|
Re: شهر عسل انقط عسل (Re: aydaroos)
|
يا عايدالروس يا حبيب وين اراضيك ياخ عاين لي جاي اقوليك حاجة واوعك تقراها وتكون بتشرب في شاهي سمح ؟
قبل سنتين تلاتة كنت في بوفيه جهاز المغتربين بعدما خلصت اجراءاتي قلت اشرب لي شاهي وامشي قابض كباتي واكتح فيها جاني واحد سلم علي بعرفة زيك يا عمي عبدالله حق الله بق الله سالتو طوالي اتا منو ؟ قال انا جحفر ود سليمان سليمان ود منو ؟ دا انا ليهو اريتني ما سالتو قال لي سليمان ود جار النبي قلت ليهو اتا ولدو الكبير قال لي أي ( اها دا ولد اخت النور ود التاج العرسوها في صمة خشوما عشان اجيبوا تار الفندق ) انقر تاني شربت جغمة من الشاهي دشرتو كلو لمن شرتابو ملا الناس الفي الطربيزة كلهم ودخلت في اضافري الكانت مواسية اسع انا أقول شنو للجنا دا ؟ ولكني فذلكت له قصة ولم يقتنع بها ولكن ماشاها لي بعد ان حلفت له بالطلاق الغليظ بان يتغدى معي
| |
|
|
|
|
|
|
Re: شهر عسل انقط عسل (Re: ملهم كردفان)
|
برضك بتشق الصف يا ود البوش شفت كيف يا ملهم الناس مشت في اتجاه واحد هو شتر الموضوع عشان يتذكروه براهو بركة الكتبتها صاح (انتركونتنتال) أها النطق كيفنهو هههههههههههههههههههههههه
| |
|
|
|
|
|
|
Re: شهر عسل انقط عسل (Re: بله محمد الفاضل)
|
اغرب مافي الام.ر يابله انا لمن اخش فندق الفيهو بجيهم احساس اني العارف عزو مستريح داك وخشيت فنادق كتير بسبب بعض الاصدقاء الاسفيريين القادمين الي القاهره وكان فندق سميراميس كوننتننتال هو اخرهم لكن وبالقطع كنت احفظ الاسماء العالميه منذ الثمانيات اما النطق بتاعها فهو إنتا كون تي نن تل
| |
|
|
|
|
|
|
Re: شهر عسل انقط عسل (Re: Salah Habib)
|
صلاح حبيب أيها الحبيب الغالي سلام واحترام
Quote: اصرار عمك النور ود التاج على الفندق غريب وامكن وراهو سبب !! اتوقغ انو سمع بقصة مركوب العريس !!
|
الحكاية دي حقيقية وزي ما حكتيها بحزافيرها اكيد النور ود التاج عندي سبب قوي على الإصرار الغريب دا ولكني لا اعرفه . . ياخي احكي لينا قصة مركوب العريس دي
| |
|
|
|
|
|
|
Re: شهر عسل انقط عسل (Re: ملهم كردفان)
|
ملهم كردفان وبله سلام وتحايا وشوق شايفكم خليتو الحكاية بعيد وركزتو على أ ن ت ر ك و ن ت ن ن ت ا ل الظاهر كانت تواجهكم صعوبة في نطقها كما كنا صغارا درست الثانوي في حنتوب وعندما نمر بهذا الفندق وراكبين البرينسات بحاول الطلبة قراءتها ولم يتمكنوا من نطقها حتى البرينسة تعدي وفي يوم من الأيام وقفت البرينسة جنب الفندق فقلت لهم البادي انتركونتننتا دي اليتمها فاذا بالكل انفجر ضاحكا . . وسبحان الله كان شهر العسل حقي فيهو ذاتو بذاتو ما مشيت فندق النخيل دعما لفنادق منطقتنا . . شكرا يا فنانين يا مبدعين على المرور العليل
| |
|
|
|
|
|
|
Re: شهر عسل انقط عسل (Re: محمد حيدر المشرف)
|
Quote: الولد البخاف القبيلة تلومو يخلف ساقو فوق تيسا رقيق قدومو اما جاب رضوة البهم المزرقن فومو اما اتكاتحن بي قدح الرماد حرومو |
يا محمود أخُوي من القُعاد دا كفانا أمشاك الحبش بلداً كلآما رُطانة إما نجيّب نِقُوّد ؤُ تفرح الراجيانا إما اتكندكن ؤُ فرشن بِرِش لبُكاننا
هههههههه، ود البوش المطموص إنتركونتننتال !، فضيحة السوآد .
عندنا وآحد في البلد عرّس، أها، الصباح حبوبتو جات تسعل مِنّو، قالت العريس ويّنو ؟، قالولآ مشي شهر العسل، قالت، ؤُ ساق عروسو معاهو ؟.
عاين جاي، اوعك توري ود المشرف التخشيبة ...
| |
|
|
|
|
|
|
Re: شهر عسل انقط عسل (Re: معاوية المدير)
|
Quote: قالت، ؤُ ساق عروسو معاهو ؟ |
هههههههههههههههههههههه وحاتك اتا دا يا المسخوت كلتوم بت الضواها سايقنها شهر العسل قالت علا امش معاي حسب الله اخوي
| |
|
|
|
|
|
|
Re: شهر عسل انقط عسل (Re: Haytham Ghaly)
|
Quote: الحكاية دي حقيقية وزي ما حكتيها بحزافيرها اكيد النور ود التاج عندي سبب قوي على الإصرار الغريب دا ولكني لا اعرفه . . ياخي احكي لينا قصة مركوب العريس دي |
...............................................
سلام تانى ياود البوش
فى القرى والارياف زمان فيه شباب مسلطين يمشوا يلبدو تحت الشباك حق العريس ليلة دخلته واحد ملقوف مشى يعمل الحركة دى . ولما مد راسه بالشباك . لقى العريس فى انتظاره بالمركوب !!
| |
|
|
|
|
|
|
Re: شهر عسل انقط عسل (Re: Salah Habib)
|
فضيحة بجلاجل هاهاهاهاها
بصراحة يا ودالبوش ..في الزمن الغابر داك ... وكتين اختك يكون سايقنها الخرطوم للفندق ...بصراحة بتلبد ليك كم يوم كدة وبتعمل رايح وعيييينك في الهمز واللمز
هسي حكاية الفنكة الذكرك ليها شنو؟ هاهاهاهاهاهاهاهاهاهاهاه
| |
|
|
|
|
|
|
Re: شهر عسل انقط عسل (Re: Salah Habib)
|
Quote: فى القرى والارياف زمان فيه شباب مسلطين يمشوا يلبدو تحت الشباك حق العريس ليلة دخلته واحد ملقوف مشى يعمل الحركة دى . ولما مد راسه بالشباك . لقى العريس فى انتظاره بالمركوب !! |
ياخ المركوب هين عندنا عمك مسخوووت زي ناس ود البوش ده الجماعة طبعا بلبدوا بالشباك ..قال للمرة انتي كوركي .. وطلع جاهم بي وراء بي صوت العنج وقع فيهم بتب لمان عرفوا حاجة
اظن دي كانت بداية نهاية التلبد عندنا هاهاهاهاهاها
| |
|
|
|
|
|
|
Re: شهر عسل انقط عسل (Re: إدريس البدري)
|
Quote: الجماعة طبعا بلبدوا بالشباك ..قال للمرة انتي كوركي .. وطلع جاهم بي وراء بي صوت العنج وقع فيهم بتب لمان عرفوا حاجة
|
كنت ناوي اكتب عن القيلة ولكني خشيت ما خشيت من عوك عوك السختا يا ادريس اتلحقك سختة عجبت بت مساعد يوم دخلتا على بخيت العولاق . . وبرضو مشتاقين يا إدريس البدري يا حبيب
| |
|
|
|
|
|
|
Re: شهر عسل انقط عسل (Re: Haytham Ghaly)
|
Quote: الله يديكم العافية |
والعافية تبقى ليك غتا وفراش وتباريك بركة من جعل محمد نبي . .
Quote: موضوع الفندق اتسبب في عرس اخ العروس من اخت العريس |
وصارت حكاية كانها اساطير الاولين . . زمن يا الحبيب زمن تحياتي هيثم غالي
| |
|
|
|
|
|
|
Re: شهر عسل انقط عسل (Re: محمد حيدر المشرف)
|
ب ح وبعدها جات أ ب ح هي لوحات للواري زمن عزها ولا اعتقد انها تشير للبحر الأحمر . . التخشيبة يا دكتور المشرف دلالة على ان اللوري جديد لنج اللوري من بلادو بجي بدون صندوق علي الشاسي فقط وفي بورسودان بدقو ليهو خشبة على الشاسي اقوليك جاي تخشيبة بورسودان حتى بعداك تدخلو ورشة اعملو ليهو الصندوق والسيخ وباب السواق وباب الشبك بعملوهو محلي هذا الشرح المطول كيتا علي ود المدير ود المشرف استاهل والتحية مرفق طيها وكذلك الاحترام الشديد
| |
|
|
|
|
|
|
Re: شهر عسل انقط عسل (Re: عبدالله ود البوش)
|
Quote: علما بانني حين تزوجت نزلت بفندق انتركونتننتال بواد مدني |
ود البوش ...
تصدق انا في عرسي برضو نزلت في نفس الفندق ... وقعدت اسبوع واتخارجت ....
كانت ايام بطاااله ....
| |
|
|
|
|
|
|
Re: شهر عسل انقط عسل (Re: محمد مجيدو)
|
ود البوش الجميل .. انتركونتننتال وين ياخ انت تلقاك من ناس القطية .. زماااااااااااااااان
دايما بتذكرني حلتنا زماااان قبل التلفزيونات والبلاوي دي ما تصل ..
| |
|
|
|
|
|
|
Re: شهر عسل انقط عسل (Re: Abdullah Idrees)
|
الليلة بوديهو ليك الخور طالما جبتو خبر القيلة
قالو واحدة عميكة يا ود البوش زمان زمن العروس عندها وزيرات من الحروم الكبار بقعدن يننتظرن لامن الرجل ينقطع وبعد داك يدخلن العروس لى راجلا. اها الفجة كانت ضلمة واحدة من الوزيرات قالت احسن نتسنى القمرا لامن تطلع وبعد داك نوديها، اتفقن على كدا وقعدن منتظرات طلوع القمرا اها آزول الحروم فترانات وضربن الهمبريب وجاتن غمده . لامن القمرة جات فوق والعروس صاحية واتاريها نيتا فى المشى قامت صحتن وقالتلهن (آحروم هوى القمرا دى طلعت لكن انا مانى ماشا)
والله الحق اتعامك علا اوديهو الخور قبال شمشو تغيب
| |
|
|
|
|
|
|
Re: شهر عسل انقط عسل (Re: عبدالله ود البوش)
|
Quote: اطلقن علي نسواني الاتنين اسمعوا طلاقي دا زي ما فضحتنا يا ود التاج علا نفضحكم في بطن بيتكم والليلة قبل باكر اعرس اختك لسليمان ولدي واسافر بيها للفندق ذاتو بذاتو فاذا بفندق النخيل بالسوق العربي يستقبل اول أربعة عرسان |
ات يا ود البوش عايز تدقسنا؟ الرواية دي ناقصة
ابو العروس مشى ياتة فندق؟
| |
|
|
|
|
|
|
Re: شهر عسل انقط عسل (Re: د.محمد حسن)
|
عووووووووووووووووووك مجيدو وعبدالله ادريس سلام عليكم من بعيد لبعدين البوست دا دخلوا ود النعيم ودكتور محمد حسن انا قنعت منو سبتلووووووووووووو
| |
|
|
|
|
|
|
Re: شهر عسل انقط عسل (Re: عبدالله ود البوش)
|
Quote: البوست دا دخلوا ود النعيم ودكتور محمد حسن انا قنعت منو |
ليه
انت خايفني احكي قصة قريبك اب شنبات العرس البت العمرها 14 سنة ومشى بيها الفندق والصباح جا مارق بالغراقي ؟ هههههه
| |
|
|
|
|
|
|
Re: شهر عسل انقط عسل (Re: د.محمد حسن)
|
Quote: انت خايفني احكي قصة قريبك اب شنبات العرس البت العمرها 14 سنة ومشى بيها الفندق والصباح جا مارق بالغراقي ؟
|
تنفست الصعداء مما شفتك قلبي في يدي خفت تحكي قصة عكاشة ههههههههههههههههههه ان شا ء الله انطحك تور بركة من جعل محمد نبي . . اتا مرات بتساعدنا بالالفاظ لكن شوف زولك الفوق داك قال شنو ؟ . . قال يوم طلعت القمرا قال هههههههههههههه اخخخخخخخخخخخ يا مصارين كرعي . . ود الأسد حبابك يابا ..... الجنيات ديل ممسايخ ما تتشوط بيهم شكيتم على الله شكية لا تتعطل لا تتبطل فضحوني معاك
| |
|
|
|
|
|
|
|