|
|
|
 Re: مداخلاتى الاستكوها (Re: جلالدونا)
|
ودى المداخلة المجنى عليها
Quote: سلام فرانكلى
------
تعرف يا ود البشرى
سيدنا النبى قا عن سيدنا عمار تقتلك الفئة الباغية
فى معركة صفيّن سيدنا على و معاوية انحاز سيدنا عمّار الى صف سيدنا على
وفى عز المعركة صاح الجند قتل عمار قتل عمار
معاوية عشان يتخارج من حتة الفئة الباغية دى
جاء بالتبرير الاتى
الفئة الباغية هى من زجّت به فى اتون المعركة
غايتو جنس تحاليل |
فى البوست ده
http://وزارة الخارجية السودانية لعبت قضية التطبيع بحرفية عاليةhttp://وزارة الخارجية السودانية لعبت قضية التطبيع بحرفية عالية
| |
 
|
|
|
|
|
|
|
 Re: مداخلاتى الاستكوها (Re: صديق مهدى على)
|
تخير دائماً وين ترمي مداخلاتك ....
بعدين الأمثلة قدامك و الإستيكة دي اليومين ديل إستعمالها زاد جداً .....
عامل لي فيها حريف ....
عشان تعرف حجم الأزمة اللي نحن عايشينها .....
بس برضو غلطان الأداهم الإستيكة و خلاهم يمسحوا أراء الناس و يفرضوا رأيهم هم ....
| |
|
|
|
|
|
|
|
|
|
Re: مداخلاتى الاستكوها (Re: عبدالرحمن الخليفة)
|
سلام أخي جلادونا ,
ما براك الأستكوك ؟؟
انا كمان و الأخت نعمات عماد !
دا اسمو دفن الراس في الرمال !!
خليهم يدغمسوا الحقائق !
لكن الله في !!
نحنا نفتح بوست تعرية وتصحر برانا , مافيش حد أحسن من حد !!
ست البنات.
| |
|
|
|
|
|
|
|
|
Re: أسوأ إجراء يتخذه الأخ بكري أبوبكر هو توزي� (Re: قصي محمد عبدالله)
|
هي فيها خير غير مباشر، الزول البعتمدها طريقة مع خصومو هو ح يلقى نفسو طلع من الحوار معهم في بوستاتهم وبعد شوية زي مصفى محمود دا حسابو بتحول لحساب فيسبوك ينوني فيهو براهو!
يا أخوانا، نادم على حذفي لمداخلة للصادق عبد الله الحسن في واحد من بوستاتي الكتيرة دي، أعتذر على ذلك وأشهد أنها سلوك لا يليق بمستنير
| |
|
|
|
|
|
|
|
|
|
Re: أسوأ إجراء يتخذه الأخ بكري أبوبكر هو توزي� (Re: جلالدونا)
|
Quote:
تخير دائماً وين ترمي مداخلاتك ....
بعدين الأمثلة قدامك و الإستيكة دي اليومين ديل إستعمالها زاد جداً .....
عامل لي فيها حريف ....
عشان تعرف حجم الأزمة اللي نحن عايشينها .....
بس برضو غلطان الأداهم الإستيكة و خلاهم يمسحوا أراء الناس و يفرضوا رأيهم هم .... |
ياخى دى فاتت حد الازمة و اصبحت كارثة منبرية
لانها بى بساطة ممكن تأسس لى عداوات شخصية بين الزملاء و الزميلات
و فايدة الكتابة هنا شنو لولا المشاركة و اختلاف وجهات النظر
| |
|
|
|
|
|
|
|
|
|
Re: مداخلاتى الاستكوها (Re: جلالدونا)
|
Quote: ههههه
عجبني ليك
عشان طلعت بوست زمان ارفض الخاصية دي وعتلتو براي لامن قص ضهري الا من قلة من الاخوان ساعدوني بال قل |
يا ود اب سن ياخى عتّلنا معاك لاكن جانا وجع كتف
و الراى فيها كان واضح انو ضررا اكتر من نفعا اذا وجد فيها منفعة من اساسو
لكن منو البسمع
| |
|
|
|
|
|
|
|
|
|
Re: مداخلاتى الاستكوها (Re: بشير أحمد)
|
الحكومة لما كانت ماسكة الاستيكة وشغالة مسح في المعارضة الناس نقنقت ..
بكري لمن كان ماسك الاستيكة وشغال مسح في بوستات الجماعة الناس طفشت.
بكري لمن أدى الاستيكة للعضوية النقة تاني قامت ..
الخلاصة الأعمى شايل المكسر يكسحوا ويمسحوا
الديمقراطية تطير عيشتها وتحيا الديكتاتورية يا قولة تراجي ..
سلاماتي للجميع.
| |
|
|
|
|
|
|
|
|
|
Re: مداخلاتى الاستكوها (Re: عمر التاج)
|
حباب اخيتى ستهم وستنا و
و التحية للعزيزة نعمات و كل المتأستكين فى جخانين المنبر
و يا ريت لو بعرفو يعملو حركة النعامة صاح
ديل بدفنو نفسهم مش روسينن بس
و كان لى البوست جاهز ليك تب
بس انتى ابديهو
| |
|
|
|
|
|
|
|
|
|
Re: مداخلاتى الاستكوها (Re: جلالدونا)
|
أخوي جلادونا مرحب,
هون لاقيننا وين ؟ بس ماب يعرفوا الناس !
قالولون نحنا محتاجينلهون !!
أها اليلقولون زول ساكت يحاحي بيدريبون !
(فهم شي)؟
أوعك تكون من ناس البندر الماب يعرفوا كلامنا !!
والبوست انا فتحتو من قبييل !
ست البنات.
| |
|
|
|
|
|
|
|
|
|
Re: مداخلاتى الاستكوها (Re: ست البنات)
|
Quote: الإستيكة هلهلت المنبر،
زعزعت المشاركات،
تركت فراغات بين الآراء،
ساهمت في القضاء على جزء كبير من تاريخ الأعضاء ،
شجعت على الهيمنة و قضت على الديمقراطية الناعمة. |
و زادت الطين بلّه يا يشيخ قصى
| |
|
|
|
|
|
|
|
|
|
Re: مداخلاتى الاستكوها (Re: جلالدونا)
|
Quote: هي فيها خير غير مباشر، الزول البعتمدها طريقة مع خصومو هو ح يلقى نفسو طلع من الحوار معهم في بوستاتهم
وبعد شوية زي مصفى محمود دا حسابو بتحول لحساب فيسبوك ينوني فيهو براهو! |
انها كالحمر يا مستنير .. الضرر اكثر و اقسى من النفع
Quote: يا أخوانا، نادم على حذفي لمداخلة للصادق عبد الله الحسن في واحد من بوستاتي الكتيرة دي،
أعتذر على ذلك وأشهد أنها سلوك لا يليق بمستنير |
موقف جميل ونبيل و ياريت اخونا الصادق يمر بى جاى و يقبل و يبادل الاعتذار بى محبة و موده
| |
|
|
|
|
|
|
|
|
|
Re: مداخلاتى الاستكوها (Re: جلالدونا)
|
حبيبنا صلاح
ضحكتنى ياخى و انا ممغوس
Quote: نحفظ لك هذا المصطلح الجديد
و المشتقات:
تمت استكة المداخلة..
فلان استكوهو.. فلان مأستك
نسأتكو ول نخليهو..
الاستكة ما كويسة..
فلان بقى مؤستك كبير
وقال الفنان المشهور
" استكوهو و جرحو سمعتو"
|
كل البلاوى طالعة من تحت الأستكة
غايتو المؤستك الكبير ده مصيبتو مصيبة
| |
|
|
|
|
|
|
|
|
|
Re: مداخلاتى الاستكوها (Re: جلالدونا)
|
| Quote: الشكية لغير الله مذلة يا جلالدونا .. |
كلامك صاح يا طلحة اخوى
حتى بالامارة مشيت استعين بيكم بى غادى مع ناس حزب الرش
لقيتك مرشوش لى حد الثمالة خخخخخخخ
| |
|
|
|
|
|
|
|
|
|
Re: مداخلاتى الاستكوها (Re: جلالدونا)
|
Quote:
الحكومة لما كانت ماسكة الاستيكة وشغالة مسح في المعارضة الناس نقنقت ..
بكري لمن كان ماسك الاستيكة وشغال مسح في بوستات الجماعة الناس طفشت.
بكري لمن أدى الاستيكة للعضوية النقة تاني قامت ..
الخلاصة الأعمى شايل المكسر يكسحوا ويمسحوا
الديمقراطية تطير عيشتها وتحيا الديكتاتورية يا قولة تراجي .. |
كان الحكومة كان بكرى كان العضوية .. اصلا الاستيكة لزوما شنو
المتضرر يمشى القانون و ياخد حقو ... افتكر ده حل كويس بدل القهر الاستيكى ده
| |
|
|
|
|
|
|
|
|
|
Re: مداخلاتى الاستكوها (Re: جلالدونا)
|
Quote:
هون لاقيننا وين ؟ بس ماب يعرفوا الناس !
قالولون نحنا محتاجينلهون !!
أها اليلقولون زول ساكت يحاحي بيدريبون !
(فهم شي)؟
أوعك تكون من ناس البندر الماب يعرفوا كلامنا !!
والبوست انا فتحتو من قبييل !
|
هههه
وزى قولك
لا يلقونا لا نلقاهم لا نتلم
و دريبن الكلو دعت ده مانى مقبّل عليهو ضمة
مانى من ناس البندر و كمان قريب منّك و يمكن يكون بيناتنا رحم
اها النوقّعو ليكى
اول بالتبادى نبدا بى خت الغرب
كان لى القرير و تنقاسى تلقينى لامّى فى ناس بشير اغا و الطاهر اللزيرق
و ان جيتى على دويم ود حاج ياهو مسقط الراس
و ان مشيتى على خت الشرق
الاراك و اهلنا ناس ود سورج
و كمان الزومة و شبا و اهلنا ناس ود دردق و ود نصر و اولاد البرير
و من البركل الحمدتياب و العمد ... من عمدة ...
اها لقيتينى كيف
| |
|
|
|
|
|
|
|
|
|
Re: مداخلاتى الاستكوها (Re: جلالدونا)
|
جلادونا ود عمي !
أها نحنا زاتنا ماب ننقرن في الناس من جم !!
الطاهر ود الازيرق جد أمي !
والبركل فيها جدي ود بناوي ,
والقرير فيها حبوباتي السرف والعبلون ,
والباقي ماني مذاكراهو !!
أها شفت (اسع ينطلنا واحد مضرة وحسادة ساكت يقولنا عنصريين ) !
ست البنات.
| |
|
|
|
|
|
|
|
|
|
Re: مداخلاتى الاستكوها (Re: ست البنات)
|
| Quote: الطاهر ود الازيرق جد أمي |
اها ما قتلك القصة فيها رحم
الطاهر ود الازيرق كان متزوج خالتى شقيقة امى و ولدو حسن الطاهر برضو متزوج خالتى شقيقة امى
و هن خالتى خاسّة و خالتى قصورة عليهم جمبعا رحمة الله
اها من يوم الليلى انتى لازمانى تب و حرررررم معاك فى الصاح و الغلت
| |
|
|
|
|
|
|
|
|
|
Re: مداخلاتى الاستكوها (Re: ست البنات)
|
Quote: اضحك يا ابو حسين
تضحك بلاهن |
فرحااااااااااااان و الفرحان بضحك ..😂😂😂
ملهم بيغادي كمل كوتو مع بتاع الحمير ...
الاستيكة دي اعلنو عنها بي بوست ...
اعترضت عليها و قلت للريس دا تهرب من المسؤلية ... عارف الحصل شنو ..؟؟؟؟
مداخلتي زاتها اتمسحت ....
انا غايتو اعلنتها بكل وضوح ما بمسح مداخلة لأي زول ...
و اي زول بمسح مداخلات و عايز ارد عليهو بفتح لي بوست اكتب فيه مداخلتي .... عشان الناس ما يضحكو علي زي ما انا بضحك عليك الان ....
| |
|
|
|
|
|
|
|
|
|
Re: مداخلاتى الاستكوها (Re: ABUHUSSEIN)
|
شفت يا جلادونا أها الأستكة بلا جابتلي أخو وجابتلك أخت !
أريتا أستكة السرور !
انت كمان وريني الناس القعد يكاتلوك بقابلون ليك تب !
اما بالنسبة لي انا عندي ناس كدي بس تاني بغلت فيهون وكت انت اخوي !
ست البنات.
| |
|
|
|
|
|
|
|
|
|
Re: مداخلاتى الاستكوها (Re: نعمات عماد)
|
الأخت نعمات ,
سلام,
شفتي الأسلوب الشين دا !
يعني كان مسحوها هنا بتغيير واقع عمايلهم الشينة ؟؟
غايتو غلبتم الحيلة , وحالتهم تحنن !!
بس بلا محلبية !!!
ست البنات.
| |
|
|
|
|
|
|
|
|
 Re: مداخلاتى الاستكوها (Re: ست البنات)
|
Quote: اي زول بمسح مداخلات و عايز ارد عليهو بفتح لي بوست اكتب فيه
مداخلتي .... عشان الناس ما يضحكو علي زي ما انا بضحك عليك الان |
هههههههههههههههههههههه،
نضحك معاكم، والله بالجد الحاجة دي مُسلية . ياخي الوآحد
لآمِن يكون مأستك بيمسح جِنِس مسح !، مبالغة .
إقترح تغيير العنوان لبيت ردحي المأستكين .
| |
|
|
|
|
|
|
|
|
|
Re: مداخلاتى الاستكوها (Re: معاوية المدير)
|
هي ياااااااااا أبو الجل
انت برضو؟؟
والله انا كم مرة شفت بوستيك دا لكن ما كنت قايلو نفس الحريف المأستك مداخلاتي انا في نفس البوست
ههههههههه
ياخ بوست وزارة الخارجية دا قاعد في الصفحة الأولى ليهو أسبوع وبعد دا عدد المداخلات 16
معناها الاستيكة شغالة قرف
| |
|
|
|
|
|
|
|
|
|
Re: مداخلاتى الاستكوها (Re: ملهم كردفان)
|
عملتوه بيت بكاء .....
شهداء الإستيكة ....
ضحايا المسح ...
حالتكم تحنن و الله .....
(خليك حريف ... خليك حريص ... ما ترمي مداخلتك في أي بوست )
الحملة المنبرية للحفاظ على المداخلات
| |
|
|
|
|
|
|
|
|
|
Re: مداخلاتى الاستكوها (Re: ABUHUSSEIN)
|
Quote: خليك حريف ... خليك حريص ... ما ترمي مداخلتك في أي بوست )
|
هههههههههههههههه
اغرب حاجة يا أبو حسين
نهائي ما بأستك جرجير
والله التقول كاسر عينو ..
غايتو جنس غايتو
| |
|
|
|
|
|
|
|
|
|
Re: مداخلاتى الاستكوها (Re: Haytham Ghaly)
|
Quote: Tariq Mursi
استكونا لغاية ما بقينا زي ال عندنا سكري وقرفنا من التعليقات ودي المرة الاخيرة |
هههههههههه،
يا طارق ياخي ما للدرجة دي !، خليّك هنا ؤُ بلآش تفارق حينا .
الله يكافينا شر اللستيكة البتجيب السُكري دي، نسعل الله السلآمة ...
| |
|
|
|
|
|
|
|
|
|
Re: مداخلاتى الاستكوها (Re: ABUHUSSEIN)
|
غايتو دي عملية ما يعملها الآ انسان عاجز ومفلس !
وكمان عارف ان النقد البيتقال دا خقيقة !
لكن البيرقص ماب يغتي دقنو !!
والله شن كتر بلا الرمال !
أها اندفنوا فيها !
لكن لمتين ؟؟؟؟
ست البنات.
| |
|
|
|
|
|
|
|
|
|
Re: مداخلاتى الاستكوها (Re: علي محمد الفكي)
|
أخوي على محمد الفكي ,
سلام ,
شنو الهجيمة الكبيرة دي ؟؟
انا عمري ما اتلومت في زول غير زول واحد يستحق !
وكمان ما مسحت مداخلتو بس قلتلو انت قعد تخرب البوستات !
لكن انت بس ما متذكرة كلامك دا !!
كدي ذكرني بالله .
ست البنات.
| |
|
|
|
|
|
|
|
|
|
Re: مداخلاتى الاستكوها (Re: ست البنات)
|
Quote: فرحااااااااااااان و الفرحان بضحك ..😂😂😂
ملهم بيغادي كمل كوتو مع بتاع الحمير ...
الاستيكة دي اعلنو عنها بي بوست ...
اعترضت عليها و قلت للريس دا تهرب من المسؤلية ... عارف الحصل شنو ..؟؟؟؟
مداخلتي زاتها اتمسحت ....
انا غايتو اعلنتها بكل وضوح ما بمسح مداخلة لأي زول ...
و اي زول بمسح مداخلات و عايز ارد عليهو بفتح لي بوست اكتب فيه مداخلتي .... عشان الناس ما يضحكو علي زي ما انا بضحك عليك الان .... |
برضو زيك اعترضت على حتة المسح دى
و فى الاخر قلنا العضوية اكبر من تلجأ اليها كحل فى حسم الخلافات حتى و لو كانت شخصية
ياخى ادفع بالتى هى احسن .. ربنا كتبا لى منو و لى شنو
ان شاء الله ما افكر فيها مجرد تفكير فى الرد على زميلة او زميل
____
اضحك لما يجيك وجع اضان
| |
|
|
|
|
|
|
|
|
|
Re: مداخلاتى الاستكوها (Re: جلالدونا)
|
Quote: شفت يا جلادونا أها الأستكة بلا جابتلي أخو وجابتلك أخت !
أريتا أستكة السرور !
انت كمان وريني الناس القعد يكاتلوك بقابلون ليك تب !
اما بالنسبة لي انا عندي ناس كدي بس تاني بغلت فيهون وكت انت اخوي !
بالجد مكسب كبير الزول يتلمّ و يتعرّف على اهل ليهو
و زى با بقولو رب ضارة نافعة
امسكى لى فى رقبة ود المدير و ابو حسين ديل
و شايف ملهم ماشى علىّ يضّرع
ارجميهم بحجارة من سجيل
| |
|
|
|
|
|
|
|
|
|
Re: مداخلاتى الاستكوها (Re: على محمد على بشير)
|
Quote: جلال
لك التحيه.....
برجع اعزى وبعتزر......
واستك معاك مداخلتى الفوق... |
يا زول أأستك شنو
يمين الله مداخلاتك دى تقعد معززة و مكرمة
هو نحنا لاقين ناس تشاركنا هم حروفنا عشان نقوم نفترى و نأستك
| |
|
|
|
|
|
|
|
|
|
Re: مداخلاتى الاستكوها (Re: جلالدونا)
|
| Quote: المسح مضحك أحيانا خاصة أذا كانت المداخلة الممسوحة قيمة أو حتى عادية . |
يا هلا بيك نعمات .. نعم مضحك لكن فى حتة شر البلية
يا بت الناس دى جريمة فى حق الكلمة و لو كانت على خطأ
| |
|
|
|
|
|
|
|
|
|
Re: مداخلاتى الاستكوها (Re: جلالدونا)
|
Quote: هي ياااااااااا أبو الجل
انت برضو؟؟
والله انا كم مرة شفت بوستيك دا لكن ما كنت قايلو نفس الحريف المأستك مداخلاتي انا في نفس البوست
ههههههههه
ياخ بوست وزارة الخارجية دا قاعد في الصفحة الأولى ليهو أسبوع وبعد دا عدد المداخلات 16
معناها الاستيكة شغالة قرف |
يا الغالى ود الغالى
ياخى نحنا استكونا بدرى من تالت مداخلة يا حبيب
تانى رجعه لصقتها ليهو
اها التانية برضو لحقت اختا
و لقيت خبرا هنا من ابو حسين
نحن السابقون يا فردة
عشان كده ما عندنا بر اللاحقين
باللاهى انتا فيهم !
يا خبر مأستك
_______
| Quote: إقترح تغيير العنوان لبيت ردحي المأستكين . |
اقتراحك مرفوض جملة و قطاعى
واحد صاحب جايب لى كيبورد بيكتب بالحبر الجاف
اها تانى نخش بى عين قوية فى اجعص بوست
قال ردحى قال
| |
|
|
|
|
|
|
|
|
|
Re: مداخلاتى الاستكوها (Re: جلالدونا)
|
Quote: i
استكونا لغاية ما بقينا زي ال عندنا سكري وقرفنا من التعليقات ودي المرة الاخيرة |
Quote: هههههههههه،
يا طارق ياخي ما للدرجة دي !، خليّك هنا ؤُ بلآش تفارق حينا .
الله يكافينا شر اللستيكة البتجيب السُكري دي، نسعل الله السلآمة ... |
زى ما قال ليك ود المدير يا طارق اطرح حاجاتك و اكيد بتلقى البتوافق معاك و البختلف معاك فى حدود الاحترام و المودة
و الاستكك ده زول عدو نفسو و تانى الا يشمك قدحة ..
| |
|
|
|
|
|
|
|
|
|
Re: مداخلاتى الاستكوها (Re: Haytham Ghaly)
|
| Quote: ولا يهمك جلالدونا تعيش وتتأستك في قبولك يا عمك,,صاحبك الليلة ماسك ليهو ككو وحايم بيهو |
ايمن يا طيّب
و لا همانى شى
بس اتأستك فى قبولى دى ما بيمشيها
كيف يعنى !!!
افتح لى بوست و يجى فنجاط يمسح مداخلتى
بمشى لى الاسطى الكبير بى عكازى و صلعتو ما تشوف الا النور
___
شايف ناس اشتغلوك و قالو نأستكا ليك
علّا بقولخم خلوها .. الترقدرو تاريخ
| |
|
|
|
|
|
|
|
|
|
Re: مداخلاتى الاستكوها (Re: جلالدونا)
|
سلام تاني
ستهم .. جلالدونا و الضيوف
أتفق معاكم في كل كلمة .
المضحكني منظر المساح و هو واقف في نص المنبر و رافع لافتة تقول :
أنا قليل الحيلة و لا أملك منطق أو حجة متينة للإقناع و فوق كده منافق
أدافع عن الباطل و أغض الطرف عن الحقائق .. تعالوا أدوني كليكاتكم
من سكات لأنه لو انتقدتوا رأيي ما عندي ليكم غير المساحة .
ثم يضع اللافتة و ينزل على الرُكب ليكنس ،يمسح و يدعك البلاط .. أقصد المداخلات !
************************
أقترح تحديد عدد المسحات في اليوم الواحد و من يتجاوز هذا العدد يتم إيقافه
لمدة أسبوع أو أسبوعين .
تحياتي باشمهندس بكري .
| |
|
|
|
|
|
|
|
|
|
Re: مداخلاتى الاستكوها (Re: نعمات عماد)
|
يا هيثم ما يسرح بيك ابو حسين
الضلالي دا هو الكوز, اسأله قول ليه مؤيد الحوار الوطني ولاّ لأ
ياخي هو ود الباوقة بكونوا اسي بتجهَّزوا لي وفد المنافع 2
| |
|
|
|
|
|
|
|
|
|
Re: مداخلاتى الاستكوها (Re: محمد البشرى الخضر)
|
Quote: الضلالي دا هو الكوز, اسأله قول ليه مؤيد الحوار الوطني ولاّ لأ
ياخي هو ود الباوقة بكونوا اسي بتجهَّزوا لي وفد المنافع 2 |
يا كبسور يا فقر لميتني مع ود الباوقة ...؟؟؟؟
😂😂😂😂😂😂😂
| |
|
|
|
|
|
|
|
|
|
Re: مداخلاتى الاستكوها (Re: ABUHUSSEIN)
|
هههههههههههه
Quote: مداخلاتك الاستكوها ياكبيييير
انت لم تأتى لحوار
التجاهل
التجاهل
التجاهل |
اب خشما خلا يضحك غلى اب سنينتين
قال كبير قال
ياخى انتا كمّلت كوتة يوم بى حالو
و المكضبنى يسأل ابو حسين
| |
|
|
|
|
|
|
|
|
|
Re: مداخلاتى الاستكوها (Re: محمد البشرى الخضر)
|
Quote: يا هيثم ما يسرح بيك ابو حسين
الضلالي دا هو الكوز, اسأله قول ليه مؤيد الحوار الوطني ولاّ لأ
ياخي هو ود الباوقة بكونوا اسي بتجهَّزوا لي وفد المنافع 2 |
طيب يا ود البشرى لماذا لم تطولك الاستكةُ
وما هو سر الابتسامات بل القهقهات بينكما 
المصيبة انو المسألة جابتلها ثنائيات مع الكيزان كمان
انت مع فرانكلي وابوحسين مع ود الباوقة
والله دي مصيبتن ضكرة
| |
|
|
|
|
|
|
|
|
|
Re: مداخلاتى الاستكوها (Re: جلالدونا)
|
| Quote: ولا يهمك جلالدونا تعيش وتتأستك في قبولك يا عمك,,صاحبك الليلة ماسك ليهو ككو وحايم بيهو |
اليحوم زى ما داير الجايب خبرو منو تانى ..
امّا ما يخص الرابط اقول ليك بصراحة
عمليتك جبانة و تستاهل الاستيك
زى ما قال مندرة ادام الله ظله
| |
|
|
|
|
|
|
|
|
|
Re: مداخلاتى الاستكوها (Re: محمد على طه الملك)
|
Quote:
هههههههههههه
Quote: مداخلاتك الاستكوها ياكبيييير
انت لم تأتى لحوار
التجاهل
التجاهل
التجاهل
اب خشما خلا يضحك غلى اب سنينتين
قال كبير قال
ياخى انتا كمّلت كوتة يوم بى حالو
و المكضبنى يسأل ابو حسين |
انا كنت مستعد ياجلالدونا أكمل كوتات باقى الربع كلها فى البوست المعنى
عشان أصلا انا خاشيهو وخشمى خلا
انت خشيت بكامل اسنانك وطعت بى فت سنتين وهلم جرا
الحمد انك طلعت بى سنتين وماطلعت بى سنه
البطلع بى سنه بترنح فى بوستاتو
وياريتك استمريت والمهم وصلت وجهة نظرك بى عناد وقوه لانك مؤمن بيها
ماكنت تسيبوا ياخ
خليهو يمسح وانت لصق ليهو لمن يعرف ان الله حق ...
على فكره البوست بتاع الاحتراق الذاتى جميل
keep on
| |
|
|
|
|
|
|
|
|
|
Re: مداخلاتى الاستكوها (Re: ملهم كردفان)
|
حبيبنا على ود الفكى
كيفك اَزول
Quote: سلام وتحية جلالدونا
الاستيكة زي جناحي البعوضة
إن صح الحديث |
يعنى شنو يعنى
حمّالة اوجه
بالنسبة لى اخيتى ستهم
و لو معاك الدليل بى انها استكتك
برضو ليها حق غصبا عنك
و مال .. مش اختى
مناى دوام الود بيتاتكم
| |
|
|
|
|
|
|
|
|
|
Re: مداخلاتى الاستكوها (Re: جلالدونا)
|
حباب على ود البشير
Quote: عنصريين
تستاهلوا الاستكه
اكان انت اكان بت كمير |
يازول مالك ... عنصريين عديل كدى
باقيلك بنتعنصر ساى كدى
فوق عزّنا يا مان
شوايقة بلا حدود
| |
|
|
|
|
|
|
|
|
|
Re: مداخلاتى الاستكوها (Re: جلالدونا)
|
بوستينك ده خاص بأستكاتك بس والا بيتحمل أستكات تانية؟
شوف دي:
محتاج أقول المداخلة دي مشت وين؟
البوست كما هو موجود بالمنبر الآن:
المداخلة الواحدة دي ما حقتي أنا
من أمس في حوالي 10 ماخلات (عندي منهم تلاتة) ...... لكن البوست حالياً يحمل مداخلة واحدة ما زعلت فرانكلي.
| |
|
|
|
|
|
|
|
|
|
Re: مداخلاتى الاستكوها (Re: محمد أبوالعزائم أبوالريش)
|
Quote: بوستينك ده خاص بأستكاتك بس والا بيتحمل أستكات تانية؟
: |
يا حبيب البوست ده مفتوح و أى زميل او زميلة طالتو الاستكة الف مرحب به
مع انى حرمت على نفسى دخول بوستاتو لكن عشان خاترك مشيت
الظن و بعض الظن اثم يظهر لنت و الزميل على قد تأستكتم
زولك قلب كاسحة مداخلات عديل كدى
تعازينا الحارّة
| |
|
|
|
|
|
|
|
|
|
Re: مداخلاتى الاستكوها (Re: جلالدونا)
|
حباب الملك ود الملوك
كل خير ان شاء الله .. قاعدن نندب ميلة بخت مداخلاتنا ؤ بس
Quote: أشي مناحة ؤ اشي سوق عكاز..
يعني اصلو ما نمرق نقضالنا غرد |
عاد شن نسو .. كفوة ؤ جاتنا ؤ جابت معاها شماتة كمان
المارقلها أشنو ؤ الحال معطوب
من هنى ؤ لى قدّام اى مداخلة بجيب معاها صبرى تحرسا لى
قالو لميت فى بنت اللذينا ممكن تسلفنا ليها يا مولانا
| |
|
|
|
|
|
|
|
|
|
Re: مداخلاتى الاستكوها (Re: جلالدونا)
|
تعرف يا جلادونا أخوي الناس ديل غانصين بيهيني بس الزول ما يمشي ياكلو تورمة عيللي
يجي يلقاهون خربولون شي !
اكنو الزول يعني يصوم !!؟
وفي واحدن بس سوالو شعر وقلبوها لقدابة ناس جرير والفرزدق !
والناس ديل بلا شيل الحال ما عندهون شي ضوومة !
الواحد عيللي يحردلهون البيكيين دا !
الله يزوول الحيكومة دي من وشينا فيشان نشوف تاني الاستيك في شينو !
يعني القعد يأستكو في الناس ديل دايرننا نكضب ونقول القشران ديل زينيين !
ست البنات.
| |
|
|
|
|
|
|
|
|
|
Re: ذكرى الأستكة السنوية.. (Re: محمد البشرى الخضر)
|
😂😂😂😂😂😂😂
حكيتها قبل كدا .. و حا احكيها تاني و تالت و غصبا عنكم تقروها
تضحكو ما تضحكو بي راحتكم
قالو الراجل قال لي صاحبو الليلة انا براي في البيت نشيل لينا مريسة و نمشي نقيل بيها ..
قال ليه جدا ...
مشو شالو ليهم صفيحة مريسة و ماشين البيت
صاحب البيت غاشي البقالة جنب البيت
ادى صاحبو المفتاح قال ليهو امشي قدامي اغشى البقالة و بجيك
صاحبو مشى البيت دخل و قعد يقزقز
الراجل اتأخر في البقالة نقة كتيرة
جاء داخل على المطبخ خت الحاجات و غير هدومو و جاء لي صاحبو في الصالون ..
طواااالي مشى على الصفيحة عشان يبدأ ..
عاين لي الصفيحة و عاين لي صاحبو ...
دا شنو دا ... شربتها كلها ...
قال ليهو :- و الله توفيق من الله ....
😂😂😂😂😂😂😂😂😂😂
| |
|
|
|
|
|
|
|
|
|
Re: ذكرى الأستكة السنوية.. (Re: ABUHUSSEIN)
|
Quote: توفيق من الله
أها انجهونا عاد :) |
ههههههههههههههه
اللهم لا حسد
تعرف .. الزول يكون عارفك لايوووق وحا تحكها معاهو
ؤ ما حا تخليهو في حالو
قال احسن اتكافى شر الزول دا
لكن انا وأبو الجل وود خضر الاستكة محمدانا
ومالو... فلنتأستك من اجل الوطن
مافي مشكلة كعب العدم
| |
|
|
|
|
|
|
|
|
|
Re: ذكرى الأستكة السنوية.. (Re: محمد البشرى الخضر)
|
Quote: يا زووول!!
لأجل الوطن عديل كدا
كبّرتها لكن يا قريبك :) |
كبرتها كيف؟؟؟؟
والله زماان ونحنا طلاب
يكون في مسيرة لي مناسبة نحنا زاتنا ما عارفنها شنو
يجو الكيزان يقولوا لينا : اغبروا ارجلكم في سبيل الله
اها هسة نحنا بنتأستك في سبيل الوطن
المافي شنو
| |
|
|
|
|
|
|
|
|
|
Re: ذكرى الأستكة السنوية.. (Re: ABUHUSSEIN)
|
فى تطوّر لافت
الاستكة طالت التواقيع ..
كان عاجبنى توقيع قصى
الراس فيهو كتير بس خايف من خورنة بكرى و استكة الزملاء
و المشرف الما لحق يتهنّى بى توقيعو
الا بالجد زعلان لى ود البشرى بتاع اعرف الحق تعرف اهله
_________
الاستكة لنا و لسوانا
توقيعى الجديد
| |
|
|
|
|
|
|
|
|
|
Re: ذكرى الأستكة السنوية.. (Re: معاوية المدير)
|
Quote:
في استكة ليها ضل ظاهرة في الصفحة الأولى لا تخطئها العين ......
يعني كم شهيد زادوا....
و المأستكين زادوا واحد........ |
كلامك صاح
بالاضافة للتجاهلية المتعودين عليها
انا كنت شاهد عيان لى مجزرة تاريخ الوهابية
| |
|
|
|
|
|
|
|
|
|
Re: ذكرى الأستكة السنوية.. (Re: جلالدونا)
|
يا شباب .. يا مأستكين
اليوم اكتشفت ان الشريف عرفات أستك مداخلات لي في بوسته - الكل يوم بعنوان مختلف - و الغريبة ساب رده على كلامي
وزي ما قال ليك أسال مأستك ما تسأل خبير, قلنا نشوف رايكم دام فضلكم
| |
|
|
|
|
|
|
|
|
|
Re: ذكرى الأستكة السنوية.. (Re: محمد البشرى الخضر)
|
| Quote: وزي ما قال ليك أسال مأستك ما تسأل خبير, قلنا نشوف رايكم دام فضلكم |
ههههههههههههه
أخيرا
ربنا استجاب لي دعانا
كنا بندعي بظهر الغيب سراً نناجي به الله
الهم اعز المأستكين باحدي اللايوقين اوكلاهما
طبعاً ديل معروفين بالنسبة ليك
طلحتوف او ود البشرتوف
ويا سيدي الجاتك في مداخلاتك سامحتك
واستكة مضمونة ولا ردود مجهجهة
حبابك بين صحابك
| |
|
|
|
|
|
|
|
|
|
Re: ذكرى الأستكة السنوية.. (Re: Haytham Ghaly)
|
Quote: أخيرا
ربنا استجاب لي دعانا
كنا بندعي بظهر الغيب سراً نناجي به الله
الهم اعز المأستكين باحدي اللايوقين اوكلاهما |
لالالالالالالالالالالالالالالالالالالالالالالالالالالالالالالالالالا يا هيثم ياخ ....
الزول دا مأستك من زماااااااااااااااااااااااااااااااااااااااان... لكن بخجل و بتحسس شوية . ..
تصدق و تآمن أستكو ليه مداخلتين ... بعد خمسة دقائق قام فتح بيهم بوست و جاب المداخلتين مكبشرات ....!!!!!!
شفت ليك زول بكبشر مداخلاتو .....؟؟؟؟
أهو الزول دا ....
| |
|
|
|
|
|
|
|
| |
جلالدونا
صديق مهدى على
ABUHUSSEIN
عبدالحفيظ ابوسن
ست البنات
أبوبكر عباس
Salah Ahmed Ali
طلحة عبدالله
بشير أحمد
عمر التاج
نعمات عماد
معاوية المدير
ملهم كردفان
أيمن الطيب
علي محمد الفكي
على محمد على بشير
جمال خضر
Ahmed Yassin
محمد البشرى الخضر
محمد على طه الملك
محمد أبوالعزائم أبوالريش
فيس بوك
تويتر
انستقرام
يوتيوب
بنتيريست