|
|
|
 Re: طلب استشارة من اعضاء البورد بالسعودية وخا (Re: Hafiz Bakhit)
|
فى تصورى الخاص أن كان المطعم للأكلات السودانية فقط فلا ينفع ألا مطعم تقليدى مثل بقية المطاعم السودانية المنتشرة فى المملكة ،،
أما أذا أردت أن يكون مطعم 5 نجوم أو 4 نجوم عليك بالأكلات العالمية أو على الأقل الأقليمية مثل : الإستيكات والمشويات بأنواعها
والأكلات البحرية .
هذا رأى وقد أكون مخطئا ،، وتوكل على الله حسب تصورك وخطتك التى رسمتها فما النجاح إلا من عند الله ومن بعد جهدك الشخصى
| |
 
|
|
|
|
|
|
|
|
Re: طلب استشارة من اعضاء البورد بالسعودية وخا (Re: Hafiz Bakhit)
|
| Quote: نجاح مطعم ابوني لايعني نجاح نفس التجربة في السعودية .. |
أخ / حافظ بخيت---- تحياتي.
أوافقك الرأي --- الفكرة تنجح بإمتياز...
أهم شئ الإهتمام بمستوى النظافة العالي ...
والخدمات الممتازة ...
والأسعار المعقولة.....
وممكن تضيف للمطعم خدمة تجهيز الولائم السودانية للمناسبات.....
أصلو ما تتردد --- إتوكل على الله....
الكثير من السودانيين يحجموا عن المطاعم السودانية للأسباب أعلاها...
الكثيريين يريدوا إستضافة أصدقاؤهم من غير السودانيين على الوجبات السودانية ...في مطاعم سودانية...
بس الناس بتخجل لتدني مستوى النظافة....
وقبل كل شئ إستخير ربك...
| |
|
|
|
|
|
|
|
|
|
Re: طلب استشارة من اعضاء البورد بالسعودية وخا (Re: Hafiz Bakhit)
|
اؤؤكد لك ان التجربة ستنجح بمعنى الكلمة...
فكرة ان السودانيين يستهدفون المطاعم الارخص وان دخلهم واطي ليست دقيقة ابدا..
وهي فقط نابعة من تصورات مسبقة :
كل القصة لا يوجد من طبق التجربة بي شكل متكامل ..
المكان المناسب
النظافة...
النوعية الممتازة للاستاف
الجودة المطلقة والمستمرة
الاسعار ال reasonable>>>
جدة بها عدد خرافي من السودانيين...
وفي هذا الصدد اود ان اوضح ان كثير جدا من السودانيين غيروا عاداتهم ..ولك ان تنظر لنوعية السيارات التي اصبح يركبها السودانيون..
انا شخصيا لو كنت املك امكانيات لما ترددت في تطبيق الفكرة وسرقتها منك... ههههههه..
صدقني دي منطقة من هذا السوق ثرة وخصبة وفاضاااضية والناس ما اكتشفتا لسة !!!
| |
|
|
|
|
|
|
|
|
|
Re: طلب استشارة من اعضاء البورد بالسعودية وخا (Re: الامين محمد علي)
|
.
الإخوة ناس جدة ..... لكم التحية والتقدير
أنا من خارج المملكة ولكنني في الخليج ..واعتدت على زيارة جدة مرتين في
السنة ... يبدو أن أخونا حافظ بخيت مقدم على ( مشروع ) وعليه أرجو أن تنوروه
على أهمية ( الموقع ) وإن كان له دور في نجاح المشروع ... أم أن العمل نفسه
هو الذي يجذب الزبائن من أي مكان ؟..... ( البيك ) مثالاً ..
وما هي أنسب المواقع لإقامة مطعم سوداني ... وهل الكثافة السودانية في أحياء
بعينها لها أثر؟
لكم الشكر ولحافظ التوفيق والنجاح
| |
|
|
|
|
|
|
|
|
|
Re: طلب استشارة من اعضاء البورد بالسعودية وخا (Re: jini)
|
تأسيس المطعم امر مكلف
إيجاد موقع مناسب ودفع ايجار عدة أشهر وصيانة الموقع وتهيئته ليناسب عمله كمطعم وتاثيثه ونقل كفالة عمالة وآثار رخص بلدية للموقع وللعمالة هذه مبالغ طائلة فضلا عن توفر سيولة لمقابلة احتياجات المطعم اليومية حتى يتبوأ مركزا مرموق ويحقق ربحية.
وفي حالة عدم نجاحه لا قدر الله المخرج الوحيد هو التقبيل وما ادراك ما التقبيل!
المال تلته ولا كتلته !!
هنا المطاعم يشغلوا فيها عمالة مصرية ويكتبوا عليها المطعم اللبناني والمطعم التركي.
وانت يا حافظ اخوي داير تفتحه مطعم سوداني!!
يا راجل شوف استثمارات مضمونة وما ا أكثرها!
جني
| |
|
|
|
|
|
|
|
|
|
Re: طلب استشارة من اعضاء البورد بالسعودية وخا (Re: jini)
|
فكر في الموضوع جيدا ..
قبل ان تقدم على الفكرة
ورغم اني لست من سكان جدة
لكنني مرتبط بها كثيرا
وقبل توفر راس المال
فان الموقع والادارة من الاضلاع المهمة جدا في هذا المشروع
كل مداخلات جدا اجعلها من ضمن الدراسة
وبحكم عملي بالبلدية فان 90% من المطاعم السودانية يجب ان يعاد النظر فيها
وذلك لاسباب لاتصلح للنشر
وغالبية السودانيين الذين يمرون على جدة
سواء دخولا او خروجا
فان ظروفهم اقل من الوسط
واذكر انني كنت اقف في البيك في انتظار دوري
فاذا بثلاثة سودانيين
يبدو انهم اتوا عمرة
وقالوا للبايع
عندك بلدي ؟؟؟؟
والوجبات كانت تمر على الشاشة باللغة الانجليزية
ومازحتهم
ياجماعة هنا مافي بامية مفروكة حايمة في المحل دا
معليش هجمة مرتدة
لم ازر دبي
لكن اعتقد ان المستهلكين في دبي
يختلفون عن المستهلكين في جدة
ونتمنى لك التوفيق
| |
|
|
|
|
|
|
|
|
Re: طلب استشارة من اعضاء البورد بالسعودية وخا (Re: ابوحراز)
|
لا أنصحك بالأقدام على هكذا خطوة
عشت فى جدة زمن طويل و فى فترة كان شغلى تموين المطاعم
السودانية باللحوم و فى عام 2000 م تقريباً أحد أعضاء هذا المنبر
قام بنفس فكرتك ... مطعم مجهز على مستوى راقي جداً و فى شارع هام
شارع السبعين قريباً من مطعم البيك ... و كان به قسم للعوائل و أصناف
الطعام منها السودانية و غير السودانية ...
للأسف أكبر عدد اللذين أتوا يوم الأفتتاح لأنه كان بوفيه مفتوح مجاني ...
لم يستمر طويلاً و كانت خسائره فادحة ... و أغلق المطعم .
| |
|
|
|
|
|
|
|
|
|
Re: طلب استشارة من اعضاء البورد بالسعودية وخا (Re: على عبدالله بشير)
|
حافظ بخيت سلام ياطيب
انا من زوار جدة مرتين في العام منذ زمن طويل مستوي الخدمات المطاعم
السودانية تعبان جدة المطاعم منوعة حسب سكانها تلقي البخاري ومطاعم
اليمن وخلافه ان كان لابد ممكن يكون مطعم عام ليس مخصص للسودانين
فقط مع التجهيز العالي
-----
خارج النص مطعم تجهيز عالي في السودان ممكن يكسب أضعاف أرباح جدة
| |
|
|
|
|
|
|
|
|
|
Re: طلب استشارة من اعضاء البورد بالسعودية وخا (Re: محمد المسلمي)
|
تحياتي لكم جميعا اصدقائ واهلي البورداب وانشاالله ماعدمناكم .......
وماخاب من استشار ..خاصة واسرة البورد مشهود لها بالترابط لذا كان لجوئ لكم وما خيبتوا ظني...
انا الان في طور التفكير ومناقشة الفكرة وعمل دراسة الجدوي...
مسافر الي جدة في هذا الشهر لتكملة دراسة الجدوي ولنري الي اين تسير القافلة....لكم الشكر وفي انتظار المزيد من الاراء...
| |
|
|
|
|
|
|
|
|
|
Re: طلب استشارة من اعضاء البورد بالسعودية وخا (Re: Hafiz Bakhit)
|
اي مشروع ياحافظ بتوقف على الدراسة المستفيضة
في جدة تحديدا اهم شىء الموقع ... والتركيز على مصاريف التشغيل
والجودة والخدمة السريعة ...
شخصيا انا مقتنع بالفكرة جدا جدا واشجعك عليها وباذن الله حيجي اليوم
وبتلقى نفسك حققت ارباح لا باس بها ... وربنا يوفقك
اي استشارة مالية ... بنكية ... اقتصادية .. فنية نحن تحت الخدمة
| |
|
|
|
|
|
|
|
|
 Re: طلب استشارة من اعضاء البورد بالسعودية وخا (Re: Hafiz Bakhit)
|
الأخ حافظ
أولاً أنا ما من ناس جدة الآن ، ولكنني كنت من سكانها في السابق
قال رسول الله صلي الله عليه وسلم تسعة أعشار الرزق في التجارة
وعلي الرغم من أن الحديث قد يبدو ضعيفاً إلا أن شواهد الحال تفيد بمعقوليته
جيد إنك تفكر في التجارة لكن للأسف
حسب معلوماتي - دون تفصيل - هذا المشروع نسبة نجاحة لا تتجاوز ال 10% ال 90% عند عثمان (
ابوحراز) أتمني لو تصرف النظر فوراً
و حسناً أنك لم تفكر في موضوع السودان - مع احترامي لناذر والمسلمي
علي اليمين هناك غير التماسيح العشارية
في تمساح أب كبلو الضارب اللية - أكيد أنت عارفو بسوي شنو
الخلاصة
حكمة أهلنا
الدرب الممشي ما بتور قش
____
الحليلة
| |
|
|
|
|
|
|
|
|
|
Re: طلب استشارة من اعضاء البورد بالسعودية وخا (Re: الطيب عباس)
|
الأخ حافظ بشير
كل الأمنيات لك بالتوفيق في استثماراتك القادمة سواء في جدة أو غيرها
وطبعا لا يفتى ومالك في المدينة
الأخ حيدر جني من قدامى أهل جدة وأهل جدة أدرى بشعابها
لكن زيارتك لمدينة جدة قد تمنحك الفرصة الكافية لتقييم مدى نجاح المشروع
عموما أصالة عن نفسي ونيابة عن بورداب جدة نرحب بك في جدة
ونتمنى نقابلك فيها
| |
|
|
|
|
|
|
|
|
|
Re: طلب استشارة من اعضاء البورد بالسعودية وخا (Re: محمد البشرى الخضر)
|
لا يوجد بجدة مطعم سوداني يمكن أن تصحب أسرتك أو ضيوفك له لتدني النظافة والمظهر مع جودة المنتج
ودي ميزة مشجعة لمشروعك المقترح إن توفر الموقع والمستوى المناسب وأقترح حي الصفاء شارع الأربعين أو السبعين للوجود السوداني وتوسط الموقع
ولكن
الاعتماد على الأصناف البسودانية البلدية غير جاذب للأسر فهم يبحثون عن التغيير المتوفر في المطاعم خاصة التركية
والهندية والصينية والفنادق وبوفيهاتها المفتوحة .. والعزابة ممشين حالهم بالقطر قام والحرفنة والمطاعم التقليدية الاعتادوا عليها
ولكن ....
إن أمكنك تقديم أصناف عالمية ممتازة مطعمة ببعض البلدي وبأسعار معقولة قد يكون عندك فرصة للمنافسة مع ارتفاع درجة المخاطرة
تحياتي وأطيب أمنياتي
| |
|
|
|
|
|
|
|
|
|
Re: طلب استشارة من اعضاء البورد بالسعودية وخا (Re: singawi)
|
Quote: المستوي المعيشي للسودانين "عموما"في السعودية واطي جدا ..اي انهم يفضلون المطاعم الرخيصة
والسكن الرخيص وكل شئ رخيص ...لان هدفهم الاساسي التوفير ..البوبار في السودان فقط |
السوداني الوحيد من كل الجنسيات فى غالبيتهم يغترب بدون هدف.. ويفضل السكن المناسب المريح له
ولعائلته وضيوفه ويعيش بالطول والعرض .. عكس أغلب الجنسيات الـ بتسكن فى شقق ضيقة وعايشين
على السندوتشات والنواشف لو إستثنيناء جنسيتين بالكتير من الدول العربية .. كونهم بيفضلوا المطاعم
السودانية ( الأكلات السودانية) لا يعني إنهم يفضلوا المطاعم الرخيصة.. السوداني يبحث عن الجودة
سواءً فى السكن أو المعيشة.
مشكلة المطاعم السودانية لا تهتم بالنظافة .. مجرد فكرة عمل مطعم معاها حلتين وكمشتين وكم صحن ... إلخ
ويكون مطعم سوداني.. الإهتمام بالنظافة والمطاعم السودانية فى خطين متوازيين.
اما عن مضمون البوست:
الأفضل يكون مطعم للسوداني وغير السوداني.. دراسة جدوي متكاملة.
الموقع .. جودة المطعم بتجيب الزبائن.. بمعني.. لا تهتم بالزبون السوداني براهو.
نصيحة .. الإستثمار فى البامية المفروكة والتقلية وباقي الأكلات الشعبية السودانية
وفر وقتك ومالك .. أبعد منها.. الإجراءات براها بتكلفك الكتير من الوقت.
| |
|
|
|
|
|
|
|
|
|
Re: طلب استشارة من اعضاء البورد بالسعودية وخا (Re: elhilayla)
|
الحليلة مرحب بيك....
قلت لي تمساح أب كبلو عديل ...
إخوانا من امريكا بيرجعوا السودان بكل قروشهم عشان يعملوا مشروع
ويستقروا ويعيشوا معيشة مستورة ... بعد كم شهر يجوا راجعين
وخشمهم ملح ملح .. تسألهم الحاصل شنو ... من المغصة ما يقدروا
يحكوا ليك الحاصل بس يوصفوا في التماسيح
| |
|
|
|
|
|
|
|
|
|
Re: طلب استشارة من اعضاء البورد بالسعودية وخا (Re: Hafiz Bakhit)
|
Quote: لا يوجد بجدة مطعم سوداني يمكن أن تصحب أسرتك أو ضيوفك له لتدني النظافة والمظهر مع جودة المنتج
ودي ميزة مشجعة لمشروعك المقترح إن توفر الموقع والمستوى المناسب وأقترح حي الصفاء شارع الأربعين أو السبعين للوجود السوداني وتوسط الموقع
ولكن
الاعتماد على الأصناف البسودانية البلدية غير جاذب للأسر فهم يبحثون عن التغيير المتوفر في المطاعم خاصة التركية
والهندية والصينية والفنادق وبوفيهاتها المفتوحة .. والعزابة ممشين حالهم بالقطر قام والحرفنة والمطاعم التقليدية الاعتادوا عليها
ولكن ....
إن أمكنك تقديم أصناف عالمية ممتازة مطعمة ببعض البلدي وبأسعار معقولة قد يكون عندك فرصة للمنافسة مع ارتفاع درجة المخاطرة
|
ياحافظ ماقاله سنغاوي مزبوط ... جدة فيها سودانيين قروشهم ماليها حد وقاعدين يصيفوا كل سنة في حته وبتناولو وجباتهم في الفنادق الكبيرة وما قاعدين يمشو تجاه المطاعم السودانيه حتى الشية سابوها لعدم النظافة وطريقة التقديم التقليدية ولا يوجد معطم اجنبي في جدة والا له قسم عوائل الا المطاعم السودانية شغلهم كلو امسك لي اقطع ليك احبطونا شديد حتى الطرابيز والكراسي يفشوا على الارخص ... جدة فيها آلاف السودانيين زي الوضع الاقتصادي في السودان طبقة فوق وطبقة تحت وانت عليك بالطبقة الفوق قروشها رز ولان عشمهم في مطعم راقي انقطع تماما منذ زمن بعيد لذا يتهيأ للناس او ناس جدة بلوتاريا ساكت ... تعال مافي اكل في جدة قاعد يبور وعلى فكرة و اسمعني.. انت لو عملت مطعم على مستوى ما سبق زباينك ما حيكونوا سودانيين وبس لانو الاكل السوداني مرغوب جدا .. نحن ورثناهو من الاتراك كما تعلم وتفوقنا عليهم بالمسبك والشية ياخي السودايين الواحد عايز يطلع مع عائلته في نهاية الاسبوع عشان يقعدوا ويتعشوا مثلا تحت نور خافت وموسيقى مش يجري ويجيب الاكل السوداني في كيس بلاستيك ويفرغوا في الصحانه .. الحكاية مش اكل وبس
| |
|
|
|
|
|
|
|
|
|
Re: طلب استشارة من اعضاء البورد بالسعودية وخا (Re: عبدالكريم الاحمر)
|
الأخ عبد الكريم الأحمر ... تحياتي
يا اخي مداخلتك دي ريحتني في حناني ... ليست لانها جات في هواي
لكن باستطلاعي لبعض الأصدقاء سمعت منهم بعض مذاكرته وهذا ما شجعني علي طرح الفكرة هنا
مكان جميل ورايحة المشويات مع الخدمة الجيدة والنظافة العالية وتوفير جو جميل واسعار معقولة
لكن في نفس الوقت أخذ كلام الأخ جني بصورة حذرة كذلك الاخوان علي وأبو حراز
| |
|
|
|
|
|
|
|
|
|
Re: طلب استشارة من اعضاء البورد بالسعودية وخا (Re: اباذر عبد العال)
|
الاخ حافظ وضيفه الكرام
في بوست هنا قبل فترة كان يتحدث عن رداءة مستوى الخدمة والنظافة داخل المطاعم السودانية وقد تداخل كثيرون وابدو استعدادهم لدعم اي فكرة مطعم سوداني بمستوى راقي
انا شخصيا ارى ان الفكرة جيدة ونسبة النجاح كبيرة
تعال جدة وشوف زي ما قال ليك جعفر وقيم الامور
| |
|
|
|
|
|
|
|
|
|
Re: طلب استشارة من اعضاء البورد بالسعودية وخا (Re: jini)
|
الأخ جني سعدت جدا بأرائك القيمة وطلتك في هذا البوست
افتقدناك في البورد ... وكانت سعادتي بوجودك
هذة الأفكار بعض منه مطروح علي الطاولة وكلامك صحيح في ناحية استيراد بعض المواد للسعودية من السودان او أماكن اخري
انشاالله بدعمكم وخبراتكم ابداء بداية موفقة وأسير في الاتجاه الصحيح
| |
|
|
|
|
|
|
|
|
|
Re: طلب استشارة من اعضاء البورد بالسعودية وخا (Re: احمد حمودى)
|
سلام ..
الأكل ضرورة يومية، وعادة مافى دراسة جدوى لمشاريع الأكل والشرب والملابس ..
فى دراسة لأفضل البدائل لتقليل (التكاليف)، وتساعد فى الصمود فى السوق خاصة فى بداية المشروع، وهى سبب نجاح مشروع وفشل مشروع أخر مماثل له.
أبدأ (بأرخص) إيجار دكان على مستوى (منطقة العمل)، و(بأقل) عدد ممكن من العمال، و(بأغلى) يافطة، و(أنسب) إسم تجارى مقبول لكل سكان وزوار جدة دون تحديد هوية الزبائن ..
طالما عندك الفكرة لو ما جربتها ما حترتاح ..
يصعب تقديم نصائح مناسبة دون معرفة حجم المشروع والأموال المخصصة له..
| |
|
|
|
|
|
|
|
|
|
Re: طلب استشارة من اعضاء البورد بالسعودية وخا (Re: حسين عمر الفكي)
|
تحية وتقدير الاخ حافظ
لم أرى هذا البوست الا الآن , كنت من سكان جدة سنوات طوال , كما ذكر لك الأخوة اعلاه مستويات المطاعم السودانية أقل ما يقال عنها أنها ( شعبية ) كل شي متدني النظافة , المكان , الخدمة , كل شئ , ومع ذلك لهذه المطاعم روادها وزباينها وينتهي الطعام بها قبل منتصف الليل .
ما أعلمه عن جدة أنها تضم مختلف فئات المجتمع السوداني وتتفاوت دخولهم , ومنهم ذوي الامكانيات العالية جدا , وبلا شك تجربة مطعم سوداني على مستوى عال وراق , تجربة رائدة جدا على الرغم مما تحمله من مخاطر , فالسوق يخلو تماما من مطعم سوداني راق وهذا يعتبر جانب مجهول بالنسبة لك لأنه يمكن أن يجلب أرباح عالية جدا أو يجلب خسارة فادحة لأنه لا توجد تجارب سابقة يمكن الرجوع اليها , ولكن كما ذكر بعض الأخوة أعلاه لا بد من اضافة محسنات عالمية وذلك لضمان زبائن من جنسيات غير سودانية , وحتى الزبائن السودانيين يرغبون بلا شك في التنوع العالمي ( الابتعاد عن البلدي قدر الامكان ) اضافه لاختيار المكان المناسب والعمالة الماهرة , وكما تعلم فأكثر ما يعجب الناس المظهر العام والنظافة ومستوى الخدمات , ودعواتنا لك بالتوفيق .
| |
|
|
|
|
|
|
|
|
|
Re: طلب استشارة من اعضاء البورد بالسعودية وخال (Re: Hafiz Bakhit)
|
السلام عليكم جميعا ولكل من شرفني بالمرور علي البوست فتحت هذا البوست قبل اكثر من شهر لاستشارة أعضاء البورد بالسعودية وخاصة جدة بخصوص افتتاح مطعم فاخر بجدة وقد تباينت الاّراء وكان لي شرف زيارة المملكة وابتدأت بجدة ومع الأسف وجدت واقع المطاعم السودانية تحديدا مؤلم جدا من كل النواحي ولا أستطيع وصفه .... وزعلني احد الأصدقاء عندما ذكر لي ان السودانين يخافون من الأماكن النظيفة وحد في نفسي ان شخصا متعلما يقول لي مثل هذا الكلام فاعتقد نحن شعب عموما نظيف ونوعا ما مرتب فلماذا نقبل ان نوصف بهكذا وصف الا اذا كان هناك ماوراه .... اترك هذا الباب مفتوح للحديث تحدث مع البوردابي احمد حمودي تليفونيا ولم تحظ بلقائه لظروف استدعت عودتي سريعا .... سأعود لأكمل انطباعاتي عن رحلة الاسبوعين وما رأيت وسمعت وكذلك دوحة الخير وسوق واقف والمطعم السوداني فيها
| |
|
|
|
|
|
|
|
|
|
Re: طلب استشارة من اعضاء البورد بالسعودية وخا (Re: Hafiz Bakhit)
|
تحية طيبة الاخ حافظ البوست مفتوح من اكتر من شهر وماشفته إلا اليوم انا اعمل فى قطاع المطاعم .. مطعم مشهور بالرياض مسئول من النواحى المالية والتكاليف وغيرها اولا قطاع المطاعم نسبة ربحه قليلة بالمقارنة مع القطاعات الاخرى يعنى مابين 15 الى 20% على احسن تقدير من اهم الاشياء التى تزيد التكلفة هى العمالة فالعامل يكلفك 3150 ريال سنويا جوازات 1200 تامين طبى وفحص بلدية وملابس وسكن حوالى3000ريال هذا غير الراتب وراتب الاجازة والتذاكر ثانبا تكلفة تاسيس مطعم مستوى ممتاز لاتقل عن مليونى ريال الايجارات فى مكان راقى عالية ولاتقل عن150 الف للفتحة الواحدة المطاعم عموما كمكان خدمى تعمل اكثر من 18 ساعة يوميا .. لذلك تحتاج الى ايدى عاملة كبيرة . محضرين تقطيع لحوم وخضار طباخين مجهزين للوجبات ومقدمين طعام و الاهم هم عمال النظافة .. لذلك يجب ان يكون العدد كبير بالاضافة الى تكلفة الكهرباء والماء ثالثا والاهم هو التاشيرات فهذه قصة طويلة مع مكتب العمل والجوازات ربنا ما يدخلك فيها رابعا مشاكل البلدية وناس الصحة ديل كل يوم يزوروك ويعملوا مخالفة ولو ما وجدوا مخالفة ممكن بعملوا مخالفة لعدم وجود مخالفة.. حقيقة معاناة لايعلم بها إلا من يعايشها رابعا / تدنى ايراد المطاعم فى الفترة الاخيرة بصفة عامة للاسباب الاقتصادية السائدة حاليا لذا عزيزى اصرف النظر وامسك عليك قريشاتك او شوف مجال تانى احسن بالمناسبة من واقع تجربتى السودانيين اقل الجنسيات التى ترتادالمطاعم بالنسبة للعوائل يبدو انهم بحبوا اكل البيوت واللمة والونسة مع خالص تحياتى اى استفسار انا على استعداد للمساعدة ا
| |
|
|
|
|
|
|
| |
Hafiz Bakhit
Mohd Ibrahim
ahmedona
الامين محمد علي
jini
محمد فضل الله المكى
ابوحراز
على عبدالله بشير
محمد المسلمي
Ahmed Yassin
ناذر محمد الخليفة
elhilayla
الطيب عباس
جعفر محي الدين
محمد البشرى الخضر
Mirghani Taitawi
عبدالكريم الاحمر
اباذر عبد العال
جمال الباقر
محمد عبد الله حرسم
احمد حمودى
فؤاد إبراهيم
حسين عمر الفكي
البشير دفع الله
فيس بوك
تويتر
انستقرام
يوتيوب
بنتيريست