فى الخرطوم العديد من الاعلانات مزينة بصورة ابطال المصارعه العالمية بس المصارع ابو لباس عريان حقوه راح الصور كلها للباسين برمودات امثال جون سينا واخرون بينما تتزين الاعلان صورة لمصارع محجب ناس كالسيكو بلغةحكومة السودان اقصد (مقنع) يعنى ناس شميس ابو لباس فيه صليب ده حقه راح لا بشوف حكومة الانقاّّذ والمشروع الحضارى اليه 26 سنة اعزرونى انا من المشاهدين متى وجدت وقتا لحلقات المصارعة العالمية لكن الاسماء لو غلطته فيها مرورها نصيحتى ليك يا جون سينا ما تجدع فنيلتك للجمهور ده شغب بحاكم عليه القانون والعقوبة 5 سنوات وكمان البرموده لازم تكون بحزام نحنا مرات عندنا اعاصير واحد منها اسمه ( فسوة الشيطان ) ده يلف بيك التقول قرقرور والعجب لو كنته فى سوق جاكسون وجاك العصار وانت واقف تعاين لمواصلات الكلالكة ابو 5 جنيهات مافى ليك مخارجه الا بيها لانو لفة ااعصار ممزوجه بتراب المجارى الطافحه طول العام ولولا الجزم الضينية التى يلبسها الناس لاصبح كل من مر بميدان جاكسون يقول (انى اغرق اغرق اغرق) بس فى كومة مجارى انا عارف الناس كتار واكل المطاعم مع زيادة اسعار الغاز بيقوا يكتروا ليه العطرون ومن هنا اللبيب بالاشارة يغهم نواصل
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
بلدى يا حبوب
فيس بوك
تويتر
انستقرام
يوتيوب
بنتيريست