|
|
|
 Re: إقتراح للسفارة السودانية بالرياض (Re: حمد عبد الغفار عمر)
|
الأخ حمد, ياخي المبلغ البندفعو للجواز ده كافي يخليهو يشتغلوا يوم الجمعة والسبت وأيام العطلات الرسمية ويشتغلوا أربعة وعشرين ساعة في اليوم دون توقف. ياخي كده أسال الجنسيات التانية بدفعوا كم في الجواز ومدة الجواز كم؟ وكيف بستخرجوا الجواز؟ ياخي في سفارات بستخرج الجوازات لي أفراد دولهم بالبريد فقط.
| |
 
|
|
|
|
|
|
|
|
Re: إقتراح للسفارة السودانية بالرياض (Re: Basamat Alsheikh)
|
:~) اقتراحك ذكرني النكتة بتاعة الجلد، نصحي بدري نمشي للجلاد بتاع الكبرى القديم عشان جلدو معقول وسريعطموحاتنا زاتا بسيطة، جواز ندفع حقو بالزيادة وفوق ليهو 50 ريال وتستلم جوازك وتكبر كراعك من الفرح :~) ناس جوة بالمناسبة برضو عايشين كدا، الكهربا زادت ما مشكلة، العيش زاد ما مشكلة البنزين زاد ما مشكلةوالله الواحد بقى معطتو من الشعب اكتر من معطتو من الحكومة
| |
|
|
|
|
|
|
|
|
|
Re: إقتراح للسفارة السودانية بالرياض (Re: AL-Qassim)
|
ياخي حتى الشركات بتاعت الخدمات ما بتعمل كده ... لأنو زيادة الانتاح معناه زيادة ارباحها و بالتالي الرواتب و الاجور الاضافية اصلاً ضمن الحسبة ... موش كفاية جواز سفر .. ما بيودي أبعد من مصر و الخليج ب 150 دولار ؟؟؟
| |
|
|
|
|
|
|
|
|
|
Re: إقتراح للسفارة السودانية بالرياض (Re: AL-Qassim)
|
سلام يا شباب أنا طبعا كتبت البوست دا أول أمس في الليل وكنت متأهب الصباح أمشي السفارة وخائف عديل من المشي لأني برازي لي كم شهر عشان أمشي وفعلا مشيت عشان الرقم الوطني وهو طبعا بدون قروش مجاني شكلكم فهمتو الموضوع عكس ما أنا رميت ليهو أو الناس بقت عندها حساسية مع الضرائب بشكل عام على العموم نرد على الكل
| |
|
|
|
|
|
|
|
|
|
Re: إقتراح للسفارة السودانية بالرياض (Re: حمد عبد الغفار عمر)
|
مرحب أبن عثمان | Quote: الأخ حمد, ياخي المبلغ البندفعو للجواز ده كافي يخليهو يشتغلوا يوم الجمعة والسبت وأيام العطلات الرسمية ويشتغلوا أربعة وعشرين ساعة في اليوم دون توقف. |
ياخ أنا ضد المدفوعات دي كلها لكن أهو بقت واقع وعندها أوجه صرف أخرى من ضمنها رواتب العاملين في السفارة وهم موظفين زيهم وزي أي موظفين تابعين لوزارة الخارجية في السودانومن حقهم يتعاملوا مع الحكومة حسب قانون العمل ولو عايزين يضحوا لمصلحة المواطن ما في حد بمنعهم دون إكراه ليهم يوم السبت إجازة مستحقة ليهم لو عايز تلزمهم بعمل لازم يكون ليهو مقابل وأنا إقتراحي بيستهدف فئة بتلاقي مشكلة في إنها تتغيب بشكل متكرر عن العمل أيام الدوام العادي وممكن تكرار الغياب يؤدي إلى مشاكل لهم في العمل ويمكن أن يؤدي إلى فصلهم عن العمل وفقدان سبب إستقرارها المادي.
| |
|
|
|
|
|
|
|
|
|
Re: إقتراح للسفارة السودانية بالرياض (Re: حمد عبد الغفار عمر)
|
الجميعابي كيفك | Quote: و بوفية ود الباوقة برضو يشتغل السبت و بزيادة اسعار؟حمد دخلت شريك و لا شنو ؟ |
رأيك شنو من دخلت السفارة الساعة 12:30 ما دخلت خشمي حاجة حسادة ساي بس كدا شايل سندوتشاتي ومويتي معاي من طلعت من الشغل آكل وأشرب لحدي ما دخلت السفارة لكن ود الباوقة بنعوضو يوم الجواز إنشاء الله بعدين أنا كحلت لي غرفة بعيدة هناك كدا جهة المسجد مفكر أعملها أستوديو تصوير فوتغرافي للناس ال بنسوا الصور ومعاها حجز مواعيد للناس الما عاملين حجز وشوية شوية لحدي ما تلقاني السنة الجاية منافس في البوفيه ونفور عمك دا كفاهو ياخ
| |
|
|
|
|
|
|
|
|
|
Re: إقتراح للسفارة السودانية بالرياض (Re: حمد عبد الغفار عمر)
|
محمد إبراهيم كيفك يا زول | Quote: القنصلية في جدة تعمل يوم السبت وبدون اي رسوم اضافية |
يسحروكم ويحسدوكم عديل كدا أهو دا الشغل لكن حسب ما علمت أمس (بدون تأكيد ) بياخدوا عليها أوفرتايم لأني أمس بتكلم مع واحد عن إنو التيم في السفارة قليل على الضغط الحاصل دا وإنو الناس ديل يوميا بيشتغلوا من 7 ص إلى ما بعد 7 مساء ودي صعبة عليهم مع المناقرات والشتائم الجاياهم (حكام كرة بس) قال لي بياخدو أوفرتايم عليهو
| |
|
|
|
|
|
|
|
|
|
Re: إقتراح للسفارة السودانية بالرياض (Re: حمد عبد الغفار عمر)
|
مرحب حماد الطاهر | Quote: يعنى الحضور موافقين على تشغيل السفارة يوم السبت بس بدون رسوم إضافية..... |
طبعا الناس موافقين عشان تمرق من ذنب وذُل الخروج من العمل دا ياخي بس لازم يكون ليها تمن أنا أمس مشيت وكنت خائف جدا إنو ما أخلص هل ممكن بكرة أقول ليهم ماشي تاني وبعد كم يوم أقول ليهم ماشي استلم الرقم الوطني وتاني ماشي أقدم للجواز وتاني ماشي استلم الجواز وتاني ماشي ألغي الجواز القديم واختم الجواز الجديد أطيب كفيل ممكن يقول ليك أيش فيك يا راجل تخلي حلالنا ويش دخلنا في السفارة حنا
| |
|
|
|
|
|
|
|
|
|
Re: إقتراح للسفارة السودانية بالرياض (Re: حمد عبد الغفار عمر)
|
بسمات الشيخ حبابك | Quote: ي دولة في الدنيا الناس بتقدم لجوازات السفر عبر البريدالا في السودان وبعض دول عربية وافريقية...وما مفروض تكون في رسوم زيادة ..بل المفروض تخفيف الرسوم.. |
نحن طموحاتنا نمشي ونلقى الجواز دا بدون عنت ومشقة والمسألة ما محتاجة أكتر من شوية تنظيم بس أما لو دخلت فيهو قصة بريد صدقيني جوازاتنا دي إلا نحصلها في جزر القمر دا كلام عايز جاهزية عالية المستوى ومعاك في تخفيف الرسوم والضرائب كمان
| |
|
|
|
|
|
|
|
|
 Re: إقتراح للسفارة السودانية بالرياض (Re: حمد عبد الغفار عمر)
|
محمد الحاج مرحبا | Quote: ناس جوة بالمناسبة برضو عايشين كدا، الكهربا زادت ما مشكلة، العيش زاد ما مشكلة البنزين زاد ما مشكلةوالله الواحد بقى معطتو من الشعب اكتر من معطتو من الحكومة |
أنا باقتراحي دا عايز الناس تطلع بأخف الضررين هنا مسألة تطلع من الشغل مسألة صعبة لكتير من الناس هناك في السودان عندك أعذار كتيرة بتطلع بيها فلانة ولدت ود حبوبة جيرانا مات وهكذا وفي زميل ممكن يغطي ليك هنا لا بعدين انت قائل الأمم العظيمة اتبنت كيف؟ ما ياهو باقتراحات زي دي تصب في مصلحة المواطن وتحفظ زمنو من الهدر ههه
| |
|
|
|
|
|
|
|
|
|
Re: إقتراح للسفارة السودانية بالرياض (Re: حمد عبد الغفار عمر)
|
كيفك يالشغيل| Quote: وفي الغوصنة ... غوصنة ضهاري ..دي بي ويكة الدامر كلها ما تتلايق ...حمد...: عمولتك كم في الاقتراح دا ..؟ |
بالله أبعدني من قصة ضهاري دي هسه يجيني توفيق أبو عيسى يكشحني كشحة بت أبوها ثم ثانيا لو صبرت حقك بجيك في محلك خلونا نستفيد بالله الإقتراح دا ما مريح بالنسبة ليك من شلهتة التحانيس دي
| |
|
|
|
|
|
|
|
|
|
Re: إقتراح للسفارة السودانية بالرياض (Re: حمد عبد الغفار عمر)
|
| Quote: إقتراح للسفارة السودانية بالرياض (Re: حمد عبد الغفار عمر) |
أخونا / حمد --- تحياتيإقتراحك دا لو إطبق ... موظفي السفارة يتماطلوا طول الإسبوع للتركيز على يوم السبت....ما تجيب الهوا للناس....أصلاً هم ما خدين قيمة الجواز أضعاف سعره بالسودان...
| |
|
|
|
|
|
|
|
|
|
Re: إقتراح للسفارة السودانية بالرياض (Re: حمد عبد الغفار عمر)
|
محمد القاسم مرحبا | Quote: أشكرك جداً لأنك أمنت على أن هذة ليست دولة ... بل (شركة فردية) كيزانيه بغيضة ... يعني حتى الأوفرتايم علينا |
يا زول الحكومة دي ما عايزة ليها تأمين أصلها شركة فردية من قامت بس أنا بتكلم عن ظرف مواجه كتير من الناس عندهم يوم السبت إجازة ممكن يخلصوا فيهو إجراءاتهم من غير ما يؤثر ذلك على عملهم وطبعا الحكومة ما حتلزم الناس تشتغل يوم الإجازة وتدفع ليهم حاجة لأنها قد تكون ما مقتنعة إنها ما ضرورية خالص باعتبار إنو أيام الدوام العادية مع الأوفر تايم بتاعها كافي لتخليص الأمر بعدين المسألة دي قد تكون لمدى قصير وأقولها ليك لو إنتهت مسألة الجوازات دي (وحتنتهي) ، المشي للسفارة بعدها بكون سياحة لأنو الزحمة كلها خالقاها الجوازات والتجديد ووو الخ يعني تاني خمسة سنوات السفارة دي إلا عقد ولا توكيل ول بدل فاقد
| |
|
|
|
|
|
|
| |
حمد عبد الغفار عمر
aosman
امجد الجميعابى
محمد إبراهيم علي
حماد الطاهر عبدالله
Mohammed Elhaj
اسامه العريفي
AL-Qassim
ahmedona
فيس بوك
تويتر
انستقرام
يوتيوب
بنتيريست