الذكريــــــــــــــــــــــــــــــــات الذكريات صادقة وجميلة مهما تجافينا بنقول حليللا
الذكريات في كل ليلة توحي للحبايب اشياء كثيرة فمن يغني يزكر خليلا ومن بينعي ماضي وجميلا ومن بيعبد قد طال ليلا فل تزكرون كثيرا اوقليلا الذكرى تجمعنا ونمرح طويلا
الذكرى للحبان اجمل بشارة هي للقلوب مراة وللحب منارة مرات تجود بجنانة ومرة نارة حيث الاشارة صعب في الحب مدارة فزكريانتا جميلة وكم نبيلة واحبابنا وين الليلة في اي ليلة
رجع الصدي المحبوب بالذكريات واحي الالم والجور بي الذكريات فرح الاحبة يتم في الامسيات حيث اللقاء يلهب ما كان وفات باالفي الجنوب حي الشمال ويالفي الشروق ليك شوقنا طال وياالفي الغروب هاك لحني انا قال قال الذكريات نهضت بجيلا وانا كنت حاديها ودايما دليلا
01-11-2016, 06:30 AM
ABUHUSSEIN ABUHUSSEIN
تاريخ التسجيل: 08-14-2002
مجموع المشاركات: 39330
حبيبنا أبوحسين .. تحياتي طرب وروعة خاصة مع ود الشفيع رحمه الله .. ثنائي مبدع القرشي والشفيع .. قبل فترة سمعت كلام الحكواتي الرائع حسين خوجلي عن علاقة الشفيع والقرشي ديل ناس وهبوا حياتهم للفن والابداع وتركوا لنا هذا الموروث الجميل .. يا سلام ..
مودتي .. يا جميل ..
01-11-2016, 07:47 AM
ABUHUSSEIN ABUHUSSEIN
تاريخ التسجيل: 08-14-2002
مجموع المشاركات: 39330
Quote: حبيبنا أبوحسين .. تحياتي طرب وروعة خاصة مع ود الشفيع رحمه الله .. ثنائي مبدع القرشي والشفيع .. قبل فترة سمعت كلام الحكواتي الرائع حسين خوجلي عن علاقة الشفيع والقرشي ديل ناس وهبوا حياتهم للفن والابداع وتركوا لنا هذا الموروث الجميل .. يا سلام ..
مودتي .. يا جميل ..
الحبيب علي اهلا بيك ثنائي مبدع قدم درر من الاغاني كلمات و لحن و اداء غايتو صوت عثمان الشفيع دا ما بتكرر ... لهم الرحمة و المغفرة ... تحياتي و احترامي
01-11-2016, 08:46 AM
ABUHUSSEIN ABUHUSSEIN
تاريخ التسجيل: 08-14-2002
مجموع المشاركات: 39330
Quote: الأغاني ما بناباها .. لكن شكلكـ راقد ليكـ فوق رأي ..
زي التثعلب أنت .. ما مضمون كلو كلو
الحمد لله البقيت زي التثعلب ما بقيت زي الثعلب .. 😂😂😂 انا مضمون لكن انت زول حاقد .. وين ليك فترة غاطس .. بالله ما اشتقت لي قوم لف .. ؟؟؟ قوم لف و امكن تغطس تاني فترة ف شنو قوم لف دي عشان تكون ليك زاد لو طولت ... و لانو طلحة لسه ما ظهر و ما بلقى لي زول الفلفو ف شنو قوم لف بدل طلحة و طلحة زاتو يقوم يلف ...
01-12-2016, 03:51 PM
علي عبدالوهاب عثمان علي عبدالوهاب عثمان
تاريخ التسجيل: 01-17-2013
مجموع المشاركات: 12477
اخونا الحبيب علي يعني حسين خوجلي طلعو من عندكم و جاء عندنا .. 😂😂😂 ليك علي اردمك بي اكبر كمية من اغانيه .... و انت اختار العايزو و خلي لي الباقي ... و زي ما قلت ليك الزول دا عندو صوت ما عادي و مخارج الحروف عندو واضحة شديد بالاضافة لي انو كل الاشعار اللي غناها جميلة جدا خاصة اشعار القرشي اللي كان توأم ليه ....
تحياتي و احترامي يا زول يا طيب
01-12-2016, 05:30 PM
علي عبدالوهاب عثمان علي عبدالوهاب عثمان
تاريخ التسجيل: 01-17-2013
مجموع المشاركات: 12477
أبوحسين حبيبنا .. أنا زهجت شوية كده من ضغط الدوام .. جبت السماعة .. ورفعت البوست سمعت الذكريات .. بعد شوية دخلت القوقل .. ها يا دوب جبت حدائق البان جديد قلت أنزله في البوست هنا .. لكن فشلت .. الشفيع من أورع الاصوات .. شجن وطرب ووضوح في الكلمات .. تطريب عالي جداً .. في كل أغنياته .. خاصة أغنية خليل في الضواحي
حسين خوجلي زول وناس .. بس بعيد عن السياسة يبدع في الحديث عن الفن وأمدرمان .. مبالغة .. خاصة لو لقى واحد من ناس أمدرمان الاصيلين يعجبك .. يحاورهم بعمق ومحبة ومعرفة بكل التفاصيل ..
بعدين قناته محببه إلى نفس لأنها تميل إلى البساطة بالله شوف برنامج ( خلاصة الحواري ) الواحد يتخيل نفسه كأنه بين أهله حتى الفنانات واحدة إسمها على ما أعتقد ( ميادة ) يا أخي دي شخصية قوية تخوف الرجال ( ما شاء الله ) تغني بالرق وصوتها جميل .. صحي أخت الرجال
قناة أمدرمان فيها عبقرية ونمط أصيل ..
طولت عليك حبيبنا أبوحسين .. مودتي ..
01-12-2016, 05:41 PM
يحي قباني يحي قباني
تاريخ التسجيل: 08-20-2012
مجموع المشاركات: 18708
حبيبنا أبوحسين .. يا أخي ده شغل تمام جداً .. ونحي كمان حبيبنا قباني على الفيديو ..
حبيبنا أبوحسين .. الفيديو الفوق دسم جداً بالصورة والمكان والاشخاص ولكن يا أخي أنا عندي مشكلة في الصوت الصوت عندي يقطع .. قمت حاولت أعدل طلع لي العطبرواي فسيبوك ..
الله الله يا أبوحسين لو وقدرت أسمع الفيديو الفوق كويس وأعرف الاشخاص الحضور ..
شكرا يا خال بالمناسبة السعيدة دي ما بلقى عندك في الشاطئ يا حبان بالعود لي ابو الشفيع و معاه الخالدي ... ؟؟؟ كان عندي ليها تسجيل في الواتس و ديني ايماني ابو الشفيع فيها صوتو زي جرس الكنيسة ... كدي بحت لي كان لقيتو ... ينوبك ثواب و تجيك دعوة للحوار ... 😂😂😂
01-13-2016, 11:11 PM
ABUHUSSEIN ABUHUSSEIN
تاريخ التسجيل: 08-14-2002
مجموع المشاركات: 39330
حبيبنا علي سلام ياخ ابو الشفيع دا من الفنانين القلائل الذين يطربون نفسهم ليطربو المستمعين ... و ببدع كتير لم يغني بالعود .... ابداع ما بعدو ابداع .... كان لقيت وقت بفتش ليك درر كتيرة تشبع كل رغباتك ....
تحياتي و احترامي
01-14-2016, 02:35 AM
يحي قباني يحي قباني
تاريخ التسجيل: 08-20-2012
مجموع المشاركات: 18708
Quote: شكرا يا خال بالمناسبة السعيدة دي ما بلقى عندك في الشاطئ يا حبان بالعود لي ابو الشفيع و معاه الخالدي ... ؟؟؟ كان عندي ليها تسجيل في الواتس و ديني ايماني ابو الشفيع فيها صوتو زي جرس الكنيسة ... كدي بحت لي كان لقيتو ... ينوبك ثواب و تجيك دعوة للحوار ... 😂😂😂
ده ينفع يا عمّو ؟
و الله منتجتُه ليك خصوصي ... احنا عندنا كم ود اخت ياخ ... :)
بالله شوف الصوت ده كيف ... شي يوجع القلب ...
01-14-2016, 02:56 AM
يحي قباني يحي قباني
تاريخ التسجيل: 08-20-2012
مجموع المشاركات: 18708
يا سلام عليك يا أبو الياء الله يديك العافية و يديك الفي نيتك ..... ياهو دا التسجيل اللي أنا عايزو ... و بالله ركزوا معاي في حتة :- و القمري يحكي الحور و براي أنا الفنان عليك دينك شوف أبو الشفيع براي دي طلع بيها كيف ...؟؟؟ ياخ سلاسة و قيافة و جمال ما عادي .... التسجيل دا عندي في الموبايل عشان أسمعوا في أي حتة و في أي وقت ..... و تحديدا براي أنا الفنان دي بعيدها 500 مرة .....
تحياتي و إحترامي
01-14-2016, 06:57 AM
علي عبدالوهاب عثمان علي عبدالوهاب عثمان
تاريخ التسجيل: 01-17-2013
مجموع المشاركات: 12477
حبيبنا قباني .. يا سلام عليك .. إنت وحبيبنا أبوحسين .. جملتوا دواخلنا جمل الله حياتكم .. يا أخي لو ما الحاجات دي الواحد كان فارق المنبر ده ( في الشاطيء يا حبان ) قمة التطريب .. صدقني سمعت كثير إسم قباني في الاذاعة زمان عائلة امدرمانية حسب إعتقادي .. وأكثر ناس يعرفوا الغناء هم أهل أمدرمان بؤرة الابداع وكلامهم حلوا وشيق في التلفزيون .. وخاصة دردشة حسين خوجلي معهم عن الحقيبة وفنانين الحقيبة .. حتى الناس العاديين فنانين والدليل في برنامج ( خلاصة الحواري ) حبيبنا قباني .. يا اخي عايزنك في جلسة كده مع حسين خوجلي في قناة أمدرمان كلامك عن خوجلي والخالدي دليل معرفة وخبرة
مودتي لك ولأبوحسين الرائع دوماً ..
01-14-2016, 04:53 PM
علي عبدالوهاب عثمان علي عبدالوهاب عثمان
تاريخ التسجيل: 01-17-2013
مجموع المشاركات: 12477
حبيبنا أبوحسين .. خلي فوق البوست لحد يوم الاحد إن شاء الله .. أنا في بيت النت مقطوع .. والجوال طبعاً أبوكشاف .. صدقني من زمن جدي ترهاقا .. في المتحف ما في .. غايتو لو مشيت لود خالي إن شاء الله ممكن أدخل .. مودتي ..
شوف لينا خالك قباني كمان تحياتي ليه ..
01-14-2016, 05:22 PM
يحي قباني يحي قباني
تاريخ التسجيل: 08-20-2012
مجموع المشاركات: 18708
حبيبنا قباني .. قبل أمشي من المكتب .. أنا دخلت بوست قباني الموسيقي .. لقيتك من ناس أمدرمان .. صدقني أنتو ناس حلوين تصنعوا الفرح وتأرخوا للجمال والنغم .. أنا أحب قناة أمدرمان خاصة حسين خوجلي لمن يكون عنده مع واحد من معمري أمدرمان وأحب برنامج لي ( خلاصة الحواري ) .. لأن الناس على السليقة من مختلف الاعمار وبكل أريحية نساء ورجال مودتي
أبوحسين حبيبنا .. جمال الثنائيات ( بازرعة وعثمان حسين ) ( وردي وإسماعين ) ( القرشي والشفيع ) بعدين نحن في ضواحي الدنيا هناك .. كنا بنسمع فقط من الراديو عندنا تركيزنا عالي .. التلفزيون ده قريب
مودتي ..
01-14-2016, 06:11 PM
ABUHUSSEIN ABUHUSSEIN
تاريخ التسجيل: 08-14-2002
مجموع المشاركات: 39330
حبيبنا أبوحسين .. يازول يا رائع .. مبالغة .. القطار المر .. وبنتنا ذكريات دي ما شاء الله متحدثة لبقة على ما إعتقد هي ( دكتورة ) تخيل .. اطفال نشأوا في هذه البيئة الجمالية ( الشفيع + القرشي ) أكيد دواخلهم جميلة .. حتى الإسم له عمق ومعنى ووقع في نفوس كل السودان .. كدي زي بنت كل الوطن ..
مودتي أبو حسين .. والتحية لخالك قباني ..
01-17-2016, 08:27 AM
يحي قباني يحي قباني
تاريخ التسجيل: 08-20-2012
مجموع المشاركات: 18708
التحية لحبيبنا قباني .. من صورة ودالقرشي يظهر أن الرجل كان في عز ونعمة .. لأن شكله فيه أناقة ونضارة .. يعني كده كان إستقراطي .. لكن ثنائي مبدع .. رحمهم الله تركوا لنا هذا الإرث الجمالي الرائع ..
حبيبنا قباني .. أول مرة أسمع الاغنية من عثمان الشفيع والله روعة روعة .. حسب إعتقادي في أغنية إسمها ( الشال منام عيني وفؤادي ... إن شاء تلاقيني ) أبو الزهايمر يا شيخ .. يكون أخدوها من لحن الشفيع .. الاغنية عام 1963 م .. في السنة دي نحن ماشين على الاميرية الوسطى ..
حبيبنا أبوحسين .. إستعنت بإبننا قرشي بتاع الكمبيوتر في المكتب .. قال لي يا عم علي ( بعدين في النهاية ممكن أحفظوا ليك في المفضلة ) ما عارف شنو كده في سطح المكتب
تحياتي ومودتي ما قصرتوا إنت وخالك الجميل ده .. إنتو أكيد من ناس أمدرمان .. أمس في قناة أمدرمان ( خلاصة الحواري ) قلت ياريت أبو حسين يشاهد الحلقة دي التسجيل في حي أمدرماني .. ناس عفويين وحلويين .. بس ما عجبني الفنان شعره مضفر بيعمل كده حركات لكن الباقين أولاد حلة مئة في المئة
مودتي ..
01-18-2016, 07:09 AM
يحي قباني يحي قباني
تاريخ التسجيل: 08-20-2012
مجموع المشاركات: 18708
Quote: انت أبو حسين وين ؟ مالو سايق البوست ده بإهمال كده ؟
إهمال شنو يا خال ....؟؟؟؟؟ أبو حسين بيؤمن بي مقولة القيادة فن و ذوق و أدب ..... و الله ما قصرت يا خال و أبو الشفيع يستحق أكتر من كدا .... بعدين أخونا علي دا لازم نكرمو و نحسن إكرامو ... زول طيب و قلبو أبيض و يستاهل كل خير ..
الله يديكم العافية
01-18-2016, 09:11 AM
علي عبدالوهاب عثمان علي عبدالوهاب عثمان
تاريخ التسجيل: 01-17-2013
مجموع المشاركات: 12477
Quote: حبيبنا قباني .. أول مرة أسمع الاغنية من عثمان الشفيع والله روعة روعة .. حسب إعتقادي في أغنية إسمها ( الشال منام عيني وفؤادي ... إن شاء تلاقيني )
دي من أغاني السواقة حقة إبراهيم الكاشف ...
من أروع ما كتب عبيد عبد الرحمن و من اجمل ما غنى الكاشف يا استاذنا علي ...
و اعتقد انو الشفيع غناها أيضا وغنا الباسم الفتان بلحن مقارب جداً ...
نتقابل الإتنين واشكى له مر البين عسى قلبه مره يلين ( لعل قلبه يلين ) يعطف على المجروح والروح تناجى الروح والعين تشوف العين والأيد تصافحه
01-19-2016, 02:10 AM
يحي قباني يحي قباني
تاريخ التسجيل: 08-20-2012
مجموع المشاركات: 18708
حبيبنا أبوحسين وين أخلي البوست ده .. بالله شوف خالك قباني شرح لي القصيدة دي كيف . لأني لخطبت بين اللحنين .. الزول ده مكانه التلفزيون عديل كده .. إنتو يا ناس أمدر خطيرين في التوثيق ..
أبوحسين الكفيل كان معاي ( مان تو مان ) ذكرني صالح النعيمة وماجد عبدالله
غايتو الثنائي ده ( القرشي والشفيع ) مبالغة ..
مودتي ..
01-19-2016, 01:33 PM
علي عبدالوهاب عثمان علي عبدالوهاب عثمان
تاريخ التسجيل: 01-17-2013
مجموع المشاركات: 12477
من أروع ما كتب عبيد عبد الرحمن و من اجمل ما غنى الكاشف يا استاذنا علي ...
و اعتقد انو الشفيع غناها أيضا وغنا الباسم الفتان بلحن مقارب جداً ...
نتقابل الإتنين واشكى له مر البين عسى قلبه مره يلين ( لعل قلبه يلين ) يعطف على المجروح والروح تناجى الروح والعين تشوف العين والأيد تصافحه
حبيبنا قباني ...شكراً كثير .. إختلط علي الأمر .. لأن اللحن تشابه علي صدقني إنت موسوعة في المجال .. يا سلام .. حتى التفاصيل الدقيقة في برنامج إسمه ( خلاصة الحواري ) في قناة أمدرمان شايف في ناس كبار في السن يرددوا أغاني الحقيبة كما أصل أرجوك كده أسمع مرة ورأيك فيهم .. لأن البرنامج بدون ديكور وكل شيء فيه عفوي إحتمال يكون لديكم معرفة بهؤلاء الجميلين ..
وكمان في واحد إسمه ( ديكشنري ) يتسرسل في شرح أغاني الحقيبة ما عارف كلامه صح أم من عنده ..
مودتي حبيبنا قباني .. بوست جميل ..
01-20-2016, 05:16 AM
ABUHUSSEIN ABUHUSSEIN
تاريخ التسجيل: 08-14-2002
مجموع المشاركات: 39330
حبيبنا ابوحسين .. سبحان مغير الأحوال .. يعني مثل هذه الأصوات لن تتكرر .. دي مصيبة .. ولكن نحن محظوظين لأن هذه الاغاني أرتسمت داخل والوجدان بقت في اللاشعور .. تخيل يا أبوحسين نحن لم نكن نرى الفنانين لأن التلفزيون جاء عندنا متأخر جداً كنا نتخيل شكل فنان وطريقة لبسه .. وهذا الخيال كان يجعلنا نتعمق أكثر في الفنان يعني مثلاً أبوداؤود كنا نتخيله ضخم الجثة حسب صوته .. عكس ابراهيم عوض .. إلخ إلى أن بدأت تصلنا ( مجلة الإذاعة والتلفزيون ) بدأنا بعدها نرى صور الفنانين .. وليست مبالغة أن الكثير من توقعاتنا جاءت تقريباً مطابقة للصورة .. وصور المجلة الاذاعة والتلفزيون كانت واضحة وناصعة ..
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
ABUHUSSEIN
جلالدونا
علي عبدالوهاب عثمان
خالد عبد الله محمود
يحي قباني
فيس بوك
تويتر
انستقرام
يوتيوب
بنتيريست