|
|
|
 Re: مواليد واحد واحد سنة الضلمة وسنة القبور و� (Re: عبدالله ود البوش)
|
الناس ديل مواصفاتهم كالاتي ( يمنع دخول الحساسين والحساسات ) : ـما عارفين نفسهم مولدين سنة كم واهلهم ذاتم ما عارفيناول جديد البنج حقهم ابشر امباشر جطككالبابنبرس حقهم تمشش ههههههههه ( الم احذركم بعدم دخول الحساسين والحساسات )الدخول للمدرسة بالطول والعرضفي سنة رابعة لمن يدرسوهم علامات البلوغ القاها كلها معاهو وابرم شنبو سااااااكتالخالخمن يأنس في نفسه الشجاعة الكافية اجي يحتفل ساهي ان شا ء الله اقلب الهوبة وارجعوبالعدم سوف احتفل نيابة عنكم
| |
 
|
|
|
|
|
|
|
 Re: مواليد واحد واحد سنة الضلمة وسنة القبور و� (Re: عبدالله ود البوش)
|
النشمي .. ود البوش .. سلام يغشاك . انت ياود البوش يوم واحد واحد الناس بتتحسس منو وعامله ليهو خضوضية بخصوص الميلاد ليه ؟ موش يعتبر برضو يوم وتاريخ من ايام السنة ؟ اها في كم طفل مولودفي العالم في هذا اليوم ولا النسوان ما يلدن في اليوم دا ولا الفهم شنو . ههههههههههغايتو الاهم يكون مولد استقلالنا .وتسلم يا نشمي ..بكرة بجي بـ اناشيد وطنية .
| |
|
|
|
|
|
|
|
|
|
Re: مواليد واحد واحد سنة الضلمة وسنة القبور و� (Re: مني عمسيب)
|
بت المدن يا الواعية يا الدارسة الكتاب بت عمسيبالسلام والاحترام دايما مرفق طيهالظاهر عليك يا بت عمي ما عرفتي المطلوبينديل أصلا ما عندهم يوم ميلاد لاهم عارفين ولا أهلهم عارفينلمن الواحد فيهم اكبر واهلو اطروا المدرسة بودوهو للحكيم اقدر عمرو تقدير ساهي كداالتقدير بكون للسنة اما الشهر واليوم من طبيعة الحال لاداعي لهما عشان كدي بكتبوهو يوم واحد واحدفي ذلك الزمان تقويم السنين كان بالاحداث في مناطق البادية وصقيعة سلامةسنة النجمة ام ضنب يقال انها في 1952سنة الضلمة يقال انها في 1955وسنة القبور يقال انها في 1960 وفيها القبور اكل العيش وفي الاخر الناس اكلت القبور ذاتووبعد كدا بدأت تظهر شهادات الميلاداها المطلوبين للاحتفال هنا هم مواليد السنين المذكورة اعلاها وما بينها..عايني جاي ... الخواجية سقتيها السودان ول لسع ؟
| |
|
|
|
|
|
|
|
|
|
Re: مواليد واحد واحد سنة الضلمة وسنة القبور و� (Re: ناصر حسين محمد)
|
| Quote: الله ينعم عليك بالعافية يا ود البوش قلعت مني ضحكة مجلجلة |
بالله الضحكة بقت قلع ؟يا حليل المحنة راحت مع القمل ..مبروكة عليك ضحكتك يا ناصرولكنك تبدو من ناس نايل كورس ولم تستمتع بمان اندبان ولا الريدرات ..هل تعلم يا ناصر خريج رابعة أولية بنجاح يتم تعينه معلما بالكتاب ؟وهذا مع التحية والاحترام
| |
|
|
|
|
|
|
|
|
|
Re: مواليد واحد واحد سنة الضلمة وسنة القبور و� (Re: عبدالله ود البوش)
|
حلاة لقلقياناس الحقونا بالترجمة !!!!! ذكرتني صاحبنا الكان مغترب في العراق 30 سنةوجاء الخرطوم قبل ايامشاف بنات المطار جميلات شديدقام قال لي واحدة { سنة يا اتي } !!!البنية قالوا اتخلعت وقعدت تكووركلاحولالالالالالالالالالالالالالالالالالالالالالالا !!! الزول دا كان مسجون في افغانستان وللا شنو ؟؟؟؟والله العظيم قرينا بشهادة الميلاد نهائي ماحضرنا زمن الطول والعرض والارتفاعوشلنا دفتر العيادةوكنا بنسرق العنكوليب من الحواشات بعد نهاية المدرسة يوم الخميسوبرضو البلدات المطرفات المزروع فيهم التبش والعجور لازم تاخذ ليك خمشة وكنا بنمشي نعاين في الكراكة وركبنا الحمير ووقعنا منهن عشرات المراتلعبنا شليل وين راحوشدت والرمة حباسة 00 ما تضحك علي 00 لعبنا البلي استيشن لكن في التراب لوارينا كانت من الصفيح والطوبوعزفنا على الزمبارة وعملناها برانا بدون ماندخل معهد الموسيقى والمسرح مثلنا الأزهري والتعايشي والمهدي ومحمد سعيد باشا في الابتدائية { 6 سنوات طبعا } وقرأنا أسوأ تاريخ في المتوسطة حاجة كده اسمها الأسرة السابعة عشر والثامنة عشرومنحتبومنفتاح وفرعون العاشر غايتو تنتهي من الحصة تجيك كاوروووووووووووووووشة !!!!مرات اهلنا يذكرونا ببعض التواريخ مثلا سنة الجمكسين سنة مات جدك اب تالولة وكنا كلنا بنشرب الموية من زير واحدزير فيهو خاصية كيميائية عجيبة جدالايبرد الموية ولايحررها !!!تظل بخواصها ونكهتها وقد اشترته حبوبتي لطهور عمي !!!الطهور دي اسوأ مناسبة مرت علي في حياتي حياتنا كانت سمحة يا ود البوش مرتاحين ياخي لا فير اند لفلي لا حنة الشمس المشرقةولا حول لي رصيد هسي عليك امان الله تدي ولدك مصاريف الدراسةبعد اسبوع يقول ليك يا ابوي القروش انتهت تسال ليه : يقول ليك عملنا كشف لي سوزان عشان النضارة ضاعتوهنوية سرقوا قروشاوالوية قالت عاوزة ايسكريم !!!قال سنة الضلمة قال قبلكم وقبالكم 00 انتوا مفروض هسي تكونوا في متحف التاريخ الطبيعي !!
|
|
|
|
|
| |
عبدالله ود البوش
مني عمسيب
أحمد الشايقي
ادريس خليفة علم الهدي
ناصر حسين محمد
ابوحراز
ابو جهينة
محمد مجيدو
فيس بوك
تويتر
انستقرام
يوتيوب
بنتيريست