|
|
|
 Re: رسالة عاجلة الى مدير الادارة العامة للمرو (Re: ود الباوقة)
|
حبيبنا ودالباوقة ،،
كان في جكة رياضية .. المعبشة بقت جكة
حتى ما لابس رسمي
صدقني يا ودالباوقة الراجل وضع نفسه في حته بطالة جداً
التواصل والقروبات ما حتقصر ..
بكرة تلقاه هناك عندنا في الشمال في ضواحي الدنيا
لا عفراء لا جكة ..
مودتي الحبيب .. ود الباوقة
| |
 
|
|
|
|
|
|
|
|
Re: رسالة عاجلة الى مدير الادارة العامة للمرو (Re: ود الباوقة)
|
الكارثه يكون واحد من الرتب الصغير أو المتوسطه حب يعمل حركة إظهار سلطه .. ودي مرات بتسبب كوارث ... لأنها قد تٌحدث ردات فعل غير متوقعه " وفي الغالب يا عمر حركة إظهار السلطه بتكون مستفزه ) .
- مثلآ العسكري لو ما نفذ ليهو أو استجاب ليهو " او ما عارف شخصيتو " ممكن يتنقل ، أو يتم توبيخه .
- والمواطن ممكن يقابل السلوك دا بحماقة ( بإعتباره مستفزآ )
للأسف مرات ممكن تلقى رجل مرور أو منتسب للشرطه بيكون عاكس الشارع ( إتجاه واحد ) أو بصورة عامه ما بيكون مثال جيد عند استخدامه للطريق ... وكأنه يقول البيسألني منو ؟!
-----
ليتهم يكونوا مثال جيد .
| |
|
|
|
|
|
|
|
|
|
Re: رسالة عاجلة الى مدير الادارة العامة للمرو (Re: ود الباوقة)
|
سلام يا عمر وعلك بخير
اتمني لك طيب الإقامه في بلدك ووسط أهلك
وأشفق عليك لما ستقابله من عرقله وإستفزاز حتي وأنت تقود
سيارتك التربتيك
لان ما ستعايشه وتسمعه وهو حقيقي يقشعر له البدن
وأخص الأجهزه الشرطيه وخصوصا شرطة المرور
فحدث ولا حرج ولا وجود للقانون فالكل يعمل بمزاجه
أحكي لك حادثه حصلت معي في طريق مدني الخرطوم
السرعه محدده ب ٩٠ كيلومتر للسيارات الصغير
متعود أنا ألا أتجاوز ال ٩٠ هذه رغم أنني أعرف أماكن
الرادارات جيدا
جئت عند الرادار وسرعة العربه ٨٥ كيلو لأني ضابط
مثبت السرعه علي ال ٨٥ كيلو متر
هل تصدق تمت مخالفتي علي سرعة ١١٧ كيلو حنك ساي بس
طالبت ب القسيمه موضح فيها سرعة السياره كما كانت تظهر
قالوا ان الطابعه لا تعمل لذلك ادفع وروح اشتكي اذا تريد
جلست لأكثر من ساعه ولا فائده كما وضح لي يا تدفع يا حنشيل العده
دفعت مرغما علي ان اتظلم لاحقا لدي شرطة المرور مبلغ ٢٠٠ جنيه بالتمام والكمال
ذهبت لشرطة المرور وقدمت مظلمتي مذيله بعنواني وتلفوني والإيميل والواتس كمان
لي اكثر من سنه وانا انتظر اي اتصال منهم
بلد ينخر فيها السوس والرشوه والمحسوبيه من ساسها لرأسها
كن بخير عزيزي فأنت في السودان
.
.
.
| |
|
|
|
|
|
|
|
|
|
Re: رسالة عاجلة الى مدير الادارة العامة للمرو (Re: الطيب عباس)
|
مرحبا باوقة
وضيوفه
اها دي واحدة من اسوأ انوع طريقة الحكم في السودان
وهي ما بتخص الضابط بس بل تنسحب علي كل المسؤولين
انهم هم القانون والدولة
وسلطتهم تبيح ليهم فعل اي شئ وفي اي وقت
هو الاول في صف الرغيف
وهو الممكن يخش اي محل مجانا
ويخش المحل الممنوع فيهو الدخول
وكلامو هو الفصل والاخير قبضك يعني اثبت التهمة عليك
مافي ضوابط مهنية واحترام للقانون
ويجو يقولو ليك قبضنا منتحل شخصية ضابط
ياخ لو قلتو ليهو اثبت لي انك ضابط قيامتك قامت . عشان كدة ساهل جدا انتحل شخصية ضابط
| |
|
|
|
|
|
|
|
|
|
Re: رسالة عاجلة الى مدير الادارة العامة للمرو (Re: سيف الدين محجوب)
|
سلام ود الباوقة
نجم المنبر
كنت بقرأ ليك بس اسا جيت بلحمي ودمي
اها انقول ليك بقت على الرخصة وسحبها؟
يا اخي دليل بسحبو الروح ذاتا
رغم ذلك اشهد لرجال شرطة المرور بجهدهم المقدر لكن اليد والواحدة ما بتصفق
اكثر ما يبهرني عمل شرطة المرور في رمضان
قلبي معهم يعملون وكت الشمس الحارة ووكت الناس بتفطر
| |
|
|
|
|
|
|
|
|
|
Re: رسالة عاجلة الى مدير الادارة العامة للمرو (Re: ود الباوقة)
|
ود الباوقة.
دي جرعة بسيطة من ظلم الحكومة للمواطنين في السودان.
هنالك من يقتلون، ومن يعذبون ومن يشردون من ديارهم بواسطة هذه الحكومة المجرمة الفاشية.
الظلم الذي حدث لقريبك هذا لا يقارن أبدا بالذي يحدث في جبال النوبة.
هل رأيت منظر الأطفال وهم يختبئون بين الصخور من الهجمات التي تقوم بها طائرات الإنقاذ؟
ود الباوقة أختشي.
| |
|
|
|
|
|
| |
علي عبدالوهاب عثمان
ايمن الصادق
بشير حسـن بشـير
باسط المكي
الطيب عباس
جلالدونا
عبدالحفيظ ابوسن
سيف الدين محجوب
Ali Alkanzi
Hassan Farah
Deng
فيس بوك
تويتر
انستقرام
يوتيوب
بنتيريست