|
|
|
 Re: ***** يا جماعة إنتو فاهمين غلط .. الناس ديل ما (Re: معاوية المدير)
|
Quote: كلو هيّن،
بس ما يهبشو الصعوط ...
|
ما تخاف يا زول....
الصعوط لو هبشوه بجيب أجلهم ...
الناس لو ما قدروا يشتروا الصعوط حا يخرمو ....
و ناس الصعوط ديل كان خرمو بطلعوا الشارع و بقلبوا الحكومة ...
بعدين هم بزيدوا أسعار الحاجات الضرورية و الصعوط دا من المكيفات و هم همهم كيف المواطن ....
إنت يا سجم الرماد الصعوط بصلك كندا كيف ...؟؟؟
| |
 
|
|
|
|
|
|
|
 Re: ***** يا جماعة إنتو فاهمين غلط .. الناس ديل ما (Re: سيف النصر محي الدين)
|
يا ابو حسين الحكومة بتسرق في المواطن عديل كده
امس عملت لي تضريبة كدة الاسعار الفيها دي تقريبية لكن ممكن تديك فكرة عن تكلفة الغاز مفروض تكون كم
سعر الغاز العالمي لكل مليون وحده حرارية هذه الايام حوالي 2 دولار تزيد وتنقص قليلا
المليون وحدة حرارية تعادل مايقارب 26.4 متر مكعب من الغاز
اذن المتر المكعب الواحد من الغاز يساوي 7.5 سنت أي حوالي 87 قرش سوداني (اعتبرت الدولار = 11.5 جنيه )
كل متر مكعب = 0.75 كيلوغرام
سعر الكيلو = 87/0.75 = 1 جنيه و16 قرش
كم تكلفة النقل ؟ فنلفرض انها تعادل تكلفة الكيلو وهذا طبعا مبالغ فيه يعني الكيلو واصل الى بورتسودان = 2 جنيه و32 قرش
لماذا تبيعه الحكومة بستة جنيهات ؟
الحكومة قالت انها لا تفرض ضرائب ولا جمارك عليه
| |
|
|
|
|
|
|
|
|
 Re: ***** يا جماعة إنتو فاهمين غلط .. الناس ديل ما (Re: محمد إبراهيم علي)
|
تحياتي للجميع
| Quote: الحكومة قالت انها لا تفرض ضرائب ولا جمارك عليه |
لا موش قالت كدا بس يا بشمهندس
دي عاملة فيها داعماهو وبتمن علي المواطن
وفي اي لحظة تاني تحي تفرض زيادات
الثبت فعليا انو ازمة الغاز كانت مصطنعة
وتحت وسمع حرامية الدولة
والهدف منها تعويد الناس علي الاسعار العالية
معقول ياخي ازمة غاز في دولة
اكتر من سنة 
واحهزة امن وظيفتها توزيع الغاز 
| |
|
|
|
|
|
|
|
|
|
Re: ***** يا جماعة إنتو فاهمين غلط .. الناس ديل ما (Re: ABUHUSSEIN)
|
Quote: سلام عليكم أبو حسين
هي ليست زيادة في سعر الغاز انما تعديل ....شفت كيف
الزوغان من كلمة زيادة . دايما الأفندية ديل يقولوا ليك ....تعديل سعر ....تحريك سعر. |
أخونا عباس و عليكم السلام و الرحمة
كلامهم صحيح هو تعديل فحقوا ما نبهت الناس ساكت ......
غايتو إبليس بكون ساق عيالو كلهم و هاجر بره السودان لأنو في ناس قايمين بكل أعمالو على أكمل وجه ....
تحياتي و إحترامي
| |
|
|
|
|
|
|
|
|
|
Re: ***** يا جماعة إنتو فاهمين غلط .. الناس ديل ما (Re: ABUHUSSEIN)
|
Quote: يا ابو حسين الحكومة بتسرق في المواطن عديل كده
امس عملت لي تضريبة كدة الاسعار الفيها دي تقريبية لكن ممكن تديك فكرة عن تكلفة الغاز مفروض تكون كم
سعر الغاز العالمي لكل مليون وحده حرارية هذه الايام حوالي 2 دولار تزيد وتنقص قليلا
المليون وحدة حرارية تعادل مايقارب 26.4 متر مكعب من الغاز
اذن المتر المكعب الواحد من الغاز يساوي 7.5 سنت أي حوالي 87 قرش سوداني (اعتبرت الدولار = 11.5 جنيه )
كل متر مكعب = 0.75 كيلوغرام
سعر الكيلو = 87/0.75 = 1 جنيه و16 قرش
كم تكلفة النقل ؟ فنلفرض انها تعادل تكلفة الكيلو وهذا طبعا مبالغ فيه يعني الكيلو واصل الى بورتسودان = 2 جنيه و32 قرش
لماذا تبيعه الحكومة بستة جنيهات ؟
الحكومة قالت انها لا تفرض ضرائب ولا جمارك عليه |
يا باشمهندس الحكومة بتجبر الكسر من بلد الغاز أي كسر بتجبروا بالدولار لغاية ما يصل السودان و هنا برضو بتجبر الكسر عشان كدا بصل بي 6 جنيه عشان تكسر ضهر المواطن
خليق عميق يا هندسة ياخ ...
يا زول الناس ديل السرقوه شوية ....؟؟؟؟؟
| |
|
|
|
|
|
|
|
|
|
Re: ***** يا جماعة إنتو فاهمين غلط .. الناس ديل ما (Re: ABUHUSSEIN)
|
| Quote: خلاص هم على حق و أنا راكب غلط .... |
هههههه
يعني نعتبرك قابض ضنب الككو
فعلاً الحكومة ما زادت سعر الغاز بس
مع الغاز سيرتفع سعر العيش ( الرغيف)
وكل المخبوزات واظن كل السوق حا يرفع الأسعار
والله الناس ديل حيرونا
أسعار البترول ترخص في العالم كلو هم يرفعوها زيادة
والحكمة هم مستوردين يعني كان مصدرين كان نقول في سبب
الله في
| |
|
|
|
|
|
|
|
|
Quote:
الخطة الاولى:
اخفاءسلعة الغاز واختلاق الازمة.
الخطة الثانية:
توزيع القليل من الإسطوانات بالميادين العامة لا تكفي الجميع ليحس المواطن بالمعاناة.
الخطة الثالثة:
بيع الاسطوانات بالسوق الأسود لتهيئة المواطن لتقبل الزيادة.
الخطة الرابعة:
ايهام المواطن بوصول بواخر غاز الى ميناء بورتسودان لحل الضائقة..بغرض التخدير وتهدئة الخواطر.
الخطة الخامسة :
الاجتماع بتجار الغاز لوضع تسعيرة جديدة للغاز.وتحلية الموضوع بعبارة دعم الاسر الفقيرة.
الخطة السادسة :
إصدار تشريع قانوني يعاقب كل متظاهر بخمسة سنوات سجن.تحسبا لاندلاع الثورة.
الخطة السابعة :
جس نبض الشارع عبر ارسال خطاب الزيادة بواسطة مواقع التواصل لمعرفة ردة الفعل.
الخطة الثامنة:
عرض الزيادة على البرلمان الموجه للتداول ومن ثم تتدخل جهات عليا للتخفيض ربما الى 60 او50 جنيه للاسطوانه للتظاهر بارضاء المواطن.وبذلك تهدأ النفوس ويتقبل المواطن السعر الجديد على مضض.
| |
|
|
|
|
|
|
|
|
|
Re: ***** يا جماعة إنتو فاهمين غلط .. الناس ديل ما (Re: عثمان عووضة)
|
حبيبنا أبوحسين .. الحكومة أخطأت خطأ جسيم ولم تكن تخطط لمثل هذا الظرف
عندما بدأت طفرة البترول المؤقتة قبل إنفصال الجنوب نشروا ثقافة الغاز .. في
الأرياف البعيدة .. وجاءت بنتيجة عكسية .. في قرى دنقلا .. كنا نعتمد على
جريد النخيل الجاف في المواقد والطبخ وفي عرش البيوت .. وبمجرد ظهور
الغاز عمد الناس إلى الارتخاء ولم تعد هناك منفعة من الجريد .. وتركت النخيل
بدون تنظيف وترهلت وإصبحت عرضة للحرائق حتى المفتعلة منها ..
حبيبنا أبوحسين .. زمان كان الشاي ( مرتين ) في اليوم ( الصباح والعصر) وإذا
طلب الشاي كان الرد ( ما عندنا وقود إنتظر لمن أبوك يجي وكلنا نشرب مرة واحدة)
بعد ثقافة الغاز التي انتشرت بدون دراسة .. أصبح الشاي في كل الأوقات
كما هنا في السعودية وفي إجازتي لاحظت أن الشاي يمكن أكثر عشرة
مرات في اليوم .. مع ملاحظة السكر الزائد .. فإرتفع معدل اصابات السكر
وبدأ المرض يظهر بين الشباب مبكراً .. وزاد إستهلاك السكر ..
الغاز عندنا عمل خلل بيئي خطير لتراكم جريد النخل والاشجار الاخرى
التي كانت تتم قطعها وتنظيفها من أجل الوقود ..
وأخيراً السبب الغباء .. وفرض سلوكيات بطريقة عشوائية .. ناس عايشين
آلاف السنين على نمط معين من الحياة محافظ على التوازن البيئي ..
يتم خلطه بهذه الطريقة .. نعم للغاز ولكن بتروي ودراسة ..
في المدن معليش يكون أفضل من الفحم والوقود ..
مودتي أبو حسين ..
| |
|
|
|
|
|
|
|
|
|
Re: ***** يا جماعة إنتو فاهمين غلط .. الناس ديل ما (Re: علي عبدالوهاب عثمان)
|
Quote: ابو حسين ...
اصبر ياااخ .. السعر حينزل شويه .. ما تستعجل
حسب الخطه ادناه ....
ما قلت ليك ... عالم بطااله ... |
يا زول هوي بطال إنت .......
دي خطة واحدة و ل مليون خطة ...
كبييييييييييييييييييييييييييييييير كدا ما بتعرف تفرق بين خطة و خطوة ........؟؟؟؟؟؟
هي خطة و اللي تحتها ديل خطوات مش خطط
نحن حا نقعد عمرنا كلو نعلم في الصغار و العجائز كمان ...
قوم لف
| |
|
|
|
|
|
|
|
|
|
Re: ***** يا جماعة إنتو فاهمين غلط .. الناس ديل ما (Re: ABUHUSSEIN)
|
Quote: عادل ياخي اختشي وفي نفس الوقت قوم لفانتوا مابتفهموا عربي الله والرسول داياخي قلنا ليك مليون مرة زيادة اسعار الغاز سيستفيد منه الفقراءوشرحت ليك الكلام دا ١٠٠ مرةوسيدي الرئيس برضة وضحه ليكم ١٠٠ مرةانتوا عايزين تضيعوا وقتنا في الفاضي يعني ولا شنوثم ثالثا القرار لسه البرلمان ما اجازةوطبعاً البرلمان انتخبه الشعب واكيد حيقيف الی جانب الشعب
وقع ليك ولا لسه |
و الله ما خايلة فيك ....
يا زول كان مزنوق شوف ليك بنك أكسروا و ل أي مصيبة تجيب ليك قروش الناس ديل نشفوها و إنت ما بتنفع معاهم ....
| Quote: عملت لينا شنو في موضوع زيادات اسعار حلاوة المولد |
يا زول المولد إنتهى و حلاتو زاتا كملت ....
أنا ما قلت ليك ما ليك نصيب مع الجماعة ديل ...؟؟؟؟
و بعدين قوم لف
| |
|
|
|
|
|
|
|
|
|
Re: ***** يا جماعة إنتو فاهمين غلط .. الناس ديل ما (Re: عثمان عووضة)
|
حبيبنا أبوحسين ..
بالاضافة لمداخلتي فوق ..
صدقني الكهرباء علمت الناس السهر ومتابعة المسلسلات
وعدم القيام المبكر .. وخاصة عند بدايات دخول الكهرباء .. ولكن بالتدريج ألاحظ بعض التوازن
مسلسل إسمه الملكة ( جانس ) حسب إعتقادي هندي متابعة لصيقة
رغم ذلك الكهرباء مهمة
ولكن المشكلة تكمن الغاز فكانت مشكلة معنا .. حقيقة مشكلة .. خربت علينا محصول التمر
مودتي ..
| |
|
|
|
|
|
|
|
|
|
Re: ***** يا جماعة إنتو فاهمين غلط .. الناس ديل ما (Re: علي عبدالوهاب عثمان)
|
أهلا و سهلا حبيبنا علي
يا زول الجكومة ما قصرت معاكم جابت ليكم الغاز و انتو طنشتو القديم المتعب و وقعتوا التكنلوجيا .......
أها براكم ورطتو نفسكم ......
بعدين يا عجوز الشباب ما حا يقبلوا يعيشو بي نفس أدواتكم القديمة .....
معقول العالم كلو من حولكم يطور و أنتو عايزين تقيفو في نفس مكانكم لعشرات السنين ....
تحياتي و احترامي
| |
|
|
|
|
|
|
|
|
|
Re: ***** يا جماعة إنتو فاهمين غلط .. الناس ديل ما (Re: احمد الشيخ)
|
Quote: نشفوها شنو يا ابوحسين ياخي
والله حسادتك دي اخير منها حسادة ود اب
حيدر العنده مرتين |
حسادة شنو يا زول و أحسدك على شنو
و إنت كان عندك حاجة يحسدوك عليها عايز تبقى مؤتمر وطني كمان ... قوم لف
و بعدين أسمعها مني أنا أبو حسين دا الناس ديل يا ودوك السجن يا ودوك المقابر
و المقابر زااااااااااااااتا عملو ليها سور عشان لو قمت بعاتي ما تهرب ....
و إنت مافيك حيل للسجن و كفاية العدس الأكلتو في جامعة الخرطوم .... قوم لف تاني
بعدين شايف نشاطك زاد فجأة كدا و بقيت متلحني قايل القبة تحتها فكي ....؟؟؟؟
يا زول أنا مفلس أكتر منك بس فايتك بالصبر .....
و ما تنسى بالله قوم لف
| |
|
|
|
|
|
|
| |
ABUHUSSEIN
معاوية المدير
سيف النصر محي الدين
عباس محمود
محمد إبراهيم علي
الصادق الخالدى
محمد مجيدو
عثمان عووضة
علي عبدالوهاب عثمان
احمد الشيخ
فيس بوك
تويتر
انستقرام
يوتيوب
بنتيريست