|
Re: مشكلة كل عيد (Re: اخلاص عبدالرحمن المشرف)
|
Quote: حقو الزمن يكون بعد صلاة الصبح مع شروق الشمس |
وحاتك يا حفيظ ده البيحصل عندنا ..... الساعة خمسة ونص يقيموا الصلاة للعيد.
ياخ أيام العيد كان في الشتاء بنمشي الصلاة في الضلام وبرد يخليك تكتكت وانت بتصلي.
كل عام وانتم بخير
| |
|
|
|
|
|
|
Re: مشكلة كل عيد (Re: Asim Ali)
|
عبد الحفيظ كل عام وانتم بخير العيد في السودان يا عبد الحفيظ اجمل منه مافي ..حتى ولو السخانة مولعة نار. مش كفاية ترجع من الصلاةة،،والضباح يضبح ليك الخروف قدام الباب، وبعد دقيقتين تاكل المرارة النية بالشطة والليمون،،، وجيرانك يتلموا معاك في الحوش...وعيد مبارك تسمعها كل لحظة.. هنا لا مرارة ولا عيد مبارك ، واذا اشتريت لحم هنا ني ومسيخ وغالي،،،واصحاب دكاكين اللحوم العرب المسلمين يستغلوا حاجة المسلمين لذبح الضحية ويرفعو سعر . الخروف من ٨٠ دولار الى ٣٥٠ و ٤٠٠ دولار.. وتحياتي لكل اهالي كوستي، وخاصة حيةال سكة حديد وحي النصر،،مع اننا سمعنا مافي حي سكة حديد وهو الحي الذي تربينا فيه...
| |
|
|
|
|
|
|
Re: مشكلة كل عيد (Re: السر عبدالله)
|
حبابك اخلاص دحين دة ما متأخرة شديد حبابك ابوالريش مناسب لينا والله . نحن الجو سخن والشمش حارة وانت طيب فرانكلي وانت سعيد مبسوط واسرتك عاصم آي والله يا السر العيد عندو طعم مافي شك بس يعجلو لينا شوية
| |
|
|
|
|
|
|
|