سلام يا كمال،العام الماضى اتصل بى مهندس افريقى من ولاية ميريلاند، بعد أعطاه اخ سودانى رقمى.. وطلب منى مساعدته في تركيب مولد كهربائى يعمل بدون وقود طيلة العام..فذهبت وعرفت انه اشترى أجزاء المحرك والرسومات الفنية والدوائر الكهربائية من شركة بحوالي 3000 دولار (تلاتة الف دولار) ويريد ان يفيد افريقيا الفقيرة بهذا المنتج.الفكرة تدور حول تحويل القوة المغنطيسية الى طاقة كهربائية.. واليوتيوب مليئ بمثل هذه المشاريع.. والمثال الذى تكرمت به ابسطهم.. ولم استطع متابعة ارجل لأن نفسه كان قايم مثل الزول الجارى 10 كيلومتر ووقف فجأة وبدأ يتحدث.. أولا مجرد ما تشوف في لمبات ولعت او مروحة دورت عن طريق هذه المولدات فاعرف انه احتيال وغش.. فهذه المولدات لا يمكن ان تحتمل اى حمولة مهما كانت ضئيلة..وفى افضل الاحوال (ولا اعرف سوى حالة واحدة) فهى تشغل نفسها فقط وبمجرد وضع اى حمولة عليها تتوقف. الهواة صرفوا ملايين الدولارات فى هذه الأفكار دون جدوى.ولكن رغم ذلك هناك ابحاث جارية فى الاستفادة من التيارات الراجعـة Back EMF لتضاف الى القوة الدافعـة بدل ان تكون خصما عليها وسببا فى توقفها.. وأى زول يصللحل فى هذا الموضوع يحتفظ به لنفسـه ولا يعلنه، لأن الكلام دخل الحوش.
12-13-2015, 12:44 PM
Frankly Frankly
تاريخ التسجيل: 02-05-2002
مجموع المشاركات: 35211
**أين الـTrick هنا؟؟؟**الـTrick طبعا اما بطارية مدسوسة او سلك مجرور.. والبطارية مدورة الموتور زاتو خلى اللمبات. الزول الجابنى اشتغل ليه زعل لما وصلت للنتيجة دى وصدق او لا تصدق حتى الان يحاول يشغله.
12-13-2015, 01:14 PM
Frankly Frankly
تاريخ التسجيل: 02-05-2002
مجموع المشاركات: 35211
شكراً يا أبوريش على الإجابةأنا نفسي فكرت في أن تكوت التريك ما ذكرت ولكن الصحفي استطلع ذلك ولم يثبته فيكون الكلام عن سلك مجرور أو بطارية كلام افتراضي طيب ما رأيك في تجرب التركي معمر يلديز التي أجراءها في جامعة دلفت بهولندا؟وهناك تجربة الباكستاني وليد كاهلون سأنشرها لاحقاً إذا تطلب الأمرتحياتي وتقديري
12-13-2015, 01:27 PM
Abureesh Abureesh
تاريخ التسجيل: 09-22-2003
مجموع المشاركات: 30182
زى ما قلت ليك يا كمال ممكن الموتور يشتغل براه.. وتجربة التركى في الجامعة الهولندية انا شفتها قبل كم شهر، ولو تلاحظ ما عليها Load .. ما في اى حمولةعلى المولد الكهربائى.. التانية ما شفتها لكنهم كلهم يتبعون ذات التقنية.. أنا الان في نيويورك وبعد ما ارجع افصل ليك الموضوع دا لأنى في نص المعمعـة دى من فترة طويلة.. الفكرة المحورية هي الإستفادة من الباك إى أم اف.. يخزنوه في مكثف ثم يحقنونه في الملف coil مرة أخرى لما القطبية تتغير عشان يمشى مع التيار الرئيسى بدل يمشى ضده.المهم يا زول اصبر وأجيبها ليك بالشرح بالصور والدوائر الكهربائية بتاعتها. لكن البطارية ممكن تتدس في حتات لا تخطر على بالك.. ممكن داخل ملف الكويل اوالروتور زاتو.
12-13-2015, 02:24 PM
Frankly Frankly
تاريخ التسجيل: 02-05-2002
مجموع المشاركات: 35211
لكن المحرك كان به حمولة وهي عبارة عن مروحة تعمل في أقصى سرعتها وتم قياس دفع الهواء في النفق كما هو واضح في الفيديو ثم أن المحرك تم تفكيكه وتشريحه حتى يثبت أن ليس هناك أي بطارية مخبئة
لكن وبما أن علاقتي بالكرباء لا تتعدي توصيل مفتاح السلم فأنتظر التوضيح من خبراء الكهرباء
عارف الناس في القاعة حيصفقوا ليه زى ما يصفقوا للساحر، وفى النهاية الأكاديميين ما بيدوه الاعتراف الذى يبحث عنه.. الناس ديل ناس قوانين شريعـةقانون الديناميكية الحرارية معناه قانون الديناميكية الحرارية ولا إجتهاد فيما فيه نص.. العاوز يغيره لازم يجى بقانون جديد.. يعنى حكاية الأولياء زمان يطيروا ويمشوا في البحر الزمن دا ما تنفع.. حيأخدوا ليهم صور بالموبايل بس ويرفعوها في الفيس بوك او الواتساب.. لازم يوريهم كيف عمل حاجة تتعارض مع القانون الأول للديناميكية الحراريـة.. يجيب معادلاته موش جنريتور.. حتى لو فككه لا يمكن لعالم فيزياء يغامر ويوقععلى اعتراف عشان بكرة تظهر طاقة كانت مخبأة وين ما تعرف.. المهم عندهم (الحساب) ولد. ورينا عملت شنو بالضبط؟ الخطوات، والطاقة التي ضاعت في شكلحرارة الملف عوضتها كيف؟ والتعويض جاء من وين ومقداره كم؟.. دى الحاجة اللى العلماء (إتربوا) عليها وما بيخلوها.. لو اى واحد خلى المنهج دا الجامعة ولا تستتيبه ،رفت طوالى. وجاييك ربضو بالتفصيل. حد يصحى حاتم إبراهيم. .
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Frankly
Abureesh
فيس بوك
تويتر
انستقرام
يوتيوب
بنتيريست