|
Re: إيقاف الدفعة 90 كلية الطب جامعة الخرطوم من (Re: محمد المسلمي)
|
كامل التأييد لقرار العميــد.. البلد صارت فوضى.. حتى الأيفاع لا يحترمون اساتذتهـم. والما يربوه اهله تربيهم الحياة، والعملية التبربوية ليست حشو الأدمغة بالنصوص رغم ان هذه أيضا لا يمكن تحقيقها مع التهريج في قاعة الفصل.. ولقد كان على الطلبة الهادئين منهم مغادرة القاعة وليس التجاوب معهم.. لذلك يصلهم طرف السوط أيضا ويتحملون جزءاً من المسؤوليـة. ثم ايش معنى الدفعة دى بالذات من كل قاعات الكلية؟ الإجابة لأن هناك شخص او اتنين هم الذين يقودون هذا العمل الهمجى.
| |
|
|
|
|
|
|
Re: إيقاف الدفعة 90 كلية الطب جامعة الخرطوم من (Re: ضياء الدين ميرغني)
|
معقول يا ناس تحشروا ليكم 400 طالب في قاعة واحدة وبعد ده كلو تجوا تطلبوا منهم الهدوء والإستماع للمحاضرة ؟ لو ما عندكم قاعات تستوعب العدد ده كلو متفرقين 10 قاعات على الأقل 40 طالب لكل قاعة يبقى ما في داعي تقبلوا 400 طالب لدفعة واحدة و كلهم طب في زمنا بيقبلوا 200 طالب فقط لكلية العلوم , بعد سنة البرالمة , السنة الاولي , بيتوزعوا علي الطب,الصيدلة,البيطرةة,الزراعة,العلوم (كيمياء,فيزيا,احياء) ولستة صغيرة كدة لناس الدسمس وديل زاتو بيمشوا التعليم العالي جنب مجلس الوزراء مستشفى الشعب يدوهم منح لدول شرق اوربا ده طبعا السودان زمان قبل الكيزان أسألوا بكري ده
| |
|
|
|
|
|
|
Re: إيقاف الدفعة 90 كلية الطب جامعة الخرطوم من (Re: محمد المسلمي)
|
ضياء الدين ميرغني ياحبيب العميد ده عاقب الكل بدون تحديد السبب شنو بتنا جاءت البيت وكلها حسرة انه تم ايقافهم او رفدهم عديل كل الدفعة بدون سبب مادي ملموس وبكرة صباح بدري لو ربنا سهل نشوف قصة العميد ده شنو وإثباتاته شنو علي قراره ده العميد المفروض يكون مسؤول واكاديمي وعارف نتيجة إيقاف طالب عن دراسته مردودها شنو
----- لكن احتمال يكون عميد من ناس التمكين
الله هونيني
| |
|
|
|
|
|
|
Re: إيقاف الدفعة 90 كلية الطب جامعة الخرطوم من (Re: عماد الدين الطيب عمر)
|
سلام يا محمد وكامل تعاطفى مع بت الشيخ ، وابصم بالعشرة انها ما كانت مهرجة.. شيك على بياض كدا بس.. ولكن وكما يقولون الخير يخص والشر يعم.. والفتنة لا تصيب فقط من كان ظالماً. رغم ذلك ما زلنا نحتاج للمزيد من المعلومات حول هذه الحادثة.. ثم لا استطيع تصور 400 جرم بشرى في قاعة واحدة.. ديل قاعة السينما لا تشيلهم إلا كان استاد الهلال. واغلب ظنى ان هذا عدد الدفعة وليس من كان في ذلك الفصل بالذات.. تخيل مشوا المستشفى عشان يشرحوا جثة، الحيشوفها منو فيهم؟
| |
|
|
|
|
|
|
Re: إيقاف الدفعة 90 كلية الطب جامعة الخرطوم من (Re: عوض محمد احمد)
|
الفصل دا تعسفي لسببين السبب الاول ما وضحو للناس ليه فصلو دفعة كاملة من كلية الطب السبب التاني من المستحيل دفعة كاملة يكونو غلطانين وما يكون فيهم ولا واحد برة الغلط لكن من الواضح ان قوانين الجيش بدأ تطبيقها حتى على كليات الطب ( الشر يعم والخير يخص ) كامل التضامن مع الطلاب المفصولين
| |
|
|
|
|
|
|
Re: إيقاف الدفعة 90 كلية الطب جامعة الخرطوم من (Re: محمد المسلمي)
|
الحبيب المسلمي دا كان توقعي من الاول العميد كان يريد افهام الطلاب ان الامر جلل و كبير لهذا تم استدعاء اولياء الامور و دا تصرف حكيم جدا و ابوي و ان شاء الله ما تتكرر الحكاية دي البديل لتصرف العمادة كان ان يتم تعيين الثلاثين طالبا و توقيع عقوبات عليهم اهونها الفصل لمدة سنة اولادنا مهما كبروا فلن يكبروا علينا
| |
|
|
|
|
|
|
|