|
|
|
 Re: دعوة في واشنطن والأمم المتحدة لإعادة ال� (Re: Deng)
|
الاخ دينقلا تنسي أن الولايات المتحدة لها مصالحها الاقتصادية ايضا ولذلك الان الرفع الجزئي للحصار الاقتصادي والتقني عن السودان قد دخل حيز التنفيذ العملي وبحكم مسئوليات وظيفتي فانا مسئول من دول الMENA في داخل شركة امريكية وقد وصلني اشعار رسمي بادراج السودان ضمن الدول التي تتعامل معها الشركة قبل 3 اسابيع الان ورسميا بعض الشركات الامريكية تتعامل مع السودان.
| |
 
|
|
|
|
|
|
|
|
Re: دعوة في واشنطن والأمم المتحدة لإعادة ال� (Re: Mohammed Al-Khalil)
|
الأخ محمد الخليل.هنالك جزء بسيط من العقوبات تم رفعه، ولكنه من دون تأثير.العقوبات الأقتصادية مازالت مفروضة على الحكومة السودانية. وهنالك بنوك وشركات كبيرة تم تغريمها مبالغ كبيرة جدا لأنها خالفت هذه العقوبات.يجب على شركتم أن تعرف جيدا على ماذا مقبلون، لأن النتائج سوف تكون وخيمة.
| |
|
|
|
|
|
|
|
|
Re: دعوة في واشنطن والأمم المتحدة لإعادة ال� (Re: Deng)
|
| Quote: يجب على شركتم أن تعرف جيدا على ماذا مقبلون، لأن النتائج سوف تكون وخيمة. |
الشركة التي اعمل بها تعتبر جزء هام من اللوبي الاقتصادي في الولايات المتحدة، لذلك ارجح أن رفع الحظر الجزئ تم بموجب ضغوطات من الشركات الامريكية، لان السودان يعتبر من اهم اسواق الدول النامية في افريقيا. الامريكان اذكياء وسياسة الرفع الجزئ هي سياسة مدروسة تصب في صالح الاقتضاد الامريكي.نتمني أن ترفع العقوبات بشكل كامل لان المتضرر الوحيد هو المواطن السوداني!
| |
|
|
|
|
|
|
|
|
|
Re: دعوة في واشنطن والأمم المتحدة لإعادة ال� (Re: Mohammed Al-Khalil)
|
سلام وبعد اعتقد ان نظام العقوبات الاقتصادية سياسة غير موفقة تماما لانو بضع كل البيض في سلة واحدة وبضعف المواطن اكثر من المستهدف بحيث انه لا يستطيع حتي ان يقوي علي التغير ، الناس او المواطن همم بقي الوجبة والوجبة البعدا، بتزكر ونحن في الداخلية عندنا زميل ظريف جدا اول ما نجهز الفطور قولت بِسْم الله بسأل اها يا جماعة الغداء شنو، حال المواطن بقي يأكل الوجبة يفكر في البعدا وبعد دا مطالب انو يواجه دولة جيشت اي زول منتمي ليها بل اي نَفَر منها عندو سلاح مستعد اي واحد فيهم يقد راس اي زول، تظاهر بقدو راسك وبعنف ودموية وحقد الي ابعد الحدود، تسكت يا تسكت ترضي وترضي باي شي.والله اعلم لو الهدف تغير النظام او محاربة الاخوان توجد مليون طريقة تفرز الكيمان ما ممكن العقاب يكون من راسك الكيزان وجناحينك يقطعوها بعقوبات اقتصادية تساوي الجلاد والضحية، عشان نحول مصاريف لاهلنا الا بالطرق الملتوية والحجة عقوبات اقتصادية ذنبهم شنو ملاريا بتؤدي الواحد فيهم الآخرة لا مستفي ذي الناس ولا اي شي والحجة لا تزال عقوبات، في كوز مفلس ولا محتاج بعقوباتم ومقاطعتم وحصارم ياهو الكيزان واهلهم امورم ماشة باقي الشعب زيت ابو اهلو طالع.يعني المواطن يأكل نيم وقرض لغاية الكيزان يسلموها لعيسي ذي ما بقولو معاقب اقتصاديا ؟دي مصيبة شنو الحلت في الشعب السوداني دي !!!!! الود والورد
| |
|
|
|
|
|
|
|
|
|
Re: دعوة في واشنطن والأمم المتحدة لإعادة ال� (Re: حامد عبدالله)
|
ببساطة .... العقوبات يمكن أن تزول بزوال الأسباب التي فرضتها أول مرّة.نقطة و سطر جديد.الذين يتحججون بأن العقوبات تؤثر علي المواطن و لا تؤثر علي الحكومة .... هناك رد جاهز ظلت واشنطن تردده مرات و مرات : واشنطن ستحسّن علاقتها مع الخرطوم عندما تحسّن الخرطوم معاملتها لمواطنيها ... و بالذات في مناطق الحروب.من يستشهدون بتقارير الأمم المتحدة و البنك الدولي ... عليهم أن يدركوا أن لواشنطن تقارير أكثر دقة و من مصادر شتي .. هي التي تبني علي أساسها تجديد العقوبات السنوية علي النظام.و أغلب رؤساء اللجان التي تصدر هذه التقارير من الأمم المتحدة و البنك الدولي ... هم أمريكان عينتهم أو رشحتهم الإدارة الأمريكية.أيضاً مسألة أمريكا رفعت العقوبات جزئياً عن السودان ... هذا قول صحيح و لكن ليس بالمعني الذي يقصده من يحاجج به ...العقوبات الجزئية التي تم رفعها .. هي نتاج تجربة لنفس الإجراءات مع إيران ..... بحيث تم رفع نفيس العقوبات و لكن لتستفيد المعارضة و قادة المجتمع المدني من التكنولوجيا في البرامج و الإتصال و الأدوات الحاسبية النقالة و سائل الإتصال الجماهيري و الإجتماعي.تطبيق العقوبات علي النظام الآن بدأ يأخذ طابعا أكثر دقة و شراسة بإستخدام برامج لتتبع الدولار في شتي أنحاء العالم و تتبع البضائع الأمريكية من قطع غيار و برامج حتي و لو وصلت السودان عن طريق طرف رابع و خامس و من دول كانت تحت الرادار التتبعي..الآن حتي الدول التي تؤجر طائرات لسودانير .. مثل مصر و قبل أربعة سنوات .. الآن فرضت عليهم غرامات .. الغرض من الغرامات الباهظة و بالذات علي المؤسسات الأوربية هي أن تقنع الجميع أن خرق الحظر علي نظام السودان .. غير مربح ... بل جد مكلف .... ينسي البعض عندما يتحدث عن مصالح أمريكا الإقتصادية و أن السودان يمثل سوق كبير و و ... ينسي هؤلاء أن النظام إرتكب أبشع جريمة إنسانية : الإبادة الجماعية ..العقوبات علي النظام السوداني صارت قوانين أمريكية ... علي كل المستويات ... فدرالية و ولائية و محلية .لاحظ ... العقوبات علي البنك الفرنسي كان نتاج تحقيقات فدرالية ( وزارة العدل و وزارة الخزانة) و ولائية ( ولاية نيويورك حث سوق البورصة و المقاصة الأمريكية لتتبع الدولار).هناك خطأ شائع أن الإدارة الأمريكية يمكنها رفع العقوبات إن أرادت ..كما ذكرنا .. العقوبات علي النظام السوداني أصبحت قانونا ... أي لابد من موافقة الكونغرس علي إلغائها بإجراءات تشريعية معقدة.نعيد و نكرر ...ببساطة .... العقوبات يمكن أن تزول بزوال الأسباب التي فرضتها أول مرّة.PERIOD
| |
|
|
|
|
|
|
|
|
 Re: دعوة في واشنطن والأمم المتحدة لإعادة ال� (Re: حامد عبدالله)
|
يا اخواننا امريكا دي دولة عندها نظم ومبادئ ... ما تتخيلوا انو تختلفوا مع المبادئ القايمة عليها امريكا وفي نفس الوكت تستفيدوا منها اقتصاديًا ... كان غيركم اشطر (السوفييت) ... انتو احرار تختاروا انظمتكم ومبادئكم ... لاكين اتحملوا مسؤولية خياراتكم ... لو بتقدروا تصهينوا من مسؤولية التطهير العرقي الحاصل في السودان باسم الإسلام لأنو دا موضوع حساس ما بتقدروا تعلنوا رفضكم ليهو صراحةً ... ما معناها امريكا تقول ليكم "الله كريم عليكم" وتجاملكم في خنوعكم دا ... لأنو الإسلاموية السياسية كلما تزيد الحقوق والحريات القايمة عليها امريكا بتنقص ... يعني دا ما موضوع البيت الابيض بيتعب فيهو كتير ويفكّر في حلول ... لو اعتديتوا على امريكا بالسلاح بترد بالسلاح ... لو قعدتوا تتراقصوا مع البشير في هجرتو إلى الله دي حا تاكلوا ناركم معاو ... زي ما عاجباكم حياتكم السودانية الامريكان عاجباهم حياتهم الامريكية ... وما بيتعادوا في المبادئ والمصلحة العامة ويتصافوا في الأعياد زيكم ... بياخدوا الأمور بى جدية ... إنتو اخدوا امور حياتكم وجرايمكم وإباداتكم وتهميشكم للمواطن السوداني غير العربي وغير المسلم بجدية ... ورد الفعل الامريكي حا يتناسب مع فعلكم تجاه الحقوق والحريات الأساسية ...ما اظن في عقوبات بتترفع قريب دا بالحالة الشايفاها عيني دي ...... المهم ...
| |
|
|
|
|
|
|
|
|
|
Re: دعوة في واشنطن والأمم المتحدة لإعادة ال� (Re: حامد عبدالله)
|
يا اخواننا امريكا دي دولة عندها نظم ومبادئ ... ما تتخيلوا انو تختلفوا مع المبادئ القايمة عليها امريكا وفي نفس الوكت تستفيدوا منها اقتصاديًا ... كان غيركم اشطر (السوفييت) ... انتو احرار تختاروا انظمتكم ومبادئكم ... لاكين اتحملوا مسؤولية خياراتكم ... لو بتقدروا تصهينوا من مسؤولية التطهير العرقي الحاصل في السودان باسم الإسلام لأنو دا موضوع حساس ما بتقدروا تعلنوا رفضكم ليهو صراحةً ... ما معناها امريكا تقول ليكم "الله كريم عليكم" وتجاملكم في خنوعكم دا ... لأنو الإسلاموية السياسية كلما تزيد الحقوق والحريات القايمة عليها امريكا بتنقص ... يعني دا ما موضوع البيت الابيض بيتعب فيهو كتير ويفكّر في حلول ... لو اعتديتوا على امريكا بالسلاح بترد بالسلاح ... لو قعدتوا تتراقصوا مع البشير في هجرتو إلى الله دي حا تاكلوا ناركم معاو ... زي ما عاجباكم حياتكم السودانية الامريكان عاجباهم حياتهم الامريكية ... وما بيتعادوا في المبادئ والمصلحة العامة ويتصافوا في الأعياد زيكم ... بياخدوا الأمور بى جدية ... إنتو اخدوا امور حياتكم وجرايمكم وإباداتكم وتهميشكم للمواطن السوداني غير العربي وغير المسلم بجدية ... ورد الفعل الامريكي حا يتناسب مع فعلكم تجاه الحقوق والحريات الأساسية ...ما اظن في عقوبات بتترفع قريب دا بالحالة الشايفاها عيني دي ...... المهم ...
| |
|
|
|
|
|
|
|
|
|
Re: دعوة في واشنطن والأمم المتحدة لإعادة ال� (Re: تبارك شيخ الدين جبريل)
|
دا كلام صعب بالحيل يعني البناقش موضوع العقوبات الاقتصادية الا يكون راضي عن الكيزان مثلا !!ماف كوز جيعان ولا زيت ابو اهلو طالع بالرغم من المقاطعة الاقتصادية !!!!! بشترو سلاح ببنو بيوت بعرسو بياكلو لحمة يومى بتعالجو في اي لفة في الدنيا، بكتلو زي ما دايرين ابكر ومحمد احمد وادروب زيتم طالع والحجة مقاطعة، الأمريكان ديل لو بتحركهم قيم إنسانية ببقي دا يتوضع في الاعتبار ويناقش بجدّية،لانو الكوز لسع لافي وجيبو مليان ،بنطلقو من مبدأ الشرط الموضوعي للحكومة/الدولة تحقيق او العمل من اجل خير كل ما بداخل الحدود ! لا يمنع من مناقشة العقوبات الاقتصادية علي السودان باعتباره يؤثر اكتر علي المواطن منه علي الحكومة او منتسبي حكومات الكيزان وتابعيهم وتابيعي تابعيهم .
| |
|
|
|
|
|
|
|
|
|
Re: دعوة في واشنطن والأمم المتحدة لإعادة ال� (Re: حامد عبدالله)
|
| Quote: ابكر ومحمد احمد وادروب زيتم طالع والحجة مقاطعة، الأمريكان ديل لو بتحركهم قيم إنسانية ببقي دا يتوضع في الاعتبار ويناقش بجدّية،لانو الكوز لسع لافي وجيبو مليان ،بنطلقو من مبدأ الشرط الموضوعي للحكومة/الدولة تحقيق او العمل من اجل خير كل ما بداخل الحدود ! لا يمنع من مناقشة العقوبات الاقتصادية علي السودان باعتباره يؤثر اكتر علي المواطن منه علي الحكومة او منتسبي حكومات الكيزان وتابعيهم وتابيعي تابعيهم . |
أبكر ومحمد احمد وادروب ... سكتوا ستة وعشرين سنة ... وممكن - في ظل العقوبات - يسكتوا تاني ستة وعشرين سنة ...أمريكا دخلها شنو؟إنتو طالبنها قروش؟(وحقو ما نتكلم عن القيم الإنسانية ... لأنو ملايين المشردين في معسكرات النزوح واللجوء في دول الجوار ما قاعد تأكلهم انت)... المهم ....
| |
|
|
|
|
|
|
|
|
|
Re: دعوة في واشنطن والأمم المتحدة لإعادة ال� (Re: تبارك شيخ الدين جبريل)
|
التناقض حاصل حاصل الا عميان يقول غير ذلك الفرزية ذي ما بقولو اهلنا ياها ديك الفرزية.الصادق المهدي واغلب النخبة سوا ان كانت ثقافية او سياسية موقفا جبان وفضيحة وعيب بالبلدي كدي. العقوبات الاقتصادية علي النظام او السودان لم تمنع جماعة النظام من التكوش علي المال العام والخاص واي مال حتي التحالف مع الحرامية والخارجين عن القوانين عديل فقط من اجل المال.الشعب اغلبو فقير معدم ما عندو شي تتزكرو في احد المظاهرات حجة عجوز عمرها علي الاقل في السبيعنات في نص المظاهرة تهتف كسرة بموية طماطمة!!!!! دا معناه الناس الجوع لحق عضامم.بالنسبة للأسئلة المشروعة وجدا في لماذا لا يتحرك بقية شعب الله في السودان لنصرة اخوه شعب الشيطان البتكل فيهو الحكومة يوميا في دارفور والنيل الأزرق وجنوب كردفان وعموم الهامش؟ دا بالجد مسالة تحتاج للكثير من الموضوعية لنقاشا وبحث اسبابا. اصلا ماف مبرر لنظرية البيض في السلة نهائي مهما تتعقد الامور وتتشربك وتتشابك، واظن العالم كلو ذي ما قولت يا محمد سليمان ولك كل الاحترام والتقدير ولتبارك ايضا بعرف انو دا كلام فارغ، عصابة مجرمة ما استشارات اي زول جات السلطة ولا تزال وظفت اي شي ممكن وغير ممكن عشان تظل في السلطة أضعفت اي شي مناهج التعليم تدخلت فيها اي بساطة دي البتخلي انو الناس تتخيل انهم ممكن بالساهل يتخارجو!يا كافي البلا لا خلقة لا اخلاق مستمتعين للاخر والناس تعاني، انا زعلان لانو مكان ما اقبل أقول داير احول مصاريف لاهلي يقول ليك ما ممكن لانو العقوبات الخيار التاني اظن الكل الناس البرا بعرفو زول بديك رقم حساب بقول ليك حول هنا انا بسلم اهلك طيب لو الحساب بقي حساب ارهابيين ؟؟؟؟؟؟ ياها قروشك في يدك واهلك بيعانو وما قادر ترسل ليهم .اما عدم التفاف السودانين مع بعض في المعاناة دا موضوع بحتاج نقاش بنفس هادئ الناس بتلقي الأسباب الموضوعية النخبة جبانة دا رأي انا الشعب مسكين ومغلوب ومتباعد والحكومة مصلحتا يظل كدا بصورة مباشرة او غير مباشرة
| |
|
|
|
|
|
|
|
|
|
Re: دعوة في واشنطن والأمم المتحدة لإعادة ال� (Re: حامد عبدالله)
|
يا حامد يا ابني في قوانين دولية وأعراف وتاريخ تجارب انسانية طويييلة بتمنع امريكا من التدخل في الشأن الداخلي السوداني (إلا في حدود مساعدات انسانية أو ضغط دبلوماسي أو عقوبات اقتصادية أو ما شابه دلك) ... فما تتوقع انو امريكا تجي تقول (والله الشعب السوداني بريء وطيب، لاكين حكومتو كعبة) ... السودان بالنسبة لامريكا كل واحد ... فيه حكومة تقتل ابناءها ... وفيه شعب يتواطأ مع هذا القتل بالصمت، وفيه فئات من الشعب تتعرض للإضطهاد والإبادة والتطهير العرقي ... والحكومة الامريكية تفعل كل ما بوسعها لرفع المظالم عن الفئات المضطهدة ... وتحكم العقوبات الإقتصادية على البقية ... إيجاد حل لهذه المصيبة ليس من مسؤوليات الإدارة الأمريكية ... بل هذه هي مسؤوليتنا نحن ... علينا تحمّل مسؤوليتنا ... على الأقل بقبول العقوبات كعواقب حتمية لواقعنا السياسي المزري ...الحكومة الامريكية مدت أياديها للشعب السوداني بألف طريقة ... شي دعوات ... وشي لوتري ... وشي لجوء ... وشي حماية مؤقتة ... وشي تدريب كوادر ... وشي رفع عقوبات جزئي ... وشي معونات انسانية للمتضررين من الحروب ... وشي رعاية مفاوضات ووساطات ... وشي التزامات لاتفاقية السلام الشامل ... امريكا - النصيحة لى الله - ما قصرت مع الشعب السوداني نهائي ... لاكين ما ممكن تقوم بدور الشعب نيابةً عنو ...ياخي شوف الناس دي قامت في تراجي كيف ... بس لأنها دخلت الحوار الوطني ... مشكلتنا اننا ما عايزين ناخد خطوات جادة تجاه حل مشاكلنا ... ونسخط على من يأخذ خطوات جادة ... دي مشكلة لو ما فاقمها رفع العقوبات فلن يسهم في حلها ...... المهم ....
| |
|
|
|
|
|
|
|
|
|
Re: دعوة في واشنطن والأمم المتحدة لإعادة ال� (Re: تبارك شيخ الدين جبريل)
|
تشكر جدا تبارك علي الرد كلامك في محلو انو الأمريكان او الغربين عموما ما قصرو بحاولو يساعدو باي طريقة وصحيح المشكلة فينا وفي أصنامنا البفتكر انها نخبة وبطيخ و الإصلا ما دايرين يشوفو ابعد من نخرتم، بس كمان ياخ الشعب السوداني دا يا داب في تاتي لمن يلجمو تاني حبو ما يقدر عليهو، مثقفينا لسع في رسائل دافنشي و ماركس شنقل هيجيل والإنسان دا ديك ولا جدادة،زول يسالك اسمك منو تقول ليهو اسمي فلان يقول ليك قول والله.عشان كدا تراجي لمن تقول ماشة تحاور حتكون مادة للواكة لمن تكره هي ذاتا نفسها ياخ ما تحاور ولا يحاوروها شنو يعني. تنجلد تنجلد تنجلد لمن جلدها يبقي تخين !!!بكل اسف وانا مسؤل من كلامي ديمقراطية في السودان لسع بدري عليها الحل في الحل ما لم منظمات المجتمع المدني سياسيها واجتماعيها وانسانيها يبدا يشتغل في ابكر ومحمد احمد وادروب ياهو شقلب شقلب نطط تلب دا ما تبرير لاستمرار ولا دعوة للتعامل مع الكيزان ولا لوجودم في الحكم ثانية، انشاء الله تنقذ الارض وتبلعم انا لو عندي سلطة والله العظيم الا أقول ليهم سلمو وتسلمو بس لحد هنا اتخارجو.اي تلات نَفَر الرابع فيلسوف اهل الديمقراطية والتنظيم وحقوق الانسان والحيوان تتونس معاه الليلة الجو دافئ بكرة قالو في النشرة نازل تلج وهكذا، قبل اسبوعين اتصلو علي شركة تلفونات عندهم عرض بتخفيض في المكالمات الدولية سالتو اها عرضكم للسودان كيف سألني وين كررتها ليه ذي كم مرة قال لي اسف بس السودان دا في فرنسا اقسم بالله العظيم. زول عايش في بلد ديمقراطي وعالم اول وتنكلوجيا وكل البطيخ والكمونية. نقعد للدقو واكلو بطاطسو ياخ.انشاء الله تراجي تجيب سلام مش قالو بضع سرو في اضعف خلقو ؟ بس الله اعلم انو تراجي تكون من خلقو الضعاف بكرة قريب لو حيين
| |
|
|
|
|
|
|
| |
زهير عثمان حمد
Deng
وليد محمد المبارك
حامد عبدالله
Mohamed Suleiman
تبارك شيخ الدين جبريل
فيس بوك
تويتر
انستقرام
يوتيوب
بنتيريست