طفلة تذكرك بالشافع الواجه موكب فرعون وقال ليهم الملك عريان في وقت الجميع كان بمارس التقية أمجد نورالدين يفشل في المواقف الكبيرة البتميز المذيع الحصيف من المذيع العادي مافي داعي الأستاذ أمجد لأنه الشافعة رغم إنه عمرها 12 سنة لكنها ذكية ومتميزة وعندها إستعدادات كويسة إنها تكون إعلامية في المستقبل يروح يخفف دمه ويسألها هل عندها تصور لحل مشاكل البلد الإقتصادية؟ يا أستاذ أمجد بتدخل نفسك في الخطوط الحمراء مالك؟ أها الليلة أرجى قرصة الأضان تخيلوا البت كان ردها شنو؟ البت قالت ليه الحل إنه الشعب يطلع مظاهرات لأنه مادام الحكومة مستمرة في البتعمله دا والشعب مستكين فلينتظر المزيد من المعاناة رغم إنه أمجد وزميلته حاولوا يغيروا الموضوع والإشارة لأنه المظاهرات والتخريب ما هو الحل بل الشعب ذاته ما قاعد يشتغل
بحثت في النت عن منو امجد شيخ الدين ده - لأني كنت خاتي لي مذيع في بالي بعتبره قمة البياخة - بالكتير ينقل مراسم تشييع المشاهير! لقيتو ياهو ذاتو البتتكلمو عنو ... يعلم الله لو بحثتو وراه تلقو قريب عمر الجزلي
Quote: بحثت في النت عن منو امجد شيخ الدين ده - لأني كنت خاتي لي مذيع في بالي بعتبره قمة البياخة - بالكتير ينقل مراسم تشييع المشاهير! لقيتو ياهو ذاتو البتتكلمو عنو ... يعلم الله لو بحثتو وراه تلقو قريب عمر الجزلي
ياهو ذاته يا أيمن ويعتبر من القدام في القناة زمان كان بيحاول يخفف دمه تطلع درابة كبيرة لكن إتطور كتير ما أظن الموضوع دا يمر بدون محاسبة لكن عليك الله فكرة إنه الشعب مستكين مش فكرة قوية
Quote: هل كانت الحلقة على الهواء مباشرة..؟؟ لأني ما بحضر تلفزيونات السودان بالساهل والله الجيل الحديث ممكن يتحدث إليك في الانتخابات الأمريكية .... صدق والله كما له المقدرة على الحديث عن أي حاجة .. كل حاجة امجد نور الدين دا من زمان أفراح أفراح لم ينجح
أي ولله أخي عبد العزيز الشغيل الحلقة كانت على الهواء مباشرة وإلا لكان قطعوا الجزء دا على أقل تقدير والبرنامج دا دايماً بيبث على الهواء مباشرة عشان كدا مفروض المذيع يكون حريص ودا الخلاني أنا ذاتي أحك راسي وأنا بسمع فيها ولا جايبة خبر لخطوط حمراء تحكم الكلام في التلفزيون ولله خلي أمجد وزميلته أنا قربت أقفل أضنيني البت بتتكلم بتلقائية وما قادرين يوقفوها المشكلة لو ناس الأمن إتخيلوا إنها جابت الكلام دا من الناس الحولها تكون منتظرة جلدة في البيت
Quote: اذا كان هذا هو وعي طفلة عمرها 12 سنة فنهاية الانقاذ وشيكة بلا شك
تحياتي صباح والشغيل
الشافعة شديدة ولضيضة يا هيثم لكن ما عارفة لو كانت واعية بمعنى الكلام البتقولوا دا ولا دا البتسمعه من الحولها لكن كونها طفلة اعتقد لو البشير ذاته سمعها حيضحك من قلبه
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Hatim Alhwary
أيمن محمود
فيس بوك
تويتر
انستقرام
يوتيوب
بنتيريست