من جوامع ما بتعرف زيف خطاب تنطلق كل الحناجر في الشوارع وبنفتح للثورة باب ما بنقيف اصلو ما دايرين رغيف نحن عايزين الكرام ة مت خشوم اتعلمت فينا السباب الليلة يوم الحارة جد والشوارع هي المساكن والزانازين والسجون ما بنرجع ما البلد صارت يباب نحن في قلب الشوارع نحن من عمق المواجع والحكايات الخراب جيتو من وين يا لصوص يالسرقتو عمرنا كله الليلة حيكون العقاب رغم اعلامكم بضلل بس بضلل لي عقولكم ولي نفوسكم نحن عارفين الحقيقة انكم جد ناسا هباب هسة خايفين هسة راجفين وانتو في حالة ارتعاب ما بحل هاتو اموال الغلابة عيشو زي ما كنتو اول قبل ما تجينا العصابة كنتوا وين؟ وبقيتو وين في لحظة من عمر الزمان طالت عماير في السما من ناس كانت بتحلم بالعشا الليلة ما يوم الحساب نفتح دفاتر كل زول ونعد سنين عمره القديمة وكيف حنبداه الخطاب ونعد قروشو الليل كم جابها من وين؟ من نتاج انتاج حقيقي والا تزييف في الحساب نحن ما شعبا جهول او بياكل للحقوق نحن شعبا فيه عزة الا ما برضى الحقارة وبرضو بعرف للحساب من بيوت زي بيوت كل الاغلابة الليلة صارو كم عمارة وناس بتكدح من سنين جابو القرش فوق القرش وسوا القروش بي كل جدارة من جبين نديان حلال الليلة صارو يفتشو صارو كايسين دبارة ما بصح لازم نعيد تاني الحساب ونصحح الغلط المبين ونزيل من الناس كل شين ونرد لهذا الشعب دين ونقول كمان لابد من جرد الحساب عقدين ونيف اعلام مضلل كله زيف جيبو الكراريس والدفاتر ويلا نفتح للكتاب نقرا الحقايق والقروش الجاتنا مليارات عديدة ليه بنقعد نحن ميونيين كتير ندفع الدين من عرقنا وناس بتسرق لي عرقنا عشان كدة نحن للشارع مرقنا ما الليلة جد يوم الحساب
(ياخرطوم ثوري ثوري واكنسي كل ال و س خ الفي كافوري ) هتاف يشق حلق السما من بطون ناسا جياع عقدين ونيف وقولا كنيف قول لي بس ما يثورو كيف؟ وعيون صغار فقدت بريقها والتماهع لا لاقية جرعات من دوا لا بيتها يغشاه الحليب وناسا تكدس في القروش من عرق ناسا جياع عقدين ونيف الدولة مرحاض الكنيف واقفه لي زي بش بزق تنهب من الجيب البعاني من العناكب والضياع وكروش تزيد تسمن من المال الحرام والناس جياع ما يثوروا كيف وكل مرفق في الحكومة انتن من منيف خليك معاي والله ما تشعر ضياع ما تقول حرام ما اصلو مفهوم الحرام قلناه للناس الجياع لكن حقوقهم في حلوقنا هي الحلال والفجوة تكبر في اتساع ناسا قصور وناسا بتحفر في التراب منه السكن وفيه القبور ما يثورو كيف والنيل نشف من الكضب الفي السماع وتاني وعاشر ثوري ثوري ضد الناس الفي كافوري
لما باكر تمرق الناس في الشوارع وتضحك الشمس المغتغتة من سنين ينكشف حجم السواد يضرب الزيف بالصواقع وتنفتح كل المجاري ينهدم باب المنافذ ويتنفس العيش في المزارع لما باكر ينهزم ليل الملالي وتنكشف عورات دقون غاتسة في ترف العلالي وبرة ناسن عايشة في قمقم ضنك لا لاقية كسرة ولا ... جفت العين من مدامع لما باكر القروش تمرق براها من خزاين لا ذمم قرت قبيل ولا حليفة اصلو مبدا الحلفان مقسم للرواعي الفي الضهاري وللعقول السافرت شان تاكل نضيف حلفوهم بالمصاحف رغم انو في جبينهم ديمة باين انهم ناسن بتاكل من عرق نديان وصافي ولما باكر يمرق الناس في المداين في قلوبهم كم سنين مليانة بي كل الحزاين من حواري ومن مصانع لما باكر يختفي اللون الرمادي ويظهر اللون الروائع للجموع الهادرة في جوف الشوارع ويبقى تاريخ الحقيقة انو ما كل البيدخلو للجوامع جوة في جوفهم ضمير وانو ما كل البخطبوا في الجوامع بعرفو الزول الفقير وانو ما كل البيلزمو للجوامع بعرفو الدين العدالة النورو ساطع ولما باكر تنفتح كل الملفات ويظهر العفن المغلف بالضلال وتزكم الريحة الانوف يطرق الصوت المسامع نلقى ناسن كانو اطهر من نبي صارو اتفه من توافه وتبدا تتفتح مواجع يا بلد ما نحن هيلك لا بتغرينا المناصب لا بتخوفنا المدافع http://sudaneseonline.com/board/440/msg/%D8%B9%D8%B4%D8%A7%D9%86-%D8%A7%D9%84%D8%AD%D8%A7%D8%AC%D8%A7%D8%AA-%D8%AA%D8%A8%D9%82%D9%89-%D8%B3%...%A9--1379998208.html
05-03-2016, 05:52 AM
د.محمد حسن د.محمد حسن
تاريخ التسجيل: 09-06-2006
مجموع المشاركات: 15194
ما عندها سيد مين القال ما عندها سيد سيدها الشعب الكاضم الجوع وما مد الايد ما شال من مال الشعب او قال دي عموله او فات الحد سيدها الشعب الهادر وسادر ومارق للرصاص الظالم وغادر الف شهيد وعهد جديد يس ياطالم حاوا تهرب وتعمل ساتر حقنا منك جد حنشيلو وعليك بنقيم يا غاشم حد نحن مرقنا شان المصو دمانا وسرقو عرقنا وما بنتراجع نمرق نحن نعبي الشارع نشق الكون بي اعلى هتاف نحن مرقنا والعايزنا يجي يلحقنا جيب من عندك الف مليشايا واترس كل بيوتك بالفاشلين والكان صايع شان يحموك من ناس مرقت وما بنتراحع ناس بتموت بالميات وانت بترقص في القنوات ياضليل 20 عام وانت بتمعن في التضليل بس ياظالم نحن مرقنا ما تفتكرو الشعب ذليل مين القال ما عندها سيد نحن اسياد الوجع الحار ونحن بنمرق للبمبان ونحن صدورنا مفتوحات لي ضرب النار اضرب اكتل بس يا ظالم يا ابن الهرمة يومك جا وبكرة بتلحق كل الخانو شعوبهم وبادوا وبكرة بناخد منك تار ونحن مرقنا ضد الفجرة والتتار
ما بنقيف هجعة وبعدها نهدر تاني نعبي شوارع كل مدينة ونخلع عنك توب الزيف ما بنقيف وما بنتراجع نحن خلاص ملينا الكذبة وكل كلاما ما هو نضيف من يوم جيت جيت بي كذبة قال بالدين يا الطلعتو نضيف الدين شعبا كان في دينو عفيف كضابين يا فاسدين يا كل الفعل المنتن لمن شين وما بنقيف نحن حقيقة زي تاريخ النيل الجاري عنيف يومكم جا من كل ازقة وكل حوراي المدن الضاقت ضيم العيش ومن كل قطاطي الصي الريف انتو حتمشو لو برضاكم او بحكم الشارع الهادر يمعن فيكم في التخويف وارجع اقول نحن مرقنا عشان ما نقيف عشان اجيالنا تعيش الجو الصافي نضيف عشان الحاجة تبقى جميلة ومن غير زيف
تمنك كم؟ يا ماسك قلما تشتم شعبك وما بتهتم تمنك كم ناس في الشارع ما بتبالي ودفعو الدم وانت تغني للسلطان البذبح شعبك ويهرق دم خلاص اتفرزت دي الكيمان كوم السلطة وكم الناس الدشرت دم كوم القرش النافق و######## وكوم الناس الشايلة الهم كيف بتنافق وسيف السلطة بيذبح كل زهرات البلد اليافعة ويمكن فيهم ليك يا ######## ود العم تمنك بائس لقمة وفندق خمسة نجوم وانت تحوم يا زبال تاكل السم بين كل موائد الناس الوأتد بلدك وبرضك اسال تمنك كم؟ كمين عام وانت تطبل وناسك بطحن فيها الهم تصحى تصابح الفقر الجاثم تمسى وشايلة الهم الكاتم وانت بتضحك وما مهتم مرقت من الضاقو الجمرة وصرخو وقالو قدام الحاكم وما خيفين ( كذاب يا حاكم) غوروا وطيروا وخلو البلد المنهك يوم ينجم واسال تاني وعاشر يا مأجور تمنك كم ؟
سلامات يا د. محمد حسن شكلك اتحسست من القصة دي فجئت بكتابك, يا دوك انت لا تحتاج ان تبرر او تشرح لأحد, يكفي انك تكتب وتفعل ما يرضي ضميرك البصنّف الناس و يزايد على وطنيهتم و انسانيتهم لا يستحق أن تولي اهتمام, خلّي يولّي بس :)
05-03-2016, 07:14 AM
د.محمد حسن د.محمد حسن
تاريخ التسجيل: 09-06-2006
مجموع المشاركات: 15194
ما اتحسست لكن هي للجميع ولا اقصد بها شخصي الضعيف انو الناس قبل ما تلصق الايقونات على الشخص تقرا ليه وترجع لارشيفو ومن ثم تحكم بعد كده النقاش يكون في الموضوع من خلال سابق القراءات حشان الناس تمشي لقدام ما تقيف في نقطة واحدة
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
د.محمد حسن
محمد البشرى الخضر
فيس بوك
تويتر
انستقرام
يوتيوب
بنتيريست