|
|
|
 Re: الي الاخ عبدالله ودالبوش يجده بخير (Re: محمد المسلمي)
|
الرئيس جعفر نميري عليه رحمة الله
كان عنده وزير التجارة وكان السلع المسموح باستيرادها 17 سلعة اها واحد صديق ابوالقاسم محمد ابراهيم تاجر
ويريد استيراد احذية من الصين وكتب طلب لابوالقاسم محمد ابراهيم ووصي الي وزير التجارة بالسماح له بالاستيراد
ورفض وزير التجارة الطلب لانه خالف مبادئ مايو ، وبعد شهر سافر الوزير مؤتمر خارج السودان اصبح ابوالقاسم
وزير بحكم منصبه وقام بتصديق الرسالة لصاحبه وتم إحضارها وبيعها وبعد عودة الوزير الي عمله ورفع التقرير وجد
أوراق البضاعة وهاج وزبد من الزعل وحمل الأوراق الي نميري وبعد التحية حكي له الحاصل قام نميري ساله ماعلاقة
ابوالقاسم به قال ليه النائب الاول وقال ليه تاني قال ليه صديقك وقال ليه التاجر علاقته شنو قال ليه صديق ابوالقاسم
وقال ليه انت شغال شنو قال ليه وزير في حكومتكم قال ليه طيب الموضوع مادام كدي مانخليه جبر خواطر
| |
 
|
|
|
|
|
|
|
|
Re: الي الاخ عبدالله ودالبوش يجده بخير (Re: عبدالله ود البوش)
|
عندنا عمنا اسمه ودالحبوب
ولديه ابن ولده يحبه من دون الأحفاد اها كل مايختفي شي يقولوا ليه شاله طه
اها في يوم مشي المزرعة عنده حمل دعول وجده مافي سال الخفير وين الحمل
قال ليه جاء طه امس مع زملاء الجامعة وضبحوا ليهم اها رجع البيت زعلان سال
طه يازول انت ضبحت الحمل قال ليه اي ياابوي فقال له أظنك بقيت مجازف
-------
انت عارف المجازف
| |
|
|
|
|
|
|
|
|
|
Re: الي الاخ عبدالله ودالبوش يجده بخير (Re: محمد المسلمي)
|
تحياتي الأخ محمد المسلمي
وشيخ العرب ود البوش
يا محمد المسلمي
أختلفت معك كثيراً وأنت تساند أهل الحكم وأنا أعارضهم بضراوة
وأتفقت معك في مناهضتك بشدة لنشر المذهب الشيعي في السودان
مؤخراً أصبحت أعيد النظر في تقيمي لك كمساند للحكم بعد تلسمي لكثير من مواقفك العقلانية وأراء لم أعهدها فيك من قبل
ولكن ......
بوستات أمس نسفت كل شئ وخصمت من رصيدك لحد كبير في نظر كثير من الأعضاء أو على الأقل في نظري
وأعادتني للمريع الأول وربما أقل من المريع الأول
نختلف معك يا مسلمي في حدود الإخاء الإنساني والتقاليد السودانية ولكن موقفك كان مخزي لحد كبير
معقول تسعى لقطع أرزاق الناس مهما كانت حدة إختلافهم معك
ياخ نسيت أنو الناس دي بتعول أسر وبريوا في أبناء
ويرعوا أباء مسنين
ويساهموا في نفقات طلاب
ويعالجوا مرضى
ديل كلهم يا محمد المسلمي عاوز تتسبب في معانتهم في شخص من أختلفت معهم
نسأل الله أن يسامحك
| |
|
|
|
|
|
|
|
|
Re: الي الاخ عبدالله ودالبوش يجده بخير (Re: محمد علي البصير)
|
لقد فهمت مغزى حكاياتك الاثنين
وقد ربطتها بالمحبة الشديدة جدا بيني والمرحوم الشقيق العوض المسلمي له عالي الجنان
وبعد رحيله كانت بيننا اتصالات متكررة طالبا منك ان تشيل الشيلة وتدق صدرك وتقول العوض لم يمت وتحل محله
تقوم يا محمد المسلمي تكتب بوست من أسوأ البوستات التي كتبت هنا تطالب فيها بقطع ارزاق الناس بل ربما رقابهم
كانت صدمة كبيرة جدا
ومن هنا كان اللوم والعشم
.
.
انتمائك للانقاذ والدفاع عنها لا ارضاهو لك ولكنه تقدير يخصك وتتحمل تبعاته
.
.
اللهم ارحم العوض المسلمي وادخله فسيح جناته
| |
|
|
|
|
|
|
| |
محمد المسلمي
عبدالله ود البوش
محمد علي البصير
فيس بوك
تويتر
انستقرام
يوتيوب
بنتيريست