|
|
|
 Re: بيع نادي المريـــــــــــــــــــــــــ (Re: عباس محمود)
|
عزيزنا المهندس عباس..
السلام يا روح البدن..
هذه ليست أخيلتي ، الخبر بثته قناة حسين خوجلي بعد أن استضافت غازي صلاح الدين الذي
حكى قصة السفير أمير الصاوي مع الملكة إليزابيث ، قال أن سفارة السودان في لندن من
ممتلكات الملكة وأن المبنى تم تأجيره للسودان لمدة طويلة وكان العقد سينتهي في ستينيات القرن المنصرم
ولكن الصاوي اهتبل سانحة تواجده ضمن صف السفراء في مناسبة صافحتهم فيها الملكة التي كانت تتوقف
عند سفراء السودان ، الذين يميزهم زيهم عن غيرهم، لفترة تزيد عن رصفائهم ، الصاوي الملكة سألته
عن حاله فحمد الله وأثنى عليه ورد عليها ب (أننا سنفتقد جوار جلالتكم) فلما استفسرته عن السبب قال لها:
العقد سينتهي لعامه هذا،.في اليوم التالي وصلته رسالة رسمية من المراسم الملكية بتجديد العقد لقرن آخر..
أضاف غازي، زي ما قال الشيخ البرعي ( دا شغل الملوك الما ملكوك).. ونقول كما قال خدر بشير في الأوصفوك : دا طبع الملوك يا زول.
يا العقاد .. بيع النادي - إذا لم يكن قد بيع سلفا - فكرة جيده والمريخ ليس استثناءا على الأندية
العالمية التي تباع أسهمها وتُشرى كغيرها من الشركات التجاريه في البورصات، هذا سينعش الإحتراف
وسيضيف الكثير للكرة السودانية التي لم تر العافية منذ هدف حسبو الصغير في غانا سنة 70.
رغم بُعدي برسل سلامي.
| |
  
|
|
|
|
|
|
|
|
Re: بيع نادي المريـــــــــــــــــــــــــ (Re: صديق مهدى على)
|
Quote: وأضافت نشرة قناة أمدرمان في نشرة الساعة الحادية عشرة بتوقيت أمدرمان أن أسامه داؤود تقدم بطلب لشراء النادي
الأمدرماني العريق وأحد أعظم أندية افريقيا وتحويله إلى شركة مساهمة عامة.
الحادية عشرة قبل منتصف ليل الإثنين. |
يعني الكلام جد يا مولانا! ههههههه الواحد من كمية المواسير الحايمة في النت و السايبر بقى ينفي أول حتى بعدين يحسب, فتنا جنابو عمر النفاي زاتو :)
| |
|
|
|
|
|
|
|
|
|
Re: بيع نادي المريـــــــــــــــــــــــــ (Re: هاشم عبدالله بشير)
|
مولانا يا ابو كباية وزه
سبحان الله لي يومين بفكر فيك
كنت مع اخونا عمر النوح الذي اصبح جد
باركت ليه قدوم حفيدته
فجلت بخاطري في زمن جميل
المهم
في فرق بين مريخ جادالله بعد قونين فينا وسمي الكاروشة
فمنحه الربان رئيس النادي وقتها الاديب الاريب حاج حسن عثمان على ماذكر مبلغ عشرة جنيها
فقال ليه امشي افكها !؟
او كما قيل
| |
|
|
|
|
|
|
|
|
|
Re: بيع نادي المريـــــــــــــــــــــــــ (Re: د.محمد حسن)
|
الفكرة ممتازة و لكن اذا من يرغب في الشراء يقدم عرضه لمن؟
فكرة رعاية الأندية بواسطة شركات أو تملكها فكرة ممتازة و مهمة لتطوير الكرة..يا ريت مجموعة دال تشتري المريخ لتكون أحد مشروعاتها الناجحة فهي واحدة من المجموعات الناجحة جدا في السودان.
| |
|
|
|
|
|
|
|
|
|
Re: بيع نادي المريـــــــــــــــــــــــــ (Re: د.محمد حسن)
|
وِزَّه ( عبدالعزيز) - كما تعلم - كان من لاعبي المريخ الذين تركت كدايس كداراتهم أثرها على
تاريخ كرة القدم وقد عاصر الكاروشه جادالله خير السيد الذي كانت تغني له مساطب المريخيين
الكاروشه دقي لينا كاروشه .. وعندما يصرع الباكات على خط الجير وتصبح حالة الشورت في خطر
يواصل الجمهور مخاطبا الباك : يا حاجه ، صلِّحي الجبون دا..
واحد مسغف قال كان فاكرهم قاصدين جابون عمر بنقو..
يا محمد ، صدقني الكرة عندنا لن ينصلح حالها إلا بعمل إنقلابي مجيد وهذا يحتاج لأناس
من طينة مختلفة في كل ما يتصل بالشأن الكروي، إدارة ، ماليه ، مدارس حديثة، صحافه
رياضيه ..إلخ. آن أن يبحث ناس (علي الحرام) عن سالفه أخرى تلائم إمكانياتهم..
أهو مريخنا جاهو زول A380 فجِدوا لهلالكم منقذا ، إن شالله فوكرز.
| |
|
|
|
|
|
|
|
|
|
Re: بيع نادي المريـــــــــــــــــــــــــ (Re: هاشم عبدالله بشير)
|
| Quote: قد تكون المسالة فكرة |
يا هاشم ، الخبر يقول أن أسامه تقدم بطلب
لشراء النادي ، أي أن الأمر تخطى مرحلة الفكرة كطور جنيني،
الموضوعي هو سؤالك: لا علم لي بالمالك ولا الهيئة المنظِمة لنشاط الأندية وأيلولتها،
لكنه ربما تقدم لمجلس الإدارة،
أو تقدم لوزارة الرياضه،
تاني إلا يتقدم لخط 18  ..
| |
|
|
|
|
|
|
|
|
|
Re: بيع نادي المريـــــــــــــــــــــــــ (Re: محمد المرتضى حامد)
|
| Quote: جنى وجن الكلام المبتور |
أين البتر يا عزيزنا فاضلابي..
مجرد خبر فحواه أن رأسماليا عبقريا طلب شراء النادي
قبل أن يصبح وهما وذكرى وقبل أن تغدو القلعة برقة ثهمد،
-----
* بمناسبة عبارتك (جني وجن)، واحد قال البيت القيافه دا قالوا
مسكون بالجن، وأشار لبيت أمدرماني شهير، فرد مرافقه :
والله الجن لو طلع منو يبقى هو زاتو مجنون،
عموما المريخ سيبقى في القلب لكنه لن يستطع الوفاء بالتزاماته
المالية من الشريان التاجي ، الحب حتى بين البشر يحتاج للرعاية
والسقيا والكشف الطبي المنتظم وإزالة ما يترسب من كلوسترول في
الخاطر كي يبقى بعيدا عن شعارات بالطول بالعرض ريدتنا تهز الأرض،
| |
|
|
|
|
|
|
|
|
|
Re: بيع نادي المريـــــــــــــــــــــــــ (Re: محمد البشرى الخضر)
|
Quote: ههههههه الواحد من كمية المواسير الحايمة في النت و السايبر بقى ينفي أول
حتى بعدين يحسب, فتنا جنابو عمر النفاي زاتو |
كلامك في محله يا محمد ، الزيف ضرب كثير من كلام النت وشخوصه،
أخونا فيصل خليل سبق ونقل مثلا أثيوبيا يقول ( الحـقيقة و الصباح ينجليان مع الوقت )،
وكذلك بعض البشر..
الكويس إنك ب(تنفي) فقط بعدين تحسب..
| |
|
|
|
|
|
|
|
|
|
Re: بيع نادي المريـــــــــــــــــــــــــ (Re: محمد حيدر المشرف)
|
سلام مولانا
بعد ما سورة جامعة الخرطوم ما أظن في رجل أعمال تاني يتجرأ يشتري أصول ملكية عامة .
نحن عشان تكون عندنا أندية خاصة لا زم الموضوع يبدأ من الصفر
يعني على أسامة داؤود مثلا يشتري أرض فضاء
ويبني فيها أستاد بمواصفات عالمية ونادي
ويسجل أسم النادي يسميه مثلا نادي التا ريخ
ويستجلب له لاعبين دوليين ويطعمه بشوية محليين
وينافس الهلال والمريخ نفسهم يقلع منهم الدوري
وينافس في كأس أفريقيا
بالتدرييج راح يبدأ يتجمع حوله مشجعين ( رماديين )
وأذا شال كأس أفريقيا كمان
تاني هىلال مريخ ديل الا يبيعوهم في الدلالة
| |
|
|
|
|
|
|
|
|
|
Re: بيع نادي المريـــــــــــــــــــــــــ (Re: درديري كباشي)
|
| Quote: أين البتر يا عزيزنا فاضلابي.. |
سلام ياود المرتضى ,, وكت طلعت صفوة محل رهيفة تنقد ,,
السبب فى كلامى ده هو ان المداخلة الاولى فى البوست عبارة عن نقطة (.)
والـ بعدها صورة
والبعد الـ بعدها مداخلة من ودالبشرى ودى ما محسوبة عشان هو أجنبى ,,
اها ,, الا أكون انا داخل كورة غير الكورة الـ بتحكو عنها دى
بالمناسبة ,, البيت الـ بقولوا مسكون ده انا عارفو ,, وكان ببدلونى ببيتى
الـ فى الأزهرى ماعندى مانع ,, يمين اسكن فيهو الشواطين يطلبو لجؤ فى اليمن.
| |
|
|
|
|
|
|
|
|
|
Re: بيع نادي المريـــــــــــــــــــــــــ (Re: محمد المرتضى حامد)
|
عمك كبير قال لي
اسامة داوود غلبو السغل في السودان
دحين يشتري النادي بي تمويل من البنوك
ويجي يعمل مية دكان بره ويأجر الواحد بي عشرة مليون
يعني في السنة براهو بسدد خسارتوا ومع السلامة
لو بقي شفت يبيع الواطة والنجيلة والكراسي يرهنا ويبقي
مارق اساسا البلد ماعندها وجيع.
| |
|
|
|
|
|
|
|
|
|
Re: بيع نادي المريـــــــــــــــــــــــــ (Re: sadig mirghani)
|
Quote: فكرة رعاية الأندية بواسطة شركات أو تملكها فكرة ممتازة و مهمة لتطوير الكرة..
يا ريت مجموعة دال تشتري المريخ لتكون أحد مشروعاتها الناجحة فهي واحدة من المجموعات
الناجحة جدا في السودان. |
أخي الحاج..
على الرغم أني مريخي بالميلاد إلا أنني لا أعرف حقيقة الوضع القانوني لنادي المريخ،
لكن الخبر حفز فيَ غدد البحث والتقصي فالأمر ليس بالبساطة التي يتناول بها البعض
عملية البيع المزعوم والتي تظل مجرد خبر ريثما نعرف تفاصيلها وحقيقتها على الأقل
بتصريح ممن نُسِب إليه الطلب.
من خلال الخبر يبدو أن أسامه قدم طلب شراء النادي إلى جهة معنية ، أو ترى أنها معنية،
لكن ثمة أسئلة كثيرة تنتظر الإجابة منها سؤال تفضلت به في مداخلتك ، وإذا كان من شروط
البيع أن يتحول النادي في فترة محددة لشركة مساهمة عامة تُطرح أسهمها للجمهور للإكتتاب
فهذا يعني أن النادي سيدار مستقبلا ، ويخضع، لقانون الشركات ضمن حزمة قوانين أخرى،
وتفريعا على هذا لن يكون مملوكا لمجموعة دال لكنها ستخرج بنصيب الأسد من الأسهم وفي هذه
الحالة نطرق باب الإحتكار ولابد من جهة تراقب العملية لأن هناك حقوقا يطول سردها،
في سابقة قريبة (مع اختلاف الشكل القانوني)أظنها في 1999 حاولت B SKY B المملوكة للمياردير
ميردوخ شراء فريق مانشستر يونايتد وبعد اكتمال الإجراءات استخدم وزير التجارة البريطاني
سلطته و blocked the deal لأسباب وجيهة وفشلت صفقة ب نصف مليار استرليني وقتها..
نحن ننتظر المعلومة الموثوقة وخلفيات الخبر سيما أن للمريخ أصولا ضخمة على رأسها
القلعة الحمراء..
ننتظر التفاصيل والآراء حول المآلات وأثرها على النادي الفي الفؤاد ترعاهو العنايه..
| |
|
|
|
|
|
|
|
|
|
Re: بيع نادي المريـــــــــــــــــــــــــ (Re: sadig mirghani)
|
(عمك كبير قال لي
اسامة داوود غلبو السغل في السودان
دحين يشتري النادي بي تمويل من البنوك
ويجي يعمل مية دكان بره ويأجر الواحد بي عشرة مليون
يعني في السنة براهو بسدد خسارتوا ومع السلامة
لو بقي شفت يبيع الواطة والنجيلة والكراسي يرهنا ويبقي
مارق اساسا البلد ماعندها وجيع.)
طيب يا صادق ، في الحاله دي ما يشوف ليهو مكان ما عندو مشجعين ، زي ما حصل للساحه الخضرا مثلا..
زولنا دا مختلف يا ود ميرغني ، رغم أن القلب سمي قلبا لأن من طبعه التقلب. ربما يأتي سمسار غيره يشتري النادي ويتم
تقسيم الإستاد إلى قطع وزرائب فحم ومعارض عناقريب ويأتيك الوالي القادم ويصرح للإعلام : ما لقينا حاجه نبيعها زاتو.. مش
عايزين قروش لأنو الخريف (حا يفاجئهم )؟ وستذوب البيوت في الأحياء كقلوب العذارى وتنماث كما ينماث الملح في
الماء وكما يحدث في كل عام والإنقاذ (ترحل في دمي ...وندور ثم ندور ثم نعود).
| |
|
|
|
|
|
|
|
|
|
Re: بيع نادي المريـــــــــــــــــــــــــ (Re: محمد المرتضى حامد)
|
سلام يا مستشارنا .. وضيوفه الكرام
أنت عارف انه هذه الشائعة تزامنت مع أحداث الأهلية ومقتل الشهيد محمد الصادق - تقبله الله
حاااايمة في واتساب الجن دا وميديا تانية حامياني
وما جاء في بالي إلا أنها شغل جداد ألكتروني عشان يشغلوا الناس ومعاها حقت الكهرباء ديك
المهم .. رأس المال عندنا جبان .. فااااا شنو .. الله أعلم الكلام دا يحصل
على صعيد آخر:
قطعت فيك مع بعض الصحب
وأستعرت من بوست (ليه يا عماد عبدالله) كتبته أنت معاتباً هذا الديامي الأنيق
وجبتها هنا في بوست (هل اتسع الفتق على الراتق)
هل اتسع الرتق على الراتق .. مخيّر اللههل اتسع الرتق على الراتق .. مخيّر الله
أتمنى مرورك عليه .. فهد جداً يشرفني
مودتي
| |
|
|
|
|
|
|
|
|
|
Re: بيع نادي المريـــــــــــــــــــــــــ (Re: عمر أبوعاقلة)
|
باللله انت مريخابي
ما بتشبه المريخاب*
يا مولانا الكورة مكلفة جدا وصعب على زول واحد بمشاكل السودان دي يقدر يمشي نادي
ياخ أمراء هنا في السعودية دقوا جرس من رعاية الأندية
تخيل جمهور المريخ دا خرب كورة مع فريق أجنبي وكسروا الاستاد قامت الفيفا غرمت اسامة داوود مليون دولار مع تصليح الاستاد
حتمشيهو على عجل الحديد
* على وزن ما بتشبه الكيزان
السودان دا محتاج رعاية دولية تعمل فيهو كل البني التحتية بعد داك ممكن يمشي حالو
هذا مع التحية
| |
|
|
|
|
|
|
|
|
|
Re: بيع نادي المريـــــــــــــــــــــــــ (Re: حمد عبد الغفار عمر)
|
مولانا الباذخ سلامات
كاتبتك ماهلة وتحفز الزول بالطلة والحوار في موسسة رياضية كبيرة علي مستوي الوطن او القارة السمراء
تلقيت الخبر من مصادر. اخري وسرحت في رؤية اسامة داوود الثاقبة ونجاحاته في عالم البزنيس وانشأئه لمنتدي دال الثقافي وتلك الصالة
الأنيقة التي تقام فيها. ليال دال الثقافية وفق برنامج وتنظيم يفوق خيال انك بسودان العصبة ذات البأس ،
مولانا صاحب العشق الاحمر كرة القدم. صارت صناعة مثلها مثل الصناعات الرأسمالية الآخري ، وطالما قدم اسامة داوود عرضه لشراء النادي كما جاء في متن الخبر
يقيني بانه جاء نتاج دراسة واستشارات لرجال واقتصاديين ورياضين ورأسماليين حول اسامة دَاوُدَ ، عن جدوي الخطوة ، ربما معاييره غير رياضية عاطفية في خطوته تلك وفي رأي بان
مراحل تفكير اسامة تتجاوز ذلك، فالرجل حاول استثمار شيء بالرياضة بالقريب في ملاعب الغولف التي بسوبا، وفشلت الخطوة لتداخل مؤثرات اقتصادية واستثمارية وبئية
وربما يكون استفاد اسامة داوود من تلك التجربة ، وكبر الطموح فالمال والسلطة متباريات .
تحياتي يا مولانا
| |
|
|
|
|
|
|
|
|
|
Re: بيع نادي المريـــــــــــــــــــــــــ (Re: الفاضل يسن عثمان)
|
Quote: من خلال الخبر يبدو أن أسامه قدم طلب شراء النادي إلى جهة معنية ، أو ترى أنها معنية،
لكن ثمة أسئلة كثيرة تنتظر الإجابة منها سؤال تفضلت به في مداخلتك ، وإذا كان من شروط
البيع أن يتحول النادي في فترة محددة لشركة مساهمة عامة تُطرح أسهمها للجمهور للإكتتاب
فهذا يعني أن النادي سيدار مستقبلا ، ويخضع، لقانون الشركات ضمن حزمة قوانين أخرى،
وتفريعا على هذا لن يكون مملوكا لمجموعة دال لكنها ستخرج بنصيب الأسد من الأسهم وفي هذه
الحالة نطرق باب الإحتكار ولابد من جهة تراقب العملية لأن هناك حقوقا يطول سردها، |
شكرا يا مولانا لهذه المعلومات و حقيقة هي خطوة لتطوير الرياضة و كما ذكرت تحتاج لدراسة قانونية و اقتصادية و لكن في النهاية لتطوير الرياضة نحتاج لتحويل الأندية لشركات أو لرعاية - مدروسة - بواسطة شركات ، الاعتماد على أشخاص سواء كانوا رجال أعمال أو مسئولين أدى الى سيطرة فردية و قراراتشخصية و ظهرت الأغراض الخاصة للبعض لاتخاذ ادارات الأندية لعمل علاقات خاصة الهدف منها تسهيل أعمال خاصة أو لاشباع رغبات خاصة في الحصول على مساحات اعلامية.
في الماضي كان رئيس الهلال او المريخ يكفيه الولاء للنادي و الحنكة الادارية و لكن الآن المقياس المال فقط حتى لو كان هذا الرئيس لم يدخل استاد كرة في حياته و لم يدخل النادي الا حين نوى الترشح لرئاسته!!!!
| |
|
|
|
|
|
|
|
|
|
Re: بيع نادي المريـــــــــــــــــــــــــ (Re: محمد المرتضى حامد)
|
مولانا محمد المرتضى
لك التحية
إن صح الخبر فهو في مصلحة نادي المريخ وبداية العافية للكرة السودانية
واول الخطوات في الطريق الصحيح
وحقيقة لجنة تسيير نادي المريخ بها شباب اصحاب افكار وطموحات كبيرة
ولهم رؤى لو اتيحت لهم الفرصة وساعدتهم الامكانيات لانزالها لارض الواقع
ستعود على المريخ بالاستقرار والاستقلال المالي
وستنقله من نادي معتمد على الاقطاب الى نادي غني وقادر
ولا استبعد ان تكون فكرة تحويل النادي الى شركة مساهمة نابعة منهم
| |
|
|
|
|
|
|
|
|
|
Re: بيع نادي المريـــــــــــــــــــــــــ (Re: علي محمد الفكي)
|
Quote: الكارثة الحقيقية تكمن في ان يكون جمال الوالي قد سجل المريخ
باسم عبدالله حسن البشير على سبيل المثال ..
وبالتالي تكون اتحلت مسألة "لمن؟!!" هذه ..
واخدنا اسنا في قبولنا .. عفوا ...
في مريخنا !! |
المُشرَّف المشرِّف،
عوافي يا زول،
قلَّبت علي المواجع ، القلب أصبح كفؤاد المتنبئ الذي أضحى في غشاء من نبال
أو كجسد بن الوليد من ضرب السيوف وطعن الرماح..الميادين الرياضية تبخرت بالبيع
والإحتكار وتم بحمدالله تقديمها ك(غنائم) لذوي الحظوة ، وسمعت فيما يسمع الخلي
ونعسان ، أن استادا رياضيا عريقا رُهِن لأحد البنوك مقابل تسهيلات مصرفية وأرجو أن تكون
تلك مجرد شائعات..لكن المشاهَد والواقع يشي بما هو أسوأ، لذا (الإسنا) في قبولك ما
بعيده يا دكتور، ياخ بقينا في قبولنا (نسمِّي) طلطاشر وأهلنا قالوا الستره والفضيحه متباريات.
لكن يا المشرف المبادرة ممتازة ولو تم تبنيها ستكون لها عدة إيجابيات لأن تحويل
النادي إلى شركة على أقل تقدير سيكشف وضعه القانوني وكل الأوراق ستعرض على الطاولة
وعلى أقل تقدير أمثالك لن يتركوه لمصير هيثرو..وحتى لو كان في الأمر شائعة أطلقها
بها ذو غرض أمني لإلهاء الوسنانين عن الأحداث الملتهبة كما يقول عزيزنا عمر أبوعاقله
- وأنا لا أعتقد ذلك - ففي الفكرة والشائعة خميرة عمل علمي جاد يجب الوصول به إلى
غاياته الموجبة..
برضي ليك المولى الموالي..
| |
|
|
|
|
|
|
|
|
|
Re: بيع نادي المريـــــــــــــــــــــــــ (Re: حمد عبد الغفار عمر)
|
باللله انت مريخابي
ما بتشبه المريخاب*
يا عزيزنا حمد، في الأسره الممتده بأمدرمان تولد مريخابي ، يعني لامن تكبر وتسأل يا خال الهلال يعني شنو.. ي
قول ليك هو الذي نتحرى رؤيته في السماء ولايُرى ويختلف عليه الناس وحتى تحري رؤيته تكون مره مرتين كدا الباقي ما مهم،
وبعد تكبر شويه تسأل : يا خال سامع عن فريق اسمه الهلال ، يقول ليك : ديل الجماعه البتحاومو جنب زريبة العيش وسوق العناقريب
وطوااااالي راجعين من بره مبوزين..
أتفق معك يا حمد أن رجلا واحدا لايقدر على الصرف على ناد ومن ثم يجب التفكير في عمل إنقلابي بشأن الأندية
والتعامل مع الكرة بواقعية على نسق ما يجري في العالم ، وقد كنت في حديث قبل أيام مع د. أحمد القرشي بأننا في
البدء نحتاج قرارا يشبه الرياضه الجماهيرية ويكون لكل مدينة فريق أو فريقين كما هو الحال في بلدان العالم ،
وليس فروعا للمريخ والهلال، ويجب أن تكون تلك الأنديه قادرة على البقاء والمنافسة ويقودها رجال ونساء أكفاء،
بعدها سترى حدة التنافس الشريف في البريمير ليق بين أم ضوا بان ووالشهيناب كمثال، رغم قناعتي بأن الإهتمام
بضروب الرياضة الأخرى ودعمها له آثار مستقبلية حميدة أدناها توظيف طاقات الشباب وإبعاده عن الأزقة المعوجة المظلمة ..
| |
|
|
|
|
|
|
|
|
|
Re: بيع نادي المريـــــــــــــــــــــــــ (Re: محمد المرتضى حامد)
|
بسم الله الرحمن الرحيم
⭕ القصر الجمهوري ⭕
🇻🇳 نفره نادي المريخ الرياضي لدعم مشواره الأفريقي . تحت رعايه نائب رئيس الجمهوريه
1/ بنك السودان 2مليار
2/ بنك الأدخار والتنميه 100 مليون
3/ بنك الجزيره السوداني الاردني 100 مليون
4/ البنك العقاري 200 مليون
5/ بنك الثروه الحيوانيه 150 مليون
6/ جهاز المغتربين 100 مليون
7/ وزاره الماليه ولايه الخرطوم مليار
8/ بنك البركه 100 مليون
9/ البنك الاسلامي السوداني 100 مليون
10/ شرطه ولايه الخرطوم 500 مليون
11/ البنك السعودي السوداني مليار
12/ النائب الاول لرئيس الجمهوريه 2مليار
13/ مزمل ابوالقاسم 100 مليون
14/ محي الدين عبد التام 100 مليون
15/ عادل ابوجريشه 50 مليون
16/ عبد الرحمن ابراهيم قطاع الجماهير 10 مليون
17/ الطاهر هواري 10 مليون
18/ عصام الدين مزمل 20 مليون
19/ الرشيد الطاهر 50 مليون
20/ جمال الوالي 500 مليون
21/ طارق حمزه شركه سوداني 500 مليون
22/ محمد علي الشيخ 20 مليون
23/ أسامه ونسي محمد خير 100 مليون
24/ عبد الرحمن الصادق المهدي 100 مليون
25/ صحيفه المريخ 50 مليون
26/ عماد الماحي مليون
27/ ودالنعمه 500 الف
الله يغطس حجركم يا سجم
القروش دي بتبني كم مدرسة وكم مستشفي. !!
..
| |
|
|
|
|
|
|
| |
محمد المرتضى حامد
محمد البشرى الخضر
عباس محمود
عبدالعزيز الفاضلابى
صديق مهدى على
هاشم عبدالله بشير
د.محمد حسن
الحاج حمد الحاج
عمر الفاروق عبد الله الشيخ
محمد حيدر المشرف
عمر أبوعاقلة
حمد عبد الغفار عمر
الفاضل يسن عثمان
علي محمد الفكي
فيس بوك
تويتر
انستقرام
يوتيوب
بنتيريست