|
|
|
 Re: مطار محمد احمد المهدي الدولي ومطار عثمان (Re: عبدالعزيز الفاضلابى)
|
ود الفاضلاب
عندنا معلومات اكيدة ان المطار الجديد في امدرمان حيكون نسخة طبق الأصل من مطا ر اوهير الدولي في شيكاغو
ومخصصين ليها ميزانية ضخمة تقدر ببلايين الدولارات.. بس انتو اصبروا ساكت ... واذا اولادكم ما حيشوفو المطار
الجديد ، اكيد احفادكم حيستمتعوا بمطار حديث وجديد كمطار اوهير الدولي في شيكاغو..
الا اذا انت ما بتعتبر مطار اوهير مطار دولي...
ودمت بالف خير وصحة وعافية
| |
 
|
|
|
|
|
|
|
|
Re: مطار محمد احمد المهدي الدولي ومطار عثمان (Re: Basamat Alsheikh)
|
Quote: واذا اولادكم ما حيشوفو المطار
الجديد ، اكيد احفادكم حيستمتعوا بمطار حديث وجديد كمطار اوهير الدولي في شيكاغو.. |
ذكرتينى قصة الشايقى ,, صاحبو طالبو قروش
جاهو يوم يطالب بى حقو ,, الشايقى قاعد فى
الساقية وقِدامو صحن تَمُر ,, ياكل ويرمى فى الحصا
وقال لى سيد الدين:
شفت شتلة النخلة ديك ,, قال ليهو : أيوه.
قال ليهو: بعد تلاتة سنة بتشيل تمر ,, اها النصيحة
ليك ياالله الـ حَشَّة الاولى مابقدر ادفع ليك قروشك منها
لكن الـ حَشَّة التانية لومك بَىْ ادفع لك حقك.
سيد الدين قرررررر قعد يضحك .
الشايقى قال ليهو بتضحك مالَكْ؟
قال ليهو عشان ضِمِنْت قروشى
| |
|
|
|
|
|
|
|
|
|
Re: مطار محمد احمد المهدي الدولي ومطار عثمان (Re: jini)
|
تعرفى يا بسمات حكاية المهدى دى عصرتى علينا بيها شديد فالمهديه هى فى الأساس حركة مختلف عليها فبينما يراها البعض حركة هوس دينى يراها البعض ثورة فى وجه الظلم ولا اراها شخصياً سوى مسلسل من الحيف والظلم ربما اتى فى سياق مقاومة لمستعمر لكن مآلاته كانت اسوأ مما فعله المستعمر من هنا فأن تقديس شخصية المهدى عبر تسمية مطار او شارع انما يأتى فى اطار البحث عن ابطال فى مسيرة تاريخنا الملئ بالدماء والجراحات والغبن وعلى ذكر ترهاقا فربما كان من الأوفق اطلاق اسمه على اى من الموانئ الجويه ربما لأن المعروف عن ممارسته كحاكم أفضل مما وصلنا عن المهدى وود تورشين.
| |
|
|
|
|
|
|
|
|
|
سلام ست المنشور والضيوف المتداخلين (Re: عبد الله شم)
|
غايتو اقتراحك ده لو كان جاء من واحد من ما يسمى بوفد المنافي المحاور..
كان كسب الشعب من أم درمان للجزيرة أبا،
ومن الخرطوم لبورتسودان...
ولتخاطفته الصحف الورقية خام ، و لوصلنا منتج صافي...
جوكر مخاواة وضاع على الوفد..
تحياتي وتقديري
| |
|
|
|
|
|
|
|
|
|
Re: سلام ست المنشور والضيوف المتداخلين (Re: قصي محمد عبدالله)
|
الاميرة بسمات بت الشيخ ذكرتيني المرحوم الشفيف الاستاذ صديق عباس عندما قال ( كيف حالي انا في الغربة في البلد البعيد واليوم يمر ذي السنة ) وكلنا يا بسامت نعاني جراح الغربة عن الوطن الحبيب الجريح السودان والذي اصبح كهلا تذدريه بغاث الطيور وليس لنا غير التمنى بان يرجع السودان مثل الاول او احسن ولكن ما نيل المطالب بالتمنى ،،، ربنا يرد غربتك وغربتنا سوى كانت غربة جسدية او غربة نفسية فكلنا في الهم غرب ,,
اما عن اسماء المطارات فهو اقتراح جميل وفيه تخليد لذكرى اناس قدمو الغالي والنفيس من اجل الوطن والشخصيات كثر ولكن نسبة لاختلاف الرؤى لا احب ان اذكر اسماء ولكن الاسماء التي ذكرتيها ايضا تستحق ان تخلد فقد قامو بطرد المستعمر من بلدنا ولكني ارى ان بعض الاخوه هنا لهم رؤية مختلفه لذا لا اود الخوض في ذلك ولكن ااؤمن على الفكرة واباركها ..
ودومي بخير وربنا يعينك على الغربة ...
تحياتي : ياسر العيلفون ....
| |
|
|
|
|
|
|
|
|
 Re: سلام ست المنشور والضيوف المتداخلين (Re: othman mohmmadien)
|
لاضرر ولاضرار فى ان تعاد تسمية كل مطارات أوأحياء أو حتى بعض المدن أو القري
او حتى أسم الوطن بإسم جديد ...
مرونة وديناميكية العقول الخلاقه
هى التى ستغير حال البلد
لاعقول تمريغ التاريخ او النيل من الرموز أو المستهتره
هى التى ستسود لانها لن تقدم غير القبح..
أقلبوا صفحات التاريخ المظلمه
فقد تعلمنا منها مايكفي
واتجهوا الى بناء مستقبل يخلد ذكركم بلافتات نورانيه فأنتم رموز التغيير المرتجاه
ولا أرى غضاضه حتى في تسمية مطار عطبره
بإسم مطار بسمات أومطار أميره
حتى ولو لم يكن لهن دور تاريخي مشهود ... هذا مع تقديري لهن
فتميز الاسماء دلاله على تميز من يختارها
و
ماأروع الاسماء الجميله التى تدعو للتفاؤل والنهوض الى الاروع
تسامحوا مع الماضي وغلفوه بصورة جميلة كماينبغي لأنكم لن تستطيعوا تغييره
ثم ابنوا مجدكم المرتجى ولو بقليل من الحب
احترامى
| |
|
|
|
|
|
|
|
|
|
Re: سلام ست المنشور والضيوف المتداخلين (Re: ملهم كردفان)
|
أدركت تماما بأنه لن يكتب لبلدي السودان أن يتقدم لا في القريب العاجل ولا المستقبل ...،
( QUOTE)
>>>>>
<<<<<\
>>>>>>
عثمان محمدين
أولا شكرا شكرا شكرا كتير لانك لم تستخدم كلمات مسيئة للشتيمة والنبذ القبيح الذي يلجأ اليه الكثير من
أعضاء المنبر العام....
وشكرا كتير لانك استخدمت كلمات مهذبة شديدة للشتيمة والسب ولا بد انك تكون أديب وكاتب نحرير
لانك استخدمت أسلوب السهل الممتنع والأسلوب الانيق لوصفي بالجهالة العنقاء ومرمطت بي الواطة
وحتى ان اثنتان من زميلاتي السودانيات ومدمنات سوادنيز اون لاين بقن يناديني " بالجاهلة" سخرية
واستهزاء...( والله يسامحك) يا ملك,,,, وما دمت انا سبب أساسي في تأخير وطني السودان من خلال
كتاباتي القبيحة...( فدي توبة نصوحة)...وانا دائما بتذكر كلام أسامة الأمام القال:" البتغطى بالدنيا دي
كانه ماشي عريان"، او كلام بهذا المعنى... وعشان كده رفعنا الزعل من قاموس حياتنا...( ولكن بصراحة
الجملة وجعتني شديد لغاية ما حسيت بوجع في بطني...)
ودمت بالف خير وصحة وعافية..ومع السلامة
بسمات الشيخ عبد الرحيم
عطبراوية حتى النخاع( زي ما بيقول ود الشغيل)
| |
|
|
|
|
|
|
|
|
|
Re: سلام ست المنشور والضيوف المتداخلين (Re: Basamat Alsheikh)
|
كلام عثمان محمدين مبهم بس في الغالب والله اعلم
مابكون قاصدك انت بالذات
لكنه قاصد الناس البيحاولوا
يحطوا من قدر القاده التاريخيين ،،،
غلطته انه لم يوضح
ومادام ما انتي واثقه من قوة توجهك وصدق نيتك ولايهمك اي كلام
ثم
انتي من عبقرياتنا المحترمات ياصاحبة السمو
لك التجيه والتجله يابسمات
| |
|
|
|
|
|
|
|
|
|
Re: سلام ست المنشور والضيوف المتداخلين (Re: ملهم كردفان)
|
Dear Mulhim Kurdufan
if Mr. Othman Mohammedein really means what you said , I will be very sorry
and I'm really ignorant and I will apologize to him even i have to travel to meet him
personally
I hope i hear from him
thank you
sorry i have no arabic keybord in my phone
Basamat
| |
|
|
|
|
|
|
|
|
|
Re: سلام ست المنشور والضيوف المتداخلين (Re: ملهم كردفان)
|
الأخـــــــــــــت المحترمة/ بسمات الشيح Basamat Alsheikh
تحية طيبة مباركة...،رغم عضويتي منذ العام 2002م ورغم ما كتبت من مواضيع في زمن كان يسمح الوقت بان أكتب الا أنه كان لدي خلافين فقط مع شخصين كريمين وصلت لحد المراشقة اللطيفة بالكلمات نتجت عن سوء فهم وأنتهت بالإعتذار من طرفي وهذا شئ طبيعي لا افخر به ربما أكون أخطأت أو ربما تحليت بشجاعة حينها أكثر من خصومي ... واخرى إعتذر فيها الآخرون لي لشجاعتهم
أولا آسف جدا لسوء فهمك ولسوء فهم صاحباتك ووسمك بالجهالة وكذلك آسف عن الوجع الكامن جوه دواخلك بهذه الكلمة ... عن دون قصد ... ربما قرب الفهم أخينا العزيز/ ملهم كردفان ...،
ولا بد ان أشير اليك بأنني من المتابعين لمواضيعك ولما تكتبين وكذلك لمداخلاتك في هذا البورد ... ومعجب بها ولا يمكنني أبداُ أن أتابع ما تكتبين وأوسمك بالجهالة في موقع آخر ... وحيث أن طبيعة عملي لا تسمح لي بنشر كامل افكاري عند الرد أو حين كتابة موضوع والرد عليه تجدين نفس العامل قد تسبب في أن يبدو ردي مقتضب للدرجة التي لم تمكنك من فهم ما أعني ...،
ثانياً: أنا لست بأديب ولا كاتب تحرير ... وليس هذا مجالي بل أبعد عن ذلك كثيرا ... إنسان بسيط تراوده أحيانا بعض الأفكار البسيطة ويكتب عنها بكل حب بمقدار حبه لكل الناس وتساويهم وسموهم وبمقدار حبه لوطننا الجميل "السودان" الذي نأمل أن يزدهر وأختار المواضيع التي تخدم بناء وحدته ولحمته الوطنية ...،
قد أختلف معك كإنسانة أختنا بسمات في فكرة تطرح اختلافا عميقا يصل حدا لا يمكن ان اقتنع بما تطرحين وبكل أريحية ولكن كونك انثى او أمرأة فهذا بعد آخر و كوني أجنح للإساءة لك كامرأة فهذا يعد سقوطا مريعاً في الأخلاق مأملا أن لا نرى ذلك في موقعنا الجميل "سودانيزاونلاين" ... وأستغل هذه السانحة لأعبر عبر هذا الرد لكل زملائي بأننا يجب أن لا ننسى واكرر يجب أن لا ننسى كاعضاء في هذا المنبر ،بأن المرأة في نظرنا هى الأم والأبنة والأخت والزوجة والحبيبة، هى السكينة والامان، وهى عماد الاسرة السوية والناجحة، المراة انسانة رقيقة حساسة لذلك تجدينني اعذرك في سوء الفهم الحادث و الكلمة الطيبة صدقة وهي أعظم هدية وأحلى نغم عندها، فلنحذر بالاساءة اليها عبر موقعنا الجميل "سودانيزأونلاين" . وما ذكرته الأخت العزيزة بسمات بأن البعض يلجأ الى استخدام كلمات"مسيئة للشتيمة والنبذ القبيح " مؤشر خطير من أعضاء المنبر .... فلنعلم بأن قلوب النساء شفافة ونقية يجب أن لا نفسدها جمالياتها بالتهور والعصبية والالفاظ النابية والتشنج والكلمات الجارحة المؤذية للنفس والروح والجسد.
كونك كذلك من عطبرة المدينة التي لم ارى بعد إلا أن صديقي الحبيب/ عادل امين قد قرب المسافة الى وجعلني كانني من قاطني عطبرة ... بحكاويه ورواياته التي يكتب عن المدينة وأهلها فصارت عطبرة جزء مني وكل شئ منها جدير بالاحترام من طرفي بل صرت أهرع وأبحث عن أي كتابة عن عطبرة وآخرها أعتقد عن ظريف المدينة "السر عكاز" كاتبه أخ يسمى الهادي الشغيل ...،
في الختام لا بد أن أبرر مداخلتي التي كتبت ... فقد وددت أن أستنكر الاساءة للرموز الدينية والتاريخية و أعدها محاولة لتفتيت اللحمة الوطنية ، هكذا محاولات تبغي شق وحدة النسيج السوداني ويبدوا أننا كشعب سوداني مؤدلجون على كره تربوي مريع تجاه بعض إما بفعل الأنتماء أو بفعل الاعتقاد والإنتماء الأسري لدرجة صرنا نعير وننقص من قدر هذه الرموز وتارة نوسمها بالتخلف وأخرى بالجهل وبالجبن والهروب يوم الوغى والظلم أو بالتقليل منها عرقيا أو أن أصولها غير سودانية والسخرية البلهاء عنها لا تخدم غرضا ومن المؤسف حقا أن نصل لمرحلة من القبيلة ونلجأ اليها منتفخي الأوداج في الفارغة والمقدودة كما يقول مثلنا الشعبي وبأننا الأسمى عرقيا من الآخر هكذا صار هذا الشعب الذي خلقه الله متعددا لا يحترم هذا التعدد. لا تقدم لنا ما لم نقبل بالآخر على المستوى الديني والعرقي والسياسي وننظر اليه بمستوى متساوي لذاتنا ونجله ونبجله بفخيم الكلمات ونحترمه ونحترم ساحات الصارع بحرية دون تجريح أو سب أو نبذ أو تقليل قدر ليزدهر وينمو وطننا الجميل "السودان" ... راجيا أن تكوني تفهمت ما أعني ولنبتسم جميعاً أختنا الفاضلة بسمات وخاصة أن إسمك يحمل كم من البسمات وليس إبتسامة واحدة ...،
مع أجزل الشكر والتقدير ...،،،
Quote: عثمان محمدين
أولا شكرا شكرا شكرا كتير لانك لم تستخدم كلمات مسيئة للشتيمة والنبذ القبيح الذي يلجأ اليه الكثير من
أعضاء المنبر العام....
وشكرا كتير لانك استخدمت كلمات مهذبة شديدة للشتيمة والسب ولا بد انك تكون أديب وكاتب نحرير
لانك استخدمت أسلوب السهل الممتنع والأسلوب الانيق لوصفي بالجهالة العنقاء ومرمطت بي الواطة
وحتى ان اثنتان من زميلاتي السودانيات ومدمنات سوادنيز اون لاين بقن يناديني " بالجاهلة" سخرية
واستهزاء...( والله يسامحك) يا ملك,,,, وما دمت انا سبب أساسي في تأخير وطني السودان من خلال
كتاباتي القبيحة...( فدي توبة نصوحة)...وانا دائما بتذكر كلام أسامة الأمام القال:" البتغطى بالدنيا دي
كانه ماشي عريان"، او كلام بهذا المعنى... وعشان كده رفعنا الزعل من قاموس حياتنا...( ولكن بصراحة
الجملة وجعتني شديد لغاية ما حسيت بوجع في بطني...)
ودمت بالف خير وصحة وعافية..ومع السلامة
بسمات الشيخ عبد الرحيم
عطبراوية حتى النخاع( زي ما بيقول ود الشغيل) |
| |
|
|
|
|
|
|
|
|
|
Re: سلام ست المنشور والضيوف المتداخلين (Re: ملهم كردفان)
|
| Quote: تسامحوا مع الماضي وغلفوه بصورة جميلة |
يا ملهم كردفان سلام وتحية ,
الشعوب التواقة لحياة أفضل فى المستقبل هى الشعوب التى تنظر الى تجاربها فى الماضى وتقراها برؤية نقدية جادة وواضحة,لا الشعوب التى تغلف ماضيها بصورة جميلة
نحن وصلنا الى ما وصلنا إليه لاننا نقدس الاشخاص والافكار فى تاريخنا الملئ بالإخفاقات التى للاسف تقودنا الى هاوية لا نعلم لها مستقرا.
ربما تحتاج ان تطلع أكثر على دور المهدى وثورته المزعومة من مصادر موثوقة لا تزور فى التاريخ لاغراض سياسية معروفة.
تحياتى لك ولاختنا الصغرى بسمات.
| |
|
|
|
|
|
|
|
 Re: سلام ست المنشور والضيوف المتداخلين (Re: مرتضي عبد الجليل)
|
Quote: يا ملهم كردفان سلام وتحية ,
الشعوب التواقة لحياة أفضل فى المستقبل هى الشعوب التى تنظر الى تجاربها فى الماضى وتقراها برؤية نقدية جادة وواضحة,لا الشعوب التى تغلف ماضيها بصورة جميلة
نحن وصلنا الى ما وصلنا إليه لاننا نقدس الاشخاص والافكار فى تاريخنا الملئ بالإخفاقات التى للاسف تقودنا الى هاوية لا نعلم لها مستقرا.
ربما تحتاج ان تطلع أكثر على دور المهدى وثورته المزعومة من مصادر موثوقة لا تزور فى التاريخ لاغراض سياسية معروفة.
تحياتى لك ولاختنا الصغرى بسمات. |
المقدر
مرتضى عبد الجليل ....حبابك ياحبيب
نعم اوافقك ان الشعب السودانى يتوق لحياة افضل لان الكثير من الشعوب التى كان السودان متقدما عنها
سبقته واصبح البيون شاسعا لامابينه وبينها...بأيدينا ونحن السبب
هل تعلم السبب نعم تعلمه مرارات
الماضى والحاضر كلها مع تربيه وتعليم وصحه مؤشرهم مادون ابسط قيم البشريه
طيب ليه نربط نفسنا لابي ماضى نحنا اصلا بنعانى من فداحة ما ارتكب فيه
ومن فداحة ماتم تزويره من اوهام فئات بعينها
ألم يحن لنا ان نوقف السقوط الى تلك الهاويه بفرملة التحدى والتجاوز عن تلك المرارات
التى لن نستطيع تغييرها ...
دعونا نعسل دواخلنا من مافيها فنحن من المفترض ان نكون قادة التغيير الحقيقيين
بكافة ألوان طيفنا لاننا جيل تفتحت مداركه على مدى قرنين من الزمان العشرين والواحد وعشرين
كن معى ومع كل رمز مثقف قادة للتجديد الفهم الشمولى لمعنى وطن ومواطن
وسننجو
احترامى
| |
|
|
|
|
|
|
|
|
|
Re: سلام ست المنشور والضيوف المتداخلين (Re: ملهم كردفان)
|
Quote: كلام عثمان محمدين مبهم بس في الغالب والله اعلم
مابكون قاصدك انت بالذات
لكنه قاصد الناس البيحاولوا
يحطوا من قدر القاده التاريخيين ،،،
غلطته انه لم يوضح
ومادام ما انتي واثقه من قوة توجهك وصدق نيتك ولايهمك اي كلام
ثم
انتي من عبقرياتنا المحترمات ياصاحبة السمو
لك التجيه والتجله يابسمات |
السلام عليكم أخي العزيز "ملهم كردفان" - الغرة أم خيراً جوة وبرة ...،
كردفان السمو .. الأصالة والتي ترعرنا في رحابها ونهلنا من فيض مدارس الأبيض ... وتشبعنا كثيرا من عوالم المعرفة بدءا من مكتبة كردفان الثقافية ومرورا "بالبرتش كونسل" ومنتدياتها ونشاطها الثر في كل مناحي المدينة تلكم المدينة الفاضلة "الأبيض" ودور السينما المميزة التي إنطفئ بريقها بسياسات الحكم الفاشل ...
يعجبني لقب "مُلْهَمْ كُرْدُفَانْ" كثيرا لازلت أزعم أن كردفان تراباً وأمة ملهمة للإبداع و للعبقرية و العطاء في كافة ضروب الحياة.. السياسية والوطنية.. الفكرية والاجتماعية.. الثقافية والفنية في بلادنا السودان، ... لموقعها المتفرد في وسط السودان ولاحترامها للتنوع فلقد عشنا فيها من قبائل شتى ولم نكن نعلم عن منحانا القبلي شئ سواء أننا من كردفان / مدينة الأبيض ...
شكرا لكم أخي الفاضل لحسن الظن والذي نأمل أن نكون قدره ولقد ادى في أنغسنا مقصدهـ وكذلك للأخت بسمات وتلطيف مسكنها...، فالتحية لكم الاثنان أخوتي الأعزاء ...
وبارك الله فيكم
دمتم بخير وعافية ...,
| |
|
|
|
|
|
|
|
|
|
Re: سلام ست المنشور والضيوف المتداخلين (Re: الهادي الشغيل)
|
وعليكم السلام ياعثمان محمدين ....
أنا برضو من الابيض
الربع الاول شرق
والبرتش كونسل رابط ثقافى بين كل التواقين للمعرفه من ابناء الابيض
بينى وبينك سنه انت اربعه وستين وانا تلاته وستين
اما مدارات الفكر والنبوغ والسياسه والثقافه ومزارات التلاقى الراقى
فقد افرغوها من جوهرها ..هدموا عروس الرمال .. الحديقه القدام البرتش كونسل آلت لعادل
بكش واصبحت منتجعا يمتلكه بعد ان كانت للشعب
تغيرت المدينه وتغيرت الوجوه لكن ستظل المعشوقه الملهمه
معذره يابسمات فقد جمعغنى بوستك هذا بود محمدين
فخور بكم والله ياصاحبة السمو يابسمات وياوجيهنا عثمان محمدين
احترامى
| |
|
|
|
|
|
|
|
|
|
Re: سلام ست المنشور والضيوف المتداخلين (Re: othman mohmmadien)
|
Quote: وعليكم السلام ياعثمان محمدين ....
أنا برضو من الابيض
الربع الاول شرق
والبرتش كونسل رابط ثقافى بين كل التواقين للمعرفه من ابناء الابيض
بينى وبينك سنه انت اربعه وستين وانا تلاته وستين
اما مدارات الفكر والنبوغ والسياسه والثقافه ومزارات التلاقى الراقى
فقد افرغوها من جوهرها ..هدموا عروس الرمال .. الحديقه القدام البرتش كونسل آلت لعادل
بكش واصبحت منتجعا يمتلكه بعد ان كانت للشعب
تغيرت المدينه وتغيرت الوجوه لكن ستظل المعشوقه الملهمه
معذره يابسمات فقد جمعغنى بوستك هذا بود محمدين
فخور بكم والله ياصاحبة السمو يابسمات وياوجيهنا عثمان محمدين
احترامى |
عليكم السلام أخي العزيز - ملهم ... عثمان عبد الرحمن محمدين - الأبيض "حي البترول" - البترول الابتدائية - الأميرية - الأبيض الثانوية - الربع الأول والثاني بالذات لدينا الكثير من الأهل ناس المليح (الشريف، بشير والأمين الله يرحمهم أجمعين) - وآل الخليفة "بشرى أحمد الخليفة واخوانه" - حسن قسم السيد - وغيرهم هنالك فالربع الأول الأقرب من السوق وكان متجر والدي غرب الجامع الكبير - وبحكم النشاة كردفانيون لدرجة النخاع نسأل الله أن تعود كما كانت جميلة، مبتهجة دوماً وأبداً - تلكم الحديقة أمام المركز الثقافي البريطاني كانت مرتع لعب الصبا والطفولة كانها ملكنا ندخلها وقتما نشاء وساعة ما نشاء دون رقيب أو ثمن .
احن لمتحف كردفان كثيرا ذلك المعلم البارز الذي يعكس حضارة السودان أجمع ... زرته ذات يوم وجدت الآثار ملقاة على الأرض ورجل شرطي عجوز تساءل عن من أين أتيت؟ يا ولدي إنت جاي من وين المتحف ده زمان وقفوا ... وحينما تحسس مشاعر الحزن على سما ملامحي سمح لي بالدخول - ادخل شوف - حزنت كثيرا لهول ما رأيت - حيث إعتدت منذ طفولتي أن أدخله في الشهر مرة لقربه من السوق كنت حينها صغيرا لدرجة إنني اتسلق الخشبة المستعرضة على مسند دفتر تسجيل الأسماء متباهيا بفرح طفولي بتسجيل إسمي في وقت كان صعب على أن أخطه بأنامل بريئة ... وأنا بحزن أغادر المتحف علمت حينها أن كل شئ قد إنتهى في الأبيض ...،
شكرا لهذا التلاقي رغم الحزن الكامن والأبيض
دمت بخير
| |
|
|
|
|
|
|
|
|
|
Re: سلام ست المنشور والضيوف المتداخلين (Re: othman mohmmadien)
|
Quote: عندنا معلومات اكيدة ان المطار الجديد في امدرمان حيكون نسخة طبق الأصل من مطا ر اوهير الدولي في شيكاغو
ومخصصين ليها ميزانية ضخمة تقدر ببلايين الدولارات.. بس انتو اصبروا ساكت ... واذا اولادكم ما حيشوفو المطار
الجديد ، اكيد احفادكم حيستمتعوا بمطار حديث وجديد كمطار اوهير الدولي في شيكاغو |
تحياتي اختنا بسمات
قبل سبعة سنوات مضت كنت في اجازة طلب مني الوالد ربنا يعطيه العافيه ان اوصله الي احد اصحابه التشكيليين با مدرمان
صاحب المنزل عرض لوحة مقاس متر في متر ونصف ثلث اللوحة كانت عبارة عن بيوت امدرمان منحدرة في اتجاه النيل
ثلثي اللوحة عبارة عن صقر ضخم يضم بيوت امدرمان وفي جناح الصقر كتب اغنية وردي " الطير المهاجر" لو تعب منك
جناح في السرعة زيد
الفنان قال هذه اللوحة عرض عليه عشرة مليون في ذلك الوقت ورفض بيعها ، قال سوف يهدي هذه اللوحة الي المطار الجديد
لأ ادري اين موقع اللوحة ولأ موقع المطار الأن
معليش اطلت عليكم
| |
|
|
|
|
|
|
|
|
|
Re: سلام ست المنشور والضيوف المتداخلين (Re: اسامه العريفي)
|
فصارت عطبرة جزء مني وكل شئ منها جدير بالاحترام من طرفي بل صرت أهرع وأبحث عن أي كتابة عن عطبرة وآخرها أعتقد عن ظريف المدينة "السر عكاز" كاتبه أخ يسمى الهادي الشغيل ...،
في الختام لا بد أن أبرر مداخلتي التي كتبت ... فقد وددت أن أستنكر الاساءة للرموز الدينية والتاريخية و أعدها محاولة لتفتيت اللحمة الوطنية ، هكذا محاولات تبغي شق وحدة النسيج السوداني ويبدوا أننا كشعب سوداني مؤدلجون على كره تربوي مريع تجاه بعض إما بفعل الأنتماء أو بفعل الاعتقاد والإنتماء الأسري لدرجة صرنا نعير وننقص من قدر هذه الرموز وتارة نوسمها بالتخلف وأخرى بالجهل وبالجبن والهروب يوم الوغى والظلم أو بالتقليل منها عرقيا أو أن أصولها غير سودانية والسخرية البلهاء عنها لا تخدم غرضا ومن المؤسف حقا أن نصل لمرحلة من القبيلة ونلجأ اليها منتفخي الأوداج في الفارغة والمقدودة كما يقول مثلنا الشعبي وبأننا الأسمى عرقيا من الآخر هكذا صار هذا الشعب الذي خلقه الله متعددا لا يحترم هذا التعدد. لا تقدم لنا ما لم نقبل بالآخر على المستوى الديني والعرقي والسياسي وننظر اليه بمستوى متساوي لذاتنا ونجله ونبجله بفخيم الكلمات ونحترمه ونحترم ساحات الصارع بحرية دون تجريح أو سب أو نبذ أو تقليل قدر ليزدهر وينمو وطننا الجميل "السودان" ... راجيا أن تكوني تفهمت ما أعني ولنبتسم جميعاً أختنا الفاضلة بسمات وخاصة أن إسمك يحمل كم من البسمات وليس إبتسامة واحدة ...(، QUOTE)
>>>>
<<<<<
>>>>>>
الحبيب عثمان محمدين
قبل سنة او اكثر او اقل كتبت اميرة السيد بوست في غاية الروعة والاناقة بعنوان:" ود أبو سن ، ود البوش، ود شيقوق ، وود المنسي.. انتو ناس سمحين".. ( وبالمناسبة ود أبو سن ، ود البوش وود شيقوق وود المنسي هم أعضاء في المنبر العام...وشرحت الاميرة اميرة بت السيد ليه هي سمتهم ناس سمحين وأشارت لعنوان بوست كاتبه عبد الحفيظ ابوسن برد فيه على لوم من ناس ود البوش وود شيقوق .. ولمن قريت
البوست المعني عرفت ان اميرة قصرت في حقهم ... وما كانت تصفهم بس انهم ناس سمحين ... ديل والله لقيتهم ، ومن خلال تعليقاتهم الظريفة والانيقة ، انهم اكثر من رائعين .. ناس تتمنى تتعرف بيهم وتتمنى
يكونوا اهلك...
واليوم قرأت تعليقك الانيق وعرفت ، بل تاكدت انك احد هؤلاء الناس السمحين .... وقرأت كلماتك النيرة التي تشع نورا وألقاً ، وعرفت انك زول جميل قلبا وقالبا ، . اعرف ان هناك أعضاء كثيرين
في هذا المنبر العام من هؤلاء الذين يشيعون الفرحة في قلوبنا ويخففون من آلامنا في هذه الغربة القساية ، وجئت انت الآن فرسخت فينا الايمان بان هذه الدنيا لا زالت بخير.. وسودانيز اون لاين لا زال بخير..
.. وكنت اود ان افتح بوست منفصل بعوان:" عثمان ود محمدين: انت زول انيق وسمح بالحيل.. الله يحفظك من كل شر".. لكن انا ما كتابة زي اميرة بت مالسيد .. والتي كتبت ذلك البوست واستمر البوست صفحات
وصفحات .واصبح البوست قبلة كل ادباء المنبر وشعرائهم وفطاحلتهم ..واصبح البوست مثل الحديقة الغناء .. تجد فيه كل الراوئع وكل القصص وكل الحكاوي..
والآن انا في غاية الأسف والخجل لاساءتي الظن بتعليقك ... ولكن الأستاذ ملهم كردفان جاء وشرح واوفى.. فله الشكر..
اها يا عثمان .. ده كله كوم .. والكلام الكتبته عن عطبرة كوم ثاني( وجه ضاحك)... You make my day ...
لكن انت وملهم كرفردفان غلبتوني في الإنجليزي .. وانا القايلة نفسي بكتب زي شكسبير( وجه باسم)..
ودمت بالف خير وصحة وعافية
بسمات الشيخ عبد الرحيم
| |
|
|
|
|
|
|
|
|
|
Re: سلام ست المنشور والضيوف المتداخلين (Re: Basamat Alsheikh)
|
| Quote: فقد وددت أن أستنكر الاساءة للرموز الدينية والتاريخية و أعدها محاولة لتفتيت اللحمة الوطنية |
يا بسمات يا بتنا ...
حميد قال :
حيكومات تجي
وحيكومات تغور
تحكم بالحجي
بالدجل الكجور
ومرة العسكري
كسار الجبور
يوم بإسم النبي
تحكمك القبور
نصيحة غالية من عمك قباني ... تاريخ السودان الصحيح لم يكتب بعد ...
اعتبري كل ما قرأته من كتب التاريخ مجرد لمحات منها الصحيح و منها الخطأ ...
حتى يأتي اليوم الذي تدون فيه حقائق تاريخنا الصحيحة ...
رأيت الان بأم عينك من يعتبر الخليفة عبداللهِ بطلاً و من يعتبره مجرماً ...
فأي الروايات ستأخذين ؟
اصبري حتى يتفق اهل السودان أولا عن هوية السوداني ... و مواصفاته ...
تصدقي يا بسمات ... حتى جعفر نميري الان مختلف عليه ان كان وطنياً ام خائناً !!!
شعبنا طيب حقيقة ... باكر يقولوا البشير ما كان هو السبب ... البطانة كانت سيئة ...
و هكذا الحياة ... على قولة صديقي الحكيم منير ...
___________________________________________________________________________
بعدبن عطبره كلها تراب ... ما تعمليها لينا الرفيرا ...هههههههههههههه
لامن تقوم الهبوبة والتراب ينردم جنب اسوار البيوت ...... تكون ماشي في الشارع تلقى نفسك جوه حوش بيت ... :)
ولا دي بربر ؟
| |
|
|
|
|
|
|
|
|
|
Re: سلام ست المنشور والضيوف المتداخلين (Re: يحي قباني)
|
بعدبن عطبره كلها تراب ... ما تعمليها لينا الرفيرا ...هههههههههههههه
لامن تقوم الهبوبة والتراب ينردم جنب اسوار البيوت ...... تكون ماشي في الشارع تلقى نفسك جوه حوش بيت ... :)
ولا دي بربر ؟
QUOTE)
>>>
<<<
>>>
الأستاذ يحي ود القباني
والله يا يحي ود القباني الكتاحة بتاعة عطبرة والموية العكرانة بتاعة الاتبراوي ما ببدلها بالرفيرا الفرنسية ولا بشواطئ
مدينة ميامي وجزيرة هاوي الامريكية ..... والحاجة الغريبة لمن نمشي في الاجازة الجو بكون صافي ونتمنى تقوم كتاحة
تغبرنا ...
يا ود المدير .. ويا عمر وود الشغيل .. ما تردو على ود القباني.. ووجهوا ليه دعوة يزور عطبرة..
ودمتم
| |
|
|
|
|
|
|
|
|
|
Re: سلام ست المنشور والضيوف المتداخلين (Re: Basamat Alsheikh)
|
Quote: صدق حدسي ياعثمان محمدين
هكذا هم الحكماء الافاضل وانت الاكرم
وافر تحاياي واحترامى
تحليه
يازول انت اديب عديل كدى ,,,,,المافي شنو,,..؟؟؟ |
شكرا ملهم كردفان .. وافر تحياتي أيضاً .. وأؤمن تماما أن الصادقون في حدسهم هم أناس صادقين في مشاعرهم قبل كل شئ وأنتم أكثر منا حكمة وليست هذه مجاملة منا ولكن بقدر ما التمسناه من مداخلاتكم كثيرا في مواضيع المنبر الحر ... وعطاؤكم ثر لا يمكن انتقاصه وفنكم الذي طربنا به ..
مع الشكر
| |
|
|
|
|
|
|
|
|
|
Re: سلام ست المنشور والضيوف المتداخلين (Re: othman mohmmadien)
|
Quote: الحبيب عثمان محمدين
قبل سنة او اكثر او اقل كتبت اميرة السيد بوست في غاية الروعة والاناقة بعنوان:" ود أبو سن ، ود البوش، ود شيقوق ، وود المنسي.. انتو ناس سمحين".. ( وبالمناسبة ود أبو سن ، ود البوش وود شيقوق وود المنسي هم أعضاء في المنبر العام...وشرحت الاميرة اميرة بت السيد ليه هي سمتهم ناس سمحين وأشارت لعنوان بوست كاتبه عبد الحفيظ ابوسن برد فيه على لوم من ناس ود البوش وود شيقوق .. ولمن قريت
البوست المعني عرفت ان اميرة قصرت في حقهم ... وما كانت تصفهم بس انهم ناس سمحين ... ديل والله لقيتهم ، ومن خلال تعليقاتهم الظريفة والانيقة ، انهم اكثر من رائعين .. ناس تتمنى تتعرف بيهم وتتمنى |
تحية طيبة الأخت بسمات الشيخ عبد الرحيم ...،
وأجدد وافر شكري وتقديري على كل ما كتبت وتفهمك كذلك ما أزال ضبابة سوء الفهم التي أطلت فحجبت رؤيا المعنى السامي من مداخلتي ...اهل السودان ناس سمحين غالبهم .. خاصة ناس السودان القديم كما أسميهم أولئك الرعيل من مغتربي السودان الذي هاجر في تلكم الأزمان السمحة وظل متمسكا بسماحته. وبمناسبة السماحة يستحضرني تعليق للبروف عبد الله الطيب عليه رحمة الله حينما قال .. مصر ما أبعد منا ما تطير الحمامة يقولون للمرأة الحسناء "جميلة" ونحن نقول "سمحة" فكانما الله قد وهبنا السماحة ووهبهم الجمال أكثر منا ...
التحية عبرك للأخت أميرة السيد وللأخوة ود أبو سن - ود البوش وود شيقوق وود المنسي ,... أخوة لم أراهم ولكن تعرفت فقط بهم من خلال البوست ...
نسال الله أن يهبنا ويهبكم أسمى ما في النفس من صفات من السماحة و السهولة و التيسير و الجود و السخاء و كرم النفس ...
في الختام شكرا لسماحتك ولملهم كردفان السمح المزيد من الشكر ...،
دمت بخير وعافية ...،
| |
|
|
|
|
|
|
|
|
|
Re: سلام ست المنشور والضيوف المتداخلين (Re: othman mohmmadien)
|
اقتراح تسمية المواقع السودانية باسماء تارخية :سودانية يدل على اصالة منك يا بسمات
فقط ديرك تركزي لي في مقولة ميلان كانديرا دي عشان اوريك العاملين فيها مثقفين وسياسين وما تغرق الدال الفالصو للدكتور الشيوعي او الكوز ويحقرون المهدية القامت ضد الاستعباد التركي المصري للسودانيين وانضم ليها حتى الكجوريين/راجعي كتاب المحترم فرانسيس دينق -السودان وصراع الرؤى
وامتد هذا الاستعلاء الاجوف الذى يدل على الدونية لاهل اليسار العروبي والشيوعي السوداني وثالثة لاثافي الاخوان المسلمين للسيد عبدالرحمن المهدي ثم حزب الامة ذاتو
ولاحظي انهم شيوعيين من حزب الانابيب المجهول المنشا في مصر والقوميين ادوات المخابرات المصرية الرخيسة ام الاخوان المسلمين السمو داخلية ترهاقا ابو قتادة ديل الكلام عنهم ذاتو مضيعة وقت
شفتي ازمة ازمات السودان الشيوعيين واناصريين والاخوان المسلمين
ولالوب بلدنا ولاتمر الناس
بل العملة السودانية مفروض تخلد المهدي والسيد عبدالرحمن والسيد علي ومحمود محمد طه وجون قرنق
ولو عايزة تعرفي منو البقو شيوعيين وقوميين وكيزان في السودان اعملي بحث انثر بولجي للمركز المازوم بلد المعقدين والقبيح المشوه الذى اهان الجنوبيين وكل سودانيين الهامش بي الكشة والشرطة الشريرة وحروب الابادة حتى اليوم
ديل لو كانو فعلا "سودانيين" كانو ابادوا عبر العصور 4000000 سوداني ووصلونا لي الدرك ده ومسخو العلم والشعار والتعليم وفضلو الجنوب ورحلو الفلاشة
الناس ديل ما عارفين نفسهم ساكت...
من هم سكان الخرطوم من 1821-2016؟؟
| |
|
|
|
|
|
|
|
|
|
Re: سلام ست المنشور والضيوف المتداخلين (Re: adil amin)
|
Quote: بعدبن عطبره كلها تراب ... ما تعمليها لينا الرفيرا ...هههههههههههههه
لامن تقوم الهبوبة والتراب ينردم جنب اسوار البيوت ...... تكون ماشي في الشارع تلقى نفسك جوه حوش بيت ... :)
ولا دي بربر ؟ |
أها، مُو مطار السجم دا، هادي طرفي مِنّو
بس ادوني فرقة في قباني دا .
قباني اولاً بالتبادي زولاً سمح زي ؤُ روح ؤُ طبع ؤُ دُخري لي زمناً عضوض،
ايّ والله يصدق عليهو قول الحردلو،
Quote: جيتك بامتثال صاحبي المتمم كيفي
يا يحيى ثبات عقلي ودرقتي وسيفي
مطمورة غلاي مونة خريفي وصيفي
سترة حالي في جاري ونساي وضيفي |
عِلآ يا قباني اسمعا مني نحن بنات اتبرا ديل وكِت يندهننا بي نتنبر ؤُ ندُق سدُرنا ونقول،
انا اخو البِت اللكعت قرن الخُمرة النازة
علي وِردآن الصبوة الرآكزة .
تعال شوفني انا قلت شنو هنا،
Quote: انـا والأشـواق في بُعـدك بقينا اكـتر من حبايب
كم سِهِرنا الليل وحاتك وإنـت مـن عيني غايـب
يا حـبيب القلب أصلو الحياة مـحطات عـجايـب
واصلو دنيانا وحاتك زحمة من اغرب غرايـب
فرقـت بينـا الـلـيـالـي وزادت اكـوام الـنوائــب
كم كنا في أفراحنا دايبين للحبايب يـوّت نطايب
صبحت فـي اشواقـي سآبح لجروفنـا وللزرايـب
لأهلنـا الجـد وحاتـك بلـحقـو المـمكـون وضايـق
لبـيـوت الطيـن والنـخيـل للكـتـاتيـح والـهبـايـب
وبرضو لعصرية حآلمـة وهبهبت نسمـآت تطايب
جايبة ريحتو لبن مقنن وفي الشراب بندورو رايب
بـس وحـاتك مانسيـتك ونحـن اكـتر مـن قرايـب
فرقـت بـينا الليـالي والمـقـدر اصلو صايـب... |
لبـيـوت الطيـن والنـخيـل للكـتـاتيـح والـهبـايـب
وبرضو لعصرية حآلمـة وهبهبت نسمـآت تطايب
ياخي شُفلك زول بيشتاق للكتاتيح والهبايب ؟!، اها نحن وحات الله بنشتاق للكتاتيح
والهبايب . رغم قعادنا في الخرتوم لفترة ليست بالقصيرة والخرتوم احياناً تقوم فيها
كتاحة إلا أننا والله كنا نشتاق لكتاحة اتبرا، فما بالك بهذه البلآد التي يلفح زمهريرها
الوجوه ؟. ياخي المتعة في إنّك تقوم الصباح تلقي جسمك مرسوم فوق الفراش زي
رسم الجريمة، ؤُ تسمع وآحد يقولك، هبوب البارح دي جابتلها نسمة، خلي بالك
يكون اللتبراوي وقع . اوع بالك يا قباني النسمة دي اللت بطانة وعتامير . ؤُ كمان
العصرية دي وكِت تجيب ريحة البُن اسكت ساكت، هذه المدينة يا قباني لا تلومونا
في هواها ليس يرضينا سواها، فذكراها تطربنا وتسكرنا وتبكينا وتجعلنا نهيم في
عالم صوفي كما هام ذلك الفتى الذي صوره محمد المهدي المجذوب في رائعته
ليلة المولد بأنه تثنى وتأنى وبيمناه عصاه تتحنى
لعباً حركة المداح غنى
راجع الخطوة بطار
رجع الشوق وحنّا
وحواليه المحبون
يشيلون صلاة وسلاما
ويذوبون هياما
ويهزون العِصيا
ويصيحون به أبشر
لقد نلت المراما
فمتى ننال المُرآم ونرجع إلي تلك الديار حتي نتبرك بكتاتيحها كما يتبرك
المريدون بتراب ضريح الأوليا .
قباني يا عطبراوي،
لك منا عاطر التحايا وحفنة تراب
من عاصمة الحديد والنار، وليت الأيام تصفو لنا ويتوشح الوطن
بوشاح الأمان والسلآم ختي نأخذك معنا علي متن قطار الشوق
لمدينة كل السودانيين عطبرة وإن شئت اتبرا .
براك عارف بنريدك قدُر شنو ...
| |
|
|
|
|
|
|
|
|
|
Re: سلام ست المنشور والضيوف المتداخلين (Re: معاوية المدير)
|
بسمات
تحياتى
عجبى حتى بوستك لم يستطع أن يحافظ على عنوانه بإسم مطارى المهدى وأبودقنة ! فكيف على أرض الواقع؟
إنتى قايلا لسة (الدنيا مهدية) ! ولو ترين اليوم أن أهل السودان إذا خيروا سيرتضوا (حكم المهدية)
فإقتراحك معقول! أنتى تفكرين من منطلق بطل وخاين التى درست فى المداراس عن تاريخ السودان
وخاصة المهديه .. فرحنا لفتح الأبيض وشيكان وفتح الخرطوم، وحزنا لنهاية الفيلم المحزنة فى كررى
ولم نرتضى كتابات ناس نعوم شقير عن المهدية وخاصة عن خليفة المهدى وحكمه الذى فى الفيلم كان
ذكياًً وثعلب الصحراء.. ولكن بإعادة إستقراء التاريخ وتحليله من عدة جوانب منها الدينى والسياسى
والإجتماعى بل وربطها ومقارنتها بأحداث لاحقة ومنها حاضرة تغيرت المفاهيم والتقييم للحركة
المهدية.
إقتراحك جاء متأخراً على الأقل 35 عاما عندما إحتفل نظام نميرى فى يناير عام 1985
بالمهدية وبمرور 100 عام على فتح الخرطوم، كان يمكن إطلاق إسم المهدى على مطار
أو أى مرفق آخر .. وبتكونى سمعتى بمدينة المهدية شمال امدرمان وهذه سميت بعد ثورة
أكتوبر 1964 بدلاً عن إسم الثورة التى كان أطلقه عليها منشئها نظام عبود العسكرى وسماها
(الثورة) أى ثورة (إنقلاب) نوفمبر ولكن غلب عليها إسم الثورة (والثورات)
ما عارف ليه مركزة على المطارات ؟ بورتسودان أهميتها فى الميناء البحرى وزى عثمان دقنة
الأنسب يسمى عليه ميناء سواكن ... الأمريكان والأوربيون وحتى السعوديون مطاراتهم كثيرة
والتسمية مقترنة بعهد قريب لإنشاء المطار على من سمى به أو فى عهده.
| |
|
|
|
|
|
|
|
|
|
Re: سلام ست المنشور والضيوف المتداخلين (Re: نادر الفضلى)
|
عزيزي الفاضل عادل امين
تحية واحتراما
أولا ما قلته اليوم هو عين الحقيقة وعين المنطق ...
ولنسترجع معا ما قاله الفيلسوف التشيكي ميلان كونديرا .. قال:"
" اول خطوة لاستئصال شعب هي محو ذاكرته عبر تدمير كتبه وثقافته وتاريخه
ثم تكلف شخصا بكتابة كتاب جديد ووضع هوية جديدة لهذا الشعب ، وقبل مرور وقت
طويل سيكون هذا الشعب قد نسي من هم.. ..""_( انتهى الاقتباس)
وانا متأكدة ان الكثير من الجيل الجديد لا يعرف عن تاريخ السودان المعاصر او التاريخ
القريب الا القليل جدا.. وربما لا يعرفون من هو محمد احمد المهدي وماذا فعل من اجل
تحرير السودان.. حتى ان نشيد " كرري تحدث عن رجال كالاسود الضارية" لا نسمعها
كثيرا في الإذاعة او التلفزيون.. لان النظام الحالي الذي يحكم السودان يريد محو ذاكرة هذا الشعب
كما قال كونديرا...
ومن اقوال كونديرا أيضا:
" الاسم شكل من اشكال الاستمرارية في الماضي والناس الذين لا ماضي لهم هم أناس بلا اسم..""
ويقول أيضا:
" ان الشغف بالتطرف سواء في الفن او في السياسة رغبة مقنعة في الموت..""
ونحن في السودان عندنا ماضي عريق وماضي تليد وماضي وتاريخ نفخر به ويفخر به كل شخص..
.. لكن بصراحة نحن فاضين من الواتساب عشان نقرأ تاريخ السودان ونقرأ تاريخ الابطال الذين
ضحوا بحياتهم وقدموا ارواحهم في سبيل عزة السودان....!!
ودمت بالف خير وصحة وعافية
بسمات
| |
|
|
|
|
|
|
| |
عبدالعزيز الفاضلابى
عوض الشيخ حامد العوض
jini
معاوية المدير
يحي قباني
د.محمد بابكر
عبد الله شم
قصي محمد عبدالله
ياسر السر
othman mohmmadien
ملهم كردفان
اسامه العريفي
adil amin
نادر الفضلى
فيس بوك
تويتر
انستقرام
يوتيوب
بنتيريست