوفوا الكلام ده كم واحد فيكم أدانو صاحبه الكوز العنصري مدعي التدين محمد حمزة الحسين ؟
علي دفع الله
Quote: محمد حمزة الحسين لا تعليق
Quote: فرح الطاهر ابو روضة خلي في وعيكم الاسري في وعيك انت شنو ؟؟؟؟؟؟؟؟؟؟؟؟؟ وكويس انو صاحب البوست قال ليك لا تعليق قلت لي الفرق بين بين الفرخ والعب شنو ؟؟؟؟؟؟؟؟؟؟ كدي اسال الحبوبات وبوقعن ليك السؤال ده
02-19-2016, 01:38 PM
Deng
Deng
تاريخ التسجيل: 11-28-2002
مجموع المشاركات: 52561
سلام ... ويا دينق أخوي لا يمكنك فرض ودّك على الاخرين ولكن بلا شك يمكنك فرض احترامك عليهم
لم اجد في كلام محمد حمزة الحسين ما يستحق الادانه فقد عبر الرجل عن رأيه ومشاعره صراحة هنا في هذا المنبر ذات المشاعر يحملها الكثير من اخوتنا الجنوبيين تجاه اخوتهم في الشمال ذات مشاعر الكره وعدم الاستلطاف موجودة بين بقية مكونات الشعب السوداني محمد حمد ربه على فكاكه من اخواتنا الجنوبيات في الخرطوم حيث كانت المهنة الغالبة لهن هي صنع الخمور البلدية وتلك حقيقة لا مزايده فيها وهنا كلام محمد حمزة الحسين
Quote: ما صدقنا ربنا فكانا من الجنوبيات قولنا دى ثقافة وعندهم حلال
هذه مشاعره لا يمكن لأحد أن يغيرها .. الفرق بينه وبين الآخرين أو معظم الآخرين هو أنهم لم يصرحوا بهذه المشاعر .. لا تحاكم محمد بكلامه بل عليك محاكمة ثقافة شعب كامل.. ومن كلامه ايضاً: Quote: يا هجو يا أخوووووى الجنوب دا اصلوا شعب ربنا ابتلانا بيهو ولا هو بى يشبهنا فى اى حاجه ورضينا بالهم والهم مارضى بينا والحمدلله اراد الله لنا خيراً حيث لم نحتسب لذلك وربنا يعدلا عليهم بيضاء محل ما يقبلوا
اراه قد قرر حقيقة كنت قد كتبتها أنا هنا بكيبوردي وهي أن شعب الجنوب هو المسؤول عن الانفصال وهو خياره الذي اختاره طواعية الجنوبيين لا يشبهون شعب السودان الشمالي ككل اختلاف في العرق واختلاف في الدين واختلاف في الثقافة واختلاف في العادات والتقاليد
الخ الخ
بعد خمسين سنة ادرك كلا الشعبين أن عملية الاندماج بينهما غير ممكنه فكان نتاج ذلك الانفصال الذي حدث باختيار الجنوبيين له وأراه قد تأخر كثيراً
مجرد رأي بدون ساس يسوس ..
___ تعديل كلمة اختاره حيث سقط حرف الراء سهواً
دينق دا ردي ليك فأين العنصرية يا دينق ...
ولاحظ خاطبتك بالاخ وهي الكلمة التي يتسابق الان الناس لكي يخاطبوك بها مشكلتك زول قليل الادب وسليط الناس ودي مشكلتي الاساسية معاك ..... وقع ليك؟
حاول تتخلص من عقدة الدونية التي تتملكك هذه
اها دي عنصرية ولا لا
كن بخير
02-19-2016, 01:39 PM
علي دفع الله
علي دفع الله
تاريخ التسجيل: 08-31-2012
مجموع المشاركات: 4740
عذرا على الرد الغير راتب ايها الزملاء المتداخلون ... خلوني ارد على اخوي وصديقي دينق ...قبل ما تجي ردود تجر البوست عكس ما اريد منه.. عزيزي دينق من هنا انا وانت وكل مهموم بمحاربة العنصرية خلونا نحاور كل ما تثبت عنصريته منهجا نقاشا موضوعيا ونوريه انو اي تبني لمشروع عنصري يعني تلاشي ما تبق من الامة السودانية ... ونحاصرهم بما كتبت كيبورداتهم ... دا هنا في البورد واما على ارض الواقع ايضا سبكون لنا دور .... انا اتجاهلت محمد حمزة الحسين لاني اعلم ما يريده .... صدقني يا دينق معركة محاربة العنصرية اصعب من معركتنا على الثورة على هذا النظام ... اتمناك بخير
02-19-2016, 04:25 PM
Deng
Deng
تاريخ التسجيل: 11-28-2002
مجموع المشاركات: 52561
Quote: عذرا على الرد الغير راتب ايها الزملاء المتداخلون ... خلوني ارد على اخوي وصديقي دينق ...قبل ما تجي ردود تجر البوست عكس ما اريد منه.. عزيزي دينق من هنا انا وانت وكل مهموم بمحاربة العنصرية خلونا نحاور كل ما تثبت عنصريته منهجا نقاشا موضوعيا ونوريه انو اي تبني لمشروع عنصري يعني تلاشي ما تبق من الامة السودانية ... ونحاصرهم بما كتبت كيبورداتهم ... دا هنا في البورد واما على ارض الواقع ايضا سبكون لنا دور .... انا اتجاهلت محمد حمزة الحسين لاني اعلم ما يريده .... صدقني يا دينق معركة محاربة العنصرية اصعب من معركتنا على الثورة على هذا النظام ... اتمناك بخير
الأخ علي دفع الله.
سلام وتحية.
في الحقيقة دخلت البوست ووجدت فيه الناس يتناولون موضوع العنصرية هذا بطريقة ترفيهية بحتة، وكأن تلك العنصرية لم تكن مسئولة عن موت الملايين في السودان. وأنتم هنا تتناولون موضوع العنصرية وتناقشون فيها أخف الضرر الذي تسببه، وهو في ما يختص بالزواج. إذا سألتم الذين تمارس عليهم العنصرية ، سوف تجدون موضوع الزواج هذا ليس من أولوياتهم أصلا! وشايف كمان بعض العنصريين المعروفين في هذا المنبر داخلين أخر تنظير، وبدون خجل.
"
02-19-2016, 04:53 PM
سيف الدين بابكر
سيف الدين بابكر
تاريخ التسجيل: 01-14-2016
مجموع المشاركات: 3325
Quote: ولاحظ خاطبتك بالاخ وهي الكلمة التي يتسابق الان الناس لكي يخاطبوك بها مشكلتك زول قليل الادب وسليط الناس ودي مشكلتي الاساسية معاك ..... وقع ليك؟
حاول تتخلص من عقدة الدونية التي تتملكك هذه
كلمة الأخ هذا أنت في أشد الحوجة الى معرفة معناها الحقيقي. أنت تكتب بأنك "تكره الجنوبين" وبعد كده تجي تطلق علي كلمة "أخ"!! هل أنت في كامل صحتك العقلية ولا ده مجرد تلاعب بالألفاظ والكلمات؟
وأنت مشكلتك أنك عنصري بغيض وأكتر من قليل ادب وتافه. الذين يشعرون بالعقد الدونية هم من أمثالك، لأنك بتعتقد بأنك أفضل من الأخرين. كلمتك أنا مليون مرة عن حالك في السعودية بكون شكلو شنو وعايش كيف مع السعوديين.
02-20-2016, 08:18 AM
Khalid Basheer
Khalid Basheer
تاريخ التسجيل: 04-14-2013
مجموع المشاركات: 381
Quote: محاربة العنصرية معني بها المجتمع وليس الدولة ببساطة لأنو عمر القوانين ما قضت على العنصرية ولكن حدت منها أو يمكن أن تحد منها وتمنع ممارستها عمدا ..
على العكس تماما. الدولة هي المعنية في المقام الأول بترسيخ و تطبيق كل ما يؤدي في النهاية إلى تلاشي العنصرية و ما شابهها من القناعات الخطرة على المجتمع و على الدولة نفسها مثل الأفكار المتطرفة و الأرهاب و العنصرية الدينية. دور الدولة ليس فقط في سن القوانين بل في تطبيق ممارسات حياتية تترجم محاربة العنصرية. مثلا في مناهج التعليم ، و تساوي الفرص في التوظيف و العمل و الخدمات ، و كل شيء. بالطبع يوجد دور لمؤسسات المجتمع المدني ولكن هذا لا يعفي الدولة من مسئوليتها الاساسية. المقصود بالدولة هنا المعنى الحقيقي للدولة متمثلا في مواطنيها و حيزها الجغرافي و حكومتها و سيادتها. بالتأكيد في حالتنا لا توجد دولة ، إنما هي سلطة مختطفة من قبل عصابة الكيزان المجرمة. فقط لا أكثر من ذلك. و هي – هذه العصابة- عامل فاعل منذ مجيئها إلى السلطة على تعزيز العنصرية باشكالها المختلفة و ليس محاربتها. محاربة العنصرية تحتاج إلى نفس طويل و إلى قناعة راسخة بخطرها و عدم أخلاقيتها. و لا يتوقع أن تختفي بين يوم و ليلة في مجتمع به ما به من القبلية و البداوة ، و لكن بوجود تلك القناعة الراسخة و دولة تعمل بصدق ( وليس عصابة مجرمة) على ترسيخ مجتمع مدني في كل مؤسساته ستكون هناك نتائج ايجابية تؤدي إلى تلاشيها. كلما زادت المدنية الصحيحة قلت العنصرية.
Quote: يابشارى .. لو راجى الوعى والتعليم يعالجوا ليك العنصرية أطمئنك إنو تقعد للصباح ما حتتعالج .. العنصرية تتعالج فقط بمبدأ لا فضل لعربى على عجمى ولا لأبيض على أسود إلاّ بالتقوى .. والتقوى ههنا ــ فى القلب ــ وليست فى الكتب والإنترنت ..
القلم مابيزيل بلم .. صدقنى
كيف لا يكون للتعليم و الوعي دور في محارة العنصرية ؟ بماذا تحارب العنصرية إذا ؟ ما هو مبدأ لا فضل لعربي على أعجمي ؟...هو وعي. كيف تم تلقي هذا الوعي ؟ هو عملية تعليمية. سواء تلك التي تمت قبل 1400 سنة أو الآن. أحد مرتكزات و مبادئ التعليم الاساسية هي التعلم من أجل التعايش أو العيش المشترك learning to live together. . إضافة إلى المرتكزات الأخرى: learning to know, learning to do and learning to be . برضو زي حكاية الدولة ...المقصود هو التعليم الذي يحقق أهداف التعليم المجردة و الموضوعية و هذا بلا جدال يقدم فرصة عظيمة لغرس سلوك و قيم و ممارسات تؤدي إلى تلاشي العنصرية. ما تقدمه عصابة الكيزان الآن ليس تعليما. العنصرية و التطرف و ضعف التعليم ....و غيرها ما هي إلا أعراض جانبية ، العلة الأساسية هي عصابة الكيزان المجرمة و استبدادها. كيف نتوقع برامج لمحاربة العنصرية إذا كانت السلطة في أعلى أفرادها عنصريون غارقون في العنصرية ، كيف نتوقع نظاما تعليميا جيدا ينتج جيلا سليما إذا كان من يترأس السلطة هو الجهل بعينه.
02-20-2016, 11:52 AM
Deng
Deng
تاريخ التسجيل: 11-28-2002
مجموع المشاركات: 52561
Quote: على العكس تماما. الدولة هي المعنية في المقام الأول بترسيخ و تطبيق كل ما يؤدي في النهاية إلى تلاشي العنصرية و ما شابهها من القناعات الخطرة على المجتمع و على الدولة نفسها مثل الأفكار المتطرفة و الأرهاب و العنصرية الدينية.
ثم
Quote: دور الدولة ليس فقط في سن القوانين بل في تطبيق ممارسات حياتية تترجم محاربة العنصرية. مثلا في مناهج التعليم ، و تساوي الفرص في التوظيف و العمل و الخدمات ، و كل شيء. بالطبع يوجد دور لمؤسسات المجتمع المدني ولكن هذا لا يعفي الدولة من مسئوليتها الاساسية.
ثم عدته لتكتب
Quote: المقصود بالدولة هنا المعنى الحقيقي للدولة متمثلا في مواطنيها و حيزها الجغرافي و حكومتها و سيادتها. بالتأكيد في حالتنا لا توجد دولة ، إنما هي سلطة مختطفة من قبل عصابة الكيزان المجرمة.
it is a big contradiction
أن تطلب من دولة تقودها الانقاذ التي ترعى العنصرية وتزكي نيرانها ان تطلب منها محاربة العنصرية ...
عمر القوانين يا حبيب ما قضت على جريمة فكما قلت أن القوانين يمكنها فقط الحد من الجريمة فهناك الكثير من الدول التي تحارب العنصرية بالقانون ولكن العنصرية لا زالت موجودة فيها يمكنك أخذ امريكا كمثال وعلينا ايراد الامثلة العنصرية لذلك ان لزم الامر.
افضل طريقة لمحاربة العنصرية هي بنشر التعليم والوعي بين افراد المجتمع
Quote: محاربة العنصرية تحتاج إلى نفس طويل و إلى قناعة راسخة بخطرها و عدم أخلاقيتها. و لا يتوقع أن تختفي بين يوم و ليلة في مجتمع به ما به من القبلية و البداوة ، و لكن بوجود تلك القناعة الراسخة و دولة تعمل بصدق ( وليس عصابة مجرمة) على ترسيخ مجتمع مدني في كل مؤسساته ستكون هناك نتائج ايجابية تؤدي إلى تلاشيها. كلما زادت المدنية الصحيحة قلت العنصرية.
يجب اخذ العلاج مرحلة مرحلة دعنا في الاول نمنع المجاهرة بها بترسيخ اننا كلنا سودانيون وقبلها بني ادمين ونفوس كرمها الله .وهذا يأتي بنشر الوعي والاستنارة
Quote: كيف لا يكون للتعليم و الوعي دور في محارة العنصرية ؟ بماذا تحارب العنصرية إذا ؟ ما هو مبدأ لا فضل لعربي على أعجمي ؟...هو وعي. كيف تم تلقي هذا الوعي ؟ هو عملية تعليمية. سواء تلك التي تمت قبل 1400 سنة أو الآن. أحد مرتكزات و مبادئ التعليم الاساسية هي التعلم من أجل التعايش أو العيش المشترك learning to live together. . إضافة إلى المرتكزات الأخرى: learning to know, learning to do and learning to be . برضو زي حكاية الدولة ...المقصود هو التعليم الذي يحقق أهداف التعليم المجردة و الموضوعية و هذا بلا جدال يقدم فرصة عظيمة لغرس سلوك و قيم و ممارسات تؤدي إلى تلاشي العنصرية. ما تقدمه عصابة الكيزان الآن ليس تعليما. العنصرية و التطرف و ضعف التعليم ....و غيرها ما هي إلا أعراض جانبية ، العلة الأساسية هي عصابة الكيزان المجرمة و استبدادها. كيف نتوقع برامج لمحاربة العنصرية إذا كانت السلطة في أعلى أفرادها عنصريون غارقون في العنصرية ، كيف نتوقع نظاما تعليميا جيدا ينتج جيلا سليما إذا كان من يترأس السلطة هو الجهل بعينه.
agree
كن بخير
02-20-2016, 01:48 PM
الامين موسى البشاري
الامين موسى البشاري
تاريخ التسجيل: 08-09-2009
مجموع المشاركات: 15391
بمر بي وعكة صحية ...هي مش مخيفة بس معسماني وحامياني اللفتة ... قام لي حبن (بكسر الحاء والباء وتسكين النون )في عنقرتي والله مطلع عيني وعملت ليه عملية بسيطة فتحتو ..يا جماعة الشيء دا حار حر ما طبيعي ... مساهر بي يومين اتمنى اليوم انوم ..... بعض الساخرين من اصحابي قالو لي السنة بتعيش(بكس الباء وتيكبن التاء وتشديد الياء) -'---- الاخ اللمين بشاري .... الاخ دينق ... عليكم ارضا خصومة ....كلنا لنا عيوب وكلنا لنا سوالب خلونا نعمل خطوة لي قدام ...مافيها حاجة كان الواحد اتجاوز للواحد عثراتو ..يمكن يفتح باب مودة ... خلونا نؤسس لمنهج جديد وكلنا #معا ضد كل اشكال العنصرية# -'-'''''' حا ارجع لجميع المداخلات بعد ما تتفك تعسيمتي فتكم بعافية
02-20-2016, 06:45 PM
الامين موسى البشاري
الامين موسى البشاري
تاريخ التسجيل: 08-09-2009
مجموع المشاركات: 15391
Quote: نتيجة للاختلافات الحادة بين اهل الشمال والجنوب ( العرق والدين واللغة والثقافة والعادات .... الخ الخ)
Quote: نتيجة للاختلافات الحادة بين اهل الشمال والجنوب ( العرق والدين واللغة والثقافة والعادات .... الخ الخ)
Quote: نتيجة للاختلافات الحادة بين اهل الشمال والجنوب ( العرق والدين واللغة والثقافة والعادات .... الخ الخ)
Quote: نتيجة للاختلافات الحادة بين اهل الشمال والجنوب ( العرق والدين واللغة والثقافة والعادات .... الخ الخ)
اها يا البشاري اخوي بعيد عن التحديات شفت المعايير دي نفس معايير خال الرئيس وجماعة السلام العادل المزعوم دولة تقوم على اساس العرق والدين يخرج منها اي مجموعة اثنية لا يمكن اخضاعها لمعاير العرق والدين وطبعاً مبررات عنصرية لا علاقة لها بالدولة المدنية من قريب او بعيد يعني مافي داعي للتحدي يا اللخو
02-20-2016, 11:01 PM
الامين موسى البشاري
الامين موسى البشاري
تاريخ التسجيل: 08-09-2009
مجموع المشاركات: 15391
سياسة المناطق المقفولة التي طبقت على الجنوبيين في فترة ما جعلتهم منغلقين على انفسهم ولذلك فشلوا في الاندماج في الشمال والشماليين فشلوا في استيعابهم معظم المكونات الباقية تجمع بينهم العديد من العناصر المشتركة
سؤال يا ابو ورطه هل اندمج الجنوبيين اندماجا كاملا في الشمال؟ هل استطاع الشمال استيعاب الجنوب؟
طبعا دي انت ما بتفهمها شدة الاستقطاب الحاد في كل العوامل التي ذكرتها هي ما جعلت الجنوبيين يختارون الانفصال
الحبن ده زمان بجلطوه بطينة الزير ولا لتخة حلبة وببقى طيب شغل الدكاترة ده ملغوس ياخ
الفاضلة منى بت عمسيب تحياتي واحترامي
شهادة لله الاحترام الذي يجده السودانيين في الخليج لم يجدوه في بلدهم ولم اسمع احدهم يوما يسب سوداني مع العلم انو الخليجي لما يناديك يازول معناها احترمك وقدرك مش شتمك وده ما بمنع وجود بعض الاحداث الشاذة فلا تخلو امة من جاهل او سفيه لكن اغلبية اهل الخليج محترمين ويحترمون الضيف وقبل ذلك يحترمون قوانين دولهم فلهم التحية ولا يجب ان نقحمهم في صراعاتنا الداخلية لتعضيد وجهات نظرنا
02-21-2016, 00:06 AM
فرح الطاهر ابو روضة
فرح الطاهر ابو روضة
تاريخ التسجيل: 10-22-2012
مجموع المشاركات: 11112
Quote: نتيجة للاختلافات الحادة بين اهل الشمال والجنوب ( العرق والدين واللغة والثقافة والعادات .... الخ الخ
نتيجة للاختلافات الحادة بين اهل الشمال والجنوب ( العرق والدين واللغة والثقافة والعادات .... الخ الخ
نتيجة للاختلافات الحادة بين اهل الشمال والجنوب ( العرق والدين واللغة والثقافة والعادات .... الخ الخ
ده كلامك ولا انا جبته من عندي لو كلامك يبقى ده راي عنصري فانت لا تختلف من خال الرئيس بل افضل من يتبني رؤية الطيب مصطفى بي ضبانته في المنبر هنا ثانياً انت كل تاريخ معرفتك بالجنوب وشعبه اختياره للانفصال في ظل حكومة الانقاذ ولا شنو يا سيد البشاري الله يرضى عليك راجع اتفاقية اديس ابابا واتفاقية الميرغني قرنق وحتى رؤية النواب الجنوبيين داخل البرلمان ايام الاستقلال عشان تقدر تضع تصور لرؤية الشعب الجنوبي في الوحدة ما تجي تخمنا باندغاماتك دي ههههههههههههههه وكلام مستهلك ما منو فائدة لتبرر وتسوق لمواقف ورى الكل يعرف ما هي الجهة التي تتبناها
02-21-2016, 00:19 AM
فرح الطاهر ابو روضة
فرح الطاهر ابو روضة
تاريخ التسجيل: 10-22-2012
مجموع المشاركات: 11112
فكرة اندغام المجتمعات فكرة فطيرة وعدم تحقيقها لا يعني فشل الوحدة بل الدولة المدينة هي التي تحافظ على تبائن الثقافات والاعراق والاديان وتدير هذا التنوع بغير اختلال او هيمنة ثقافية او مجموعة عرقية على اخري وقع ليك يا شيخ البشاري يعني الاندغام ليس شرطاً اساسياً لنجاح الوحدة بين المجتمعات ياخ شوف الدول الحققت الوحدة وقدرت قوانينه تحافظ على التنوع وطريقة ادارته في كل العالم بعد داك اطلق حججك الواهية دي
قلت لي وين الدولة المدنية البتكلم عنها طيب ياخ انت لما عارف مافي دولة مدنية وفي سلطة متنيلة بستين نيلة ليه محمل الجنوبيين وزر الانفصال وحدهم حكاية غريبة وبتوضح بجلاء يا البشاري بانو تبريراتك كلها غير مترابطة ولا تحمل رؤية يمكن هضمها واحسن شي انك تستغفر من عنصريتك هههههههه يلا فتك بعافية
02-21-2016, 08:00 AM
اباذر عبد العال
اباذر عبد العال
تاريخ التسجيل: 03-26-2015
مجموع المشاركات: 874
العنصرية الان ليس في ده عب ولا فرخ.. اصبحت في التميز بين الناس في الطبقات والاهليه والمناطقيه الجهوية والولاء ....وده جهل شديد ليس من الدين في شئ ولا من العلم والتحضر في شئ
اما حكاية الزواج فلان عب وفيهو عرق ..دي ورثناها من الابهات والاجداد ...لانها كانت في حياتهم موجود في الزمن السابق اذكر لنا مزرعة ساقية والان موجوده.. الوالد رحمة الله عليه..لمن يجي ويلقي بعض الاشغال لم نقم بها ... يزعل جدا نحن هنا طوالي نحاول نقوم نعمل الشغل بعد هو يجي. يقوم يقول لينا خليكم قاعدين .العب بتاعكم جا يقصد نفسو...او يقول لينا اشتغلوا يا (عبيد العين) !! اي يقصد ما بتشتغلوا الا اكون قاعد انا فالكلام ده قديم الان الناس تتطورت واتحضرت ....
الناس المفروض ترتقي بفهمها شوية عشان الاجيال القادمه ما تبقي في حكاية كلام الاجداد ده محو الاميه ومعها محو العنصرية
02-21-2016, 08:08 AM
Deng
Deng
تاريخ التسجيل: 11-28-2002
مجموع المشاركات: 52561
الامين موسى البشاري رجل عنصري بغيض، ولكنه بيحاول يتزاكى ويتحايل على الناس هنا، وده حال جميع العنصريين، فلن نجد منهم من يعترف بعنصريته. حتى الطيب مصطفى لم يعترف أبدا بأنه عنصري.
02-21-2016, 08:31 AM
محمد البشرى الخضر
محمد البشرى الخضر
تاريخ التسجيل: 11-14-2006
مجموع المشاركات: 28869
Quote: *********كسرة يا ابو ورطه :**********قوم لف لفاك قطرتحاكم الشماليين باكملهم بآراء الطيب مصطفى وهو فردثم تؤسس دفاعك على آراء الجنوبيين في البرلماناتفاقية اديس اسست للحكم الذاتي في الجنوب وحينها قدم نميري تنازلات لتوقيع الاتفاقية ولاطالة عمر نظامهاتفاقية قرنق والميرغني لم تطبق ولا يمكن الحكم عليهاوبعدين ياخ بطل استهبالقرنق نفسه هو مهندس نيفاشا التي فصلت الجنوب بنسبة 98%قمته ولا لسه؟مع التحييييييييييييييييييييييييييييييييييييييييييييييييييييييييييييييييية
لو ملاحظ هنا كما جملة المشاركين في في البوستقلت بالتحدي جينا نحاورك وليس نهاتركوفيما يبدو بانك تجر هذا الحوار جرا نحو المهاترةوللاسف تستلف اكثر الادوات عجزا ومصطلحات اكثر الاعضاء قبحاً وضح تماماً انك لا تمتلك اي ادوات دفاعية غير ما يطرح على الانتباهة من افكار وفي يقيني ورطتك اكثر من كونها تكون مبررات لعنصريتك قلت لي قرنق مهندس نيفاشا طيبب قرنق مهندس نيفاشا ورئيس منبر السلام العادل كمان هههههههه بس بالله تاني لما تعلن التحدي خليك قدر التحدي والتزم بموضوعية الطرح وانا لما جيت حسب قولك بالتحدي افتكرت جرابك ملان ما شوية سطور من الانتباهة والباقي هبالات نختم باخطر مسوقات مبررات البشاري العنصري
Quote: Quote: نتيجة للاختلافات الحادة بين اهل الشمال والجنوب ( العرق والدين واللغة والثقافة والعادات .... الخ الخنتيجة للاختلافات الحادة بين اهل الشمال والجنوب ( العرق والدين واللغة والثقافة والعادات .... الخ الخنتيجة للاختلافات الحادة بين اهل الشمال والجنوب ( العرق والدين واللغة والثقافة والعادات .... الخ الخ
لو تسمع وصية اخيرة اعتذر وتبراء من العنصرية التبريرات البليدة بتزيد من ورطاتك انت الان حسب تصنيفي ليك من اكثر الاعضاء خطورة على السودان الفضل هههههههههههههههههههههههههههههههههههههه
Quote: سياسة المناطق المقفولة التي طبقت على الجنوبيين في فترة ما جعلتهم منغلقين على انفسهم ولذلك فشلوا في الاندماج في الشمال والشماليين فشلوا في استيعابهم معظم المكونات الباقية تجمع بينهم العديد من العناصر المشتركة
معليش يا البشاري اخوي النقطة دي ما فهمنها .. يعني عشان اهلنا الجنوبيين تعرضوا لسياسية المناطق المقفولة يقوم الناس في الشمال يحكموا عليهم انهم ما قدرو يندمجوا!!
وبعدين قصة الدين والعرق او اللون المختلف لا اعتقد انها مدعاة لان يطلق الناس العنان لانفسهم عشان يقولوا والله الجنوبيون ديل ما بيشبهونا ونحنا ما دايرين معاهم !!
طيب يا البشاري قبل سياسة المناطق المقفولة الجنوبيين كانوا مندمجين ولا لأ !؟؟ ودليل وجود علي عبدالطيف كقائد محرر لكل السودانيين من اتون الاستعمار كان شنو مثلا؟
وبعدين يا البشاري قصة انا بكره الجنوبييين وعندي اسبابي الخاصة !!! وانا حر في ما احب واكره !! ما عندها معني غير انها تندمج مع فكرة الكراهية المطلقة والكراهية المطلقة عندما تقترن بمبدأ الفعل وهو ان يبرز الفرد مشاعره ويبدأ في تسويقها يصير الامر تمييز والتمييز علي طائفة من الناس هو عنصرية بالتاكيد.
اخوي البشاري لا احد يريد ان يدخل داخل اعماق الناس لاخذ مشاعرهم ووصمهم بها , لكن ان تسويق تلك المشاعر في شكل كتابات لحشد مؤيدين للفكره او العاطفة تجاة فئة او مكون اثني وذلك بكتابة بوست مثل انا لا اريد الوحدة مع الجنوب وابدا اسرد الافكار الخاصة بما فيها ان فجوة في الاندماج يبقي الامر تمييز ايضا .
وبعدين ما المقصود بالاندماج .. هل هو الزواج والتصاهر !! ده انا بعتبرو اخلال وطريق خاطئ يحاول البعض ايهام البعض انه اس العنصرية. البشاري ماهي عدد الزيجات بين الناس في الشرق والشمال مثلا او الغرب والشمال مثلا في الخرطوم بوتقة الانصهار؟ قليل جدا صحيح ! ولكنهم مندمجين ويزور بعضهم البعض ويلعبون الكرة مع بعضهم البعض
فمثلا انا من امدرمان ودنوباوي لا قبيلة لسكان الحي ويحتفظ كثيرون باسماء هم جنوبيون وغرابا وشماليين ومن الشرق واهل الوسط مندمجين من غير تصاهر وعندما يقرر احدهم الزواج يتزوج من بت عمو او شخص قريب ليهو والزيجات المختلطة لا تشكل اقل من %0.1 ومع ذلك نحن مندمجين والولاء للحي او الفريق او الشلة
02-21-2016, 10:56 AM
فرح الطاهر ابو روضة
فرح الطاهر ابو روضة
تاريخ التسجيل: 10-22-2012
مجموع المشاركات: 11112
Quote: معليش يا البشاري اخوي النقطة دي ما فهمنها .. يعني عشان اهلنا الجنوبيين تعرضوا لسياسية المناطق المقفولة يقوم الناس في الشمال يحكموا عليهم انهم ما قدرو يندمجوا!!
يا حبيب تفهم شنو البشاري جاء يتفولح جاب دقلا يتلولحالمناطق المقفولة دي قفله المستعمر من نفس عقلية البشاري التي ترى في حزاء الشمالي اكرم من انسانية انسان الجنوب كان المستعمر احن على الجنوبيين من عقلية تاجر الرقيق الشمالي الوقح ويوم واحد ما كان ذلك سبب من اسباب عدم الاندماج الذي يتحدث عنه البشاري والبشاري لا يتحدث عن اندماج مجتمعي يحتاج لسنوات ومجهودات جبارة للوعي المجتمعي نفسه اعتقد جازم البشاري يتحدث عن اسلمة وتعريب الجنوب لا اكثر بحسب قناعات البشاري بعقلية الطيب مصطفى ه
Quote: معليش يا البشاري اخوي النقطة دي ما فهمنها .. يعني عشان اهلنا الجنوبيين تعرضوا لسياسية المناطق المقفولة يقوم الناس في الشمال يحكموا عليهم انهم ما قدرو يندمجوا!!
تساؤلك يا السنوسي اخوي ردي عليهو في نفس الاقتباس الذي اتيت به وهو أن
Quote: سياسة المناطق المقفولة التي طبقت على الجنوبيين في فترة ما جعلتهم منغلقين على انفسهم ولذلك فشلوا في الاندماج في الشمال والشماليين فشلوا في استيعابهم
وبالتالي في أول فرصة اختاروا طائعين الانفصال على أمل تكوين دولتهم المستقله بالرغم من أن حلم الانفصال كان يرافق كل القادة وكل حركات التمرد في الجنوب ولهذا لم يفرزوا بين حكم عسكري وديمقراطي أو اسلاميين أو شيوعيين قاتلوا كل الشمال بكل ألوانه
Quote: طيب يا البشاري قبل سياسة المناطق المقفولة الجنوبيين كانوا مندمجين ولا لأ !؟؟ ودليل وجود علي عبدالطيف كقائد محرر لكل السودانيين من اتون الاستعمار كان شنو مثلا؟
ميول واهواء وتطلعات الشعوب لا تقاس بالافراد قصدت بالاندماج الاندماج في كل مناحي الحياة العامة السياسية والثقافية والادبية يعني في كم واحد جنوبي في حزب الامة وكم واحد واحد في الاتحادي الديمقراطي وكم واحد شيوعي
الخ الخ حتى مسألة الزواج كانت حالات خاصة ومحدودة اقصد زواج جنوبي بشمالية
Quote: وبعدين يا البشاري قصة انا بكره الجنوبييين وعندي اسبابي الخاصة !!! وانا حر في ما احب واكره !! ما عندها معني غير انها تندمج مع فكرة الكراهية المطلقة والكراهية المطلقة عندما تقترن بمبدأ الفعل وهو ان يبرز الفرد مشاعره ويبدأ في تسويقها يصير الامر تمييز والتمييز علي طائفة من الناس هو عنصرية بالتاكيد.
السنوسي أخوي ما تركب حمير الضيفان ساهي :) لم أقل انني اكره الجنوبيين :) ولم ابشر للفكرة قال هذا الكلام اثنين من اصحابي هم محمد حمزة الحسين ومجيدوو أما أنا فدونك الارشيف ...ياخي لي اسبابي ومبرراتي وقد ذكرتها في هذا البوست
ثم قصة الحب والكره مشاعر انسانية ومن حق اي زول يحب من يشاء ويكره من يشاء اديك مثال من عملي الحالي
لما جيت مسكته الادارة أول حاجه عملتها صفيت المصريين والشوام واستبدلتهم بسودانيين لأنني لا اطيق العمل مع المصريين ولي رأي محدد فيهم ويشاركني الكثيرين هنا في السعودية نفس هذا الرأي ما بحب المصريين فهل هذه عنصرية؟
Quote: اخوي البشاري لا احد يريد ان يدخل داخل اعماق الناس لاخذ مشاعرهم ووصمهم بها , لكن ان تسويق تلك المشاعر في شكل كتابات لحشد مؤيدين للفكره او العاطفة تجاة فئة او مكون اثني وذلك بكتابة بوست مثل انا لا اريد الوحدة مع الجنوب وابدا اسرد الافكار الخاصة بما فيها ان فجوة في الاندماج يبقي الامر تمييز ايضا .
يا السنوسي دي منطلقاتي لرفض الوحدة مع الجنوب وكتبتها هنا في هذا البوست
Quote: وحدة مع الجنوب ما عايز ودا رأي وسيظل مش لأي حاجة
لأن الجنوبيين فشلوا في الاندماج في الشمال والشمال فشل في استيعابهم
نتيجة للاختلافات الحادة بين اهل الشمال والجنوب ( العرق والدين واللغة والثقافة والعادات .... الخ الخ)
ولأن فكرة الانفصال لم تفارق مخيلة الجنوب منذ ان عرفنا السودان دا وفي اول فرصة اختاروا الانفصال
وأي شراكة بين الحركة الشعبية والمؤتمر الوطني الآن ستضخ مزيدا من الاوكسجين
في شرايين النظام في الخرطوم ..
وسيظل الانفصال وصمة عار في جبين الانقاذ والحركة الشعبية
مرة قرنق وقع اتفاقية مع حزب الترابي المؤتمر بعد المفاصلة طبعا
الناس قالت قرنق دا جنه ولا شنو؟
فكان تبرير قرنق وفي لقاء حضرته انا انه يريد لاعضاء الحركة الشعبية تعلم السياسة
لأنهم طول عمرهم كانوا في الغابة .. وهو تبرير منطقي حينها
انظر الآن الى القتل والتناحر والتصفيات العرقية في الجنوب
حققوا الانفصال ولم يعرفوا كيف يديرون الدولة ....
سؤال أخير عندما صوت الجنوبيين للانفصال بارادتهم وباغلبية ساحقة
هل كانوا عنصريين؟
لماذا تثبت لهم هذا الحق وتنكره علي وعلى أي سوداني؟
دعاة الوحدة : لماذ تعملون ضد رغبة الجنوبيين وهم الذين اختاروا الانفصال؟
كل الود
02-21-2016, 08:50 AM
عمر دهب
عمر دهب
تاريخ التسجيل: 10-19-2014
مجموع المشاركات: 2010
لو قدر للديمقراطية ان تستمر 60 عاما فى ظل الدولة القومية وفى ظل المناهج والقوانين ووجهت مناهج الادب والشعر لغرس متطلبات الوحدة لنقرض كل العنصريين ولكان السودان دولة غير هذة الدوله الممزقة التى تعيدنا كل يوم الى بداياتنا وجهالاتنا ولان من الطبيعى ان بتعفف مواطن من المشاركه فى وطن قومى لاينصف كبرباءه وثقافته لذا لاخيار لنا غير الدوله القومية العادله المنضبطه بقوانينها او هذا الضياع
02-21-2016, 02:15 PM
محمد حمزة الحسين
محمد حمزة الحسين
تاريخ التسجيل: 04-22-2013
مجموع المشاركات: 1437
Quote: أدخلو هنا وشوفو عنصرية هذا الكوز المريض، ولقد أتى للدفاع عنه وعن عنصريته البغيضة،
يا جماعة عنصرية شنووو وبطيخ إييييييييييييييييييييييييييه ..... القصة دي نفس في زول فيكم أكل القعووونج .... أآآآي القعوووي الواحد دا بالعربي الضفاضع ..... إن بقي دي إياها العنصريه خلو النفوس تتطايب براااها بتروح ... والله صحي يا قول شيخي اللمين ود البشاري ... : : : : : : : : : : مع التحيات لله الزاكيات
02-21-2016, 03:16 PM
محمد حمزة الحسين
محمد حمزة الحسين
تاريخ التسجيل: 04-22-2013
مجموع المشاركات: 1437
أخي وصديقي علي نواي الذي لم أرهـ في حياتي.... يا خي والله انت اظرف زول أحبك لله في الله كدا .... أنا احب الزول البي يعتز بي اصلو وفصلو ومتصالح مع نفسه .... أزرق أحمر قرقدي سبيبي ماحدي أحسن من حد وعارف عزو مستريح ....
عامل الناس بمثل ما تحب يعاملوك عداك حمار تعدو بولو موش بعر لانو البعر بنفع زبالة والله جد ... وتحياتي ليك عاطف القوز .... المعجب محمد حمزة
اللخوووو سيف الدين قليل من الاتساق لا يضر والله قوم امش الضل ... الاخ علي دفع الله بالله لو سمعحتا عشان نصل لي حل بعيد من إجترار المرارات بتاعت المتأمرك دينق ... طلع لينا الزول دا براااا وتعال نتفاهم .... شايفك انت زاتك طلعت عنصري يا ماااان ...
Quote: خلي في وعيكم الاسري في وعيك انت شنو ؟؟؟؟؟؟؟؟؟؟؟؟؟ وكويس انو صاحب البوست قال ليك لا تعليق قلت لي الفرق بين بين الفرخ والعب شنو ؟؟؟؟؟؟؟؟؟؟ كدي اسال الحبوبات وبوقعن ليك السؤال ده
الاخ ابو روضه لا تعليق ... عجبتني فقلت اصرف ليك وما زلنا طالبنك اعتذار (البقاوقه الجدد ) : : : : : : : : : مع التحيات لله الزاكيات
02-21-2016, 03:32 PM
محمد حمزة الحسين
محمد حمزة الحسين
تاريخ التسجيل: 04-22-2013
مجموع المشاركات: 1437
Quote: الأخوة الاعزاء جداً جداً هجو مختار وهشام المجمر وعادل البرارى والاستاذ هشام عباس ود عطبرة ومحمد سليمان عليكم الله حسى لو قلتا المصرييين شعب محتال وكعب ضووووومه وبتاع رقيص ومسلسلات وانقلابييين كمااان ابقى عنصرى دى فهمونى ليها بالله ياشباب استعدلوا واسمعوها منى انتو عنصرييين والعنصريه احساس متمكن فى دواخلكم وهو سبب فى الرعب والشطط البتسووو فيهو دا . وعشااان كدى بتسقطوها على كل من يلامس هذا الاحساس بدواخلكم المرعوبه من الظهور بخلاف ما تبطنون وانا ما محيرنى اسقاطاتكم العنصريه على كل من يذكر شعب الجنوب بخير او بسوء وما بوست الاخ بريمة عن جمال المرأة الجنوبيه الا مثال بسيط على هذة الدونية التى تمارسونها على كل من يذكر شعب الجنوب بخير او بشر . بس المحيرنى استسلام دينق واخوته بالمنبر دا للدونيه التى ترسلونها لهم وكانهم ما زالوا يحتاجون تعاطفكم المميت هذا يا دينق اسمع منى بالله شعب الجنوب اختار تكوين دويلتة التى نتمنى ان تمضى فى سبيل حالها كما يُراد لها فبالله انهر الناس العايزينكم تكونوا مواطنين درجة ثانية فى دولة لا تستحقون الانتماء الى جنسيتها ولا تشبهونها ولا تشبهكم فى شئ وبعدين ماتنسى بعد ما تردح وتشتم زى ما عايز ورينا العرقى والمريسه مهن شــــــــــــريفه حسب ثقافتكم الجنوبيه الوثنيه والله لأأأأأأ : : : : مع التحيات لله الزاكيات
02-21-2016, 05:10 PM
Deng
Deng
تاريخ التسجيل: 11-28-2002
مجموع المشاركات: 52561
سلام و تحية...غايتو أنا الكونطراديكشن زاتو ما شايفو وين خليه يكون كبير كمان...
ببساطة...انا وقفتني عبارتك دي:
"محاربة العنصرية معني بها المجتمع وليس الدولة"
و كان ردي ما يلي: "على العكس تماما. الدولة هي المعنية في المقام الأول بترسيخ و تطبيق كل ما يؤدي في النهاية إلى تلاشي العنصرية و ما شابهها من القناعات الخطرة على المجتمع و على الدولة نفسها مثل الأفكار المتطرفة و الأرهاب و العنصرية الدينية."
طيب انت عللت لعبارتك الفوق دي "محاربة العنصرية معني بها المجتمع وليس الدولة" بالسبب التالي:
" ببساطة لأنو عمر القوانين ما قضت على العنصرية ولكن حدت منها أو يمكن أن تحد منها وتمنع ممارستها عمدا"
و هذا السبب يفهم منه حصر دور الدولة في "القوانين" فقط ، قمنا عقبنا على ذلك بما يلي:
"دور الدولة ليس فقط في سن القوانين بل في تطبيق ممارسات حياتية تترجم محاربة العنصرية. مثلا في مناهج التعليم ، و تساوي الفرص في التوظيف و العمل و الخدمات ، و كل شيء. بالطبع يوجد دور لمؤسسات المجتمع المدني ولكن هذا لا يعفي الدولة من مسئوليتها الاساسية."
و أعلاه يعزز مسئولية الدولة في محاربة العنصرية.
طيب ما هي الدولة التي يتوقع منها محاربة العنصرية بصدق ؟ قمنا عرفناها هنا الدولة كمفهوم :
"المقصود بالدولة هنا المعنى الحقيقي للدولة متمثلا في مواطنيها و حيزها الجغرافي و حكومتها و سيادتها. بالتأكيد في حالتنا لا توجد دولة ، إنما هي سلطة مختطفة من قبل عصابة الكيزان المجرمة. فقط لا أكثر من ذلك. و هي – هذه العصابة- عامل فاعل منذ مجيئها إلى السلطة على تعزيز العنصرية باشكالها المختلفة و ليس محاربتها."
الاقتباسات التحت دي بصراحة ما قدرت افهم ارتباطها مع السياق و الكلام الفوق دا...غلبني تب ... لو في شوية ايلابوريشن يكون كويس:
Quote: it is a big contradiction
أن تطلب من دولة تقودها الانقاذ التي ترعى العنصرية وتزكي نيرانها ان تطلب منها محاربة العنصرية ...
Quote: عمر القوانين يا حبيب ما قضت على جريمة فكما قلت أن القوانين يمكنها فقط الحد من الجريمة
02-21-2016, 07:13 PM
سيف الدين بابكر
سيف الدين بابكر
تاريخ التسجيل: 01-14-2016
مجموع المشاركات: 3325
Quote: سلام و تحية...غايتو أنا الكونطراديكشن زاتو ما شايفو وين خليه يكون كبير كمان...
اوكي نوضح ليك
كتبت انا
Quote: محاربة العنصرية معني بها المجتمع وليس الدولة ببساطة لأنو عمر القوانين ما قضت على العنصرية ولكن حدت منها أو يمكن أن تحد منها وتمنع ممارستها عمدا ..
ورديت أنت
Quote: على العكس تماما. الدولة هي المعنية في المقام الأول بترسيخ و تطبيق كل ما يؤدي في النهاية إلى تلاشي العنصرية
ثم اضفت
Quote: المقصود بالدولة هنا المعنى الحقيقي للدولة متمثلا في مواطنيها و حيزها الجغرافي و حكومتها و سيادتها. بالتأكيد في حالتنا لا توجد دولة
تطالب الدولة بمحاربة العنصرية ... ثم تعود لتؤكد بأنه لا توجد دولة
اها نقعد نربع يدينا لغاية ما ربنا يقسم لينا دولة؟
ثم يجب أن يكون أول اسلحة الدولة في القضاء على العنصرية
هي نشر التعليم والوعي وثقافة التعايش وبعدها سن القوانين وتطبيقها بحزم ودون انحياز على الجميع
؟؟؟؟
السودان مجتمع قبلي بامتياز وبالتالي التوجه مباشرة لنشر ثقافة التعايش بين الجميع هو الحل الاجدى فبدل محاربة العنصرية بالقوانين دعنا نحاربها من المنشأ وهو المجتمع الذي يمارس هذه العنصرية
وطبعا المستر دينق قاصر العنصرية في تعامل الشماليين مع الجنوبيين فقط هناك عدة اشكال للعنصرية حتى داخل البيت مثلا بين الذكور والاناث وتفضيل الذكور على الاناث في البيت والعمل هو ايضا شكل من اشكال العنصرية
التعليم ونشر الوعي والاستنارة هو السبيل لمحاربة العنصرية
دم بخير
02-21-2016, 07:18 PM
الامين موسى البشاري
الامين موسى البشاري
تاريخ التسجيل: 08-09-2009
مجموع المشاركات: 15391
Quote: قلت لي وين الدولة المدنية البتكلم عنها طيب ياخ انت لما عارف مافي دولة مدنية وفي سلطة متنيلة بستين نيلة ليه محمل الجنوبيين وزر الانفصال وحدهم حكاية غريبة
كلامك كان ممكن يكون مبلوع لو اختلف الجنوبيين مع الانقاذ بس
لكن ديل قاتلوا الجميع من اجل نفس الفكرة وهي الانفصال
والانظمة الى زوال مهما طال الزمن وتبقى الشعوب
أن تختلف مع زول واحد ولا اثنين ممكن الناس تلقى ليك عذر
لكن أن تخلتف مع الجميع فهذه تحتاج الى وقفة .. وبعيونك الفيهن قضا ديل
ما اظن تشوف الحاصل .... والله صحي :)
(طبعن) .. مع التحيييييييييييييييييييييييييييييييييييييييييييييييييييييية
كما هو معتاد
02-21-2016, 07:29 PM
محمد البشرى الخضر
محمد البشرى الخضر
تاريخ التسجيل: 11-14-2006
مجموع المشاركات: 28869
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة