هذا النظام ..... بنزين كمل!!! ( قصيدة)بسم الله الرحمن الرحيمللدين علي قولُم أتوا..وبيهو انتهوا !واحدين من السرقات غنوا !واحدين في شهر الصوم زنوا !مسئول من الحج..(شيخ جهاد)..وشيوخ خلاوي..وفي الرذيلة اتمرغوا !ود الوزيرة إذا سطل..وزع مخدر..مرّقوا !؟لو كان ده كله جا من ضعيف..والله كان تتفرجواتعظيم سلام يا سيدات يا سادتيهذا النظام ..بنزين كمل*****************آه يا معايش ..يا مَكابَدَا.. يا اقتصادقلب دفاترك يا وزير الاقتصادفهمك كمل ..يا صاحب الوعد الكذوب وكمان معاددولار لسانه طويل عليك..نومَة وتقوم.. تلقاه زادلا زراعة..بترول..لا دهبكان دخلهم خير للعبادممكن تقول ..فضّل شنو؟ونقول خلاص... غاب الفساد ؟تعظيم سلام يا سيدات يا سادتيهذا النظام ..بنزين كمل****************الأمن هاجس من بدوااشكال وألوان من جيوش ...لي أمن شعبي وجنجويد اتلملموامن صيف لى صيف يتوعدواها دي البنادق ياولد..ضد العدواليوم بقيت انت العدوجوة البيوت ناس المباحث يُقتلواضاع الأمان ..(على ايه إذن) بتجقلبو؟تعظيم سلام يا سيدات يا سادتيهذا النظام ..بنزين كمل******************حزباً بيرضع في حليب كل البلد...هو البِسنِدهيوم ينقطع ..ما عنده سكة ولا مدد..مين بلحقه ؟عايش مع الأحزاب علي ..فرق تسد ..والشعب كله بيكرههوالوثبة مع مية حزب..من صنعتهورئيسه مطلوب محكمة ..لا بد يواجه فعلتهباع الوعود لامن فتر..لكن حقيقته بتفضحهكملت خلاص كل الألاعيب والحيل..والشعب حتماً بِلْفظهتعظيم سلام يا سيدات يا سادتي ..هذا النظام ..بنزين كملهذا النظام.. بنزين كملمعمر حسن محمد نور24/ ديسمبر /2015
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
معاوية عبيد الصائم
فيس بوك
تويتر
انستقرام
يوتيوب
بنتيريست