|
|
|
 Re: مبادرة تشريعي الخرطوم : حمام ودجاج و أغنام (Re: Abu Baker Ahmed Abdel Rahman)
|
الاستاذة نعمات حبابك ...والاخبار الحلوة دي
من الصباح بفكر في الفكرة العبقرية دي
واضيفي ليها فكرة سعاد الفاتح اغنام وقش وغنم وحطب وعواسة ودجاج وغنم والله حيرونا
اسي بلاجداد وحمام ماعارفين حاجة في الاوساخ والروائح الكريهة
والعجب مع الخريف ....
ياناس التشريعي لكن لقيتكم تجننواااااا
وكر ياحمام وكاك ياجداد
الله يحفظكم
محبتي
| |
  
|
|
|
|
|
|
|
|
Re: مبادرة تشريعي الخرطوم : حمام ودجاج و أغنام (Re: Abu Baker Ahmed Abdel Rahman)
|
مشروع جميل جدا والله ولكن المشكلة انو ناس الخرطوم ما بعرفو يربو الاغنام او الدجاج او الحمام ,, هسة يا دكتورة البنات ديل وامهاتن بعرفن يصررن ليهن بهيمه أو يحلبنها ؟؟ الدجاج والحمام ساهل عيش وبرشنو ليهو وبياكل لكن الحيوانات الباقية حا يعينو ليها راعي منزلي ولا شنو ؟؟ ,,,
غايتو اكيد الراجل ده اكييييييييد قاصد ناس ضواحي الخرطوم لانو حتى مساحات بيوت الخرطوم لا تسمح بذلك ولا شنو !!
مشروع فيه رجوع جميل للماضي التليد زمن الحياة سمحه والناس عايشه منها وفيها لكن التطبق صعب جدا ,,
تحياتي : ياسر العيلفون ...
| |
|
|
|
|
|
|
|
|
 Re: مبادرة تشريعي الخرطوم : حمام ودجاج و أغنام (Re: ياسر السر)
|
لاحولالالالالالالالا
يعنى هسى انا شغال فى مشروع تربية القعنوج داخل بيتنا بناء على توجيهات الشيخ مامون حميدة قدس الله سرو .طيب .هسى انا اوقف مشروعى دا وابتدى فى الجداد والغنم ..
وبعدين الحمام حقنا مافيهو راس بيت !!اسوى البرج وين ؟فى حالة زى دى ...
تحياتى يامواطنة
| |
|
|
|
|
|
|
|
|
|
Re: مبادرة تشريعي الخرطوم : حمام ودجاج و أغنام (Re: Hatim Alhwary)
|
سلام الأخت العزيزة نعومة
الأخوان الأعزاء
أبوبكر أحمد عبد الرحمن
ياسر السر
معاوية عبيد
حاتم الهواري
حقيقي تعليقاتكم تمووت من الضحك شكرا لكم و لروحكم المرحة .
قبل كم ساعة كنت في الطريق مع أبنتي سألتني
- ده شنو في رأس التاكسي ده ؟
- جداد يعني دجاج
- هم حيين ؟
- أيوة
- صاح عاينوا لي بي عيونن .. يا ماما .. نحن في القرن الكم ؟
- ماف غاز و أزمة بنزين و ماف مواصلات و ماف عربية نفايات
ممكن نقول نحن ما زلنا في الفترة قبل الحكم التركي مباشرة .
| |
|
|
|
|
|
|
|
|
|
Re: مبادرة تشريعي الخرطوم : حمام ودجاج و أغنام (Re: نعمات عماد)
|
مرحب د. نعمات .. وكل سنة وانتي طيبه ..
نحنا زمان كنا مربين جداد في بيتنا ...
كدايس الحله كلها كانو بيعزمو بعض وبيجو يتعشو عندنا ...
وبعض ما يشبعو كويس .. الشكلة تقوم ...
كرهونا النوم وتربية الدواجن .... ههههه
اها مشروع زي دا .. ما بينفع مع الكدايس الجعانه دي ..
عااالم بطاااله ....
| |
|
|
|
|
|
|
|
|
|
Re: مبادرة تشريعي الخرطوم : حمام ودجاج و أغنام (Re: ولياب)
|
هناك مساحات شاسعة حول العاصمة يمكن أن تستوعب هذه الأمور الزراعية ..
فقط أوقفوا تحويل الأراضي الزراعية إلى سكنية
وفروا مياه االري والمعينات الزراعية
وفروا الطرق الموصلة لهذه المناطق طيلة العام
لا تتركوا فرصة للضرائب لتهزم الانتاج
وفروا الأمن للمستثمرين وعمال المزارع
| |
|
|
|
|
|
|
|
|
|
Re: مبادرة تشريعي الخرطوم : حمام ودجاج و أغنام (Re: ودقاسم)
|
غايتو يا أخت نعمات العبث وصل مرحلة الإنطلاق بلا حدود ..
لا يسعنى إلاّ أن أضيف بعض تعليقات شباب السودان الساخر ..
Quote: زمان قلنا ليكم الطنقحه انتو ما قدرها ما سمعتو كلامنا الدولار ما دايرنو في النهاية ما لقيتو قلتو نوطن القمح اصبحتو تستوردوهو وبعد شويه بترجعو للذرة الرفيعه المراحيك بعد ما رجعتو لجداده و ديك المثل بقول (العندو ديك و جداده في خيرين و زيادة)
|
Quote: الدجاج والغنم، والضفادع لحمها لذيذ وفيها بروتينات مفيده للجسم،،،،، وبعد شويه حيطلع علينا واحد يقول ربوا (الصراطير) غايتو بقينا زي ناس (ناشيول جوغرافيك)
|
Quote: انا غايتو حاربي البقر والغنم للبن والكلاب للرعي والحراسه بس اوع يجينا كتال الكلاب
|
| Quote: خلي يربي في بيتو لو نجحت نحن بنربي |
| Quote: فكرة تمام وبتخفف من اعباء المعيشة ،وضمان لانها خالية من الهرمونات والكيماويات،،،ومن ما الناس اتكبروا وتركوا سعاية الجداد والحمام والاغنام والضان ،،الحال بقى ماشي للاسفل ،،،خاصة في السلع المعيشية ،،وظهر شيء غريب وعجيب،،الناس بقت تفضل المظهر وتصرف فيه ببزخ ،واهملو المطعم،،،مثال ،تلقى زول عندو عشرة جنيه وعايز يفطر وعايز ينزل رصيد للموبايل ،بدل يشتري طلب فول بسبعة جنيه ،يشتري سندوتش بجنيهين والتمانية جنيه رصيد،،، |
| Quote: قرار سليم ،،،،،علي الاقل اكل صحي وخالي من الكيماوي . |
Quote: ..والحمير كمان
عشان ننقل بيهم الجداد
نوديهم السوق
!!:D:Dرجعونا للعصر الحجري احسن
|
| Quote: والله الحكومه دي غلبه البتسوي شنو لكن انا لو نويت اربي بربي حمار واسمي ( رئيس المجلس التشريعي ) |
| Quote: #حاجه#تجنن ايلا حالف اليشوفوا رابط عنز في خشم بيتوا الا يطردوا خارج الجزيره يودي ولايه الخرطوم |
| Quote: هههههه يعني عايزين ترجعونا لزمن دجاجي يلقط الحبة و يجري و هو فرحان ، و حسن و الطير ههههههه تبا لكم يا اهل المشروع الحضاري |
| Quote: نحن دايرين نربي كروووش زيكم |
Quote: تبا لكم ..
تنهبون وتختلسون وتسرقون وتقتلون وتزنون وتكذبون
وتطلبون منا أن نربي الأغنام !! |
| Quote: كاكا كا كا ميع ميع ميع .باع باع...هههههههه.... |
| |
|
|
|
|
|
|
|
|
|
RE: (Re: Munir)
|
اسي تربي الغنم وتتعب يجوك ناس المحلية شايلين دفاترهم دا ما يشبه دا ، تفوت ناس المحلية يجي عمو الحرامي ، تنتهي من موضوع الحرامي كدايس الدنيا وكلابا تحميك النوم
غايتو الله يفكنا من ناس "دخلنا النهر 10 وخرجنا 9" يا قادر يا كريم
سلام نعمات
| |
|
|
|
|
|
|
|
|
|
Re: RE: (Re: Abdullah Idrees)
|
اها الفكرة كويسة لحل مشكلة الامن الغذائي في الخرطوم
وكذلك في الولايات الاخرى..
لكن بما انه منازل الخرطوم ضيقة..فانا بقترح ان المسؤول التشريعي
يوصي الحكومة لمنح مزرعة لكل رب اسرة في الخرطوم وكذلك
لكل رب اسرة لتربية الدجاج والحمام الغنم والخرفان والبقر...وتكون
مساحة المزرعة فدان واحد لكل رب اسرة ..واكيد اراضي السودان بتكفي
لمنح كل رب اسرة في السودان مزرعة بهذه المساحة وخاصة وان السودان
معروف انه بلد المليون ميل مربع....
( انا اسفة نسيت قطعوا الجنوب)....
وبالمناسبة هسع مساحة السودان كم بالضبط بعد ما قطعوا الجنوب؟؟؟!!!
ودمت بالف خير وصحة وعافية
| |
|
|
|
|
|
|
|
|
|
Re: RE: (Re: Basamat Alsheikh)
|
ياخي موية الله الوساخنة البشربوها دي كل يوم قاطعة
اها داير تدخل لينا فيها سقاية حمام و دجاج و غنم و زراعة؟
يعني بعد ده بدل الحمام نتمسح بالموية، وبدل الوضو نتيمم، ومافي داعي نشرب موية البيبسى راااااقد
سلام نعمات و سلامات لضيوفك
| |
|
|
|
|
|
|
|
|
|
Re: RE: (Re: elsawi)
|
الفكرة ممتازة ويمكن ان تحل مشكلة
اللحوم والخضروات تماما.
الفكرة قابلة للتنفيذ في الارياف.
| |
|
|
|
|
|
|
|
|
|
Re: RE: (Re: عبدالعظيم مكى)
|
Quote: نحنا زمان كنا مربين جداد في بيتنا ...
كدايس الحله كلها كانو بيعزمو بعض وبيجو يتعشو عندنا ...
وبعض ما يشبعو كويس .. الشكلة تقوم ...
كرهونا النوم وتربية الدواجن .... ههههه
اها مشروع زي دا .. ما بينفع مع الكدايس الجعانه دي .. |
سلام و تحية طيبة أخي مجيدو
كدايس جعانة و حكومة أكثر جوعا ...
عيب الفكرة فقط أنها موجهة لسكان العاصمة و غالبيتهم يسكن في مساحات صغيرة
جزء من بيت مثلا أو شقة وهي لا تصلح لتربية حيوانات أو زراعة .
شكرا للمرور الكريم .
| |
|
|
|
|
|
|
|
|
|
Re: RE: (Re: نعمات عماد)
|
انتو يا جماعة الناس ديل موش زماااااااان
قالوا بيدوا كل واحد غنماية عشان اللبن
وكمان كل شهر شوال عيش؟
| |
|
|
|
|
|
|
| |
نعمات عماد
Abu Baker Ahmed Abdel Rahman
نعمات حمود
ياسر السر
Hatim Alhwary
محمد مجيدو
جمال ود القوز
ولياب
ودقاسم
Munir
Abdullah Idrees
elsawi
فيس بوك
تويتر
انستقرام
يوتيوب
بنتيريست