07:43 AM July, 26 2016 سودانيز اون لاين جلالدونا- مكتبتى ثقافة ادراك ماهية الاصوات و عبقرية التنقل بين تسلسلاتها المنبسطة بسلاسة تدهش السامعين خيط تثقيفى يحلق بنا فى علم الاصوات و براحات الجمال فيها
ما دعانى لأفتراع هذا الجيط امر اول و امر ثانى اما الامر الثانى هو بعد الصوت و تراكبيته اللفظية و طبيعته المعرفية من منابع تكوينه فى رحم الحبال الصوتية و سريانه عبر الاثير و طرقها الى مسامعنا عبر خيوط عصبية الى المخ الذى يترجمها الى احساس به يتجاوب نفسيا معه السامع بحسب ما احس به
07-26-2016, 08:20 AM
جلالدونا جلالدونا
تاريخ التسجيل: 04-26-2014
مجموع المشاركات: 9387
وده التعريف الابسط لى الفونتيك وفيه تتجلى الاحاسيس عبر وسيطين صوت ناقل و منقول يدركه المجموع و فى اقله اثنين و تأرجحها ما بين استحسانها و استكراهها لذا ثبت شرعا ان المستحسن من الااصوات صوت الاطفال فضحكتهم و بكائهم و تأتأتهم تجلب السرور و اللهفة الى السامع
07-26-2016, 08:25 AM
جلالدونا جلالدونا
تاريخ التسجيل: 04-26-2014
مجموع المشاركات: 9387
اما الامر الثانى فأننى سأتمدد فى هذا البوست مستعصما بمداخلى الادراكية ذات التراتبية المعرفية المتفاعلة ايجابا مع اضدادها دون اصطحاب المنطوحة مداخلاتهم و ما اهل بها لغير التثاقف امثال ود عووضة و ود المدير و ود ابوحسين
07-27-2016, 06:27 AM
جلالدونا جلالدونا
تاريخ التسجيل: 04-26-2014
مجموع المشاركات: 9387
عدنا .. و العود عوض الله ان شاء الله و الحديث عن السوبرانو حديث ذو شجون خاصة لمّا يكون بالجنسية الكوشية كمان غير انى لا اجد حرجا او عتبى ان اشير الى هؤلاء و أولاء و هؤلئك و اؤلئك اراهم فى لولوتهم يتلولون وراهم كعوجة بها لا يدرون سنعود .. ثم نواصل be tune
07-27-2016, 07:21 AM
عثمان عووضة عثمان عووضة
تاريخ التسجيل: 06-02-2004
مجموع المشاركات: 461
دا شنو دا يا جلة!!!! البوسطي دا انا ما شفتو والله صحی عیوني بقن كعبات😉 انت كنت وين لحدي. الحمی بت الکلب دي طارت ليك في راسك... وا شريري وابو. حسين مالو ما وداك الدكتور غايتو. خوة ناس الزمن اخير منها شنو كدا ما عارف😉
07-27-2016, 07:36 AM
MOHAMMED ELSHEIKH MOHAMMED ELSHEIKH
تاريخ التسجيل: 03-21-2008
مجموع المشاركات: 11825
اشارة للفيرشن الذى وضعه الزميل احمد عالم اجمل مناطق و نفوذ السوبرانو فى الاداء الجماعى جوغة / كورال /كورس و حتى شيّالين كما هو متعارف لدينا و اهديك و اهدى عشاق السوبرانو هذا الدرس و التدريب الرائع على ادائه ____ و دعووضة ما تمشى تحاكى الزولة دى عشان حبالك الصوتية .. ... حبال شنو كمان ... جنازيرك الصوتية ما تتقطّع و فشفاشك يتهرد نصحيتى ليك خلّيك فى حتّة هوى يا ليلى هوى و لو مصر شديد انك تحاكيها اشرب ليك جردل كركار احتمال الحاجات تعدّى على خير
سلام عادل أمين تعرف عرفتك حتدخل في بوست عرفات بتاع الليث الأبيض لكن لمن شفت إسمك آخر مداخلة في بوست الأطو قلت عادل ده حيكون أحرف زول في المنبر ده لو لقى طريقة يدخل المنبتين خدم المركز ولا السيد عبدالرحمن ولا دستور ٢٠٠٥ في بوست جلالدونا ده
07-28-2016, 03:41 PM
جلالدونا جلالدونا
تاريخ التسجيل: 04-26-2014
مجموع المشاركات: 9387
بى مناسبة الجوغة و الكورال و الكورس و الشيالين عاينو للجوغة الحايمة هنا دى ودعووضة و ود الشيخ و ود المدير و ود مكّاوى و معاهم ود امين و منتصر ديل خالين من السوبرانوية كخلو اللبن من الدسم و ناس التنورة و اللستك و اللباس اميركم فى بىستيهو بتاع المية فى مية قال ليهو حاجة تهمّكم امشو ارفعو من طرف بس حذاراكم من هنايا بتاعت اللورى مش كفاية اللورى قام بى الواجب _____ غايتو ابو حسين المرّة دى طلع عاقل ___ كيف ما حريف يا منتصر و مال الساعة الواقفة دى شنو ما ياها دستور 2005
هههها هسى بواسير السمك دى يعالجوها كيف من حقّو يا ود قبانى يكتب عن انفلونزا الطيور و علاقتا بى حمّى ليلة السبت و سأمدّه بى كل المعينات اللازمة لذلك ان هو اراد انا المحيرنى حبة العقلنة دى لقاها وين
07-28-2016, 06:18 PM
عثمان عووضة عثمان عووضة
تاريخ التسجيل: 06-02-2004
مجموع المشاركات: 461
جلالدونا وشركاه قبل ما ندخل في معمعة تعريف وتشريح انواع الصوت البشري واوزانو كمان اغرب حاجة في فنان اكتشفوا عبدالرحمن الريح الف ولحن ليهو اغنية (كان بدري عليك) الفنان دا اسمه الفاضل احمد .. غنى الاغنية دي بى صوت (سوبرانو) نسائي صريح بدون اي فرق والصوت (السوبرانو) نادر وشحيح جدا في السودان الا عند ام بلينة السنوسي الاكتشفها محمد الامين واسند اليها صولو (سوبرانو) في الملحمة ( وكان القرشي شهيدنا الاول ) .. (حلفنا نقاوم ليلنا وثرنا ) وبرضو الصوت السوبرانو عند زينب الحويرص وما احلاه عند ومنال بدرالدين وبلغت قمة الاداء الصوتي في (امونة) مع عقد الجلاد وتالقت في المقطع دا
الوليدات خلو حجرك ريح يفوفى وعين مزرزرة من شقى الفرح المرابى وتزداد منال بدرالدين عوض تالقا وصوتها الخرافي يصل بكل سهولة الى
انت في خوفك تكاتل رفة الطير والحفيف انت فى شوفك تخاتل عينة الجلب الخريف انت فى اللالوبة مصلبة البنيات النسيمات الهفيف انت فى اللالوبة مشنقة الوليدات ناس نجومى محبس النفس الرتيب اما اكثر الاصوات هي (الطو) من شريفة بت بلال الى مهلة العبادية التي اورثته الى فاطمة الحاج ثم منى الخير والى عائشة الفلاتية ثم الى هادية طلسم وما ادراك ماهادية طلسم في (رجعنالك) واضح وجميل
07-28-2016, 08:24 PM
Muhamed Hassan Abdalla Muhamed Hassan Abdalla
تاريخ التسجيل: 01-30-2016
مجموع المشاركات: 163
الكضب شين يا حبيبنا ود يس البوست من ناحية كان مفخخ دى ما فيها شك لكن ما الخطر على بال الاخوان ديل دى حتّة غميسة و الشرك كان ح يقبض اتنين ياخى ابو حسين المهترش ده عرف الحاجة دى و ابى يجى على البوست ده كلّو كلو لكن طال ما جيت شايل حروف اسنادك و طريقتك المحببة الى النفس فى ايصال المعلومة و عشان اكون واضح معاك .. ماشى لى حتة انو هل للكتابة صوت و هل يمكن تصنيف اصوات الحيوانات على حسب التصنيف البشرى فى الحال ده يبقى الباص ينطبق على صوت الجمل تماما و كمان باريتون و ممكن اوصف كتابة زول زى صوت الجمل عموما بى طلّتك البهية دى برجع لى ورا و سوق البوست بى راحتك دون اى فخفخة بالمناسبة .. بالنسبة لى ... زنقار ملك السوبرانو دون منازع يا الف ارحب بيك و كل حقوق البوست ليك
معقولة يا ود عووضة !!! تختنى مع الاستاذ ود يس فى حتّة واحدة و معاها العلمية يا زول حرام عليك انا اجهل من ام حبوبة ابو جهل ذاتو كان كدى شكلك ماب تعرف تضحك
ههههههههههههههههههههههههه ههههههههههههههههههههههههه ههههههههههههههههههههههههه جلالدونا وودعووضة و ود كباشي كلو واحد يشيل ليو واحدة جلاجل قال الجمل صوتو (باص) .. كدة مرة واحدة بس ما ورانا هل الباص دا يرجع لجفاف الجمل وقوة تحمله والنوع لكن من المرجح ان الصوت التخين دا يكون صوت الطريفي شخصيا
07-31-2016, 06:13 AM
MOHAMMED ELSHEIKH MOHAMMED ELSHEIKH
تاريخ التسجيل: 03-21-2008
مجموع المشاركات: 11825
عندنا محطة كهرباء دخلت على الجماعة في كنترول رووم وبديت اتجدع اول حاجة وريتم حاجة جديدة –لم يذكرها-جلال دونكم- وهي قياس الصوت بالديسيبل( اظن ذكرها عمنا بتاع الساكس لقطتها منو)
بعدين وريتم انواع الأصوات مثلا ماكينات الديزل دي (الطو) والسيفتي فالف بتاع القيزان(البويلر) لمان يفتح بكون باص . واحد مفلهم نط قال لي : ططيب السسسسوبررانو وييييييين؟؟؟؟؟؟"
بسيطة: صفافيركم بتاعت الأنذارات دي انت قايلو شنو يعني ؟ دي كلها سوبرانو ما عدا بتاعت الحريقة ديييك تينور
07-31-2016, 06:51 AM
عثمان عووضة عثمان عووضة
تاريخ التسجيل: 06-02-2004
مجموع المشاركات: 461
يا اهل الفيل و الكهف القديم البوست ده ثقافى اجتماعى رياضى كتاباتكم صوتا احش تشبة خوار التور خلونا مع مواء القط و ثغاء المعيز و كان لى النهيق اسكتو ساكت ياخى ده الصولفج بتاعو اخير منو الكاونتر بوينت اتاك بتاع السوبر باص لمّا يجلى الزمن مرحب يكم كلكم و حلوين واخلى من الحلا
08-01-2016, 07:17 PM
عبدالعزيز الفاضلابى عبدالعزيز الفاضلابى
تاريخ التسجيل: 07-02-2008
مجموع المشاركات: 8199
يا جلادونا بالمناسبة انا عملت توضيح فى بوست دينق بتاع الاخوان المسلمين فما تنسى تراجعها لانك انت من ناس معزتنا. بعدين بالمرة شوف لينا صوت القمرية وود ابرق وام قيردون والكرجية والسقدة ديل اصواتهم تبع الامر الاول ولا التانى؟
08-01-2016, 07:58 PM
عبدالعزيز الفاضلابى عبدالعزيز الفاضلابى
تاريخ التسجيل: 07-02-2008
مجموع المشاركات: 8199
واحد من اللغويين ,, نادى على خادمه قائلاَ: أصَعَقت العكاريت؟ فرد الخادم: ظَيْعَم. فقال: ماذا تقصد بظيعم؟ قال: وماتقصد انت بـ اصعقت العكاريت؟ قال: انا قصدت هل صاحت الدِّيَكة؟ قال: وانا قصدت لم تَصِحْ
08-05-2016, 06:04 PM
جلالدونا جلالدونا
تاريخ التسجيل: 04-26-2014
مجموع المشاركات: 9387
Quote: غايتو الليلة خشيت على ناس الشغل بثقافة جديدة
عندنا محطة كهرباء دخلت على الجماعة في كنترول رووم وبديت اتجدع اول حاجة وريتم حاجة جديدة –لم يذكرها-جلال دونكم- وهي قياس الصوت بالديسيبل( اظن ذكرها عمنا بتاع الساكس لقطتها منو)
بعدين وريتم انواع الأصوات مثلا ماكينات الديزل دي (الطو) والسيفتي فالف بتاع القيزان(البويلر) لمان يفتح بكون باص . واحد مفلهم نط قال لي : ططيب السسسسوبررانو وييييييين؟؟؟؟؟؟"
بسيطة: صفافيركم بتاعت الأنذارات دي انت قايلو شنو يعني ؟ دي كلها سوبرانو ما عدا بتاعت الحريقة ديييك تينور
يا اوّوّدنجى ده ما فيل ده فك رقبة بالمفك عديل يا كيشة السوبرانو ده فى حتّتك دى مافى ممكن تكون تينور مسبرن على احسن تقدير عشان اشرح السوبرانو ده زى شنو .. زى شنو يا نقنتوووود ايووووه ... لقيتا ... زى جر السيخ فى البلاط .. وقع ليك
08-05-2016, 08:37 PM
عثمان عووضة عثمان عووضة
تاريخ التسجيل: 06-02-2004
مجموع المشاركات: 461
الله اعلم ابوحسين يجي هنا يا عووضة. ماتحلم ابوحسين حدوا بس يتكيف للفنانة بتنا بتاعت اشع الديناب. سؤال للموسيقار جلي .
يعنى اي الة موسيقية ممكن نطلع منها الاربع اصوات دى؟ الاكورديون من ادنى كوردات ماشي لي فوق مثلا والكمان ببداية الوتر الاول مضغوط للدين مرورا للرابع فاضي؟
08-05-2016, 09:52 PM
محجوب البيلي محجوب البيلي
تاريخ التسجيل: 04-19-2005
مجموع المشاركات: 2016
Quote: نحن مازلنا فى انتظار الامر الاول ياعووضة الظاهر سيعود اليه لاحقاً او كما قال اخونا داك.
غايتو يا فاضلابى حججك كتيرة و بتحب تنطط ياخى ثانيا دى فيها أ ,ب, ج هاك دى ثانيا ج الجماعة زملاء شغل عاملين رحلة خالية من الجنس اللطيف لزوم السكرة و السطلة و التعاطى الحر مع البهجة و مال مش هم احرار اها جات جمبهم رحلة سيرة و كميات من بنات محتفلين بى عريس و عروس و العريس راح منداح مع الجماعة نفس بى نفس و كاس بى كاس و واحد زميل يقول للزملا :: يا اخوانا اعملو حسابكم العريس ده بنقلب قرد و اختلط الحابل بالنابل اها واحد قال عندى ليكم لعبة اربعة بنات فى صف قصادو اربع شياب فى صف صادف العريس و العروس كانو مشاركين و تماينة ورقا مطبقات و عليهم ارقام اربع لى كل صف قالو للعريس اختار ورقة شال ورقتو من بره مكتوب عليها رقم 2 قالو ليه اختار بت نديها الورقة المكتوب عليها نمرة اتنين حقة البنات اختار العروسة ادوها ورقتا قالو ليهو افتح و اقرا المكتوب لقى مكتوب العسل ده الا ينقط وهاك يا زغاريد قالو للعروس الرد عندك فى ورقتك فتحت لقت مكتوب القرد ده الا ينطط صاحبنا بتاع قبيل ضحك ليهو ضحكة سوبراناوية لامن وقع فى الواطا ما قلت ليكم بتقلبوه قرد اما اولا دى لما اشرب السجاير بجيك ليها
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
جلالدونا
عثمان عووضة
MOHAMMED ELSHEIKH
معاوية المدير
Hassan Makkawi
Ahmed Alim
يحي قباني
adil amin
محمد جبره
Ahmed Yassin
Muhamed Hassan Abdalla
عبدالعزيز الفاضلابى
محجوب البيلي
فيس بوك
تويتر
انستقرام
يوتيوب
بنتيريست