|
|
|
 Re: نهائي السلّة والطائرة المدرسية بنات بعرو� (Re: محمد المسلمي)
|
وين يا شاطر أنا قلت طائرة طلعت صفر صفر؟!
بعدين يا أخوانا، لاحظوا الشاطر دا بحاول يصلح ليهو مستنير كان في المرحلة المتوسطة في منتخب الجزيرة لصغار الكرة الطائرة، ومن المؤسسين لمنتخب شمبات للكرة الطائرة الوصل لنهائيين ضد أولاد الكمبوني بكليتي الطب والهندسة بجامعة الخرطوم بالثمانينات، وخاض دوريين ببحري مع فريق شمبات، وقبل خمستاشر سنة حائز مع بلدية دبي على كاس الكرة الطائرة لدوري المؤسسات وكانت المباراة النهائية ضد طيران الامارات، حتى انو الميداليات سلمونا ليهن وبنات طيران الامارات السمحات ديك كانن واقفات بالجمبات وعلى وجوههن ابتساماتن العجيبة ديك.
لي حق ازعل ولّ ما لي يا منتصر؟!
عليك الله روّق شويّة، إتّا قايلني أنا من الكيشة الممكن أخلي ليك شارع كبير كدا في بوستاتي تجي تمرح فوقو؟!
امشي امشي شوف ليك زول كاتب ليهو كاتب عزاب كدا تعال صلحو
| |
 
|
|
|
|
|
|
|
|
Re: نهائي السلّة والطائرة المدرسية بنات بعرو� (Re: أبوبكر عباس)
|
زيادة في رد الزعل:
صغار المرة الطائرة أو الميني فولي كما كان يحلو لنا يختلف عي عدد اللاعبين بالميدان، وبقفل الميدان اربعة لعيبة ومساحة الميدان سبعة ونص متر في سبعة ونص وارتفاع الشبكة أقل بخمس وعشرين سنت تقريبا.
نشاط الميني فولي بدأ بأحياء مدني نهاية السبعينات وكان له دور كبير في منافسة مدني للخرطوم بذلك الزمن
| |
|
|
|
|
|
|
|
|
|
Re: نهائي السلّة والطائرة المدرسية بنات بعرو� (Re: أبوبكر عباس)
|
الوقت:صباح شتوي انيق بمدني
الزمان: آخر دورة مدرسية أقيمت بمدني في عهد مايو
المكان: ميدان مركز رعاية الشباب شارع المحطة بالقسم الأول الغنى بيهو صديق متولي: أنا لي حب وطوّل في مدني يا أخواني وفي قسمك الأول
الحدث: نهائي الكرة الطائرة المدرسية بنات بين الملكية جوبا والمدرسة اليونانية الخرطوم
الصباح داك ما في زول مشى ليهو شغل
بجي العصر أوصف المباراة والبنات
ولو ود البشرى جا راجع؛ بحرد
| |
|
|
|
|
|
|
|
|
|
Re: نهائي السلّة والطائرة المدرسية بنات بعرو� (Re: خالد عبد الله محمود)
|
عليك الله ما تحرد من رجعتي دي - يا خي انت المستنير هيم سيلف شنو واقف على الحاجات الصغيرة دي و بزعلك كلام واحد شاطر هههههه
انت عارف انا بخش بوستات للشهرة و كدا و إحتمال كبير دينا تجي بي هنا و ينوبنا من البركة نصيب
رايك شنو في التلجة دي, نعلّها ارضت غرورك شوية وساهمت في علاج جرح مباراة السلة المملة الانتهت درون صفر صفر 
يا خي ارجع رجوعك ساهي مافي زول بقدر يسألك, بس بحسبوا ليك :)
| |
|
|
|
|
|
|
|
|
Re: نهائي السلّة والطائرة المدرسية بنات بعرو� (Re: أبوبكر عباس)
|
مقدمة:
ميدان الكرة الطائرة هو تسعة متر في تسعة ويقسم لتلت أمامي بهط فاصل وتلتين خلفيات من غير فاصل.
الزول العند الارسال بكون في الخانة رقم (١) القدامو عند الشبكة دا ٢ البعدو في وسط الشبكة الرقم ٣ والتالت عند الشبكة رقم ٤ البعدو في الهلف وقصادو دا رقم ٥ والأخير في وسط الملعب رقم ٦.
الخطط الأولى للعب قبل الثمانينات كانت بتعتمد على مهاجمين من الرقم ٢ و٤ ورقم ٣ كان هو البصلح الكورة للمهاجمين للشوت
| |
|
|
|
|
|
|
|
|
|
Re: نهائي السلّة والطائرة المدرسية بنات بعرو� (Re: أبوبكر عباس)
|
المباراة كانت صباحية وبالرغم من غياب الموبايلات إلا أن الكل تداعى وتدافع لحضور ذلك الحفل الكروي الباذخ
مباراة بين الطلح والأبنوس بكونن في الزمن داك أرشق بنات بالقطر كلو
لابسات اسكيرتات قصيرة زي بتاعت ناس شاربوفا وتحتهن شورتات بودي أطول شوية من الاسكيرتات
الجمهور كلو واقف مع الجنوبيات، لكن والله والكضب خيبة كنت من دون الناس بشجع بنات أم در
| |
|
|
|
|
|
|
|
|
|
Re: نهائي السلّة والطائرة المدرسية بنات بعرو� (Re: ABUHUSSEIN)
|
خائف يا أبوحسين، أكتب ريزر، اسماتشر، وتبس أزيد جهل ثقافة أولاد أحمد هارون
يقال أنو بروفسور الطاهر هارون البطري شقيق أحمد هارون الكبير لمان بعمل في الدكتوراة في الغرب، المشرف بتاعو قال انو الرجل دا ح يكون عندو شأن عظيم ببلدو
الظاهر انو دعاء الخواجة ضلّ طريقه وانقلب!
| |
|
|
|
|
|
|
|
|
|
Re: نهائي السلّة والطائرة المدرسية بنات بعرو� (Re: أبوبكر عباس)
|
تغيرت طريقة اللعب وتحولت لهجومية بحيث يصبح التلاتة لعيبة القدام مهاجمين ويجيهم ريزر من الخلف يسرق اللعب وفي معظم الاحيان بريز من الخانة ٢
أها في مباراة البنات ديل الخطة دي كانت مطبقة، والبنات ديل كانن يمتلكن مهارات التمويه، السقطات الجانبية والانزلاق للأمام
وكانن لابسات ركب
طيب يا مستنير، اللفة الطويلة بتاعة الكم وتلاتين سنة دي داير تقول عبرها شنو؟
| |
|
|
|
|
|
|
|
|
|
Re: نهائي السلّة والطائرة المدرسية بنات بعرو� (Re: أبوبكر عباس)
|
ول ابا ابوبكر عباس كتب:
Quote:
طيب يا مستنير، اللفة الطويلة بتاعة الكم وتلاتين سنة دي داير تقول عبرها شنو؟
|
يعني ح تفوت استنارة العريبي القال:
الساقة منها ، كساقي نعامة ، والشعر مثل حب الفلفل..!
طبعا اخونا (الشهيد الحي) بيكون شغال ببنية الوعي بتاع (مقنع الكاشفات) وبيكون لبسهن خمارات وبذلك ارضى نفسو وارضى البنية اياها ، لأن البنية ديك (الراس) وبس و الباقي مش مشكلة..والله صحي..!
ذكرتني طرفة واحد صاحبنا..اها نجي نتونس..ويوم القصة دورت.. لو الشيوعيين مسكوا البلد..والراجل كاضم..وبعد ما رجع بيتو..استشار فكي قوقل..و الفكي ما قصر جاب ليهو تصاوير بنيات بيلعبن التنس في صالة قرنفلي (زمن السيادة ماسكين البلد..!!)..وتصاوير تانية من شوارع امدرمان ولا الخرطوم ربك
يعلم (باقي الجخانين دي ما عندي بيها عرفة كافية)..و رسل التصاوير في ايميل..و كتب تعليق بيقول فيهو (لو الشيوعيين مسكوا البلد: ح يفتحوا البارات والبنات يبلبسوهن جكسا في خط ستة)..!
وانا لغاية الليلة محتار شن لم البارات على ممارسة البنات لرياضة التنس..؟!!!
صاحبنا الشيوعي لغاية الليلة بيفتش ليهو في حيطة صبة عشان يطق فيها راسو..على غرار سيدنا سعد زغلول (مافيش فايدة ، غطيني يا صفية وصوطي)..!!
انت ما مضمون يا عمك..فشنو..انتا قاعد تعاين لي شنو بالضبط؟..
كبر
| |
|
|
|
|
|
|
|
|
|
Re: نهائي السلّة والطائرة المدرسية بنات بعرو� (Re: Kabar)
|
وحات سيدي الحسن، يا كبر، في بال البوست دا اتا وأخونا حيدر
وأنا بشوف في بنات دارفور المدمدمات وهن بلعبن في الطائرة زي طقيع الدوم وغائب عنهن كل الارث القديم
تظهر لي إتّا وحيدر وحولكم جمهرة تقنعوا فوقم وتقلوا ليهم: أدونا فرصة محاولة نحاول نوقف التدهور، وطه شايل سيفو ويحلف بدين محمد إلا ننتقم ونحاسبم أول
قلت في سري:
شغل طقيع الدوم دا يحاسبوا بيهو منو؟!
| |
|
|
|
|
|
|
|
|
|
Re: نهائي السلّة والطائرة المدرسية بنات بعرو� (Re: أبوبكر عباس)
|
ول ابا ابوبكر..
ايواتا ليك..
الفيلم يا عمك..مدمدمات وبيعلبن فولي بول او باسكت بول..ده المكسب..ولو ناس امسودان ادونا فرقة شوية شوية الحاجات بتمشي..!
مرة يا ابوبكر..والحكاية دي ذكرتها اكثر من مرة..كنا انا وصديقنا الجميل ابكر اسماعيل قاعدين نتفرج في واحدة من الدورات الأولمبية..وبالطبع الدم بيحن للدم..وكنا بنشجع ليك أي واحد/ة من اهلنا الأفركان..ياخي حتى ناس الكاريبي..و تركيزنا على الجكسي وفي الجكسي ناس كينيا واثيوبيا..!
اها ابكر ادم قام صر ليك خلقتو..لمن عيونو بقن حمر.. يا زول مالك؟..
قال عليك الله هسع بنات البيطاردن العجال وبيسرحن طول النهار في الحرور فرقهن شنو من الكينيات ديل؟..
فكرتو كانت..انو بنت البادية عندها امكانيات بتاعة مارثون ورياضة بكل انواعها..وممكن نوظف الشغلانة دي ونجيب لينا كاس كاسين والعالم يسمع بينا..!!
المباريات ماشفتها يا صديقي..ولكن البوست بتاعك افرحني شديد..حكاية بنات اقاليم بيلعبن سلة وطائرة ومسرح وغناء..يعني بيعبرن عن ذاتهن بكل حرية..حتى لو كانن مدمدمات..!
الناس البغالطونا ..لو شطار.. ممكن واحد يتفرج زيك كده..و يعمل دراسة جدوي بخصوص لبس رياضي للنساء في امسودان ، ويودي الفكرة لناس مجمع العلماء ولا شنو كده ما عارف..و يجيزوهو..ويقوم يسترزق ويعمل كم عطاء..ونحن مش مهم عندنا البنات يلبسن شنو..لكن المهم يشاركن في الرياضة والمسرح والثقافة والنهضة..!
صديقنا طه دقس..ودي ياها غلطة الشاطر ام عشرة ديك..!..وهي دقسة زي بتاعة ول ابا فضيلي جماع (تمام يا فندم).. فالشاعر والروائي مقروء من قبل الجميع ، غض النظر عن خلفية القراء الأيدولوجية..و لمن يقوم ينغمس في حاجات زي دي ..بيقوم يدي الناس انطباع بانو قاعاد يكتب لناس محددين..وبالتالي بيشطب عدد مقدر من القراء والمتابعين!..وهذا هو الخسران المبين..!!
ودمت..
كبر
| |
|
|
|
|
|
|
|
|
|
Re: نهائي السلّة والطائرة المدرسية بنات بعرو� (Re: جلالدونا)
|
بين مباراة مدني في نهائي طائرة البنات ونهائي عروس الرمال، بينم كم وتلاتين سنة
مباراة مدني كانت مباراة عصرية، حديثة،المعرفة والعلم كانن حاضرات.
مباراة الابيض كانت عبارة عن طقيع دوم ساكت تنعدم فيها اساسيات اللعبة.
كرة السلة والطائرة ديل غير القدم، لو ما تعلمتهن ولعبتهن بمعرفة، ما تستمتع بيهن.
الواحد يقدر يقيس انهيار المناشط دي بالانهيار الحصل في كل المجالات، ويلاحظ تخلي الانقاذ عن الارث القديم والعلم والدولة دي خلال السبعة وعشرين سنة الفاتن ساقوها بالخطب الدينية العاطفية والدجل ومحاربة العلم.
المشكلة الكبير البتخلي الزول يقنع من أمل اصلاح هي الانقطاع الحصل بين الأجيال وضياع الارث المكتسب عبر عشرات السنين منذ دخول الانجليز، بالظبط فعلوا ما فعله التعايشي في الدولة المهدية
| |
|
|
|
|
|
|
| |
أبوبكر عباس
محمد البشرى الخضر
محمد المسلمي
Muhib
خالد عبد الله محمود
ABUHUSSEIN
Kabar
جلالدونا
فيس بوك
تويتر
انستقرام
يوتيوب
بنتيريست