هل بترد على ارقام التلفونات الــ ما بتعرفها....؟

سودانيز اون لاين
احمد سيد احمد-السعودية
مكتبتى
رابط مختصر

هل بترد على ارقام التلفونات الــ ما بتعرفها ؟

اذا ما عايز ترد على زول معين وقام ضرب ليك من رقم تاني ورديت ولقيتو انو دا نفس الزول الـ انت ما عايز ترد ليهو حتعمل شنو واحساسك بيكون كيف ؟

هل تستخدم برنامج "نمبر بوك" او غيره من برامج دليل الهاتف لمعرفة الارقام الغريبة التي تتصل بك قبل الرد عليها؟

ماهي اسباب عدم رد الناس على ارقام ما بيعرفوها ؟

هل من حق من اعطيته رقمك للمكالمات ان يتواصل معك بالواتساب او برامج التواصل الاخرى لانو لقى رقمك فيهو واتس او تانقو او غيرو؟

2) حتى من رقم تاني ما برد .. طالما رقم ما بعرفه.. عامل حسابي

كويس للحتة دي.

3) ما بستعمل أي برامج .. برامجي الرقم الـ ما بعرفه ما أرد عليه.

4) من حق من أعطيته أرقامي أن يتواصل معي.

5) إذا زول ضرب لي أكتر من 10 مرات دا أكيد الزول المطاردني ذاتو.. بعدين

الله يحل دينك ان شاء الله وييسر امرك

سياستك واضحة جد ومريح نفسك

هههههههه قلت لي برامجك البتستخدمها انو ما ترد على الرقم الما بتعرفو هههههههه والله الحتة دي كيفتني شديد

والله كلامك صح لكن الزمن دا بقى زمن صعب والناس خلت بعضها يقطع المروءة بعدم الذوق وقلة التقدير

أنا برد على أي مكالمة تصلني حتى لو مكالمة فايتة

بس النصيحة الناس العلل { بكسر العين وفتح اللامين }

ديل أصلو مابرد عليهم خاااااصة ناس مبدأ أطلب حاجتك

بإلحاح حتى تجد النجاح ...

لأنو ديل حسب تجربتي مامستعدين يقدروا ظرفك أبداً

ودايرنك طواااااااااالي حاضر ونعم وهاك

هسيييييييييي اليومين ديل فيهم رقم يدق علي لامن يقول بس

والإسم يرقص في الشاشة لامن يفتر ولا بشتغل بيهو

ماكعابة مني لكن وريتو انو الظروف اليومين ديل غير مواتية

ولامن ربنا يسهل كلو بيكون ...وبرضو هو سادر ولايهمو

عنداللفة بس :

----------

صباح الخير .. يا ابو حميد ..

سؤال وجيه ..

Quote: هل بترد على ارقام التلفونات الــ ما بتعرفها ؟

برد عليها . المابرد عليها البتجيني من غير رقم يعني مجهولة .. دي اخير منها الما بعرفها هههههههه.

وبما ان التواصل اصبح هو قناة التواصل الأوسع انتشاراً اذاً لابد من الرد لأي رقم مهما كان

والأفضل المواجهة بدلاً عن التهرب والوضوح مريح للغاية خاصة لك انت

معظم التلفونات التي يتهرب منها الناس لمعرفتهم ان اصحابها اصحاب حاجة وربما يكون المسوؤل نفسه حاله يغني عن سؤاله

عني انا: ارد لاي رقم حتى لو مكالمة فائتة ومجهولة للتحري و الأطمئنان

بعض التلفونات المعروف مسبقاً صاحبها لدي وهدف لتصاله يتم تجاهله مع العلم بأنه سوف لايكف عن الاتصال مجدداً

هناك بعض الأشخاص بسؤ نية و بقصد متعمد يقنعون انفسهم ان الحل مع ذاك لذا لا يفترون من ازعاجه حتى في وقت راحته (الأ تعلن افلاسك (وجه ضاحك ومبتسم)

لا ارد على التلفونات التي لها معي ارتباط عمل وليس عندي رد مقنع اذا كان الرد مرتبط مع جهة اخرى والسبب غالباً عجلة الطرف المتصل دون تبرير

كما قال معتصم سليمان هولاء يستخدمون قاعدة (كن لحاح حتى النجاح) فهولاء متعبين للغاية

تقبل تحياتي و ضيوفك الكرام

احمد

صح والله كونك توزع رقم زول بدون اذنو دي عملية ما كريمة

كلامك منطقي جدا واعجبتني نقطة العندك معاهو ارتباط عمل...فعلا مرات بيكون مافي رد مقنع وفعلا الزول دا بيكون مستعجل

المشكلة انو مرات رقم مجهول دي بتكون مشكلة شبكة وهسي عندنا في السعودية مرات يظهرليك رقم سوداني لكن المتصل ضارب من رقم سعودي فهنا تبقى المشكلة

صحيح احيانا بيجي رقم خاص

والله كلامك سمح تب وختيت النقاط فوق الحروف

وفعلا الناس "العِلَلْ" ديل هم المشكلة

وعدم تقدير الظروف وانهم اتعودوا طوالي طلباتهم تكون مجابة واستغلوا الوضع دا

ديل البخلو المروه تنقطع ذاتهم

________

الموضوع برضو اوحتو لي تجربة شخصية الاسبوع الفات وقلت استطلع اراء الاخوان

لاني والله بستفيد كتير من تجارب الناس وما ان اطرح موضوع هنا او هنالك الا واجد اراء ناضجة وصدق من قال

نصف رأيك عند اخيك

وتحياتي العاطرة

التي قد لا ارد عليها هي الارقام التي تكون مسجلة لدي وليست لي رغبة غي التحدث معها لسبب معين

بصراحة بلاوز من الارقام البتبدأ ب 00249 مفتاح السودان خاصة الغير مسجلة لدي لكن في النهاية برد عليها وانا اسال الله السلامة :)

ايمن

محمد

وحامد

شكرا جزيلا على التعليقات والاضافات

انا برد على الرقم الما بعرفو لحظة الاتصال

لكن لو لقيت رقم ما بعرفو متصل ما برجع ليهو