اخوكم فى المنافى .. حلوة المنافى دى ... قرر يمشى السودان لحضور زواح الاخ الاصغرو بالمرة مراضاة الوالدة ربنا يديها العافيةو الاطمئنان على صحتها مع علل الكبر الكتيرة دىو منها كمان مواصلة الاهل و الارحام بعد سنين عددا
12-24-2015, 09:40 PM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
سمعنا بالقرارات الجديدةخمسة دول دخات حظر السفر الامريكى من ضمنها السودانشاورت لى كم زول كده قالوا الكلام ده لى زوار امريكا فقط و ليس للمقيمين فيهااستبشرت خير و بسم الله بديت فى الاجراءات
12-24-2015, 10:00 PM
جلالدونا جلالدونا
تاريخ التسجيل: 04-26-2014
مجموع المشاركات: 9389
الله يرحمو و يحسن اليه يا مدير شال اشواقنا و مشاعرنا و حالنا و احزانا قعادنا و ترحالنا و كبّاهو نضم يشوى الاكباد _____ و ا مغستى يا مديرادّخل ايدى فى رحلى ترابن فيهو يسوى الكون
سلام يا اخيةالامان كانت دندنة نهدهد بيها سمر الليالى فى كوم رملة فى نص الحوش الواسع و كبير____اخونا فيصل ود على مرة شرّفنا بالزيارة .. فى نص الونسة قال لى بيت الادب بى وينقلتليهو ياهنداكا عاين ليهو و عاين لى و قالهسه الواحد ماشى ... وللا ماشى يرفع كورنر_______و معاها رفيقاتا يا اخلاص يا بت امىما تحن يا انتاو ارجوك يا نسيم قول ليهوو الغلبت اخونا قبانى .. لقيت الناس حزينة وجوهاو اخرياتو الختمة بى يا نسيم الصبا النجدي اريجك لى مدى الأزمانيداعب خصلك الأوزان و طيب أنفاسك الوردييريدني سباك لي عهدي القبيل ضمخني بالإحسانو كان لي كل حين إنسان تزيد افضالو من سعديبدورك لو تقيف عندي عشان اوصيك بتحنانوصاية تشيلا في الأجفان لناس عند هم كبديمكانم مني في بعدي و ديارم في عيوني رهانو لون يختال على الألوان و حسنو بالجمال يعديتشيل عيني و تسيب سهدي و معاك عناية الرحمنتلاقيك في الدجى العتمان تحرسك و لي خطاك تهديو تنزل بى وفى الوعد على الحي الخلى و نعسانُبال ما ينبه الآذان لى درب الرحمة و الرشدو تملا بطيبك الهندي صدور ناساً ظُراف و حُنانتهاتي النجد على الشأن وحاتك مثال للحيا بيجديو تابع عيني بتودي على الحي الخلى و نعسانتقودك فوق على الأغصان لى نبعاً حاشا مو غسنانوحاتك فاق على الشهد_____ايييييه يا اخية شفتى الوطن كان جميل كيف
12-25-2015, 05:02 PM
جلالدونا جلالدونا
تاريخ التسجيل: 04-26-2014
مجموع المشاركات: 9389
و عشلن حاجات ابليس القاعد يعملا فى الحاجات الزى دىقلتا فى ذات نفسىيا ود روح على ناس الهجرة و الجنسية و جيب النجيضةو مشيت و اتحكرت اما الاوفيسرو بعد ال ميرى كريسماس و تحية الصباحدوّز الحوار التالى- شوف يا سعادتك انا عاوز امشى السودان+ السودان ! انتا ما سمعتا بالقرار الجديد ده- سمعتا بس انا دخلى شنو+ دخلك بعد ما تمشى السودان حتجى راجع امريكا .. صاح ؟- ايوه صاح+ خلاص الطيارة البتجيبك ح ترجعك طوالى_ يا زول انتا جادى ؟!!!!+ ايوه جادى و ما ح تخش الا بعد مرور خمسة سنوات- طيّب و الحل ؟ انا لازم امشى السودان+ عندك جواز امريكى؟_ لأ+ خلاص تملا الفورم ده و توضّح فيهو الاسباب عشان يدوك السماح بزيارة السودانمليت الاستمارة ... اورنيك طلب وثيقة سفر اضطرارية ... و الرد ان شاء الله بعد تلاتة شهور و يا صابت يا خابتودعت الرجل شاكرا له و ممغوس جنس مغسة من عمايل ناس الانقاذ فيناحتى فى المنافى لاحقانا
12-25-2015, 05:26 PM
يحي قباني يحي قباني
تاريخ التسجيل: 08-20-2012
مجموع المشاركات: 18708
يا ود قبانى و ود البوشحرام عليكم تكتلونى بالشوق و الحنينو تورّمونى بى كنس الغنا دهشاحد ربى فى علاهوكندا و السعودية و الامارات كمان ياخدو نفس القرارعشان تشوفو المناحات الما خمج
12-25-2015, 06:43 PM
عبدالله ود البوش عبدالله ود البوش
تاريخ التسجيل: 08-12-2009
مجموع المشاركات: 6700
Quote: شاحد ربى فى علاهوكندا و السعودية و الامارات كمان ياخدو نفس القرارعشان تشوفو المناحات الما خمج
عاين لي جاي يا جلالود قباني القدامك دا فتح بوست قبل شهر تقريبا جاب فيهو سيرة الامهاتاثار اشجاني والشوق للامعليك امان الله طق قفلت الكمبيوتر ومشيت للمدير وقلت ليهو ماشي السودان اشوف اميانخلع من القرار المفاجئفباغته عندك خيارين يا امشي يا امشيوزولي وعارفني عميكة فما فكان الا لابد مما ليس منه بد وكان السفر على الفوروكانت احلى 10 أيام في أم سودان صعيقة سلامة قال قرار قال
12-25-2015, 07:22 PM
جلالدونا جلالدونا
تاريخ التسجيل: 04-26-2014
مجموع المشاركات: 9389
تصدّق يا ود البشرى ما عندى جواز لى هسهعايز اعيش سودانى و اموت سودانى ياخالمدام عندها الجوازبالنسبة للاطفال كلامى كان واضحيصلو سن التمنتاشر و يختارواو لو انى احبّذ ان يلتزمو بجنسيتهم الاصلية فقط القرار قد يشمل اللوترى و قد تكون هناك معالجات مصاحبة لى كوتة السودانو حقو الناس تتناول الموضوع ده و تتعقب احتمالاتو و ماَلاتو
12-25-2015, 07:33 PM
Elmosley Elmosley
تاريخ التسجيل: 03-14-2002
مجموع المشاركات: 34683
اخونا جلادونا وضيوفه سلام زمان لما كانت الوالدة موجودة عليها رحمة الله كنت لما أجي مسافر كانت تقول لي نحن كويسين وفي وسط اهلنا ماتقلق علينا وخلي بالك من نفسك انت مع البكاء المتواصل اها والله اخوك لو شاف اي شي عن الام للان طوالي الدموع عشرة عشرة الله يرحمها مابتتعوض دحين عليك بالصبر بس ---------عنوان اخونا خالد معاي ومكتبه عرفته لو شفتك غبت من هناعشان نت السودان ضعيف طوالي عليه وبجيك في البيت جري من غير ميعاد شفت كييف اسع ناس المفتاح عامل ليهم وجع وش 😜😜😜
12-25-2015, 08:03 PM
جلالدونا جلالدونا
تاريخ التسجيل: 04-26-2014
مجموع المشاركات: 9389
هنيالك يا ود البوش بى شوفة المليانة حنية و المتدفقة عواطف و تحنانهن كدى شقيانات معانا فى صغرنا و فى كبرنا و دايما شايلات همنايكفيك ان طلتك عليها بالنسبة ليها سعادة لا تدانيها سعادةحفظ الله امهاتنا و متعهن بالصحة و العافية و يسهل لينا الشوفة ان شاء الله
12-25-2015, 08:15 PM
جلالدونا جلالدونا
تاريخ التسجيل: 04-26-2014
مجموع المشاركات: 9389
يا الف مرحب اخونا المسلمىو ربنا يرحم الوالدة و يحسن اليها و يجعل مثواها الجنةهن دايما كده يطمنوك و شايلات الهم---واحدة من الحاجات المزديانى السودان زواج خالد اخوىو كان مناى اكون هناك و اعزم كل بورداب السودانو كان ربنا ما رفع القدمياكا سيد الدعوة و عزومتن عليكيديك العافية و يخليك لينا
12-26-2015, 05:33 AM
jini jini
تاريخ التسجيل: 02-05-2002
مجموع المشاركات: 30720
الاحزان تملي قلوب معظم السودانيون .. حتي من لديهم جوازات في مشاركة اهلكم افراحا واحزان .. حتي مع اقرب الاقربينمن استطاع حاليا ان يسافر فاليسافر .. الوضع في سوء والعمر في النقصان
12-26-2015, 08:56 AM
باسط المكي باسط المكي
تاريخ التسجيل: 01-14-2009
مجموع المشاركات: 5475
اخونا حافظ الامامياخى لفيت فى جخانين النت ما لقيت حاجة عن القرار دهو الدنيا اعياد و اجازاتننتظر تانى يوم فى السنة الجديدة و ىضرب لى ناس الخارجية تلفون عديل و نجيكم بالنجيضة
12-26-2015, 08:54 PM
جلالدونا جلالدونا
تاريخ التسجيل: 04-26-2014
مجموع المشاركات: 9389
Quote: يا جلالدونا مالك عايز تجهجهناالقانون دا بيخص مواطنين الدول المابتحتاج فيزا عشان تدخل امريكاما المواطنين والمقيمين
و اخونا حافظ
Quote: أخونا جلالدونا، كنت قد حذفت مداخلتي بعد الحصول على بعض الإجابات. مافهمته من القرار أنه كان هناك حوالي ٣٨ دوله يُحق لرعاياهم دخول الولايات المتحده من غير فيزا ولكن الآن أصبح من الضروري أن ينالوا فيزا مسبقه من السفارات الأمريكيه إذا سبق أن زار هؤلاء الرعايا السودان،العراق ،سوريا،أو إيران بعد سنة ٢٠١١. القرار متعلق فقط حول رعايا تلك الدول ولا يشمل حاملي الجوازات الأمريكيه ولا حاملي القرين كارد ولا حتى حاملي الجوازات الكنديه. هذا ما فهمته. أرجو أن تتأكد من مصادر متعدده قبل إتخاذ أي قرار. غايتو يا جلالدونا أهلك الأمريكان ديل حاقرين بينا ساي .
نعم كلامكم صاح لكن ده جزء من القرارحاملى الجنسية المزدوجة لهذه الدول بما فيها حاملى الجنسية الامريكية ايضا ينطبق عليهم القرارالفرقحاملى الجنسية الامريكية يحتاجون الى موافقة السلطات الامريكية قبل السفر و اذا سافر دون هذه الموافقة يحتاج الى تأشيرة لدخول امريكاالمسألة باللسبة لى ما كانت قراية للقرار انما هذا قول موظف الهجرة لى و مليت الفورم لذلك و يتضمن سؤال عن سبب الزيارة
12-28-2015, 02:51 PM
جلالدونا جلالدونا
تاريخ التسجيل: 04-26-2014
مجموع المشاركات: 9389
العزيز عمادالمسألة تعدت حدود الصبر محتاجين للبحث عن حلول قبل ما يستفحل الامربكرة ما معروف دول اوربا تحذو حذو امريكا على قاعدة التعامل بالمثلويمكن دول الخليج تحاكيهممصر القريبة دى ربطت دخول مواطنى على ما اعتقد 18 دولة بالحصول على الموافقة الامنيةتصدق من ضمنهم السودان و اسرائيل
12-28-2015, 07:08 PM
Mohammed Elhaj Mohammed Elhaj
تاريخ التسجيل: 12-12-2004
مجموع المشاركات: 1670
العزيز محمد الحاجقريت مداخلتك لكن ما عارف سبب عدولك عنّهاالمهماستقبلت اسرة قدمت من السودان مباشرة قبل اسبوع لكن نالت التأشيرة قبل صدور القرارالقرار يطبق من يوم تفعيله و لا يجب ما قبله يا صاحب
12-30-2015, 05:47 AM
جلالدونا جلالدونا
تاريخ التسجيل: 04-26-2014
مجموع المشاركات: 9389
العوافى اخونا الصديق ود المهدى و الاسرة الكريمةو ربنا يرزقنا ويارة بيتو العتيقكدى اختف رجلك و امشى السودان و بعد داك متّعنا بى و نستكغايتو ح اضحك فيك جتس ضحك
12-30-2015, 06:27 AM
جلالدونا جلالدونا
تاريخ التسجيل: 04-26-2014
مجموع المشاركات: 9389
يا ملك .. يااااا ملك .. عايزنك ديمة تكون ملكو ملك عظيم يا زولتصدّق فى و احد من بنابر بكرى المجدعة فى الحوش دهاقترحتك رئيس قضاءلكن طال ما سويتا جينز ممحوق و جلابية بيضا مكوية و مسكتا العصا من النصانا هنا بكامل قواى العقلية اسحب ترشيحك لهذا المنصبو ارشح قريمان و بالعدم تراجى .. ايمانا بالحوار و كفرا بالمتحاورينعشان تلبس جينز بالعمةشن اسو ماب ناباهاالا بس كعبة الهوهوة__
12-30-2015, 01:51 PM
محمد على طه الملك محمد على طه الملك
تاريخ التسجيل: 03-14-2007
مجموع المشاركات: 10624
مشكور يا حبيب على الثقة والاغنية..طبعا الرئيس الحالى دفعة ونائبة ممن قمت بتدريبهم ..عارف يا جلال السودان ده فيهو سر غريب ..زمان لما كنت بقرا موضوع دخول العرب للسودان كنت بسال نفسى ..إنتو يا خوانا جدود أبوبكر عباس ديل أصلهم ما طرو أهلهم ؤ بلدهم ديك ولا غنو ليها زي ما بنعمل نحن هسه في غربتنا دي؟ياخي كيفن شوق الاهل والوطن يا يهوي بيك!الله يجازي الكانو السبب ..ياخي سيبك مننا نحن المرقنا كبار وتركنا والدينا ورانا ..عندي ولدي مولود هنا أول مره ينزل السودان السنة الفاتت لعرس ود عمتو ..مشى براه ورجع ..تصدق هسه مصر ينزل في العطلة الجايه تقول قال ماشي السودان .
12-30-2015, 08:59 PM
صديق مهدى على صديق مهدى على
تاريخ التسجيل: 10-09-2009
مجموع المشاركات: 10212
يا مولانا يا ملكالسر مزروع جوّه الخلايابلد شكلو كدهو شكّلنا معاهوو بالنزاتزرعت فى وجدان اولادنابرضو اولادى مشو السودان و هم صغارعمتم ما خلت مكان فيك يا السودان عشان تجيب ليهم سيريلوقعت مغشى عليها لمّا شمّت ريحة البصل باقة من خشومن و قالو ليها ضرينا البوش فى الدكّان---باقى مداخلتك و الزمالة و التدريببالتأكيد ما قصرتا فى امر التدريببس فى الزمن العلينا دهواحدة من مشاكل السودان و يا للاسف غياب العدلو ان شاء الله بيكم يعود طيّب و معافى
01-01-2016, 07:21 AM
معاوية الزبير معاوية الزبير
تاريخ التسجيل: 02-07-2003
مجموع المشاركات: 7893
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
جلالدونا
معاوية المدير
يحي قباني
عبدالله ود البوش
محمد البشرى الخضر
Elmosley
محمد المسلمي
jini
باسط المكي
Mohammed Elhaj
ابو جهينة
صديق مهدى على
محمد على طه الملك
معاوية الزبير
فيس بوك
تويتر
انستقرام
يوتيوب
بنتيريست