الما طبيعى يا ود المدير الكلمة الفخيمة التى ألقاها محمد الامين فى حق المجرم القاتل عمر البشير ما عارف الناس هاجت و ما جت فى عمنا السر قدور و لزمو الصمت تجاه محمد الامين
08-01-2017, 02:03 AM
HAYDER GASIM HAYDER GASIM
تاريخ التسجيل: 01-18-2005
مجموع المشاركات: 11868
كلام إهتمام الدولة بأهل الفن كلام ساكت بل مقصرة تقصير شديد
الشفلانة فى الأخر برنامج شو .. وقد يكون هدفه معقول بتفقد فنان مبدع من جيل القدامى وفى الآخر بيدفع له مبلغ مالى كبير تقديرا له .. كان يمكن أن يتم بدون الهيلامانة دى وأّذكر أنه قبل سنوات كان فى شى مشابه للاعبى كرة القدم القدامى .. زيارة وظرف
ولا زالت الدولة مقصرة ... والشغل العشوائى لا يسد.
08-01-2017, 03:32 AM
elhilayla elhilayla
تاريخ التسجيل: 02-05-2002
مجموع المشاركات: 5558
حبابك نادر كان الامر يكون مقبولا فى اطار حاجاتنا العادية مريض و ربنا انعم عليهو بالشفا و زاروهو الناس كعادة سودانية اصيلة ممكن تلّمك مع من تكره اما ان تقول فى هذا المجرم ما لم يقله مالك فى المريسة ,, اها دى وجعتنا محمد الامين وقع فى عب المجرم عديل كده و برك كمان
08-01-2017, 06:29 AM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
أها شنو يعني! نقاطع ود الأمين ولاّ كيف الدبارة ؟ قوم لف منك له, وجداننا الذي أثراه أبو اللمين يااااخ بأربعة شنين و خمسة سنين وعيال اب جويلي و مدني و الملحمة وغيرها يغفر له فليجالس من يشاء و ليمدح من يشاء و ليكثّر ما شاء من محلبية يبقى أبو اللمين يااااخ
ود الأمين اتخيل لي عندو منصب رئيس اتحاد الفنانين أو حاجة بالشكل دة عرفت المعلومة دي لمن تكلم نيابة عن الفنانين في وفاة محمود عبد العزيز وهو شيخ الفنانين السودانيين في زمنا الحالي والقامة الشامخة فيهم حضوره للاحتفال دة ممكن يكون تكليف رسمي عديل أو يمكن يكون طلب من رفيق دربه حمد الريح واللي تقلد منصب أيضاً إن لم أكن مخطئاً في اتحاد الفنانين
محمد الأمين عندنا من البدريين في الفن ولعل الشعب اطلع عليهم فقال اعملو ما شئتم فقد غفر الشعب لكم
__________ أكتب قبل مشاهدة الفيديو وسيظل رأيي في محله حتى لو تغنى فيه سير سير يا بشير
08-01-2017, 07:15 AM
جلالدونا جلالدونا
تاريخ التسجيل: 04-26-2014
مجموع المشاركات: 9841
احمد البشرى عمر الخدر و مال عمنا السر قدور اقل من المدعو محمد الامين بى شنو جيتو الاعمى شايل المكسّر واك واك نعيق و زعيق مصيبتنا فى الكيل بمكيالين دى و كمان ثالثة الاسافى جابت ليها كيل تالت مكيال ريختر قوم لف منك له
08-01-2017, 07:19 AM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
وعلى طريقة شيخ محمد مصطفى: جيب دليلك! مع اني لم اعلّق سلبا ولا إيجابا على السر قدور لكن برضو لو المسالة مقارنة فهي حتما لصالح ابواللمين يااااا - رضي من رضي وأبى من أبى وإن رغمت انوف
08-01-2017, 12:44 PM
عزالدين عباس الفحل عزالدين عباس الفحل
تاريخ التسجيل: 09-26-2009
مجموع المشاركات: 9238
ياود المدير اخبارك قبل عشرة يوم تفريبا سمعنا اليوم الساعة 6.45 تلفزيون السودان سيبث برنامج عن الباوقة ام زهور قلنا الحمد لله المرة دى ناس التلفزيون اذكرونا و عبرونا واتحكرت .ليك بمزاج (شوق مغترب لى البلد والاهل ) وفجاة يبق لى الزول ابعمة خضراء لابسليهو جلابية ذى التقروقة مسنضيفة واحد اسمة الناجى رفعو لى ضغطى فى ا لسماء مافضلى الاا اشلت التلفزبون معظم البرنامج تلميع للذات
08-01-2017, 12:24 PM
معاوية المدير معاوية المدير
تاريخ التسجيل: 03-24-2009
مجموع المشاركات: 14420
من حق ايّ شخص أن يبدي إعجابه بمبدع في ايِّ مجالٍ كان، ومن حق ايّ شخص أن يفضّل مُبدع علي آخر ومن حق اي شخص أن يُعجَب بإبداع محمد اللمين في مجال الغناء أو حمد الريّح أو مجذوب أُونسة أو عبد القادر سالم، لكن فاليعلم الجميع أنّ الفن غير الإبداع إنّ للفن ايِّ ضرب كان من الفنون رسالة يقوم بها. كلنا يذكُر جيداً عندما إجتمع عمالقة الفن في العالم وهبوا لمساعدة أهلنا في السودان ومدوا أياديهم الفنانة للأطفال في مشارق ومغرب الدنيا مبرزين رسالة الفن في أبهى معانيها، نفر لم يتخذوا الفن إمكانيات صوتية أو إبداع بريشة أو إزميل فدياس، لكنهم نفر عرفوا مكانة الفن وقدسوا رسالته، لم يجالسوا ظالم ولم يتملقوا سفاح ولم يهبوا فنهم لسافك دماء. خسارة أن يضيع هذا النفر تأريخهم بمجالسة رجل إعترف بعظمة لسانه بأنه سفك الدماء وعاث في الأرض فسادا وما زال. جالسو السفاح في منزل حمد الريّح واثنوا عليه وضاحكوه، ولم يهُبُوا لإحياء حفلآت لدعم المستشفيات ولا لدعم المدارس ولا لمساعدة منكوبي الكوليرا ومنكوبي السيول والفيضان، ولا غنوا للشباب الذين قتلهم من هم يجالسونه اليوم في سبتمبر، ولا غنوا لأهلنا في جبال النوبة ودار فور بل فاجئنا كبيرهم بمؤانسة ومجالسة السفاح في منزل أحد الصحفيين بعد أن عاد يجرجر أذيال الخيبة من السعودية ليخفف عنه وطئة الصدمة ويرفع روحه المعنوية. إعشقوا من شئتم ترنموا بالملحمة والساقية وأعشقوا كردفان علي طريقة عبد القادر سالم، وغنوا مع مجذوب أونسة لتأريخ رجال قدموا أروع البطولآت سمحة الهيبة فوق مختار، وأتركونا في محنتنا نشاهد تهافُت المبدعين وسقوطهم يوماً بعد يوم، هنيئاً لكم حبكم لود اللمين ومن سار في ركبه، هي خمسة سنين ومعها أربعة أصبحت مُتاحة فأستمتعوا بسماعها إن شئتم بصوت هادئ وإن شئتم فمذقوا بها أستار الليل، وإن أردتم أن تسمعوها علي الهواء فعليكم بنادي الضباط لا أحد يحجر عليكم ولا أحد منا له سلطان عليكم وأعلموا أنني لم أجلب هذا التسجيل لأجعل فلآن يصم أُذنيه عن سماع ود اللمين ولا لإجعل فلآن يكره حمد الريّح، إنما جلبته لأنه في رأي جزء لا يتجزأ من مأساتنا. أسمعوا من شئتم وأعلموا أن للفن رسالة .
08-01-2017, 12:36 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
Quote: إنّ للفن ايِّ ضرب كان من الفنون رسالة يقوم بها
الكلام ده أنا سمعتو وقريتو كتير بس لغاية هسة ما في زول وراني الرسالة دي شنو مكتوبة بالحبر السري؟ هههه
العملو ناس مايكل جاكسون ده عمل إنساني وليس فني في ناس ماعندهم علاقة بالفن برضو بساعدو أما حكاية القداسة ده كلام فارغ ساي حقو نستمتع بالفن لجماله مش رسالته المقدسة (اللي هي ما معروفة شنو )
08-01-2017, 07:54 PM
معاوية المدير معاوية المدير
تاريخ التسجيل: 03-24-2009
مجموع المشاركات: 14420
يأخ قديتونا الملحمة، الملحمة، الملحمة، ؤ جايين تسألوا رسالة الفن شنو !، إستمتعوا يا أيمن ما حميناكم كما أوضحت لكن ما تقولوا ليس للفن رسالة فالشعر الذي يرتبط بالغناء مليئ بالتعاليم الجميلة وتحريك الهِمم والملحمة سمعتها أجيال وراء أجيال ليس للمتعة بل لأنها تحمل رسالة ...
08-01-2017, 08:06 PM
جلالدونا جلالدونا
تاريخ التسجيل: 04-26-2014
مجموع المشاركات: 9841
مصداقا لى كلامك ده يا ايمن الفاضل الرسالة المفروض نستوعبا من يا معاين من الشباك يا احلى زول شفناك شنو و العجب يا حاسدين غرامنا ودى بالذات لو فيها رسالة بتبقى رسالة سالبة انت قايل الناس حاسدين القرد على حمار اضانو ليه عشان كل الناس شايفين اضانو الحمرا دى غرامك لمّو و دسّو شوف كان جا زول حسدك عليهو
08-01-2017, 08:19 PM
عزالدين عباس الفحل عزالدين عباس الفحل
تاريخ التسجيل: 09-26-2009
مجموع المشاركات: 9238
فخامة الرئيس عمر البشير. الرئيس الفارس المغوار الرئيس المتواضع الجم . تجده في الافراح و الاتراح لفته كريمة منه لناس الفن. اما ضحكته و انبساطه في السهرة. مع الفنان حمد الريح. و كوكبة من الفنانين. ما يضحك و ما ينبسط. شنو الضجة المفتعلة دي. تسلم فارس الحديد.
كدي أسمعوا الكلآم دا خاسةً من الدقيقة 11:30 لحدي الدقيقة 12:50 وإن شاء الله أنا ماشي أمريكا خلآل الشهر دا ؤ لو لآقيت الكابلي بقعد معاهو لمزيد من التوضيح...
08-01-2017, 08:32 PM
معاوية المدير معاوية المدير
تاريخ التسجيل: 03-24-2009
مجموع المشاركات: 14420
يا عز الدين الفحل عايز تمجّد البشير عشان هو جعلي وإنت جعلي أفتح بوست ؤ مجدوا زي ما عايز، وأعلم يأخي البوست دا ما مفتوح لتمجيد البشير، مداخلآتك دي أنا بعتبرا محاولآت لحرف مسار البوست ؤ ونوع من الخستكة. رجاءً أمشي أفتح بوست ؤ مجّد البشير كما تريد، ؤ حبابك بالتداخل هنا إن كانت مداخلآتك في إطار الموضوع وشكراً ...
08-01-2017, 08:29 PM
جمال ود القوز جمال ود القوز
تاريخ التسجيل: 01-25-2013
مجموع المشاركات: 5925
السن ليهو أحكام والكُبر لا محال بيكسر الزول .. وبيغير كتير من حدة القناعات قسرا .. محمد الأمين فتر وكبر .. فحقو الناس تراعي سنه وعمره ده .. ولا تقسو عليه في الحكم .. غايتو أنا رغم كرهي للنظام ده .. لكن ما اتاثرت محبتي لود الامين .. ولقيت ليهو مخارجة جواي .. يسوي شنو محمد الامين عاد يقول ليهم ماجاي يعني !! .. عشان البشير حيحضر .. ده اسمه كلام ده ! .. وحيغير شنو موقف زي ده في حكومة السجم الابت تنقلع دي .. داهية تاخذهم كلهم اذا الناس بحكم هذه السنين التي طالت واستطالت .. لم تجد بد من أن تتعامل معاهم بحكم وجودها وعملها في البلد .. ومحمد الأمين مابقدر على الغربة وجرب كلام زي ده ..
قعدوا كتير وأبو يمشو يأخ الناس المعفنيين ديل ..
محبتي وتقديري للهرم محمد الأمين .. وعذرك مقبول يا أستاذ ..
08-02-2017, 01:42 AM
نادر الفضلى نادر الفضلى
تاريخ التسجيل: 09-19-2006
مجموع المشاركات: 7022
فخامة الرئيس عمر البشير. الرئيس الفارس المغوار الرئيس المتواضع الجم . تجده في الافراح و الاتراح لفته كريمة منه لناس الفن. اما ضحكته و انبساطه في السهرة. مع الفنان حمد الريح. و كوكبة من الفنانين. ما يضحك و ما ينبسط. شنو الضجة المفتعلة دي. تسلم فارس الحديد.
*** سلام ود المدير. و لكل المتداخلين.
عزالدين عباس الفحل ابوظبي
08-02-2017, 07:13 AM
جلالدونا جلالدونا
تاريخ التسجيل: 04-26-2014
مجموع المشاركات: 9841
انت ليه يا تمن الفحل مصر تواصل الهبل البتمارس فيهو ده ياخى اختشى على دمك و بطل سقالة الدم حقتك دى انت مافى زول قبل ده اليوم قال ليك انتا اهبل وريالتك سايلة كمان .. و عر و فعج و مخ رقبة و زول دلاهة و قايم بى جهلك يا معولق ياحى ..... يا ريت لو اليوم داك دفنو الجنا و خلّو التبيعة
08-02-2017, 03:07 PM
عزالدين عباس الفحل عزالدين عباس الفحل
تاريخ التسجيل: 09-26-2009
مجموع المشاركات: 9238
انت ليه يا تمن الفحل مصر تواصل الهبل البتمارس فيهو ده ياخى اختشى على دمك و بطل سقالة الدم حقتك دى انت مافى زول قبل ده اليوم قال ليك انتا اهبل وريالتك سايلة كمان .. و عر و فعج و مخ رقبة و زول دلاهة و قايم بى جهلك يا معولق ياحى ..... يا ريت لو اليوم داك دفنو الجنا و خلّو التبيعة
جلادونا
^^^____^^^^____^^^^____^^^^___
.
عزالدين عباس الفحل ابوظبي
08-02-2017, 08:23 PM
عزالدين عباس الفحل عزالدين عباس الفحل
تاريخ التسجيل: 09-26-2009
مجموع المشاركات: 9238
الاستاذ معاوية المدير رغم انى متابعة لكل اعمال الكابلى وأحاديثو الا اول مرة اسمع حديثو عن سعاد وكعادته كلام مرتب ورصين وفاهم وفى الصميم وبتذكر حلقة لى كابلى تغنى فيهاامام على عثمان وكيف دقوابيها الجماعة الطار فى منبركم ده ذاتو وبتذكر ايضا شاعر قدم حلقة عن الدوش فى التلفزيون وعدد كل اغانية والفنانين الذين تغنوا بها وتجاهل من تغنى بسعاد وكرر هذا فى منتدى دال الثقافى عن اشعار الدوش رغم انو كان الحضور بطالبو بسعاد فى شبه هتاف لكن حلف لا هو لا الموسيقى كمال انو يختو تسجيلا ، كابلى فنان بكل ما تحمل الكلمة اتخذ الفن مسؤولية ورسالة سامية لذلك تجده مهذب فى غناءه وفى كل تصرفاتو كإنسان اولا وكفنان ثانيا كلماته فى كل وقت مهذبة منتقاة ومواقفه ثابتة شجاعة وراسخة كالجبال له ادوار وطنية معروفة فى ثورة أكتوبر وله موقف مشهود فى مايو ايام وزارة اسماعيل الحاج موسي لوزارة الثقافة مما دفع بالأخير لمنع الكابلى من السفر للجزائر قبل ساعات من إقلاع الطائرة وكان ذاهبا لحضور مهرجان هناك وكتير من المواقف لم تجد من يروج لها ويهتف بها لانو الكابلى قومى لا ينتمى الا للسودان ، وهو كعادته تقبل كل شى بهدوء . انت عندى كبير وحبى ليك كتير
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
معاوية المدير
معاوية عبيد الصائم
جلالدونا
HAYDER GASIM
elhilayla
محمد البشرى الخضر
عزالدين عباس الفحل
قسم الفضيل مضوي محمد
أيمن الفاضل
جمال ود القوز
Amira Hussien
فيس بوك
تويتر
انستقرام
يوتيوب
بنتيريست