|
|
|
 Re: بوست ابوعكاز (Re: عبدالحفيظ ابوسن)
|
لازم يكون عندك عكاز مضبب بي ضنب ثور فحل .. ورابط فيهو صامولة 24 اكتر من 5 لينية .. كونداب مكرب .. قرجة تمامحتان تخش .. ولامن تخش ألبع من طرف ما تفرز .. ألبع قبال يلبعوك الداخل يا لابع يا ملبوع اها ماتنسي تكون لابس كدارات كدايسها حديدفي عفيص شديد
| |
 
|
|
|
|
|
|
|
|
Re: بوست ابوعكاز (Re: عبدالحفيظ ابوسن)
|
هههه الشايقيحبابك ياخزي القصة الحكيتها زمان دواس بدوري سببممكن احكيها تاني اذا حبيتو ما ورانا حاجةاها الدواس هنا مادايرلو سبب تببتم الاعلان عن الدواس ومن يأنس في نفسه الكفاءة يخشوفي برضو ردود في بوست غير عكازي يخليك تطب عصاتك في اباطتك وتتشمر للدواس
| |
|
|
|
|
|
|
|
|
|
Re: بوست ابوعكاز (Re: عبدالحفيظ ابوسن)
|
ههههه ديسيس يا ديسيسماتسويني سبب .. معناتو عندك قرجة كاتل ساي ان شئتوكان راجيني اجيب ليك اسم بوست حلات لقلقك كما قال الفنان الامبراطور حسين الصادق !تحية ليك يا صاحب ولي ناس مدني .. قالوا خشيتو الهجقلوبة ! مبروك عليكم مهرجان التسوق الاول يتربي في عزكم
| |
|
|
|
|
|
|
|
|
|
Re: بوست ابوعكاز (Re: عبدالحفيظ ابوسن)
|
تعرف أخ أبو سنفي النيل الأبيض ثقافة ... ضرب العكاز ... قديمة ومتأصلة والناس هنا حرفاء لحد مذهـل في الضرب و ... الصــرف .. وطبعاً الصــرف أهم من الضــرب بكثير جداً ..الصرف هو أساس الأمن والسلامة في هكذا بيئــة .. حتى بالنسبة للحجازين ... (المخلصين) ... زي ناس أخوك الدسيس ديل ناس (حاجز .. حاجز ..) لازم تعمل منهم حساب ألف في المائة ... في السودان مهارات كثيرة ... (رائحــة ساكت ..) لو قامت شكلة في النيل الأبيض وفي صور (قلبو تقيل) تمكن من تصويرهــا ونشرت على (يوتيوب) .. لحازت على أعلى المشاهدات في منذ انشاء يوتيوب وإلى أن تبتلعه التكنولوجيا ذات يوم ..في مصــر ... (الهوينـة دي ..) وناس بحر أبيض .. يحبون استخدام التصغيــر ... عروبية منهم وضكرنة بدون شك ...نعود لمصـر .. المهارات زي دي بتدمج في أعمال سينمائية وفنية ومهرجانات وهيلمانات لا أول لها ولا آخــر بالذات في مناشط استقبال السياح وحصد دولاراتهــم وبتعمل قروش بالله مش أحسن بدل (افلقني وأفلقك .. لقّطني وألقّطـك ... ) ؟؟؟؟؟وبعدين تطلع غلطان ومتلوم والصلح يضيع حقك شمار في مرقــة .... مع ناس شيخ فلان والعمدة فلان تعرف دا كلـه .. وأشياء كتيرة أخرى غيره ...... من الغعمة الـ ما داير تختانا دي ياخ ... أحمد الشايقي
| |
|
|
|
|
|
|
|
|
Re: بوست ابوعكاز (Re: عبدالحفيظ ابوسن)
|
ود ابسن سلام وشوق ليك ولضيوفك يا اخي والله انت بتجيب حاجات بتجر ذكريات على ذكر العكاز وأمسك عكازك وأم عكاز الحرامي الجابو قدره الزريبهتحياتنا لكوستي من لوري القنا وللزعافه وحتى الزريبه وكمان الجزارين
| |
|
|
|
|
|
|
|
|
|
Re: بوست ابوعكاز (Re: موسى العجب)
|
معاوية ياصاحبالاستاذ بعرفو كمعلم لكن ما درسني ابداقرية امسك عكازك والتي تحولت ل ام عكازكالاستاذ شال اسمو من اسم حلتهم فقد كان من امسك عكازكولا يخف عليك دلالة الاسم يعني خليك جاهز امكن تنجلد لو جيت شاقي الحلة
| |
|
|
|
|
|
|
|
|
|
Re: بوست ابوعكاز (Re: عبدالحفيظ ابوسن)
|
تعرف يا الشايقي ضرب العكاز عندو علم تشريح عديل .. ضربة تكتل وضربة ترمي وضربة تدخلك في غيبوبة وهكذا .. لكل واحدة مكانها ولو بي بسطونة الصرف جزء من مهارات الدواس والصرف لا يقل عن مهارة الضرب درجةمرة شفتو ولد صغير دينكاوي شارط علي انو ما بنضرب .. ولمو فيهو الناس بالحجار وشايل ليهو عصاية صغيرة . ماسكها من النص .. وبدت الناس ترمي الحجار عليهو . اي حجر وصلو ضربو بالعصاية .. وفعلا صرف كل الحجار
| |
|
|
|
|
|
|
|
|
|
Re: بوست ابوعكاز (Re: عبدالحفيظ ابوسن)
|
ابسن يا صديقيمرة كان معانا مستثمر خليجي عندو معانا شغل فبعد العتاريس والسلحفاءية في مسالة الاستثمار قنع وقال راجع ..فقلنا نعمل ليه باربكيو على طريقتنا الخاصة وعزمناه في سوق اسمو ود النمر شرق سنار بكون يوم سبت من كل اسبوع ..اها يا صاحب قمنا دغش ومشينا على الجزارات حجزنا اللحمة الضاني والعجالي وكبدة الابل ..وشلنا حاجات الشوي ومشينا على البحر المقصود بالبحر نهر الدندر .وفي شدر السنط الضليل وقعدنا نشوي وناكل ومبسوطين واخر الستة فجاءة شايفين الناس قايمين صووووف ..اتوغوشنا وقلنا في شيء غلط المهم استعدينا للجري ههههههه لكن تاني قلنا لازم نعمل فيها شجعان قدام الاجانب هههه وركبنا العربات وقلنا للضيف خليك هنا نشوف الحاصل شنو ...ومشينا السوق ما بعيد من البحر يمين يا ابسن لمن وصلنا سامعين صوت العكاكيز ليه صدى ..حرب كلاسيك لافيها صوت جبخانة ولا يحزنون بس عكاكيز بين ناس قريتين والله منظر عجيب يا اخي لحدت الشرطة اتلمت الشكلة دي قريب ساعتين مافي زول قدر يضرب التاني الا تعويقات بسبطة اي واحد لو لموا فيه اربعة مافي زول بضربو ..ناس كلهم خبراء المهم الناس والشرطة اتدخلوا ووقفوا الشكلة ..بالجد شغل العكاكيز دا للبعرفوه مافي زول بقدر على التاني. فعلا زي ماقال الشايقي فنون الصرف بتاعة العكاز دي من ابجديات القباءيل الرعوية -----اتذكرت الخاطرة دي بمناسبة عنوان البوست فاذا بتعرف تصرف ادخل اي بوست ابعكاز ولا ابقرجة بتطلع سليم تحياتي مجددا يا عزيزي..مودتي
| |
|
|
|
|
|
|
|
|
|
Re: بوست ابوعكاز (Re: علي دفع الله)
|
مرحبا موسي وحبابكومرحب بيك في سودانيز يوصل سلامك .. وطريتني صاحبي المختفي موسي الراجل . لعله بخير فهو موسوعة في تراث بحر ابيضوانت البتعرف لوري القنا اكيد من كوستي . القنا والحصير من ما جات حكومة الانقاذ وقف .. كان القنا والحصير السمح وكتل الخشب السمحة للاثاث بتجي من الجنوب . ووقفت
| |
|
|
|
|
|
|
|
|
|
Re: بوست ابوعكاز (Re: عبدالحفيظ ابوسن)
|
سلام تاني ود إبسن وشوق قدر الصنادل الكانت بتجي من الجنوبوشفت كيف شر الإنقاذ ضيع خيرات بحر ابيض الماشه وجايهويسال منك الخير يالحبيب ياني ذاته بس مفتاح الحوش ضاع جدعت المضبب والقنفوته وشلت لي مراغهوالزول كان ما تكل ضهره على شدره غميته الصرف ببقالو صعب واحد كان مالي كتفه تركاش (حربه ،كوكاب نمنم ، طبيقه ،)وضراعه سكين بلدق دق الجفره اها انقلج ليهو مع واحد شايل ضلعه بسقالو يا زول انعدل وفك فيه القاذفات من بعيد الزول سيد الضلعه صراف قشاها كروما اتزحزح وفقش العكاز على اتنين في الصقيعه شفت كتر الاسلحه ما بهزم
| |
|
|
|
|
|
|
|
|
|
Re: بوست ابوعكاز (Re: عبدالحفيظ ابوسن)
|
تعرف يا ود دفع اللهقالواسأل معاوية بن ابي سفيان .. سأل عمرو بن العاص وهما مالا يخفيا عليك من الدهاءقالوا ليهقاعد تتصرف كيف عند القضايارد عمروامر ما تبينت المخرج منو ما بخشوثم سأله عمرو بن العاصوانتفقال له معاويةوانا امر تبينت فيه شبهة فلا ادخلهومعاوية هو القائلثلاثة ارباع الفطنة تغابيف شنوالدواس المتل حق العوين ما بنخشو .. فهو منابيذ وشتيمة وامي وامك
| |
|
|
|
|
|
|
|
|
|
Re: بوست ابوعكاز (Re: عبدالحفيظ ابوسن)
|
مرحبا عمر دهبوحبابكدع مايريبك إلي ما لا يريبك ف شنوباقي مروة الملابعة دي الواحد يدخرها للامر البستحق وبعدينك هو زاتو الملابعة حقت المنابر دي غير شيل الحس وتسويد التاريخ الاسفيري ما بتضيف للزول حاجة
| |
|
|
|
|
|
|
| |
عبدالحفيظ ابوسن
أحمد الشايقي
عباس الدسيس
معاوية الزبير
علي دفع الله
فيس بوك
تويتر
انستقرام
يوتيوب
بنتيريست