|
Re: ***** دا شنو كمان ***** (Re: ABUHUSSEIN)
|
الواثبات و الواثبون! أولئك المتحاورونيتكلم البعض عن مقاطعة قوي الإجماع الوطني و الجبهة الثورية للمسرحية الحادثة هذه الأيام و المعروفة بمؤتمر الحمار اللاوطني. عندما يتكلمون عن هذه المقاطعة الموجعة جداً للنظام يتناسون أن يقولوا لماذ قاطعت القوي السياسية الحيّة هذه المهزلة التي يؤمها المهرجون سياسياً و الانتهازيون وسقط المتاع الذي خلقته حالة التشوه الإجتماعي و السياسي التي خلقتها سنوات نظام الإسلاميين الفاسد و الإجرامي في الحكم.لمن فاتهم الدرس ممن فقدوا القدرة علي التعلم السياسي نقول علي باب التذكير؛ لقد قاطعت الجبهة الثورية و قوي الإجماع الوطني مؤتمر الحمار اللاوطني لاسباب متعددة منها إمتناع النظام المجرم عن إعلان وقف لإطلاق النار غير مشروط حتي تتمكن المنظمات الإنسانية من إيصال العون الإنساني للعالقين في مواقع النزاع المسلح. إعلان وقف اطلاق النار علي الصعيد السياسي يمثل بادرة تعبّر عن جدية النظام المجرم في تغيير الواقع المرير المعاش عبر المفاوضات. ومن تلك الاسباب التي جعلت القوي السياسية تقاطع مؤتمر الحمار اللاوطني حالة الحريات و الحقوق في السودان و علي سبيل المثال لا الحصر هنالك مدنيون كثر نذكر منهم راشد عبّاس (ناشط نوبي – قضية السدود)، يوسف هارون ، فؤاد عثمان ونسيبة مسيك و هم أعضاء حزب المؤتمر السوداني الذين فقط خاطبوا المواطنين في الطرقات.سيواجه هؤلاء الشجعان محاكم النظام المجرم اليوم الثلاثاء 22 ديسمبر 2015م و هنالك الأسري من حركة العدل المساواة هم : – الصادق أبكر يحى عيسى ، أبوالقاسم عبدالله ابوبكر قونى ، حمد آدم حسب الله آدم ، آدم التوم آدم تيه ، عبد الرازق داود عبدالله ، ابراهيم شريف يوسف عبد الخالق ، حسن اسحق عبدالله محمدين، قد تمّ يوم الأمس نقلهم لزنازين الإعدام بسجن كوبر. و بالأمس أيضا تمت مصادرة عدد صحيفة التيار. غياب الحريات و إهدار الحقوق و الأصرار علي استمرار الحرب من جانب النظام هي بعضٌ من أسباب مقاطعة قوي الإجماع الوطني و الجبهة الثورية للمهزلة السياسية الكبري التي سمتها لغة الشعب السوداني المبدع مؤتمر الحمار اللاوطني.ما اسماه إعلام النظام المجرم بوفد المنافي أوجماعة تراجي مصطفي أو وفد تراجي هو أحد أشكال التهافت السياسي التي تعودنا عليها أيام نزال الشعب السوداني المرير لأسوأ ديكتاتورية حكمته ألا و هي سلطة نظام انقلاب 30 يونيو 1989م الفاسدة و المجرمة. هؤلاء المتهافتون هم مجموعة من المهاجرين غير الأكفاء علي المستوي السياسي خاصة المجموعة الكندية و نقصد حسين شنقراي و حواء كباشي، هاشم نوريت، الطيب رحمة قريمان ، منصور المفتاح و ابن القضارف عماد عوض زودي و زعيمة المجموعة المدعوة تراجي مصطفي. و من نافلة الحديث أن نذكر حادثة كانت بطلتها الزعيمة حيث قالت لمجموعة من الناشطات و الناشطين في اونتاريو من الكنديين بلغة مرتبكة I do not know English, you do not know my language, so I cannot talk إعادة الصياغة و الترتيب لمنع الإضراس اللغوي. لم تستطع الناشطة إيصال فكرتها للناشطين و فتحت الطريق لغيرها من القادرين علي الكلام ممن حلّ الله عقدة اللسان المنهم. و البقية من الوفد أقل كسباً في التدرب علي ممارسة السياسة في المهجر من زعيمتهم. هذا النفر بالضرورة أن يكون ضحية لإغراءات نظام الإسلاميين بالقبول بأن يكونوا في زفة عرس الحمار اللاوطني ببساطة لأنهم فشلوا في إنجاز المهمة التي تسببت في هجرتهم بالأساس هذا إذا صدقوا و نقصد اللجوء السياسي او الهجرة من أجل مغادرة المكان الذي دمرته سياسات الإسلاميين المجرمين الشوهاء منذ وصولهم للحكم عيبر الإنقلاب علي السلطة الديمقراطية المكتسبة. المهاجرون في كندا بلا شك مجموعة أعرفها لأنني بينهم و أعرف كسبهم السياسي و المهني و أعرفهم معاشهم ما يعتوره من مصاعب و ما أود أن أؤكده أن هذه المجموعة المسماة بوفد تراجي هم من أقلهم تأهيلاً علي المستويات كافة و لا نفع بهم غير للحزب الحاكم بالفساد و الإفساد و الإجرام.كل من تابع كلام تراجي مصطفي لتلفزيون الشروق بلا شك قد أصيب بالغثيان ليس فقط من تكرار لغة منتسبي مؤسسات النظام المجرم بل من حالة الإستعلاء التي أظهرتها تراجي تجاه الناشطين من دارفور حيث أظهرتهم في حديثها كأنهم مجموعة من الصُمّ و البكم و الجهلاء الذين لا حيلة لهم و هذا الكلام بالضبط هو عكس الحقيقة لأن الحقيقة أن تراجي تبني خطابها و كتابتها من جهود الآخرين و ليس عندها لا القدرة و لا الإستعداد علي إجتراح تجاربها الخاصة و كثيراً ما نصحها من حولها بالذهاب للدراسة و التعلم حتي تستر عورة جهلها بأسس الحياة السياسية في دولة مثل كندا. بذلك يكون، أن قوي الإجماع الوطني و الجبهة الثورية قد قاطعوا مؤتمر الحمار اللاوطني نتيجة لإمتناع النظام المجرم عن الإيفاء بمطلوبات الحوار من كإيقاف الحرب و كفالة الحقوق و الحريات حتي تتحقق من الحوار ثماره المرجوة.
| |
|
|
|
|
|
|
Re: ***** دا شنو كمان ***** (Re: ABUHUSSEIN)
|
ما عارف لابس ليك توب لشنو ... ؟؟؟عجبك دور المرأة و ل شنو ... ؟؟؟المؤتمر الوطني مذكر ....الرايح ليك شنو بالضبط ... ؟؟؟؟؟و بعدين طوااااااااااالي اي يا وداد .... !!!!!
| |
|
|
|
|
|
|
Re: ***** دا شنو كمان ***** (Re: طه جعفر)
|
في النقد:ما يؤذي السمع و الأذن يختلف فيه الناس ...منهم ما يقبله و منهم ما يرفضه .. و منهم من يتعامل معه حسب ميوله ...أما ما يؤذي النظر و العين ... فلم يختلف فيه احد من قبل ...!! الكل يرفضه حتى في بلاد الحريات المطلقة ... لا احد يقبل الشئ المقرف ...مع احترامي لفكرة الأخ محمد ... و لكن ليس كلما يخطر على بالك يمكن تنفيذه ...بكري يا بكري ... ما خاب من استشار يا أخي ...
| |
|
|
|
|
|
|
Re: ***** دا شنو كمان ***** (Re: يحي قباني)
|
و عليكم السلام اخونا ابو القاسمياخ دا سقوط لينا نحن الاعضاء ....معقول منظر زي دا يكون في واجهة المنبر ... ؟؟؟؟؟؟ياخ المنبر دا فيه ناس محترمين جدا جدا ...و الله يشوفو منظر زي دا يقفلو الكمبيوتر و شهور ما يفتحوه مش المنبر بس .....
| |
|
|
|
|
|
|
Re: ***** دا شنو كمان ***** (Re: ABUHUSSEIN)
|
بختلف معاك يا ابوحسينبقدر ما اثار المنظر اشمئزازك وقرفك معناها الفنان قدر يوصل فكرته الحقيقية بالضبط, دا ياهو المؤتمر الوطني كدامقرف ومثير لإشمئزاز النفس التي تأنف من مصافحة اليد القذرة الملطخة بالدم ناهيك عن الحوار معها , اعتقد المشهد دا مناسب تماما مع الحاصل اسيعندما يؤدي الممثل دور شرير لشخصية مجرم أوقاتل وينجح في اثارة مشاعرك ضدها معناها نجح في اداء الدور لكن للامانة لم انتبه لمسالة ذكر اسم الجلالة في المستراح حتى بوست محمد جلال و معه حق فيها, ليت الأخ تروس يراجع الحتة دي في المشهد
| |
|
|
|
|
|
|
Re: ***** دا شنو كمان ***** (Re: ABUHUSSEIN)
|
منتهي القرفاقسم بالله لما شفتا السويقات والقعدة الما ياهاافتكرت نفسي دخلت موقع غلطرجعت لأعلي المنبر للتأكد وكدايا باش مهندس اسمع كلام اخونا قباني دا وشيل الكاكا دي ياخولا اعمل ليها flushلا حول ولا قوة الا بالله
| |
|
|
|
|
|
|
Re: ***** دا شنو كمان ***** (Re: اسامة الامام)
|
كبسور الفكرة يوصلها و هو بتسوى كدا في مقعد الحمام .... ؟؟؟؟؟و هو بمسح في كرعينو ... ؟؟؟؟بعدين عرفنا التلفون دا اللفي الطرف التاني بسمع ... لكن برضو شايفو و هو بتكشب و بتمسح ... ؟؟؟؟؟ مبالغة يا كبسور ...
| |
|
|
|
|
|
|
Re: ***** دا شنو كمان ***** (Re: ABUHUSSEIN)
|
يا ابوحسين ما فهمتني لمّا تمثّل شخصية شريرة ما ممكن تظهرها في مظهر ملائكي او تركّز على إظهار الجانب الإنساني لو تابعت مسلسل بريزون بريك في شخصية شريرة جدا اسمه كان تي باج , الممثل أجاد الدور لدرجة اني كرهته تماما, كرهته بشكل شخصي تصدّقمعناها الممثل أجاد الأداء, انت ما تشاهد وفي بالك شخصية الممثل الحقيقية تخيل انه دا المؤتمر الوطني اها دي فكرة تروس الانا قصدتهاما فهمتك قصدك شنو بالطرف التاني على الهاتف, ما في طرف اصلا, الحوار و المشهد كله موجه للمشاهد
| |
|
|
|
|
|
|
Re: ***** دا شنو كمان ***** (Re: محمد البشرى الخضر)
|
يا كبسوووووووووووووووور يعني سجم الرماد عمل الوسخ دا عشان الناس تكرهو هو و ل تكره المؤتمر الوطني .... ؟؟؟؟؟اها الناس كلها ركزت في وسخو هو و اتجاهلت وسخ المؤتمر الوطني .....بعدين العمل دا فيه فكرة ... ؟؟؟؟؟؟
| |
|
|
|
|
|
|
Re: ***** دا شنو كمان ***** (Re: ABUHUSSEIN)
|
يا سيدي يعني هو منو المستني يكره المؤتمر الوطني الليلة يا دوب!!الناس كلّها منو؟ ما تلخ وتجمع سايعندك مثلا انا واحد ناس ماشفت تروس في المشهد شفت المؤتمر الوطني !بعدين عادي يختلفوا الناس في ظريقة تذوقهم و تعاطيهم مع الاعمال الفنية, شي طبيعي الاختلاف دا
| |
|
|
|
|
|
|
Re: ***** دا شنو كمان ***** (Re: ABUHUSSEIN)
|
اخونا محمد البشرى الخضر دا ذكرني اخوانا الجنوبيين في جامعة جوبا زمان ...كان سكن الطلاب في المقر الدائم للمعسكرات بسوبا وفي تلفزيون وحيد بنشاهد فيه كور كأس العالم ...الجنوبين بنتظروا يشوفوا الشماليين ح يشجعوا ياتو فريق ... وهم يقوموا يشجعوا الفريق اللاعب ضده :)
| |
|
|
|
|
|
|
Re: ***** دا شنو كمان ***** (Re: قسم الفضيل مضوي محمد)
|
خالي قباني الفكرة بتحتاج لي قالب يتناسب مع قيم و مزاج المتلقى و ديل لو ما راعيتهم حا تضيع الفكرة الجميلة فيهم ...يعني ملاح الورق لو زودت الملح لي ناس عندهم ضغط حا يكبوهو ليك في الزبالة ....و لو عملتو ناقص ملح لي ناس نصيحين حا يكبوهو ليك في وشك ...و لو عملتو مظبوط حا يكبوهو في بطنهم و يقولو ليك تسلم الايادي ...و ل ما كدا يا خال ...؟؟؟ 😂😂😂
| |
|
|
|
|
|
|
Re: ***** دا شنو كمان ***** (Re: ABUHUSSEIN)
|
يا قسم ما عايز اقول ليك انت بتذكرني منو وكيف لا تقوم تزعل كمان و كل سنة وانت طيب دي ايام مولد ما حباب الزعل فيها يا ابو علوة كيفكفي حاجتين هنا دا عمل فنّي وفي نفس الوقت يعكس موقف صاحبه من المؤتمر الوطنييعني لا تحاكمه كعمل فنّي فقط ولا كعمل سياسي فقطالمؤتمر الوطني سبب رئيس في المآسي و الوضع الفيه البلد و للمصير الأسوأ البنتظرها فا شنو يعني لو تم تمثيله في وضع مقرف, قول الكلام دا لمن ولدوا وعاشوا حياتهم كلها في معسكرات, العمرهم ماشافوا زي التواليت الاثار قرفك من الاساس و بسبب المؤتمر الوطني.انا لم يعجبني تمثيل المؤتمر من قبل في شكل الخالة الظريفة الحنينة السودانية , أسّي مبسوط جدا من منظره دا وفي النهاية دا اختلاف الاذواق و طريقة التلقّي شي طبيعي لا يظنن أحد أن ذوقه او فهمه للمشهد هو الصحيح المطلق و الباقين على خطأ
| |
|
|
|
|
|
|
Re: ***** دا شنو كمان ***** (Re: ABUHUSSEIN)
|
يا كبسور العندو فكرة و ما بعرف كيف يوصلها يديها لي واحد بعرف يوصلها عشان ما تضيع الفكرة هباءا منثورا ...العمل الناجح بكون مقبول من الكثيرين ...كم واحد قال ليك شاف منظر الخازوق دا بي ساقينو الشينات ديل و قاعد بعمل في الكاكا عشان كدا ما فتح المقطع زاتو ....؟؟؟العمل الناجح بجبرك على المشاهدة مش العكس ....بعدين قوم لف انت و هو و معاكم طلحة ....
| |
|
|
|
|
|
|
Re: ***** دا شنو كمان ***** (Re: ABUHUSSEIN)
|
سلام وبعد جابني النفس القايم فوق دا، (العمل بالكلام البنسبوه لودتكتوك أظن بينفع في مثل هذه الامور)وشوية نقلل السخانة ، حفاظ و توفير وادخار للصحة والله اعلم البحاور يحاور والعمل فيديو يعمل ! يحاورو مكان ما يحاورو والبعرضو فيديو يعرضو مكان ما يعرضو، عملا ب (فلسفة العيش في الفرن ) او الديمواختلافية غايتو ما عارف جيت داخل وقولت كلامي في حضرة المخضرمين القدامى لو في فلقة ولا عكاز ناخد فلقتنا او نتمطرق ونعمل نايمين اصلا الدنيا حر والجليد مالي الدنيا الود والورد وعصير ليمون
| |
|
|
|
|
|
|
Re: ***** دا شنو كمان ***** (Re: حامد عبدالله)
|
يا تهريف القرف أمامك وخلفك فأين تأكل ؟؟لما الواحد يملأ الدنيا زعيق وصراخ وسب وشتم بدعاوي النضال وفي أول سانحة يرمي كل ما بسببه شال حالو وحال الناس ويسبق الجميع ليتحكر في المقاعد الامامية للمتخاورين دا برأيي مقرف زيو زي البناضل في الأدبخانة دالا فرق إلا في الأماكن .. القرف أشكال وأنواع وعلى قفا من يشيل .. وأسوأ ما فيه النفاق والدهنسة والتملق والتزلف لأجل مصالح دنيوية ستزول عاجلا أم آجلا ..هي بقت على دا بس .
| |
|
|
|
|
|
|
Re: ***** دا شنو كمان ***** (Re: حامد عبدالله)
|
الحمد لله الذي أذهب عنا الأذى ...شكرا ابو حسين ... شكرا الريس بكري على الاستجابة وسحب الفيديو من واجهة المنبر ... ولا عزاء لي محمد البشرى الخضر ومن لف لفه ــــــــــــــيا ود البشرى والله بهظر معاك ... فما تفهمني غلط وتقوم تتلحني تليحتك لي جادات ياخ ... فتيك ات ايزي يا حبيب :)
| |
|
|
|
|
|
|
Re: ***** دا شنو كمان ***** (Re: ABUHUSSEIN)
|
تحياتي وسلامات ود البشرى Quote: بختلف معاك يا ابوحسينبقدر ما اثار المنظر اشمئزازك وقرفك معناها الفنان قدر يوصل فكرته الحقيقية بالضبط, دا ياهو المؤتمر الوطني كدامقرف ومثير لإشمئزاز النفس التي تأنف من مصافحة اليد القذرة الملطخة بالدم ناهيك عن الحوار معها , اعتقد المشهد دا مناسب تماما مع الحاصل اسيعندما يؤدي الممثل دور شرير لشخصية مجرم أوقاتل وينجح في اثارة مشاعرك ضدها معناها نجح في اداء الدور |
كلامك في إطارو الفني النظري صحيحكان ممكن نأخد خط ربط ( المؤتمر الوطني ) بـ ( بيت الأدب ) هو الخط الرسمي والرمزية بتاعت أخونا محمد تروسعلي أقول أن هذه الرمزية أي رمزية ربط الحزب الحاكم ب ( بيت الأدب ) ليست جديدة في السياسة السودانيةتذكر أجيالنا أن طلاب الجامعات في سبعينات وأوائل ثمانينات القرن الماضي كانوا يرمزون لـ ( بيت الأدب ) بـ ( الإتحاد الإشتراكي ) عاااادي جداً واحد يجيك في الداخلية ويقول ليك " ياخ الإتحاد الإشتراكي بتاعكم وين " أو تسأل فلان وين يقولوا ليك فلان في الإتحاد الإشتراكيالمهم كان ممكن نفهم حاجة زي ديلكن أخونا محمد تروس وهو مسمي نفسو ( حاجة المؤتمر الوطني ) في جميع أعمالو بينقد في المؤتمر الوطني والحكومة ورموزها ومواقفها وكانت أعمالو في أماكن عاديةيعني بيت الأدب ليس مربوطاً بـ ( المؤتمر الوطني ) عند محمد ولو كان لكانت جميع أعماله في هذا المكانماهو الجديد في ( موضوع حلقة اليوم ) ليتم ربطه بـ ( بيت الأدب ) ؟؟المقصود برمزية ( بيت الأدب ) يكون أحد مواضيع تسجيله شيخ اللمين مثلاً ؟؟تراجي مثلا ؟؟الحوار مثلا ؟؟ماهى الفكرة التي يريد محمد ربطها بـ ( بيت الأدب ) لدرجة ( جر السيفون ) ليثير ( اشمئزازنا ) ؟؟
| |
|
|
|
|
|
|
Re: ***** دا شنو كمان ***** (Re: عاطف عمر)
|
Quote: طبعا انا ماشفت القصه دي لكين اوافق ابوحتوت الراي تماما |
إنتي تغيبي سنين و تجي داقشة البوست بالطريقة .... ؟؟؟؟؟ســـــــلام الله و الرسول دا مافي ....طيب ماشفتي القصة دي ليه ....؟؟؟؟أهلا بيك دوما
| |
|
|
|
|
|
|
Re: ***** دا شنو كمان ***** (Re: ABUHUSSEIN)
|
اهلا عادل والله قبيل ما شفتاها الا اسع شفتها بس بصراحه الحمام دا انظف من الناس ديل بكتير ياعادل بس انزل لشوارع الغبش عشان تعرف وسخهم وعدم مخافتهم لله في الشعب الطيب الصابر علي الابتلاء دا اكثر من 26 سنه وكل يوم تطلع شمس احوال الغلابه من سئ لاسوأ اي مخلوق يشكر الناس ديل الا يكون ميت ضمير
| |
|
|
|
|
|
|
Re: ***** دا شنو كمان ***** (Re: عاطف عمر)
|
تحياتي دوما و سعيدين بعودتك ان شاالله انت بخير و عافية و كذا الأسرة الكريمة و سعيد أكثر بتوافق رؤانا, الفيديو نزل في الرابط ادناه (مراعاة لمشاعر ابوحسين و الزملاء الما اعجبهم الفيديو ماكتفيت بالرابط بدل ايراد الفيديو نفسه)Re: خالتي حاجة المؤتمر الوطني تستقبل تراجي, و�Re: خالتي حاجة المؤتمر الوطني تستقبل تراجي, و�هلا يا عاطف يا هندسةانا لا استطيع التحدث بلسان الفنان تروس لأجيب على التساؤل الورد في كلامك عن ما الذي استجد, تروس زميل هنا واتمنى ان قرأ البوست ان يرد على تساؤلك ( يا ابوحسين حقو تغير العنوان بشكل يوضح الموضوع البتناوله البوست)لكن عايز اعلق على الجزئيات التالية من كلامك حسب وجهة نظري Quote: كان ممكن نأخد خط ربط ( المؤتمر الوطني ) بـ ( بيت الأدب ) هو الخط الرسمي والرمزية بتاعت أخونا محمد تروس |
Quote: لكن أخونا محمد تروس وهو مسمي نفسو ( حاجة المؤتمر الوطني ) في جميع أعمالو بينقد في المؤتمر الوطني والحكومة ورموزها ومواقفها وكانت أعمالو في أماكن عاديةيعني بيت الأدب ليس مربوطاً بـ ( المؤتمر الوطني ) عند محمد ولو كان لكانت جميع أعماله في هذا المكان |
ما اعتقد انه في مشكلة ان يطوّر الفنان أو يغيّر في خطّه و استراتيجيته في تناول ما, الحياة نفسها تتحرّك و تتبدّل ولا ثابت إلاّ القليل دي واحدة و التانية لتروس اعمال اخرى في نقد الحكومة و المؤتمر الوطني وليس فيها شخصية "حاجة المؤتمر الوطني" وقد تابعت له اعمال فيها شخصية اخرى اسمها نفيسة فيس بووك, و اعمال اخرى يجسّد فيها شخصيات مختلفة اقرب للشكل الإنطباعي للكوز في طريقة الكلام و النظرة من فوق النظارة و الالفاظ و العبارات شيئ آخر انا لفت نظري الشخصية نفسها أكثر من المكان, افعالها المقرفة و كذبها
| |
|
|
|
|
|
|
RE: (Re: doma)
|
اتفق مع مع ود البشري تماما .. مايفعله المؤتمر الوطني تجاوز حدود المعقول ، ولذا من الطبيعي ان يتجاوز التشخيص ايضا حدود المعقول ..نعم مقزز لكنه موفق تماما تحياتي جميعا
| |
|
|
|
|
|
|
Re: RE: (Re: Abdullah Idrees)
|
Quote: اهلا عادل والله قبيل ما شفتاها الا اسع شفتها بس بصراحه الحمام دا انظف من الناس ديل بكتير ياعادل بس انزل لشوارع الغبش عشان تعرف وسخهم وعدم مخافتهم لله في الشعب الطيب الصابر علي الابتلاء دا اكثر من 26 سنه وكل يوم تطلع شمس احوال الغلابه من سئ لاسوأ اي مخلوق يشكر الناس ديل الا يكون ميت ضمير |
أهلاً أختنا دوما نحن ما إتكلمنا عن وسخ و قذارة المؤتمر الوطني إتكلمنا عن إنو المنظر القدامنا دا ما مقبول لينا يعني الفيديو منفر للمشاهدو علشان يكون عملو دا ناجح مفروض أولاً يشد المشاهد و يخليه يكمل المقطع كامل عشان يوصل الفكرة اللي بي سببها عمل المقطع دا... تحياتي و إحترامي
| |
|
|
|
|
|
|
Re: RE: (Re: ABUHUSSEIN)
|
Quote: محمد حمزة رابط شنو ...؟؟؟داير تشوف الادبخانة ... ؟؟؟؟؟ |
لا معليش يا ابو حسين نحن باقي ربنا راحمنا الوساخات دي ما بي تفتح عندنا حتي بالهوت اسبوت شييلد::::::::::::ما تسمع كلام ود البشري دا اديلو في حنانو الغريبه انا اعمالو الاخري التي تصلني عبر الفيس بوك شايفها خياسه خيابة وداير يقول شنوما عارف هو الزول دا ببقي لي بثينه تروس شنوووو مع التحيات لله الزاكيات
| |
|
|
|
|
|
|
Re: RE: (Re: محمد حمزة الحسين)
|
Quote: سلام صاحب البوست وضيوفه الكرام .تلقي الفكرة كما قال الاخ / محمد . بختلف من زول للتاني . وربما شئ يعجبني ، لايعجب غيري . ( والعتبي للاخرين ) . |
و عليكم السلامأخ هاشم و الله لغاية الآن ما شايف أي فكرة و أنا بتكلم تحديداً عن راجل بمثل إنو إمرأة و كاشف كرعينو و بمسح فيهم بي يدواو الكلام دا كلو و هو قاعد في مكان معمول لقضاء الحاجة ......مكان زي دا و زول بالشكل دا مهما كانت فكرتو حا تضيع ساكت لأنو أغلب الناس شافو المنظر و فيهم من قفل الفيديو و فيهم من رفض حتى فتح الفيديو ...تحياتي و إحترامي**********************Quote: سلام وبعدجابني النفس القايم فوق دا، (العمل بالكلام البنسبوه لودتكتوك أظن بينفع في مثل هذه الامور)وشوية نقلل السخانة ، حفاظ و توفير وادخار للصحة والله اعلم البحاور يحاور والعمل فيديو يعمل ! يحاورو مكان ما يحاورو والبعرضو فيديو يعرضو مكان ما يعرضو، عملا ب (فلسفة العيش في الفرن ) او الديمواختلافية غايتو ما عارف جيت داخل وقولت كلامي في حضرة المخضرمين القدامى لو في فلقة ولا عكاز ناخد فلقتنا او نتمطرق ونعمل نايمين اصلا الدنيا حر والجليد مالي الدنيا الود والورد وعصير ليمون |
و عليكم السلام أخونا حامدنفسنا قايم في الحمام البتكلمو فيه دا و حليفة بالله كمان ....العكاز ما بجيك من أول مرة .......تحياتي و إحترامي************************تنظير مداخلتك شفتها ......*************************
| |
|
|
|
|
|
|
Re: RE: (Re: ABUHUSSEIN)
|
محمد تروس جانبك الصواب في هذا العمل غيـــــــــــــــــ]ر لائق ابدا ومقرف وهابط ...وتحياتي يا ابو حسين ...
| |
|
|
|
|
|
|
Re: RE: (Re: محمد عبد الله الامين)
|
الشكر لأبو حسين بالفعل عمل بعيد أشد البعد عن الفن .. وشيء لا تقبله النفس السوية النقية .. ومستوى يدلل على أن البعض فقد شيء .. أقول(شيء) من أدبنا كسودانيين .. لن أتهم الكل .. لكن ما فعله (تَعُوسْ) يتحمله هو ومن وافقه في ( قعدة الأبخانة).
| |
|
|
|
|
|
|
Re: RE: (Re: محمد عبد الله الامين)
|
نفهم من كدي يا عادل انه الجمهور الكريم الهنا دا يشمئز من منظر رجل في زي امراه وجالس في حمام لا يتوفر الا في هوتيل درجه اولى بالسودان ولكن الجمهور الكريم لا يشمئز من عمل حكومه الانقاذ في شعب السودان والله ماشاء الله الحساسيه عندكم.شخصيا لم يثر اشمثزازي قط رايت رجلا بيمثل انه امراه بتكلم في تلفون وبكامل ملابسه جلس علي مقعد حمام نظيف جدا .دا بخصوص المنطر الذي اثار اشمئزازالجمهور الحساس جدا.
| |
|
|
|
|
|
|
Re: RE: (Re: doma)
|
طه جعفر...نقول علي باب التذكير؛ لقد قاطعت الجبهة الثورية و قوي الإجماع الوطني مؤتمر الحمار اللاوطني لاسباب متعددة منها إمتناع النظام المجرم عن إعلان وقف لإطلاق النار غير مشروط حتي تتمكن المنظمات الإنسانية من إيصال العون الإنساني للعالقين في مواقع النزاع المسلح. إعلان وقف اطلاق النار علي الصعيد السياسي يمثل بادرة تعبّر عن جدية النظام المجرم في تغيير الواقع المرير المعاش عبر المفاوضات. ومن تلك الاسباب التي جعلت القوي السياسية تقاطع مؤتمر الحمار اللاوطني حالة الحريات و الحقوق في السودان و علي سبيل المثال لا الحصر هنالك مدنيون كثر نذكر منهم راشد عبّاس (ناشط نوبي – قضية السدود)، يوسف هارون ، فؤاد عثمان ونسيبة مسيك و هم أعضاء حزب المؤتمر السوداني الذين فقط خاطبوا المواطنين في الطرقات.سيواجه هؤلاء الشجعان محاكم النظام المجرم اليوم الثلاثاء 22 ديسمبر 2015م و هنالك الأسري من حركة العدل المساواة هم : – الصادق أبكر يحى عيسى ، أبوالقاسم عبدالله ابوبكر قونى ، حمد آدم حسب الله آدم ، آدم التوم آدم تيه ، عبد الرازق داود عبدالله ، ابراهيم شريف يوسف عبد الخالق ، حسن اسحق عبدالله محمدين، قد تمّ يوم الأمس نقلهم لزنازين الإعدام بسجن كوبر. و بالأمس أيضا تمت مصادرة عدد صحيفة التيار. غياب الحريات و إهدار الحقوق و الأصرار علي استمرار الحرب من جانب النظام هي بعضٌ من أسباب مقاطعة قوي الإجماع الوطني و الجبهة الثورية للمهزلة السياسية الكبري التي سمتها لغة الشعب السوداني المبدع مؤتمر الحمار اللاوطني....قدس الله سرك..وبارك فيك اينما وكيفما ومتى حللت..
| |
|
|
|
|
|
|
Re: RE: (Re: nour tawir)
|
Quote: لنفس السويه النقيه هي التي تري الظلم ظلما والفساد فسادا ولا تلبس الباطل ثوب الحق ولوكان علي نفسها. |
الاخت دومهتحياتي وتقديري .. واتفق معك فيما قلتي .. لكن هل تتفقين معي في هل تقبل النفس السوية بأن (ذكراً) كتَعُوسْ هذا ظهر جالساً في (أدبخانة) وان كانت نظيفة فهي مكانٌ لقضاء الحاجة والتخلص من القاذورات والفضلات (أكرمك الله) وبطريقة تحدث الكثيرين وعبر الكثيرين عن استيائهم منها .. سبحان الله والحمد لله ما أعظم ديننا الذي تعلمنا فيه بأن نقول (اللهم إني أعوذ بك من الخبث والخبائث) .. هذا (الذكر تًعُوس) كأني به بفعله يناجي ربه وهو يدخل (أدبخانة الهُرار لا مؤاخذة) مرحباً بالخبث والخبائث .. وبالمناسبة يا عزيزتي هذه الأماكن ليست أماكن فن ولهو ولعب ونكتة فقد تحدث في هذا حبيبنا صلوات الله وسلامه عليه وذكر بأنها (أماكن للشياطين) فقال في الحديث قال رسول الله صلى الله عليه وسلم: ( إن هذه الحشوش محتضرة فإذا دخل أحدكم الخلاء فليقل: أعوذ بالله من الخبث والخبائث ). رواه أبو داود .. ومحتضرة أي تحضرها الشياطين.. فهل هذا فعل أسوياء .. تعس (التَعُوسْ) تعِس البائس البؤوس.
| |
|
|
|
|
|
|
Re: RE: (Re: وائل حمزه الزبير)
|
Quote: كانت نظيفة فهي مكانٌ لقضاء الحاجة والتخلص من القاذورات والفضلات (أكرمك الله) |
سفارة اليابان مدينكم 15 مليون دولار و عربات زبالة لنظافة عاصمة المشروع الحضاري يا فالحQuote: فليقل: أعوذ بالله من الخبث والخبائث |
يعني ما نمشي خطوة في الخرطوم من دون ترديد هذا الدعاء؟
| |
|
|
|
|
|
|
Re: ***** دا شنو كمان ***** (Re: doma)
|
Quote: نفهم من كدي يا عادل انه الجمهور الكريم الهنا دا يشمئز من منظر رجل في زي امراه وجالس في حمام لا يتوفر الا في هوتيل درجه اولى بالسودان ولكن الجمهور الكريم لا يشمئز من عمل حكومه الانقاذ في شعب السودان والله ماشاء الله الحساسيه عندكم.شخصيا لم يثر اشمثزازي قط رايت رجلا بيمثل انه امراه بتكلم في تلفون وبكامل ملابسه جلس علي مقعد حمام نظيف جدا .دا بخصوص المنطر الذي اثار اشمئزازالجمهور الحساس جدا. |
يا دوما العمل الفني الناجح بخليك تركز في الموضوع و يوصل ليك الفكرة اللي من أجلها قام العمل ...الفيديو دا أهو زي ما شايفة الناس إختلفت على أشياء بعيدة عن موضوع الفيديو ......يا جماعة الفيديو ما فيهو أي فنيات تخليني أتابعوا عشان افهم هو عايز يقول شمو ...تحياتي و إحترامي للجميع
| |
|
|
|
|
|
|
Re: RE: (Re: ABUHUSSEIN)
|
و عليكم السلامأخ هاشم و الله لغاية الآن ما شايف أي فكرة و أنا بتكلم تحديداً عن راجل بمثل إنو إمرأة و كاشف كرعينو و بمسح فيهم بي يدواو الكلام دا كلو و هو قاعد في مكان معمول لقضاء الحاجة ......مكان زي دا و زول بالشكل دا مهما كانت فكرتو حا تضيع ساكت لأنو أغلب الناس شافو المنظر و فيهم من قفل الفيديو و فيهم من رفض حتى فتح الفيديو ...تحياتي و إحترامي**معليش نحنا لسه جدد ، ولم استوعب طريقة الاقتباس . فعفوا منك .صحيح ماذكرت اخي ابو حسين . فالمنظر كتصنيف . مقزز حقا ، لكن هذا هو حال ( الميديا ) الايام دي . يحاولوا ايصال الفكرة او المعلومة باي وسيلة تتاح لهم ..!مع التقدم التقني ، نحن كمتلقين ، يصلنا ، مانفضله ، ومانبغضه . غصبا عنا . ... والله المستعان ولك العتبي حتي ترضي.
| |
|
|
|
|
|
|
Re:***** دا شنو كمان ***** (Re: Hasheem Karouri)
|
Quote: خلاص قمت على الغلاط! |
كمان عايز تغالطني في كلمة كتبتها أنا ....؟؟؟؟خليت شنو لي جدادات يا كبسور ....************************************************Quote: يا عادل ابو حتوت دا جضمكم فشنو خلونا نقول انه في ناس بتتقزز بتقرف والاحساس بتاع القرف دا بعطل عندهم المقدره علي الفهم وفي ناس ما بتقرف وبتكون مصحصحه وتفهم القصه |
إسمو كـبـسـووووووووووووووووووور يا دوما ...أبو حتوت دا زمااااااااااااااااااااااان ....أحداث كتيرة حدثت في المنبر دا و إنتي ما موجودة ....ساهمت في تغيير إسمو حسباً للواقع المعاش ....
| |
|
|
|
|
|
|
Re: Re:***** دا شنو كمان ***** (Re: ABUHUSSEIN)
|
ياعادل انا بموت علي ديني الاول المتغيرات المنبريه دي ما بشتغل بيها فابو حتوت يظل ابو حتوت وفي تقديري من اذكياء المنبر يا جماعه ما فيكم زول يتحسس فهذه حكمه ربنا تانيا خفيف الظل ثالثا اينما وجد الحق وقف معه
| |
|
|
|
|
|
|
Re: Re:***** دا شنو كمان ***** (Re: اسماعيل عبد الله محمد)
|
Quote: معليش نحنا لسه جدد ، ولم استوعب طريقة الاقتباس . فعفوا منك .صحيح ماذكرت اخي ابو حسين . فالمنظر كتصنيف . مقزز حقا ، لكن هذا هو حال ( الميديا ) الايام دي . يحاولوا ايصال الفكرة او المعلومة باي وسيلة تتاح لهم ..!مع التقدم التقني ، نحن كمتلقين ، يصلنا ، مانفضله ، ومانبغضه . غصبا عنا . ... والله المستعان لك العتبي حتي ترضي. |
أخونا هاشم كاروريأهلاً و مرحب بيك في سودانيز موضوع الإقتباس دا مقدور عليه بين اليوم و باكر إن شاء الله بخلصو ليك عندنا في الرياض أمطار و برد و الركلسة متوقعة غصباً عننا ....الناس ما عايزه تفهم إنو المناظر الموجودة في الفيديو بتدمر الفكرة .... تحياتي و إحترامي
| |
|
|
|
|
|
|
Re: Re:***** دا شنو كمان ***** (Re: ABUHUSSEIN)
|
Quote: أخونا هاشم كاروريأهلاً و مرحب بيك في سودانيز موضوع الإقتباس دا مقدور عليه بين اليوم و باكر إن شاء الله بخلصو ليك عندنا في الرياض أمطار و برد و الركلسة متوقعة غصباً عننا ....الناس ما عايزه تفهم إنو المناظر الموجودة في الفيديو بتدمر الفكرة ....تحياتي و إحترامي |
ظبطت معاي هههه غايتو امبارح رسلوا رسائل متوقعين امطار وزوابع وسيول حتي يوم السبت ، ( جدة طبعا ام السيول خصوصا منطقة قويزة ) .." وجدة غير " ...! ومعك حق فامطار وبرد الرياض " لعمري لم ار اشد منه . " .غايتو ادفو كويس وربك يديكم العافية . ( معليش لو طلعت بره الخيط شوية ) فمعذرة .زي ماقلت ليك في الاول لولا اختلاف الاذواق . لبارات السلع .ودي طبعا اكتر حاجة عجبتني في تعليقك علي احد الزملاء :Quote: و بعدين طوااااااااااالي اي يا وداد .... !!!!! |
لك مني عاطر الود والتقدير ،،،
| |
|
|
|
|
|
|
Re: Re:***** دا شنو كمان ***** (Re: ABUHUSSEIN)
|
Quote: ذكرني اخوانا الجنوبيين في جامعة جوبا زمان |
الناس دي بطلت تخش الحمام و اللا القرف شنو ؟؟؟ ياخي في المسلسلات في الافلام في الكاميرا الخفية في الدنيا كلها بجيبوا الجكس في الحمامات و إنتوا مقلعين العوينات و تضحكوا و تشطفوا في ريالتكم لي جوه كمان ... هسه الجدً شنو ؟؟؟ غايتوا الا إذا كانت مشكلتكم مع كوارع محمد تروس ده ... عندك واحد جنوبي بيهنا كمان يا عمك
| |
|
|
|
|
|
|
Re: Re:***** دا شنو كمان ***** (Re: AL-Qassim)
|
Quote: يا عادل ابو حتوت دا جضمكم فشنو خلونا نقول انه في ناس بتتقزز بتقرف والاحساس بتاع القرف دا بعطل عندهم المقدره علي الفهم وفي ناس ما بتقرف وبتكون مصحصحه وتفهم القصه |
يا دوما كبسور دخل البوست دا و ضلل الناس...البوست بتكلم عن شي و كبسور ساق الناس في طريق تاني...أنا قلت منظر الحمام و حركات الزول الممثل دور زولة دا خلى المشاهد يفكر في حاجات بعيدة عن الفكرة اللي من أجلها إتعمل الفيديو .....و بي بساطة شديدة جداً منظر واحدة في الحمام و هي بتقضي في حاجتها و بتتكلم في الحمام و بتذكر إسم الجلالة دي كلها أشياء غير مقبولة و مُنفرة ......دخل كبسور جاب سيرة حزب المؤتمر الوطني الناس ماخدة الموضوع حكومة ومعارضة و معارضة الفيديو تأييد للحكومة ......شتارة كبسور ضللت الناس....بعدين أقعدي باري لي كبسور دا لمن واطتك تصبح ....
| |
|
|
|
|
|
|
Re: Re:***** دا شنو كمان ***** (Re: ABUHUSSEIN)
|
Quote: الناس دي بطلت تخش الحمام و اللا القرف شنو ؟؟؟ ياخي في المسلسلات في الافلام في الكاميرا الخفية في الدنيا كلها بجيبوا الجكس في الحمامات و إنتوا مقلعين العوينات و تضحكوا و تشطفوا في ريالتكم لي جوه كمان ... هسه الجدً شنو ؟؟؟ غايتوا الا إذا كانت مشكلتكم مع كوارع محمد تروس ده ... |
ما بطلت تخش حمام لكن الحمام عندنا فيه باب و فيه قفل عشان عيب تكون بتخرا و الناس تشوفك ....!!!!!و للمرة المليون الكاكا دي ليها آداب ما طلقيبا ساكت ............
| |
|
|
|
|
|
|
Re: Re:***** دا شنو كمان ***** (Re: ABUHUSSEIN)
|
ابوحسين يا خي بلش تخريجاتك دي هنا لا شفنا كاكا لا شمينا ريحه طلعتوا حناكيش شديد حتي منظر الحمام المتل صحن الصيني دا بيقرفكم بس ان شاء الله ما يكون فيكم زول بتمبك وش مدرق من الضحك
| |
|
|
|
|
|
|
Re: Re:***** دا شنو كمان ***** (Re: doma)
|
دوما ياخ لقيتيني زول مسكين و حقرتي بي في بوستي ..... يادوووووووووووووووووووووووما (دي على وزن كبسووووووووووووووووووووووووور) الحمام نضيف نعم لكن ما مكان يتصور فيه مقطع مصور و ما المكان اللي بتكلمو فيه و ما المكان اللي بيذكر فيه إسم الجلالة دي كلها أشياء غير محببة للنفس عشان كدا الناس بتجادل فيها و بالتالي بتضيع العمل نفسو .......فترتوني ياخ ......
| |
|
|
|
|
|
|
Re: Re:***** دا شنو كمان ***** (Re: ABUHUSSEIN)
|
عادل نعقد صفقه بخليك لانك قلت الرووب \بس الشرط توريني بتعملوا الوشوش دي كيف زمان كنت بعرف اسويها اسه ما بعرف الطاشي شبكه منو فينا بورد بكري ؟كومبيوتري؟؟ ولا انا؟؟ ومن اسه بحذرك ما تقول لي انتي
| |
|
|
|
|
|
|
Re: Re:***** دا شنو كمان ***** (Re: doma)
|
ما بقول ليك إنتي .....لكن أنا من عرفتك طاشة شبكة ما تشيلي حس بكري و لا حس كمبيوترك ....بالنسبة للوجوه (ما تقولي خايف منك)زي ما بتنزلي الصورة تنزلي الوش الضاحك أو الباكي أو أي شكل من أشكال بكري الخاتيها تحت نافذة كتابة المداخلة و إنتي بتكتبي في المداخلة بتلقي الوجوه تحت تضغطي على الصورة باليمين و تنسخي رابط الصورة فوق لي نافذة المداخلة برضو تضغطي على ( اضف صورة)بديك مربع تنزلي فيه الرابط فهمتي و ل محتاجة لي شرح زيادة ....؟؟؟؟؟؟
| |
|
|
|
|
|
|
Re: Re:***** دا شنو كمان ***** (Re: doma)
|
مشكورة يا دوما على الكلام الطيب, الليلة في واحد اسمه تنظير النار بتولع فيه ههههههههيا ابوحسين الله يرضى عليك روق شويه, شنو تضليل النس وبتاع, ياسيدي دي وجهة نظري و الحمد لله انها خالفت وجهة نظرك وقصة اني شايف المؤتمر الوطني في الشخصية الخرقاء دي هي لب فكرة العمل, حاول كدي عاين ليها بالطريقة دي وانت مستصحب انو المؤتمر الوطني بسياساته الخرقاء هو السبب في المعاناة التي نعيشها كلنا على مختلف درجاتهاح تلقى انه القصة مقبولة
| |
|
|
|
|
|
|
|