الله يسامحه ويعفو عنه .. أول مرة أصادف حاجة كدا

سودانيز اون لاين
طلحة عبدالله-
مكتبتى
رابط مختصر

والإحتفال بموته ..

لفيت تقريبا كل المنتديات والقروبات والتجمعات والمجالس

المتوفرة في الأسافير فما لقيت إلا كراهية منقطعة النظير

لهذا الرجل .. بل حتي في الواقع لم يتكلم عنه أحد بالخير أو يترحم

عليه إلا ما ندر ( أتكلم طبعا الناس القابلتهم أمس واليوم )

معقولة ؟؟؟

سبحان الله .. والله أول مرة أصادف حاجة كدا .

العزيز .. طلحلح ..

صباح الخير .. وصباح البلاء الانجلي ..

Quote: لأول مرة في حياتي أشوف ميت يجمع الناس على كرهه وشتمه والإحتفال بموته .. لفيت تقريبا كل المنتديات والقروبات والتجمعات والمجالس

يا طلحه من احبه الله احبب الناس فيه .. والعكس تمامآ .

___________________________

(عدل بواسطة طلحة عبدالله on 03-06-2016, 09:39 AM)

ما طالبني حليفة

مبالغة والله

دي حاجة مذهلة وفوق التصور .. والله أنا داخل في رعب عديل .

المنبر الصفحة الأولي كلها تنز بكراهية هذا الميت

والفيس بوك إحتفالات مدورة

والواتس شماتة لا حدود لها رغم أنه لا شماتة في الموت

وكذا في الواقع ..

لا حولاااااااااااااااااااااااااااااا

يا اخوي كلامك دا ما صاح

او علي الاقل ما دقيق

اسه انا القدامك دا بتجيني رسائل في الواتس

من ناس ما عندهم اي علاقة بالحكومة وبكرهوها عمي

ونفس الشيء الشعبي

رسائل كلها ترحم علي الميت والتحدث عنه

بصورة إيجابية

والله لما انا ذات نفسي متفاجئ

ومستغرب في الشعب السوداني دا

ناهيك عن المشاهد الشفتها في التلفزيون في التشييع

وانا القدامك دا لو سألتني امبارح عن رأي فيهو

كان قلت ليك سالب

بس دلوقت

ما بحمل للرجل اي غل

ولا يجوز عليه الا الرحمة

ولو ما دائر اغرق ليك البوست

بنزل ليك الرسائل هنا دا الملت لي الواتس لما حيرتني

رحم الله الرجل

فقد ذهب عند مليك مقتدر

بتكلم عن حاجة شفتها أنا ما أنت .. وقلتا الكلام فوق

دا .. يعني أنا ما لاقاني الكلام اللاقاك دا .. وبالطبع ما بقدر

أقول ليك كلامك دا ما صاح باعتبار انو فعلا لاقاك كلام عكس

ما لاقاني .. فما عارف الثقة الخلتك تنفي حاجة شفتها أنا شنو ؟؟

من تالاني أنا مصدقك أنت لو ما عايز تصدقني فدي حاجة بتخصك

لكن ما بتنفي مشاهداتي بأي حال من الأحوال .

وما توفيقي اوعدمه الا بالله العلي القدير

الشئ التاني ارجع لكلامك الفوق شوف انت عممت كيف

وانا علشان ما بحب اللولوة الفي البورد دا

يا طلحة يا اخوي

قلت ليك كلامك غير دقيق

انت كنت بتعكس في صورة

كانو في اجماع من كل السودانيين في موضوعك دا

كلامي واضح جدا أعتقد

الناس البتكلم عنهم ديل الناس الشفتهم أو قريت ليهم في المنابر

والأسافير القلتها دي .. ديل كلهم أجمعوا على كراهيته كما ذكرت فوق

ما قريت أو شفت عكس كدا .. يعني الإ‘جماع دا ياهو في الحدود الذكرتها

فوق دي .. ما قلتا ناس السودان والعالم الإسلامي .. أنا ما عارف اتا عايز

تغالطني في حاجة شفتها أنا ليي ؟؟؟

بعدين ياخ قلتا في العنوان ربنا يسامحو ويعفو عنه وما أبديت أي مشاعر

نحو كرها أم حبا لأنو بالطبع أنا ما مطالب بالإفصاح عن مشاعري ناحيتو

أكرر ليك تاني

إجماع الناس دا محصور في القروبات والواتس والمنابر الأنا شفتها

ومريت عليها لغاية لحظة كتابة البوست دا .. طيب خلاص ممكن أستبدل

والله ماني مستعجل

كلامك دا يبقي صاح

لو استثنينا

منبر بكري دا

من حسبتك دي

ودا طبعا ما ممكن

لسببين

الأول انو اكبر موقع للتواصل يتم فيهو التفاعل والتلاقح بين الآراء المختلفة

الشئ التاني

هو الحكم البيني وبينك

اسه بالله عليك

شوف الاصوات النشاز ياتا

البترحموا عليهو ولا البشتموا ويسبوا ويلعنوا

وربنا يرحم الرجل فقد ذهب لربه

كتبتو بناء على ما شفتو وقريتو في الواتس والفيس بوك وبعض

المشاهد الواقعية .. يعني المنبر وما فيهو من كراهية غالبة

وادخل جوة شوف الناس رادين ليهم شنو

هم كم واحد بتنطط من هنا لهنا

ومعروفين بالاسم

وغلبم البسو

ولو داير اشخصن المواضيع كنت جبتهم ليك بالاسامي

ثم ثانيا وحات الخلقني وخلقك ما داير اغالطك

اها واسه دي

هادي قفلة للموضوع دا وبالضبة والمفتاح

اها كدا كيف معاك

لما يجيك ابوحسين اسه دي

رأيي انو دا زول ميت ينبغي الترحم عليه والدعاء له لا عليه

مهما أبتلاه الله من موبقات ..

البوست بتاعي دا عكس لواقع بس ما أكتر من كدا

وللتعبير عن دهشتي .

ردود الفعل تقريباً متساوية بين شامت ومترحِّم ـــ على الأقل فى المنبر ده ـــ .. ولكن طبعاً إنطباعك ربما نتيجة تفاعلك فى صفحات وقروبات معادية للترابى ..

المهم فى موضوعك ده إنو عاوز أقول أن مبلغ الخصومة فى بلدنا وصلت مرحلة الفجور وسفك الدماء .. ويمكن معظم من قرأتَ لهم وصلوا مرحلة من فجور الخصومة مدىً بعيد ..

ولو أصلو كراهية الناس تُقاس بالصوت العالى لتقييم المقامات أنظر لكراهية الشيعة للصحابة الكرام وأم المؤمنين .. وهم الذين يسبونهم ليل نهار منذ فجر التاريخ .. أو كدى أقنِع الجمهوريين بأن أستاذهم لا يُذكر بالخير عند كثير من السودانيين

ورب الكعبة كل الاعضاء .. اقول كل الاعضاء باستثناء اثنين او ثلاث

كلهم بنتقدو - ما داير اقول بشتموعشان الامام ما يبقا لي في رقبتي - بنتقدو

الترابي والمتداولة بكثرة هي ( اذكرو محاسن موتاكم )