بسم الله الرحمن الرحيم اخى العزيز و استاذى الفاضل انور سيد ابراهيم نبارك لك الشهر الكريم و تقبل الله منا و منكم صالح الاعمال .. لابد و ان تراعى ادارة التليفزيون ما يدور فيه و ان تراعى و تضبط ما يقال و يصل الى بيوتنا ..
انا .. لو كنت المسؤول لما اوقفت هذا البرنامج فحسب .. و انما احاسب القائمين عليه فى مقدمتهم مدير التليفزيون ..
06-08-2017, 09:24 AM
ANWAR SAYED IBRAHIM
ANWAR SAYED IBRAHIM
تاريخ التسجيل: 12-02-2014
مجموع المشاركات: 900
الاستاذ أنور تحية طيبة حلقة كانت مخجلة وفيها كمية من العبط والسماجة ، و حقيقة كان فى رقيب كان قطع البرنامج ونزل مقطوعة موسيقية ، بعدين يفردوا لى عاصم البنا حلقة كاملة يتكلموا عن غناهو انا ما بعرف غنية لى عاصم البنا غير منو السمح ياهو السمح يعنى هو بلغ مرتبة الكبار ناس الكاشف وحسن عطية وعثمان حسين ؟ ! ثانيا بيقولوا الهدف من البرنامج تعريف الشباب باغانى الكبار هل لحق الشباب ان ينسى غنا عاصم البنا وهو المعاصر ومنتشر فى بيوت الأفراح والقنوات السودانية مال عام مهدر بلا تدبر ولا بصيرة إدارة النيل الأزرق فاشلة والسر قدور اصبح ظاهر من ظواهر المجتمع السوقى
06-10-2017, 07:55 AM
ANWAR SAYED IBRAHIM
ANWAR SAYED IBRAHIM
تاريخ التسجيل: 12-02-2014
مجموع المشاركات: 900
سلام أنور، شنو يا أخينا، قصة لو كنت مسؤول دي؟ زول عندو قناة تلفزيونية وداير يبث ما لا يتعدى قانونيا على زول؟ مسؤول دي تقصد بيها انك تكون سيد القناة؟ زمن الأبوية (من ابو) انتهى حاليا كل فرد في الدنيا عندو قناة في اليوتيوب
06-10-2017, 07:22 PM
ABDALLAH ABDALLAH
ABDALLAH ABDALLAH
تاريخ التسجيل: 08-26-2007
مجموع المشاركات: 7628
تحياتى الأخ العزيز أنور حسب وجهة نظرى أن من يحمل غبينه تجاه عمنا الأستاذ السر قدور إستغل زَلة الفنانه مكارم بشير فى تلك الحلقه وصوب كل سهامه نحو عمنا السر قدور وبرنامج أغانى وأغانى . ومن العدل أن نكون منصفين فبرناج أغانى وأغانى أثبت نجاحه بدليل إستمراره لأكثر من عشرة سنوات بمساندة ومشاركة فطاحلة فن الغناء السودانى ومنهم الفنان محمد الأمين والفنان صلاح بن الباديه والفنان محمود تاور وغيرهم . من ناحيه أخرى الأستاذ السر قدور هو شاهد عصره فى معايشته ومشاركته مراحل تطور الأغنيه السودانيه من زمن الطنابره ثم الإيقاع والشيالين إلى مرحلة الغناء الحديث وعاصر إنشاء إذاعة إم درمان شاعراً غنائياً وممثلاً ومقدم برامج وموثقاً لهذا المجال الثقافى الأصيل فمن العدل إنصاف الرجل بدل العمل لإغتيال شخصيته . من ناحيتى أقدر هذا الرجل وأشيد بإستمراريته فى العطاء الفنى ولتوثيقه لثقافة فن الغناء السودانى من زمن كرومه وسرور إلى زمن مامون سوار الدهب ومكارم بشير . ربنا يديهو العافيه .
06-11-2017, 02:01 PM
othman mohmmadien
othman mohmmadien
تاريخ التسجيل: 12-13-2002
مجموع المشاركات: 4732
أطيب تحية وتقبل الله صيام الجميع ... ربما تعني سمح السجايا والصفات ... الكلمة أتت نتاج إنفعال عفوي لشخص ما أو فنان كان موضوع الحلقة ... لا تحملوا الموضوع أكثر مما يجب...، البرنامج رائع وجميل ويمكن أن يستمر لعدة سنوات وطرح انماط غناؤنا الجميل العفيف
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة