اخونا حرسم ليه سايقنا للحتة دى واخونا بى غادى قال الرسول يا ناس شوفو حالا والساق مليان لى نعالا و يا ناس صلّو على جمالا ____ الفنان سابقا و المادح حاليا و صديق الاسرة الجيلى الشيخ كان دايما رقم هام فى مناسباتنا الصغيرة و كانت يا مولاي متعة المتعة فى يوم زواجى ترنم بها و عينك ما تشوف الا النور اهلك الشوايقة رفضو تب يسمعو غيرا تكمل يطلبوها تانى شغل كده تحس بيهو كده مش عارف كده شنو داك تقول لى اذاعة هى بتقدر على جنس النضم ده با مولاى اه من غلبى من النار حرقت قلبى
04-19-2016, 10:44 PM
عبدالعزيز الفاضلابى عبدالعزيز الفاضلابى
تاريخ التسجيل: 07-02-2008
مجموع المشاركات: 8199
اقسم بالله العظيم ولو داير سودانيتك تلقاها فى الطين الصبغ عراريق ترابلتنا و انين و حنين سواقينا و ترمة معطونة بالطمى الجميع يتقاسما و القلب مليان رضا و الهم سجم ..رادم الكل ..و مع الضيق تتمدا الايد لو تلحق غيرا ده محل القاك و تلقانى و تلقى سودانيتك و سيبك من الناس القالو على الانانية و الانكفاء على الذات خصوصية
04-20-2016, 09:22 AM
ALWALEED ALSHEIKH ALWALEED ALSHEIKH
تاريخ التسجيل: 01-11-2013
مجموع المشاركات: 884
تحياتي أستاذنا الجميل حرسم واحدة من أجمل المقاطع التي قيلت في هذا( السياق ) ما كتبه شاعر آسيا ود الزومة شاهد الله ان وقفت عديل تشوف وشيك في ساقا في الليل و ليتك بحسك الأدبي الراقي تطوف بنا في تلك المعاني النابعة من صميم البيئة و دلالاتها في القصيدة مثل أمك ذاتا هي نطفة حلال آسيا تبشة و لقت الرمال أو العجو الجايّ من المحوس وأن عول ما بينقرو السوس المفلس شن داير يكوس بس يعاين ويشبع مغوص تحياتي و احترامي
04-20-2016, 05:56 PM
محمد عبد الله حرسم محمد عبد الله حرسم
تاريخ التسجيل: 01-25-2013
مجموع المشاركات: 4492
الجميل حرسم نهارك ورد وياسمين ومشتاقين ياخ لك التحية وانت تنثر الجمال والصور الزاهية أينما حللت...
الزول دا ممكن يكون شاف عديل... بلدنا دي لي هسي تلقى فيها الحبوبات بحشن في القيزان في بعض المناطق وصدورهن كاشفات اتقاء لحر "الضهرية" دون ان يثير ذلك أي شهوة او غريزة أو فهم خاطئ عند جيرانها في "البلاد". وفي بعض المناطق ينجح العباقرة من الشعراء في رسم صور تشخيصية مذهلة لوصف المحبوبة تجعل المتلقي يعتقد أن هذا الشاعر "تجاوز" مجرد النظر فقط.
أمنــــــــــة بابكر ود السافل مطرب بربر الأشهر في عقود مضت صاحب أمونة .. أو آمنة يقال أنه شاعرها وملحنها ومؤديها بكل تأكيد ويقال أنها كانت خطيبته أو زوجته ولكنه أُجبر على تركها ليتزوجها أبن عم لها هكذا سمعت بالقصة ولا أدري حقيقة ما سمعت من عدمه فكتب ما كتب فيها:
في عينيها عالم تاني .. ما شفتوها يا خلاني ذي زي آمنة ما لاقاني .. ذي لون امنه ما لاقاني ما شفتوها.. يا خلاني في ايدي الحرير مساني.. في إيدي الحرير مساني ومن يوم داك جاني الجاني .. ما شفتوها يا خلاني واحدين قالوا دابي راهفه واحدين قالوا شفنا الشافها .. ما شفتوها ياخلاني بس براي بجيد أوصافها .. نازل ديسها فوق اردافها قامت وانتنت زي بانه ما شفتوها.. ساقيها يا الندى ورويانه ما شفتوها يا خلاني.. الكمل صبرنا و أزانا.. شفتا عيوني في سيقانا ... جلت قدرتو السواكي ما شوفتوها شال من توب عفاف وكساكي.. ما شوفتوها من كل الجمال اداكي... ومنو اخترتي انتي براكي .. ما شفتوها يا خلاني تعالو اسمعو اخبارا ما شفوتوها المن النسيم تتضارا ما شفتوها شالت من كبيدتي مرارا ما شفتوها المن النسيم تتضارا ما شفتوها يوم صديرا عام في الدارا.. امونه خمجي الدارا.. صديرا عام في الدارا.. امونه خمجي الدارا.. خلت ناس فلانه حيارا ماشفتوها .. يا خلاني الدر في سنونها لؤالئ ما شفتوها والعناب لهيجاً حاني القلل صبرنا الغالي البدر عمرنا الغالي رموش عينها كابي وضافي ما شفتوها يا خلاني يا ناس الفي الضمير كاوياني آمونة الفي الضمير كاوياني ما شفتوها يا خلاني دي القايده العباد بي نارا ما شفتوها منقول
07-17-2016, 06:50 PM
محمد عبد الله حرسم محمد عبد الله حرسم
تاريخ التسجيل: 01-25-2013
مجموع المشاركات: 4492
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
محمد عبد الله حرسم
جلالدونا
عبدالعزيز الفاضلابى
ALWALEED ALSHEIKH
محمد فضل الله المكى
الامين موسى البشاري
وضاحة
فيس بوك
تويتر
انستقرام
يوتيوب
بنتيريست