|
Re: هسع ناس قريعتي راحت فايدة وجودوم في ا لمنب (Re: عمر عثمان عبد الوهاب)
|
ومن هنا وباسمي وباسم جميع البورداب الجدد نطالب السيد بكري بان يتدخل في حال قامت ايوها مناوشات بين الاعضاء ويقوم
ببتر وسحب البوستن عند المداخلة الثانيه او بالكتير التالته ويقوم بانذار الطرفين
كما واطالب باقامة خيمة عزاء بالبورد للوفيات وتقبل العزاء
وان يقوم بتحجيم الجمهوريين ومنحهم عدد عنوان واحد فيهو طاري استاذوم في الصفحة الاولي فقط
ولو حظر لينا عبدالله عثمان ده يكون ريحنه
كما واطالبه ان يكون شخصنا الضعيف من ضمن فريق الاشراف علي هذا المنبر
وشكرا
| |
|
|
|
|
|
|
Re: هسع ناس قريعتي راحت فايدة وجودوم في ا لمنب (Re: عمر عثمان عبد الوهاب)
|
عمر عثمان تحياتي أها يا أخوي حجيتك ما بجيتك قول خيراً جانا وجاك هي فيك وإن عرفتها بكريك ما عرفتها (دي يا أخوي عضوية سودانيز أونلاين) لو في مقدور بكري أبوبكر أن يفعل كل هذا الكلام الإنت كاتبو دا كان طرد كل الأعضاء ناس قريعتي راحت وناس قريعتي راحت ولقوها وناس معزتنا زاتو وإستثمر في الأسهم. وقطعاً فرقة ناس قريعتي ليسوا هم من الأعضاء الجدد فقط فهناك قريعات رايحه منذ تأسيس المنتدي ، أها في الحته دي عليك بالتالي: اذا أتاك الهواء من يمينك فأقرص شمال ، وإذا أتاك عن شمالك أعصر يمين ، وإذا أتاك من كل الجهات شتت أو ميل وخلي الناس تميل – وأهلاً وسهلاً بك عضوا في منتدى سودانيز أونلاين دوت كوم – ولو ما لقيت قريعتك الرايحه دي هناك قرع كتير للبيع
-- للفائدة العامة: ( قريعتي lost ) يُطلق لمن تخلف عن الركب بطوع أمره ولأمر حقيـــــــــــــــــــــــ،،ر رهط من الناس في إحدي أسفارهم كانوا يستخدمون القرع للشرب وحفظ الأكل وكذلك للوضوء ومآرب أخري أو حاجات تانيه ربما. أها في نص السكه توقفت القافلة لأخذ قسط من الراحة .. وبعد أن خلص الـ Break وإنطلق القوم بمسافة ليست بالقصيرة إذا بهم يقتقدون أحد عامتهم من الدهماء أمثالي فتولي السوبرفايزر البحث عن صاحبنا وبعد جهد جهيد لقي الزول حيث أقاموا من قبل فسأله آزوول علك عافيه مالك فرد صاحبنا بأنه أضاع ( قرعته ) وتأخر للبحث عنها فكان أن نال من إستهزاء القوم به فصارت مثلاً (ناس قريعتي راحت) ..
| |
|
|
|
|
|
|
Re: هسع ناس قريعتي راحت فايدة وجودوم في ا لمنب (Re: ahmedona)
|
Quote:
ومن هنا وباسمي وباسم جميع البورداب الجدد نطالب السيد بكري بان يتدخل في حال قامت ايوها مناوشات بين الاعضاء ويقوم
ببتر وسحب البوستن عند المداخلة الثانيه او بالكتير التالته ويقوم بانذار الطرفين
كما واطالب باقامة خيمة عزاء بالبورد للوفيات وتقبل العزاء
وان يقوم بتحجيم الجمهوريين ومنحهم عدد عنوان واحد فيهو طاري استاذوم في الصفحة الاولي فقط
ولو حظر لينا عبدالله عثمان ده يكون ريحنه
كما واطالبه ان يكون شخصنا الضعيف من ضمن فريق الاشراف علي هذا المنبر
|
اخونا عمر / تحياتي
كان بكري عمل كده ناس احسن تكتب في جرايد الرقيب القبلي و بعدي بعيد عنك
| |
|
|
|
|
|
|
Re: هسع ناس قريعتي راحت فايدة وجودوم في ا لمنب (Re: جعفر محمد امام)
|
Quote:
عمر عثمان تحياتي أها يا أخوي حجيتك ما بجيتك قول خيراً جانا وجاك هي فيك وإن عرفتها بكريك ما عرفتها (دي يا أخوي عضوية سودانيز أونلاين) لو في مقدور بكري أبوبكر أن يفعل كل هذا الكلام الإنت كاتبو دا كان طرد كل الأعضاء ناس قريعتي راحت وناس قريعتي راحت ولقوها وناس معزتنا زاتو وإستثمر في الأسهم. وقطعاً فرقة ناس قريعتي ليسوا هم من الأعضاء الجدد فقط فهناك قريعات رايحه منذ تأسيس المنتدي ، أها في الحته دي عليك بالتالي: اذا أتاك الهواء من يمينك فأقرص شمال ، وإذا أتاك عن شمالك أعصر يمين ، وإذا أتاك من كل الجهات شتت أو ميل وخلي الناس تميل – وأهلاً وسهلاً بك عضوا في منتدى سودانيز أونلاين دوت كوم – ولو ما لقيت قريعتك الرايحه دي هناك قرع كتير للبيع
-- للفائدة العامة: ( قريعتي lost ) يُطلق لمن تخلف عن الركب بطوع أمره ولأمر حقيـــــــــــــــــــــــ،،ر رهط من الناس في إحدي أسفارهم كانوا يستخدمون القرع للشرب وحفظ الأكل وكذلك للوضوء ومآرب أخري أو حاجات تانيه ربما. أها في نص السكه توقفت القافلة لأخذ قسط من الراحة .. وبعد أن خلص الـ Break وإنطلق القوم بمسافة ليست بالقصيرة إذا بهم يقتقدون أحد عامتهم من الدهماء أمثالي فتولي السوبرفايزر البحث عن صاحبنا وبعد جهد جهيد لقي الزول حيث أقاموا من قبل فسأله آزوول علك عافيه مالك فرد صاحبنا بأنه أضاع ( قرعته ) وتأخر للبحث عنها فكان أن نال من إستهزاء القوم به فصارت مثلاً (ناس قريعتي راحت) ..
|
المله عمر شكرا لمرورك وايضاحاتك الوافيه وترحيبك بحضرتنا واخوك فعلا من القريعات الرايحه منذ تاسيس المنتدي وقد تخلفنا عن الركب ردحا من الزمان بعد ان اتانا الهواء من كل الجهات فشتتنا ولكنه مالبث ان عاد بنا مرة اخري وشكرا علي شرح مفردة قريعتي راحت اول مره اعرفها
وربنا يدي ود المليك الصحة والعافيه
لك الود والتحايا
| |
|
|
|
|
|
|
Re: هسع ناس قريعتي راحت فايدة وجودوم في ا لمنب (Re: محمد مجيدو)
|
Quote:
أخونا عمر عبد الوهاب --- تحياتي...
أمسك تلابيب البوست ما يروح الخور... |
الاخ احمدونا سلام عليكم
الكلمه دي متداوله ياخ وبعدين مفرده لاطي دي ماظنيت تفوت علي المشرفين لانهم بيكونو مختارنهم نقاوه وبيكونو تفتيحه وملمين بكل نواصي المفردات اللي ماهي
ولا اكان ثقافتوم امريكاني يبقي ام الحسين واتنفخت
| |
|
|
|
|
|
|
Re: هسع ناس قريعتي راحت فايدة وجودوم في ا لمنب (Re: عمر عثمان عبد الوهاب)
|
بعدين الاوبشن بتاع انو صاحب البوستن يحزف بمزاجو دي اصلن مايفترض تكون متاحة والناس يبقي سدرها واسع لكل نقد ان كان بناءا او خلافه
والنفسو قصير مايفتحلو بوست ويقعد ينقي في الردود والناس الممكن تتداخل معاهو
افتح ادلف اكتب واجه كابس وتحسب واحتسب
واي انسان يحزف مداخلة شخص بعينه او كلامو ماعجبو ده زول قرعه ساي وماعندو ثقه في نفسو
هذا والله اعلم
| |
|
|
|
|
|
|
Re: هسع ناس قريعتي راحت فايدة وجودوم في ا لمنب (Re: عمر عثمان عبد الوهاب)
|
Quote:
اخونا عمر / تحياتي
كان بكري عمل كده ناس احسن تكتب في جرايد الرقيب القبلي و بعدي
|
سيد جعفر سلام
والله هذا المنبر مقارنة مع بقية المنابر السودانيه وبدون مجامله من اكثر المنابر حرية في التعبير خاصة فيما يخص الشتم والسب والكلام اللازع والناس ماخدة راحته شديد في الحته دي
بعدين سبحان الله دايما تلقي الدشمان بين السناير الكبار شكلها الشغله تراكميات وتارات قديمه
نحنه ناس قريعتي راحت ديل لا ايدنا لاكوراعنا
بعدين بيني وبينك كده التربيه زاتا ماليها اثر كبير ياخ
| |
|
|
|
|
|
|
Re: هسع ناس قريعتي راحت فايدة وجودوم في ا لمنب (Re: مصعب عجاج)
|
Quote:
ودي بكري كربته شنو عليها عشان يتأكد منها, دي من مجايب قوقل آد, وشكلها مواسير ساي أخير اختاها هذا و الله أعلم |
سلام ود البشري
الماسوره الصحي صحي اذا اتصلته وعرفوك سوداني
نحنه ناس علي قدر حالنا ياللخو وديل مارقات كايسات الهوامير و خاتات عيونن علي ناس القريشات
خويا لينا جازف واتصل وبعد السلام واللاذي منو والحديث عن الزواج والحلال والستره قاتليهو من وين حبيبي؟ قاليها من السودان
قاتليهو وجع و كررررررج وتوت توت توت
| |
|
|
|
|
|
|
Re: هسع ناس قريعتي راحت فايدة وجودوم في ا لمنب (Re: عمر عثمان عبد الوهاب)
|
Quote:
خليك شايل طوبتك وجاهز لاي عنكبة ...
والله يكفيك شر الامريكان ومن ولاهم ...
حسي يطلعوني عنصري رعديد .. ويقولو على نبزت ماما امريكا ...
عالم بطااله ...
|
كابتن مجيدو سلام
ابعد من امريكا وناس امريكا ديل يازول
بحاسبوك حساب عسير شديد خلاس نحنه ترانا نشيل ونردم ونرمي في الكلام دراب دراب وبحسن نية السوداني البسيط وسريرتو المنبهله المعهوده يباروك ويجو وراك يفندو كلامك حرف حرف يمرقو فيك بلاوي العالمين .لا ويأرشفوها ويمسكوها ليك لامن تموت
| |
|
|
|
|
|
|
Re: هسع ناس قريعتي راحت فايدة وجودوم في ا لمنب (Re: عمر عثمان عبد الوهاب)
|
Quote:
البحصل في المنبر يحقر قدر الناس ولا يزيدهم شرفا
|
ده كلام ميه ميه اخ ياسر ويورثون لانفسهم تهيجات المصارين والدغت والسكري
الواحد لامن يزعل يرمي ليهو كلمه كلمتين ويبقي مارق
اما الناس تقعد تقابل بعض كبع ولبع وشتم وسب وضربات بينيه ومرتده ويقلبو الصفحه ويواصلو فدي حركه ماحلوه نهائي
| |
|
|
|
|
|
|
Re: هسع ناس قريعتي راحت فايدة وجودوم في ا لمنب (Re: اباذر عبد العال)
|
Quote:
الواحد من حيث لا يدري يسئ لنفسو ولاهلو |
والله ياشيخ مصعب الاساءه للنفس ملحوقه
علا اساءة الاهل دي ياها المابتنلحق ولابنجبر كسرها بالساهل
مع انو الواحد لو اعطي نفسو فرصة كم دقيقة قبل الرد الشين ممكن يحظي براحة بال غريبة يحمد الله عليها
وشخبطاطنا دي في النهايه معظمه فشنكات ساي
| |
|
|
|
|
|
|
Re: هسع ناس قريعتي راحت فايدة وجودوم في ا لمنب (Re: عمر عثمان عبد الوهاب)
|
ولي ناس قريعتي راحت لو انت ضد الحكومه ولا جمهوري اسكت ادخل وكابس وستلقي من يصفق لك ويبطبط علي ضهرك ويقوليك برافو
مع الحكومه وماجمهوري تنضرب في ضهرك لامن يمرق ليك صاحب يتلمو فيك متل النمتي وهاك يانبيشه ونبيحة يكتلوك في بكانك وتاني ماتقوم ليك قايمه شي كوز وشي حرامي وشي ارزقي ده غير الشتيمه والحاجات التانيه
عشان كده احسن حاجة تعملة تدخل تكابس الله ورويحتك وبتلقي اولاد الحلال اليسندوك اكان من الجداد ولا القدام
| |
|
|
|
|
|
|
|