06:14 AM Jan, 12 2016 سودانيز اون لاين فرح الطاهر ابو روضة-................... مكتبتى رابط مختصراستغربت كما الكثيرين غيري كيف يستطيع رئيس دولة تعاني الأزمات من الاستماع لتسجيلات واتساب ولفترات طويلة كتلك التي قال عنها مناصرة ود الباوقة وتحدثت عنها صحفهم وكيف يستمتع رئيس دولة بقفشات الواتساب عوضا عن أن يسعد ويفرح خاطره إعادة توطين مشردين حرب أو إحلال السلام وإعادة تأهيل مشروع الجزيرة ومجانية التعليم والعلاج وغيرها من الانحازات التي تدخل السرور في قلوب رؤساء الدول لم احتار كثيرا أتاني الجواب سريعا انه البشير الذي يتمتع بأرقام عالمية في الإتيان بكل ما هو آخرق وكفى
أدركت بقدرت الانقاذ القادرة لماذا تحول الحوار من حوار مع القوى السياسية والمجتمع السوداني الي حوار مع قروبات الواتساب وزعماء القروبات ذلك لأن الرئيس حاضن كما الدجاجة في بيضها على قروبات الواتساب يقضى الساعات الطويلة مبتسما في هيافة يعجب بالتسجيلات ويفرح لكميات من النكات العافية دخلت على قروب حلتنا مستبشرا وتشاورت مع مدير القروب كي يضيف إلينا شخص الرئيس عله يجد ما يفرح خاطره ويجود علينا من فيض حنانه الواتسابي
للاسف وجدت الاضافة غير ممكنة لهذا الرئيس ولو تمكنا من إضافته سيصاب بسكتة قلبية او تراجع مريع في تقدم تعافي الركب
لم اجد سيدي الرئيس إلا ما يكسر خاطر أي رئيس دولة هميم يتمتع بحب والوفاء لشعبه مدرسة حلتنا أربعة فصول منها بينها والسقوط مسافة وكل الاسطوات الفي الحلة عجزوا عن ترميمها والمغتربين عجزوا عن مد يد العون والسند لكثرة ما دفعوا ودفعوا للاجلاس للمحبرة والكراسوناس الحلة رزق اليوم باليوم ويوم ذاته مافي
وجدت يا سيدي الرئيس الواتسابي بأن كل الشباب هجروا الحلة ومتحركين في قلب الخرطوم سألتهم عبر رسالة واتسابية وخلتو في البلد منو وقاعدين في الخرطوم تعملوا شنو قالوا كلهم نقعد هناك عشان نعمل شنو للزراعة ما جايبه حقها وكان جابت الحيكومة شغالة فينا قلع وحاتك الناس ديل حرامية عديل خليناها ليهم سألت من محمد ود جبارة الله ركازة البلد قالوا عنده سرطان وراجي رحمة الله دحين السرطان ده ما لقى إلا العمدة قالوا يا زول البلد كلها سرطانات وفشل كلاوي والجيب خاوي
ولسه ابشرك او احذرك وانذرك من ححيم قروب حلتنا شبكة مياه الحلة معطلة يا سيدي الرئيس الواتسابي والناس هناك بتشرب من الترعة القاطعة اصلا هم والحمير والغنم وصلوا لي رأي كل الحيوانات في البلد دي واحد إلا للحيوانات الحاكمة والعطش واحد والموت واحد وليهم يقين في كل كبد رطبة أجر باختصار شديد ده حال قروب حلتنا فهل تملك صلاحية الإنضمام لهذا القروب وما قلنا ليك حال الحلال التانية كيف وكونك مستعد تضحك اضحك عقبال نشوفك ضاحك في التجاني الماحي
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
فرح الطاهر ابو روضة
فيس بوك
تويتر
انستقرام
يوتيوب
بنتيريست