على وين تقبل و وين تفوت من ضلك الباراك وعين الشمس مبحلقه فى الضلام الدسّ جهرات البيوت و نهارك الطار من امس كان ليك قريب و مضوى ساحات الوئام حارسك وقاعد فى ضراك فات رفقتك خلاك فوق شدر البشاتن راك و راقد مندمس نيلك مصهين لا نضم لا وصى موجات الكلام حلف بى طينو ما يطراك
فيا شيمة الوجع البحر امسكى غرق الروح عليك ما تحرشى
على وين تقبل وين تمش والبِنيه النيّه الواقفه داب ورده ما بين مسامك والشغاف وحاجزاك قيزان الهموم الوحيده القاعده منفرده بضاريك بى توب الحنان من زبفة الشوق و السَموم البنيه المارقه من تالا الجنان حيث لا زول بشتكى ولا زول بخاف
تعالى يا طعم الزمان امرقى وشيلى فانوس الأمان كوسى المودر فتشى
على وين تقبل وين تمش حلمك مكتف مرمى فى قعر السهر ليلك مستف بى غيابك و السفر دربك مرسف بى حجار الهم و بالحيل الفتر
المسافات صاره وشها فى رجاك و النيل كسيح غالبو المشى
ومن العِمير ما باقى شى
على وين تقبل وين تمش وجعك شديد فرحك بعيد ما بتهبش
همك عنيد عامِت نواحى الروح لا داير يزح لا داير يروح لا بنكسف لا بختشى
ومن العِمير ما باقى شى
05-15-2016, 02:32 PM
أبوبكر عباس أبوبكر عباس
تاريخ التسجيل: 03-04-2014
مجموع المشاركات: 3595
أبو ذر يا أخي، نفتقدك والرقيق بله فشنو، وجودكم مهم، وبديني إحساس انو القصة ما معايش وبس صحي مشاكلنا وصداماتنا منفّرة، لكن طلّة زي كل مرّة منكم تعيد للحياة شنو كدا ما عارف
05-15-2016, 02:33 PM
أبوبكر عباس أبوبكر عباس
تاريخ التسجيل: 03-04-2014
مجموع المشاركات: 3595
Quote: على وين تقبل و وين تفوت من ضلك الباراك وعين الشمس مبحلقه فى الضلام الدسّ جهرات البيوت و نهارك الطار من امس كان ليك قريب و مضوى ساحات الوئام حارسك وقاعد فى ضراك فات رفقتك خلاك فوق شدر البشاتن راك و راقد مندمس
حبيبنا ابوذر – تتبارك -------------------- متى عين الشمس تترك البحلقة
السكوت
تهتك عين الظلام عيانا
تفضح المكبوت
المسكوت
تصهل حناجر الغبن
تشرع ابواب البيوت
تشاور طفلة
تضيء وجه النهار
يتنسم النهر
يغري ضياء الشمس
وقهقهات الفجر تتهامر
يوت
يوت
يوت.
***
05-16-2016, 01:33 PM
حمد إبراهيم محمد حمد إبراهيم محمد
تاريخ التسجيل: 08-20-2009
مجموع المشاركات: 5198
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
أبوذر بابكر
أبوبكر عباس
حمد إبراهيم محمد
فيس بوك
تويتر
انستقرام
يوتيوب
بنتيريست