|
|
|
 Re: ما هي حلول مشكلة شح الكهرباء في السودان (Re: أيمن محمود)
|
اسرع حل نشتري من اثيوبيا بالدين
وحتى هذا الحل مؤقت لأن وتيرة تسارع التنمية في اثيوبيا تجعلها تستغني عن بيع كهربتها
يبقى في الفترة دي ومع رخص اسعار البترول نعمل على انشاء المزيد من محطات التوليد الحراري و العمل الجدي على تطوير ابحاث الطاقة البديلة خاصة على مستوى الحلول الصغيرة و العملية التي تكفي لإنارة بيوت أو قرى و نشرها
لكن الحل الرئيس لكل المشاكل - أو معظمها - يبدا بالتغيير, لأن الوضع الحالي لن يسمح او يفكر سوى في كيفية الاستمرار و المحافظة على الوضع
| |
  
|
|
|
|
|
|
|
|
Re: ما هي حلول مشكلة شح الكهرباء في السودان (Re: محمد البشرى الخضر)
|
سلام يا أيمن
حل شنو؟ و الهدف المقصود شنو؟ هل هو توفير كهرباء لإنارة البيوت ام تشغيل تلاجة و تلفزيون و مكيفات موية ام مكيفات فيريون؟
إنتاج السودان من الكهرباء حوالي 8917 جيجاوات ساعة سنوياً و نصيب الفرد السنوي 222 كيلوات ساعة و يعني يومياً حوالي 0.6 كيلوات ساعة او متر بلغتنا
نصيب الفرد الواحد بيكفي لتشغيل 3 لمبات إقتصاديات لمدة 6 ساعات يومياً او تشغيل مكيف موية لمدة 2 ساعة يومياً او مكيف فيريون 18000 وحدة لمدة 15 دقيقة يومياً فقط
تلاجتي القاعدة في المطبخ ديك مكتوب عليها إنها بتستهلك 595 كيلوات ساعة سنوياً يعني تقريب نصيب تلاتة من ناس البيت
الجارة الصديقة أثيوبيا ليست أحسن حالاً فهي تنتج حوالي 5110 جيجاوات ساعة سنوياً و نصيب الفرد السنوي حوالي 50 كيلوات ساعة بمعدل يومي 0.15 كيلوات ساعة أي ربع نصيب الفرد في السودان
بعد سد النهضة المتوقع ينتج 15700 جيجاوات ساعة سنوياً حيرتفع نصيب الأثيوبي ل 0.6 كيلوات ساعة سنوياً و يبقى قدر نصيب الفرد السوداني
الإمارات العربية المتحدة بتنتج 111000جيجاوات ساعة سنويا نصيب الفرد في الأمارات 52 كيلوات ساعة يوميا يعني تقريبا مية مرة قدر نصيب السوداني
المملكة العربية السعودية بتنتج 292000 جيجاوات ساعة سنوياً، نصيب الفرد في السعودية 26 كيلوات ساعة يومياً يعني تقريباً 50 مرة قدر نصيب السوداني
مصر القريبة دي بتنتج 195000 جيجاوات ساعة سنوياً، نصيب الفرد في مصر 6 كيلوات ساعة يومياً يعني تقريباً 10 مرات قدر نصيب السوداني
مجموع إنتاج دول الإتحاد الأوربي 3,166,000 جيجاوات ساعة سنوياً نصيب الفرد فيها حوالي 17 كيلوات ساعة يومياً مع ملاحظة أن أغلب الأوربيين يستخدمون الغاز للتدفئة
الولايات المتحدة الأمريكية بتنتج 4,297,300 جيجاوات ساعة سنوياً نصيب الفرد فيها حوالي 36 كيلوات ساعة يومياً
السؤال: نحن التارقت بتاعنا شنو؟ عشان نحسب العجز و نشوف الحلول
_______________________
الأرقام في المداخلة دي من تقديراتي الخاصة و هي أعلى بقليل من تقديرات البنك الدولي لمعدلات إستهلاك الفرد للكهرباء
البنك الدولي إعتمد إستهلاك الفرد عند عداد البيت و أنا إعتمدت نصيب الفرد عند محطة التوليد لأغراض المداخلة دي
| |
|
|
|
|
|
|
|
|
|
Re: ما هي حلول مشكلة شح الكهرباء في السودان (Re: علي الكرار هاشم)
|
أيمن دياب - العن ابو الضلام - أها وبكرة الاحد نعمل شنو؟
عايزين حلول عاجلة - السودان ده ما حق الجماعة ديل - مسؤولين منو كلنا الآن !
على الكرار - التجارب السابقة في بناء السدود شهدت فساد كبير جدا - على مستوى الجدوى، التخطيط، التنفيذ - الضمان شنو لجدواها الاقتصادية - وحا تحتاج لكم سنة قدام - احنا عايزين حلول الآن!
| |
|
|
|
|
|
|
|
|
|
Re: ما هي حلول مشكلة شح الكهرباء في السودان (Re: Hafiz Bashir)
|
حافظ بشير طممت بطنا ياخ 
| Quote: حل شنو؟ و الهدف المقصود شنو؟ هل هو توفير كهرباء لإنارة البيوت ام تشغيل تلاجة و تلفزيون و مكيفات موية ام مكيفات فيريون؟ |
| Quote: السؤال: نحن التارقت بتاعنا شنو؟ عشان نحسب العجز و نشوف الحلول |
المرحلة دي عايزين كهرباء "تمشي الحال" في البيوت وأماكن الشغل بس - ما عايزين للتصنيع والزراعة ... الخ - خلونا نتعدى المرحلة دي !
يا الواحد ما بقدر يفكر ذاتو ونافوخو فاير !
| |
|
|
|
|
|
|
|
|
|
Re: ما هي حلول مشكلة شح الكهرباء في السودان (Re: مهند سوركتي)
|
أيمن محمود .. لك .. سلامى و تحياتى و للمتداخلين أيضاً
أول شى أهنيك على البوست دا مقدماً لأنو يطرق واحدة من أهم مشكلات
السودان سابقاً و حالياً و مستقبلياً .. لن الكهرباء هي عصب الحياة الحديثة
و أهم مقومات التنمية بكافة أنواعها الحياتية المختلفة ..
تانى شى .. شكراً للأخ أو إبن الأخ / حافظ بشير في تقريب البيان بالعمل
و هذه الأرقام التي ذكرها تقرب الحديث و التفكير في الحل مباشرة بعد
تحديد المنتج حالياً من الكهرباء في السودان و المطلوب لسد النقص
و إن كانت الأرقام تقريبية إلا انه يمكن الإستئناس بها لحساب الفارق .
و الأهم إنو السودان لكل السودانيين و هذه الحكومة ليست مخلدة فيه
فإن أصر الناس على ان تزول الحكومة ثم يفكرون في الحلول فقد
يطول الأمد أو يقصر لأنه بيد الله أولاً و أخيراً و لكن الفهم السليم
في إيجاد الحلول من أجل مساعدة الإنسان البسيط في البلد و الذى
لا دخل له بالحكومة أو المعارضة إلا وجوده كمواطن سودانى
بإرادة الله فقط ..
أذكر خلال حكم الراحل نميرى و قبل إنشاء محطة برى الحرارية
كان كل الناتج من كهرباء السودان حوالى 130 ميغا وات و كان
بالسودان حوالى 914 مصنعاً للصناعات الخفيفة معظمها في العاصمة
المثلثة و هي لبعض منتجات الإستهلاك اليومى و كلها تعمل بكفاءة
لأنها لا تحتاج لسعات عالية من الإمداد ... و أيضاً لأن الغالب الأعم
من أقاليم و أرياف السودان لا يتمتع بوصول الشبكة إليه و التي هي أساساً
من النيل الأزرق ... الآن و كما قال حافظ يبلغ الإمداد قرابة التسعة آلاف
ميجا و مع ذلك بالكاد تغطى 40 % من حوجة البلاد و ذلك لتنامى عدد
السكان و هجرتهم من الأرياف و تكدسهم في المدن فقط و خاصة العاصمة
إضافة لتعدد الصناعات و منها الآن صناعات ثقيلة تحتاج سعات عالية
من الوحدات الكهربائية و كذلك المشاريع الزراعية و ما يزال التوليد المائى
هو المجال الرئيسى لإنتاج الكهرباء في السودان ...
من وجهة نظرى أنه يمكن إستغلال الطاقة الشمسية و التي أصبحت الآن
مدخلات إنتاجها متوفرة و متطورة جداً قياساً للماضى كما أنها يمكن أن
تصنع في السودان بدءاً من الشرائح الزجاجية و الكوابل و البطاريات
إلى المحولات اللازمة لها .. و أيضاً إستغلال الرياح في الأقاليم التي
تتوفر فيها الرياح لأطول مدة في العام و إستغلالها لإمداد المساكن
و المشاريع الزراعية لأنها أقل كلفة و يمكن إنشاؤها حيث الحاجة
إليها ... و هناك التوليد بالطاقة النووية إلا انه غير مجدٍ في الوقت
الراهن لتكلفته العالية و خطورته البالغة إذا لم يتم التعامل معه
بإحترافية شديدة و مهارات تقنية عالية ...
عتبى على الحكومة الحالية إصرارها على التوليد المائى من خلال
إقامة السدود دون النظر بحكمة لتأثر الإمداد المائى عبر النيل الأزرق
و النيل الأبيض إذا أصرت كل دولة من الدول التي يمر بها هذان النهران
قبلنا على عمل سد أو سدود كما نعمل .. عند ذلك تكون قد جمدت مبالغ
ضخمة تترتب عليها ديون و فوائد مرهقة بدلاً عن إقامة مشاريع الطاقة
الشمسية و الرياح التي لا يتحكم فيها إلا الله و هي سهلة الصيانة و قليلة
التكاليف قياساً بالسدود ... و ليت الحكومة إستعانت بأهل الخبرة من أبناء
الوطن على إختلاف ميولهم بدلاًعن الإستعانة بالأكاديميين فقط مع كامل
الإحترام لوجهة نظرهم و لكن كما يقول المثل الإنجليزى :
TWO CAN DO SOMETHING WHICH IS IMPOSSIBLE
FOR ONE TO DO ALONE ..
و ما خاب من إستخار و ما ندم من إستشار ...
و أسأل الله ان يصلح حال بلادنا و يخفف بلاويها بكرمه و رحمته ..
| |
|
|
|
|
|
|
|
|
|
Re: ما هي حلول مشكلة شح الكهرباء في السودان (Re: مامون المعتصم أحمد)
|
شكرا أخ باشمهندس أيمن محمود على البوست الهادف
الكهرباء أصبحت هم الجميع
شح الكهرباء يؤدي لعدم الثقة في ما تقوله الحكومة فاسترجاع الدعايات التي صاحبت انشاء سـد مــروي يعيد لنا أقوال المسئولين الحكوميين بدءا من أعلى المستويات بأن مشكلة الكهرباء في السودان إلى انتهاء
الآن الحل في الطاقة الشمسية
وهو حل فردي ومتعدد الحلول وحسب الميزانيات وأهم شئ أنه لا يمر من خلال الحكومة
أحمد الشايقي
| |
|
|
|
|
|
|
|
|
|
Re: ما هي حلول مشكلة شح الكهرباء في السودان (Re: محمد الزبير محمود)
|
Quote: فإن أصر الناس على ان تزول الحكومة ثم يفكرون في الحلول فقد
يطول الأمد أو يقصر لأنه بيد الله أولاً و أخيراً و لكن الفهم السليم
في إيجاد الحلول من أجل مساعدة الإنسان البسيط في البلد و الذى
لا دخل له بالحكومة أو المعارضة إلا وجوده كمواطن سودانى
بإرادة الله فقط .. |
سلام يا مامون, ليه بنقول التغيير أولا, لأن أي حل مهما كان عملي وفعّال و بسيط لن تأخذ به الحكومة طالما ما فيه عمولات او فوائد شخصية لأولي الأمر كما عوّدونا دائما
و يفضلّوا عليه الطريقة الصعب و الأكلف حتى لو مثبت فشلها من قبل طالما فيها فوائد و عمولات و الذي منه
الناس ديل لا يخافون الله في البلد بل ولا يعتبرونها بلد اصلا, الوظيفة و موقع المسؤولية عندهم وسيلة للغنى ومأكلة حتى يقضي الواحد منهم مدته و يذهب
فا مش الكهرباء بس كتير من مجالات الحياة لن ننجح او نتقدم فيها شبر إذا لم يتغيّر الوضع الحالي
| |
|
|
|
|
|
|
|
|
|
Re: ما هي حلول مشكلة شح الكهرباء في السودان (Re: محمد الزبير محمود)
|
| Quote: فإن أصر الناس على ان تزول الحكومة ثم يفكرون في الحلول |
ليس إصرار الناس ولكن الإنقاذ منذ ان حكمت لا تسمع الا صوتها هي و تصر ان اعوجها عديل و عديل الناس اعوج واي مواطن بيقيف عشان يقول دا غلط
مصيرو بقا معروف.
الضجة الصاحبت سد مروي وعدت بان الكهرباء سيتم بيعها لمصر و تشاد و اثيوبيا ... مدير الهيئة القومية للكهرباء مكاوي بعد ان شبع من المداراة و الكضب قال
قولته المشهورة ( لن تدخل كهرباء سد مروي الشبكة القومية الا بعد ان يلج الجمل سم الخياط) فتمت اقالته . فهل تمت محاسبة أي فرد من المخططين للمشروع و المنفذين
او المهللين. وهل اعتذرت الحكومة لدافع القروض والضرائب عن هذا الفشل الزريع؟
| |
|
|
|
|
|
|
|
|
|
Re: ما هي حلول مشكلة شح الكهرباء في السودان (Re: عبداللطيف حسن علي)
|
Quote:
Mohd Bk
المشكلة في زيادة الانتاج والتوليد ومواكبة الاستهلاك بما في ذلك كل العمليات التشغيلية من صيانه وتجديد وغيره ولكي يتم ذلك لابد من ان يكون للدولة مصدر لتمويل ذلك بما يقدر تقريبا بحوالي 15 مليار دولار و ده طبعا غير متوفر. إذن اولا لابد من رفع الدعم وفورا وثانيا الاستفادة من التمويل المتوفر حاليا من السعودية لتشييد السدود ومحطة البحر الأحمر و ادخال محطة الفوله وثالثا توفير الصيانه والوقود للمحطات الحرارية المتوفرة ورابعا عدم التوقف عن محاولات الحصول علي تمويل لبناء وحدات إضافية وأخيرا ادخال ثقافة الطاقة الشمسيه وخاصة الوحدات الصغيرة للمنازل و المناطق الريفية و انشاء مصانع انتاج خلاياها بالبلاد والسعي قدر الممكن اكتساب خبرات تصنيعها وانتاجها محليا . |
| |
|
|
|
|
|
|
|
|
|
Re: ما هي حلول مشكلة شح الكهرباء في السودان (Re: أيمن محمود)
|
Quote: sanad Ali Ahmed
السلام عبيكم
الحل اولا -
هو في تنويع مصادر التوليد . محطات توليد غازية - محطات توليد حرارية - محطات توليد نووية - محطات توليد مائية - محطات طاقة شمسية - مزارع توربينات للتوليد من طاقة الرياح في المناطق التي تكون فيها الرياح مستمرة ( في البحر الاحمر والفاشر )
و بتنويع مصادر التوليد نضمن شبكة كهربائية مستقرة و اذا خرج مصدر او مصدرين باسباب طبيعية ( مثل انخفاض مستوي المياة عن المصادر المائية ) - او سياسية (مثل حظر قطع الغيار ) - اقتصادية ( مثل ارتفاع اسعار الوقود)
- لا تتاثر الشبكة بخروج مصدر للاسباب المذكورة
ثانيا :-
من المعروف ان عامل الطلب علي الكهرباء لاينقص و يوميا في ازدياد لذلك لابد من وجود خطط و برامج لاتقبل التـأجيل لمقايلة هذا الاستهلاك المتزيد يوميا وذلك يا نشاء محطات التوليد جديدة وتوسعة الشبكة وخفض الهدر في الطاقة . اي تاجيل سوف نجد ان الطلب علي الكهرباء اكبر من الطاقة المولدة
زي المشكلة الحاصلة الايام دي
المهندس مكاوي محمد عوض كان ماشي في هذا الاتجاة بتنويع مصادر التوليد و الخطط المستقبلية لمواجهه الطلب المتزايد لكن الظاهر الدولة كانت تري خطط وبرامج مكاوي ضياع للمال و جاء اسامة عبد الله وقال انه سوف يعتمد علي الطاقة المائية الرخيصة فقط وكانت نظرته قاصرة والعجز الذي ظهر الايام دي نتيجة لنظره اسامة القاصره.
ولسة الغريق قدام اذا الحكومة مصرة علي مصدر واحد وهو توليد الطاقة المائية من السدود |
| |
|
|
|
|
|
|
|
|
|
Re: ما هي حلول مشكلة شح الكهرباء في السودان (Re: أيمن محمود)
|
السلام عليكم
ألأخ ايمن وضيوفه
الطاقة مصادر الطاقة البديلة المشاكل و الحلول
الطاقة الشمسيه هي انتاج الطاقة الكهربائية من طاقة الشمسية من خلال الخلايا الفولتيضوئية - تقريبا اسمها كدا - من اسقاط اشعة الشمس في عدة انواع منها الرخيص ومنها الغالي وزي
مابقولو الغالي بي غلاتو يضوقك حلاتو و الريخص بي رخصتو يضوقك مغستو انو الرخيص بينتج قليل ويستخدم في المزارع الضخمه و المتوسط لي البيوت - كفاءة كويسه تصل
لي 80 او 85% - و في الغالي بي كفاءة عاليه في مجموعه من المشاكل انو توليد الكهرباء مربوط بي عملية عكسيه مع درجة الحرارة كلما زادت درجة الحرارة قل التوليد وكلما قلت درجة الحرارة زاد
التوليد ودي ممكن تتحل بي عمليه بسيطه في المزارع الضخمه يتم رش مياه في الألواح الطاقة بتعمل علي تبريد اللوح وفي رفع كفاءة الإنتاج في مشكله تانيه بتختلف حسابات التوليد يعني انحنا في السودان
عندنا سطوع الشمس بيكون حوالي 12 ساعه هل كلها صالحه لي الإنتاج لأ بتستفيد فقط من حوالي 6 ساعات متوسط من 12 ساعه ودي بتلقي في جدول في ناسا بوريك كمية الطاقة الجاية من الشمس وكم ساعه
ممكن تولد منها حسب كل موقع في مشكله تانية هي التخزين او الإستفادة من الطاقة في وقت لايوجد توليد في انواع منها البطاريات ومنها طرق معينه في تخزين الطاقة - اغلبها كيميائية - دي طبعا مكلفة جدا عشان
كدا بتلقي التوجه لي الطاقة الشمسيه كمساند ثانوي لي انواع التوليد أهم ميزه فيها ان تكلفة الإنتاج فيها 10 أو أقل منها مقارنة بي ناس الحراري أو الغازي
طاقة الرياح ودي هي عمل توربينات لإنتاج طاقة الكهربائية من الرياح عن طريق انشاء بروج تحمل ريش بتلف مع الهواء بتلف التوربين ويولد كهرباء بتعتمد علي سرعة الرياح مفروض حسب التوليد بتوضع جدول
بوريك طول الإرتفاع و سرعة الهواء المطلوبة من اقل إلي اقصي سرعة بعد داك بتشتغل الفرامل عشان الريش ماتتكسرفي انواع منها البحري ومنها البيكون في الأرض ساكت اهم ميزه هي انها بتديك كهرباء بالليل
وبالنهار لكن مربوط بي الهواء و الرياح يعني في هواء في كهرباء ومافي هواء مافي انتاج دايما هي و الطاقة الشمسية بيشتغلو بيهم الإتنين مع بعض عشان يدي اكبر قدر من الإستمرار في الإنتاج مما يعني تقليل الحوجة
لي البطاريات وبرضو غير مستقر وماممكن تعتمد عليهو بي نسبه كبيره
الدول كلها بتلقي نسبة الطاقة البديلة لاتتعدي 20 إلي 30 % واهم سبب غير تكلفة إنشاء هو عدم استمرار الإنتاج أو عدم استقراره عشان كدا بتلقاها موجهه مثلا لي الزراعة علي انو المزارعين مايسقو بالليل لأ يسقو بالنهار
عشان يولد طاقة من الشمس في انارة علامات المرور وفي اضاءة الشوارع وغيرها من الإحتياجات الممكن تقلل ليك من الإحتياج لي الطاقة من التوليدات الأخري بستفيد منها في تقليل تكاليف الكهرباء في المنازل والمؤسسات الحكومية
ودا لحدي ما يجي زول دارس في الموضوع دا يقدر يفتي لينا ويدينا الخبرة العندو
والسلام عليكم
| |
|
|
|
|
|
|
|
|
|
Re: ما هي حلول مشكلة شح الكهرباء في السودان (Re: أيمن محمود)
|
السلام عليكم
ألأخ ايمن وضيوفه
الطاقة مصادر الطاقة البديلة المشاكل و الحلول
الطاقة الشمسيه هي انتاج الطاقة الكهربائية من طاقة الشمسية من خلال الخلايا الفولتيضوئية - تقريبا اسمها كدا - من اسقاط اشعة الشمس في عدة انواع منها الرخيص ومنها الغالي وزي
مابقولو الغالي بي غلاتو يضوقك حلاتو و الريخص بي رخصتو يضوقك مغستو انو الرخيص بينتج قليل ويستخدم في المزارع الضخمه و المتوسط لي البيوت - كفاءة كويسه تصل
لي 80 او 85% - و في الغالي بي كفاءة عاليه في مجموعه من المشاكل انو توليد الكهرباء مربوط بي عملية عكسيه مع درجة الحرارة كلما زادت درجة الحرارة قل التوليد وكلما قلت درجة الحرارة زاد
التوليد ودي ممكن تتحل بي عمليه بسيطه في المزارع الضخمه يتم رش مياه في الألواح الطاقة بتعمل علي تبريد اللوح وفي رفع كفاءة الإنتاج في مشكله تانيه بتختلف حسابات التوليد يعني انحنا في السودان
عندنا سطوع الشمس بيكون حوالي 12 ساعه هل كلها صالحه لي الإنتاج لأ بتستفيد فقط من حوالي 6 ساعات متوسط من 12 ساعه ودي بتلقي في جدول في ناسا بوريك كمية الطاقة الجاية من الشمس وكم ساعه
ممكن تولد منها حسب كل موقع في مشكله تانية هي التخزين او الإستفادة من الطاقة في وقت لايوجد توليد في انواع منها البطاريات ومنها طرق معينه في تخزين الطاقة - اغلبها كيميائية - دي طبعا مكلفة جدا عشان
كدا بتلقي التوجه لي الطاقة الشمسيه كمساند ثانوي لي انواع التوليد أهم ميزه فيها ان تكلفة الإنتاج فيها 10 أو أقل منها مقارنة بي ناس الحراري أو الغازي
طاقة الرياح ودي هي عمل توربينات لإنتاج طاقة الكهربائية من الرياح عن طريق انشاء بروج تحمل ريش بتلف مع الهواء بتلف التوربين ويولد كهرباء بتعتمد علي سرعة الرياح مفروض حسب التوليد بتوضع جدول
بوريك طول الإرتفاع و سرعة الهواء المطلوبة من اقل إلي اقصي سرعة بعد داك بتشتغل الفرامل عشان الريش ماتتكسرفي انواع منها البحري ومنها البيكون في الأرض ساكت اهم ميزه هي انها بتديك كهرباء بالليل
وبالنهار لكن مربوط بي الهواء و الرياح يعني في هواء في كهرباء ومافي هواء مافي انتاج دايما هي و الطاقة الشمسية بيشتغلو بيهم الإتنين مع بعض عشان يدي اكبر قدر من الإستمرار في الإنتاج مما يعني تقليل الحوجة
لي البطاريات وبرضو غير مستقر وماممكن تعتمد عليهو بي نسبه كبيره
الدول كلها بتلقي نسبة الطاقة البديلة لاتتعدي 20 إلي 30 % واهم سبب غير تكلفة إنشاء هو عدم استمرار الإنتاج أو عدم استقراره عشان كدا بتلقاها موجهه مثلا لي الزراعة علي انو المزارعين مايسقو بالليل لأ يسقو بالنهار
عشان يولد طاقة من الشمس في انارة علامات المرور وفي اضاءة الشوارع وغيرها من الإحتياجات الممكن تقلل ليك من الإحتياج لي الطاقة من التوليدات الأخري بستفيد منها في تقليل تكاليف الكهرباء في المنازل والمؤسسات الحكومية
ودا لحدي ما يجي زول دارس في الموضوع دا يقدر يفتي لينا ويدينا الخبرة العندو
والسلام عليكم
| |
|
|
|
|
|
|
|
|
|
Re: ما هي حلول مشكلة شح الكهرباء في السودان (Re: Mohd Ibrahim)
|
باشمهندس أيمن
تحياتي
| Quote: ما هي حلول مشكلة شح الكهرباء في السودان |
الشباب اجتهدوا معاك في ابداء وجهة نظرهم وتفاعلوا مع الموضوع وإنت رأيك شنو .... هذه أولا
وإنت سيد العارفين لم يزل إقتصادنا بالسودان ضعيف بل وضعيف جدا مقارنة بالدول التى نقارن
بها إستهلاكنا للكهرباء، وبسبب أخطاء كثيرة في تضخم المدن لدينا بسبب الحروب وقلة الأمن و
حاجات أخر مما زود الحاجة للكهرباء بصورة مبالغ فيها وبالتالي أي بحث لحل هذه المشكلة وفي
الظروف الاسثنائية الحالية غير مجدي نهائيا... عليه أتصور أن تعالج تلك المشاكل حروب صفر
نزوح صفر تعود القرى والفرقان كما كانت ستنخفض الحاجة للكهرباء بالخرطوم وكثير من المدن
لأقل من 50% والله أعلم. حينها تبدأ الحلول الجذرية بطاقة من مولدات كبيرة للقرى الكبيرة Cat.D399
وغيرها من المولدات ما فوق ال 1000KVA والعاملة بالفرنس، تكلفة تشغيل منخفضة وطاقة توليد عالية
ومحطات بالقرى والفرقان وسيرجع الإنتاج للخامات كما كان ويشتغل الصادر وينقص الوارد ويتشافي
الاقتصاد ...فالمشكلة تراكمية وسببها الأساسي قلة الأمن... فليتوفر الأمن ,,, ستتوفر الخدمات وتحدث
طفرة وإلا فلا...........هذا ثانيا وأخيرا...
| |
|
|
|
|
|
|
|
|
|
Re: ما هي حلول مشكلة شح الكهرباء في السودان (Re: حماد الطاهر عبدالله)
|
الواحد لو عرف حقيقة سد مروي ، والهالة والشنة والرنة والآلة الإعلامية الضخمة لكنا إرتحنا .
أين الاكتفاء وأين التصدير !!!! ؟؟؟
في الوقت الراهن صعب ،،، صعب خالص ... ربما الحل الاقتصادي الأفضل في شمسنا المشرقة والمحرقة في آن واحد .
كان الله في عوننا ..... فقط عليكم الصبر وجزاكم إن شاء الله الجنة .... بس لازم تصبروا ....
| |
|
|
|
|
|
|
|
|
|
Re: ما هي حلول مشكلة شح الكهرباء في السودان (Re: ولياب)
|
| Quote: الشباب اجتهدوا معاك في ابداء وجهة نظرهم وتفاعلوا مع الموضوع وإنت رأيك شنو |
حماد الطاهر سلامات
رأيي انها تتخصخص ،،، يترك أم توليدها ونقلها للقطاع الخاص مع السماح للرلغبين بتوليد كهربتهم الخاصة
كل ذلك بضوابط يمكن وضعها بالاستفادة بتجارب دول عديدة جدا
| |
|
|
|
|
|
|
|
|
|
Re: ما هي حلول مشكلة شح الكهرباء في السودان (Re: أيمن محمود)
|
السلام عليكم ورحمة الله وبركاته أخي أيمن وضيوفك الكرام هذا موضوع مهم ويستحق النقاش المستفيض ظني أن مشكلة الكهرباء والمياه والإتصالات والخدمات عموماً في السودان لن تحلها إلا شركات متعددة الجنسيات متخصصة في مجالات إنتاج الطاقة بالطرق التقليدية والطرق الحديثة التي تعتمد علي الطاقة النظيفة هذه المشروعات تحتاج إلي بلايين الدولارات وليس في مقدور حكومة السودان ولا القطاع الخاص في السودان توفير هذه المبالغ الكبيرة ولا أعتقد أن مشروعات الطاقة مشمولة بالخطر الأمريكي وذلك يتمشي مع سياسة تحرير السوق التي تزعم الحكومة أنها تطبقها
| |
|
|
|
|
|
|
|
|
|
Re: ما هي حلول مشكلة شح الكهرباء في السودان (Re: محمد الحسن حمدنالله)
|
الاخ أيمن
بتن تحياتي
فكرة الخصخصة سلاح ذوحدين. الكهرباء بدأت في السعودية بمولد كهرباء جلبته شركة الراشد ببريدة، ثم آلت المسألة للدولة السعودية
في عهد المؤسس عليه رحمة الله ثم تطورت وأصبحت شركة حكومية بأساليب العمل الخاص. أما الخصخصة بالسودان يفهمونها كانها
مشروع خفض تكاليف بالطريقة التقليدية وهي فصل الناس وتقليص العمل بينما الحد الآخر منها هو تجويد الأداء وتوسيع المواعين لإستيعاب
كل الموارد المتاحة ومع زيادة التجويد والإستغلال يحدث خفض التكلفة. فقد رأيت بعض الخصخصة بالسودان شردت بعض أكفأ العاملين.
احسن لا تسمع الدولة وبعض الإداريين البائسين هذا المقترح..........
| |
|
|
|
|
|
|
|
|
|
Re: ما هي حلول مشكلة شح الكهرباء في السودان (Re: أيمن محمود)
|
سلام أيمن وصحبه الكرام
ما بنى على باطل فهو باطل .. ولا يستطيع النظام القائم خدمة المواطن أو الوطن
لأنه في الأساس فكرة المواطن .. الوطن والمواطنة شائهة لديهم
وحتى إن إتجه الناس للعون الذاتي (الزمااان داك)
تأكد أن ريعه سيذهب لدعم المجهود الحربي أو استولت عليه المحلية .. الولاية .. الوزارة
وما بعيد يذهب لدعم الهيئة العليا لتعظيم شعيرة الصلاة أو شنو كدا ما عارف
| |
|
|
|
|
|
|
| |
أيمن محمود
محمد البشرى الخضر
Hafiz Bashir
علي الكرار هاشم
احمد الشيخ
aosman
مهند سوركتي
مامون المعتصم أحمد
أحمد الشايقي
عبداللطيف حسن علي
Muhamed Hassan Abdalla
mustafa bashar
Mohd Ibrahim
ولياب
عمر أبوعاقلة
فيس بوك
تويتر
انستقرام
يوتيوب
بنتيريست