|
كتب الكاتب الفاتح جبرا المتوفرة بمعرض الدوحة
|
|
 Re: الفاظ عنصريه من موظف سعودي على دكتور سودا� (Re: Deng)
|
يا ريت يا دينق تشوتو بالواتس.. معليش نعمل ليك قطايع شوية..
لو طبيب صومالى ما كان حصلوا وزارة الصحة.
لما الكفيل اتعنصر وأساء للصومالى.. قام طلع الجواز وقطع الصفحة الفيها التأشيرة.. شرطها وضربه بيها فى وشو.. تصرف ما حضارى لكن لما تتعامل مع اجلاف فإن العدالة الناجزة مرات تكون لابد منها.
.
| |
 
|
|
|
|
|
|
|
|
Re: الفاظ عنصريه من موظف سعودي على دكتور سودا� (Re: Abureesh)
|
أعتقد أن تصرف الطبيب السوداني هو التصرف الصحيح
لم يستجب لاستفزازات المريض ومحاولات جره لمشادة واشتباك
بل كان الطبيب واثقا من نفسه باردا.
الحماقة والانفعال الشديد صفات يتصف بهم أغلب السودانيين حتى ولو أدى ذلك الانفعال لفقدان وظيفة او منصب
مما جعل السوداني هشا غير قادر على المنافسة
لقد انتصر الطبيب السوداني بتصرفه هذا والدليل سيتعرض الموظف للمحاسبة
الثقة بالنفس مهمة وكذلك طولة البال.. شخص لا تعرفه ةلا يعرفك ولا يعرف والدك فان شتم واساء فلنفسه
| |
|
|
|
|
|
|
|
|
|
Re: الفاظ عنصريه من موظف سعودي على دكتور سودا� (Re: Abureesh)
|
في طبيب سوداني كان شغال في مستوصف حكومي سعودي قبل 7 سنوات ...
يوم كان مزاجه ما رايق فجاءه واحد سعودي وسأله من علاج معين ...
السوداني قال ليه علاجك دا انا ما عارفه ...
المراجع قال ليه انت الظاهر عليك راعي ...
الطبيب السوداني رد ليه وقال ليه لو أنا راعي انت غنماية ...
المراجع اشتكى للسلطات وتم انهاء عقد الطبيب ...
علما بأنه ما كان عنده حتى بيت خاص بالسودان ...
بعد رجوعه للسودان اتعاقد مع دولة خليجية اخرى بعقد أفضل من الأول ...
.
.
.
أمس كان نسخت رابط الفيديو الجابو دينق في بوست " النور حمد" ولكن تم حذفه من اليوتيوب ...
.
.
.
| |
|
|
|
|
|
|
|
|
|
Re: الفاظ عنصريه من موظف سعودي على دكتور سودا� (Re: قسم الفضيل مضوي محمد)
|
ملاحظ انه الدول الاخري تدرب العمالة علي كيفية التصرف
السودانيين ما بحكو ال مشاكل لذلك يتفاجئ ( الزول )
وزي ما قال احمدونا يفقد حقه
يعني دلوقت الطبيب الذي تصرف بثقة يستطيع الرجوع للسودان لو عاوز
أو يشوف بلد تانية أو يواصل موفور الكرامة
احكو يا سودانية وضعوا كل السيناريوهات
من انفعال لضبط اعصاب لاستقالة مسببه
| |
|
|
|
|
|
|
|
|
|
Re: الفاظ عنصريه من موظف سعودي على دكتور سودا� (Re: حيدر حسن ميرغني)
|
الرجولة يا حيدر في ضبط النفس والترفع عن الصغائر..
الا اذا فهمنا الرجولة هي الحماقة والانفعال وابراز العضلات لكل من هب ودب..
ما ممكن ابدا الناس تكون زي البالونة أي دبوس او استفزاز من اليسوى والما يسوى ينفعل ويرغي ويزبد..
هناك قانون حتى ولو في الواق واق
الغريب كل من شجع العنف هم من بلاد العالم المتحضر اليابان والصين وامريكا
طيب نحنا في امبدة نغمل شنو؟ اخنق فطس
| |
|
|
|
|
|
|
|
|
|
Re: الفاظ عنصريه من موظف سعودي على دكتور سودا� (Re: ombadda)
|
| Quote: انتو ناس امبدة تطلعوا السكاكين ولا شنو!!،،،، |
| Quote: طيب نحنا في امبدة نغمل شنو؟ اخنق فطس |
دكتور امبدة ... كلامك كلام عقل ...
لكن انت نسيت سواق التكس في بحري الوقفوهو اتنين رباطة أشرو ليهو : ( أمبدة ) ...
قال ليهم أمبده ليه ؟ ما تدقوني هنا و تشيلو قروشي ... :)
| |
|
|
|
|
|
|
|
|
Re: الفاظ عنصريه من موظف سعودي على دكتور سودا� (Re: ABDALLAH ABDALLAH)
|
من التسجيل نستنتج أن الموظق تغيب عن عمله ويريد شهادة مرضية حتى لا يتم خصم مالي عن أيام غيابه من جهة عمله
وصرح للطبيب بذلك.
موقف الطبيب اخلاقي جدا في الرفض..
لو واحد من باقي الشعوب التانية لكتب الشهادة المرضية بيديه وقدميه تملقا
ولخدمه ذاك الموظف بالمثل لو احتاج حسب مكان عمله..
تبادل مصالح
للأسف هذا التصرف موجود عند بعض الاطباء في السودان- من ضعاف النفوس
| |
|
|
|
|
|
|
|
|
|
Re: الفاظ عنصريه من موظف سعودي على دكتور سودا� (Re: ombadda)
|
تحياتى لك أخى العزيز دكتور أمبده
بالتأكيد لا إعتراض لدينا تجاه التمسك بالمبادئ والمُثُل لكن فى تقديرى أن بعض الموافق
تتطلب نوع من الدبلماسيه والحكمه كعقبه يمكن تجاوزها .
لاحظ كلام المسؤولين وعن من نشر الفيديو بإعتباره هو المسؤول عن إثارة هذه الزوبعه .
| |
|
|
|
|
|
|
|
|
|
Re: الفاظ عنصريه من موظف سعودي على دكتور سودا� (Re: يحي قباني)
|
لا أمل من مشاهدة فيديو طرد بكري حسن صالح وغبدالرحيم محمد حسين
اشاهده وكلي فخر بتحضر السودانيين وبعدهم عن العنف
تخيلوا نائب رئيس دولة ووالي ولاية افسدوا وقتلوا ويقابلهم الشعب بالهتاف
ويطردهم بدون أن يصابوا بخدش واحد. العجب في أنهم كانوا محاصرين تماما
من الجموع الهادرة وليس لهم حرس بالمستوى
قمة التحضر والوعي السياسي
وعادي جدا في شوارع الخرطوم تلمح عبد الرحيم محمد حسين سائقا سيارة وليس معه احد
وفي بعض الاحيان معه عمر البشير.قتلة ومجرمين لكن وعي الشعب وتحضره نفهم كل ذلك
و
التحضر وتبذ العنف ليس له علاقة بدول عالم اول وعالم اخر يا قباني
| |
|
|
|
|
|
|
|
|
|
Re: الفاظ عنصريه من موظف سعودي على دكتور سودا� (Re: اخلاص عبدالرحمن المشرف)
|
الأخ دينق التحية لك ولضيوفك
لا اعتقد أن هنالك فخ من قبل الطبيب السوداني . فالسعودي يعلم تماما بوجود
الكمرات . ويعلم انه لا يحاسب ولن يحاسب . فأسلوب الطبيب سلبي ويشجع على
التطاول على السودانيين . فكان بإمكانه تفادي الإهانة بطلب السي كيرتي المسؤول
أو أن يكون إلى جانبه الممرض . وان يتقدم بشكوى رسمية . ففي دول العالم
الثالث الأجنبي هو الخاسر في مواجهة ابن البلد . ولكن يمكن القول ان السوداني
بشكل عام سلبي في هذه الأوضاع أين ما كان . ففي مدينة كالقري كندا كان هناك
اعتصام مفتوح أمام مبنى الحكومة المحلية . وكان بموافقة الشرطة مع رقم هاتف
للاتصال بالشرطة في حال التعدي على المعتصمين . فالشباب واقفة يحملون اللافتات
فقام شخص كان يجلس بالقرب من المكان . فكسر اللافتة وصرخ يا قرود يا عبيد
ارجعوا بلدكم تحن لا نريدكم وووووو...............................................................
وكان الموقف اكثر سلبية من رد فعل الطبيب
| |
|
|
|
|
|
|
|
|
|
Re: الفاظ عنصريه من موظف سعودي على دكتور سودا� (Re: bakri abdalla)
|
| Quote: الغريب كل من شجع العنف هم من بلاد العالم المتحضر اليابان والصين وامريكا |
امبدة
سلام.
هذا الطبيب فوت فرصة تاريخية كان ممكن أن يرد بها على هذا الإعرابي العنصري الجلف، ولكنه فوتها وبكل جبن واضح.
وليس بالضروروة أن يرد عليه بيديه ، ولكن كان ممكن أن يرد عليه بطريقة "حضارية" ويعطيه درس في الأخلاق وفي القيم وحتى في الدين.
ولكنه لم يفعل كل ذلك.
الناس الفرحين بالتسجيل ، يجب أن لا تنسى أن التسجيل يكشف عن جبن وذل واضح لهذا الطبيب.
| |
|
|
|
|
|
|
|
|
|
Re: الفاظ عنصريه من موظف سعودي على دكتور سودا� (Re: Abdulgadir Dongos)
|
يا جماعة تحضر شنو مع عربي جلف زي دا
الطبيب دا جبن منو لا أكثر ولا أقل يعني شنو رجعوني السودان سو وووت
أقسم بالله لو الطبيب دا عندو زره من رجولة السعودي ود الكلب دا ما يرجع سالم
أقلها عاهه مستديمة وبعدها اليحصل يحصل . كفاية هوان بأسم التحضر وقطع الارزاق
الرزق بيد الله والموت واااحد بس الواحد يموت راجل .
| |
|
|
|
|
|
|
|
|
|
Re: الفاظ عنصريه من موظف سعودي على دكتور سودا� (Re: Deng)
|
Quote: من التسجيل واضح أن السودانى نصب شرك للسعودى وكان بسجل فى كلامهم
عشان كده كانت روحه سلبه بارد وهادى ومهذب فى رده على الإهانات
ركب خازوق فى الموظف السعودى |
ده كلام سليم واضح جدا بأن الطبيب السوداني كان بسجل في المكالمة عشان كده طول باله شديد لو ما كان ما أظن في سوداني بتحمل الكلام ده وفي تقديري تصرف الطبيب تصرف سليم مية في المية عشان ما يدي السعودي أي فرصة
| |
|
|
|
|
|
|
|
|
|
Re: الفاظ عنصريه من موظف سعودي على دكتور سودا� (Re: عبدالحفيظ ابوسن)
|
Quote: يا شباب إنتو عارفين تعويض الطبيب علي حسب لوائح وزارة الصحة السعودية كم؟؟؟
أي موظف خاصة في المهن الطبية يتعرض لمثل هذه المواقف يتم تعويضه بمبلغ 50 ألف ريال
|
لا تَسقِني ماءَ الحَياةِ بِذِلَّةٍ بَل فَاِسقِني بِالعِزِّ كَأسَ الحَنظَلِ
ماءُ الحَياةِ بِذِلَّةٍ كَجَهَنَّمٍ وَجَهَنَّمٌ بِالعِزِّ أَطيَبُ مَنزِلِ.
قروش وتعويض شنو البتخليني أستحمل حقير زي دا يسب والدي
ويهين بلدي ويهيني كبني آدم ؟؟؟؟
| |
|
|
|
|
|
|
|
|
|
Re: الفاظ عنصريه من موظف سعودي على دكتور سودا� (Re: عادل الباهي عبدالرازق)
|
Quote: أعتقد أن تصرف الطبيب السوداني هو التصرف الصحيح
لم يستجب لاستفزازات المريض ومحاولات جره لمشادة واشتباك
بل كان الطبيب واثقا من نفسه باردا.
الحماقة والانفعال الشديد صفات يتصف بهم أغلب السودانيين حتى ولو أدى ذلك الانفعال لفقدان وظيفة او منصب
مما جعل السوداني هشا غير قادر على المنافسة
لقد انتصر الطبيب السوداني بتصرفه هذا والدليل سيتعرض الموظف للمحاسبة
الثقة بالنفس مهمة وكذلك طولة البال.. شخص لا تعرفه ةلا يعرفك ولا يعرف والدك فان شتم واساء فلنفسه |
شوف غيره دا ما جايب تمنه ولا بوصلك للحتة المضايقاك
وزي ما قال ود الصايم بوست غير موفق
| |
|
|
|
|
|
|
|
|
|
Re: الفاظ عنصريه من موظف سعودي على دكتور سودا� (Re: Deng)
|
كالعادة انقسم الناس لفريقين مع وضد ..
تصرف الطبيب السوداني غير مهني على الاطلاق لو كان بغرض التسجيل او لاحتمالو الفائق الاساءات والشتائم .. يجب أن يوقف المريض عند حدو باسلوب حازم ويينادي باعلى صوته للامن او الشرطة ويشرع من فوره في مقاضاة المريض وتحميل الموارد البشرية ومكتبها القانوني مسؤولية متابعة الاجراءات القانونبة .. الموقف المهني الصحيح أن يكون هو المهيمن في الموقف لانو في عيادتو ..
اتمنى اللا يعير اهتماما كبيرا برد الفعل الصحيح لوزارة الصحة السعودية ووزير الصحة .. وان يواصل قضيتو المدنية ضد هذا السعودي ..
يتعرض الانسان الاسود في كل مكان للتمييز العنصري .. وتختلف ردود الافعال تجاه ذلك .. الا أن العنف ليس الوسيلة الصحيحة في اعتقادي
| |
|
|
|
|
|
|
|
|
|
Re: الفاظ عنصريه من موظف سعودي على دكتور سودا� (Re: Maawya Hussein)
|
جاتنا في الواتس - ما عارف هل دا ه و عمر بوب زميلنا أم اسم على اسم :
Quote: : كتب عمر بوب عن الطبيب الاتي
الطبيب دا ابن اختي وهو ابعد ما يكون من الجبن وكان يمكنه تكسير هذا السعودي فهو طول في عرض وهو الذي قام بالتسجيل ليسترد حقه بصوره حضاريه وقام فقط بارسال التسجيل لمديره لاسترداد حقه
الان جاري التحقيق في كيف تسرب هذا التسجيل
بالمناسبه لحظه وقوع الحادث لم يكن هناك احد بالمركز وكان يمكن للطبيب البطش بهذا السعودي دون ان يدري به احد لكن هذه ليست تربيته وهذه ليست اخلاقه
منذ بدأ السودانين الاغتراب للسعوديه مئات السودانين اشتبكو مع سعودين في مواقف مثل هذه فماذا حدث؟ هل توقف السعودين من سلوكهم الهجمي؟ ابن اختي اراد ان ياخذ حقه بصوره مختلفه
الان السعودي مدخل كل من يعرفه للتوسط لابن ختي للسماح عنه وابن اختي رافض ومطالب بان يسترد حقه بالطرق القانونيه |
| |
|
|
|
|
|
|
|
|
|
Re: الفاظ عنصريه من موظف سعودي على دكتور سودا� (Re: محمد حيدر المشرف)
|
عندي صاحبي يا دكتور كان شغال في الكول سنتر بتاع زين ..قال لي الشتائم والنبز والاساءات والاستفذاذات البنسمعا من بعض (جمهور المتصلين) ما ممكن زول يتخيلا ..لكن الموظف ممنوع منعا باتا انو يرد الاساءه او يقفل الخط في وش المتصل والا حا تفقد وظيفتك
فاي مهنه او وئسفه مرتبطه ارتباط مباشر مع الجمهور بيكون الوصول ليها عبر بوابه الصبر وطوله البال وضبط النفس
| |
|
|
|
|
|
|
|
|
|
Re: الفاظ عنصريه من موظف سعودي على دكتور سودا� (Re: محمد البشرى الخضر)
|
تعرض الطبيب لموقف صعب واختار ان يكون رد فعله على هذه الطريقة يسجل الاعتداء عليه ليتقدم بشكوى تحفظ حقه, يبقى طالما هذا خياره لا يستقيم ان يرد الاعتداء بلفظ أوبيد وإلاّ سيفقد حقه تماما
وكان واضح ان السعودي في تعمده تكرار الاهانات يعمد الى استفزازه ليصدر منه اي رد فعل و يقوم السعودي جاري ليشتكي
فا يا شباب لا داعي للأحكام من بعيد و اطلاق الاوصاف, هذا خيار الطبيب لو لم يعجبك على الاقل احترمه
و انت ان شاء الله لامن تتعرض لموقف زي دا فيه اعتداء عليك به عنصرية أو لا أخد راحتك في اخذ حقك بالطريقة التي تراها صحيحة
| |
|
|
|
|
|
|
|
|
|
Re: الفاظ عنصريه من موظف سعودي على دكتور سودا� (Re: muntasir)
|
واضح إنو السعودي شخص جاهل - وما أكثرهم - والإنحدار مع زول زي ده يقلل من قيمة الطبيب أولاً ثم لا تكون هناك نتيجة.
برضو واضح إنو الطبيب كان مستعد بالتسجيل لحماية نفسه. فهل ما دعاه لذلك تكرار الإعتداءات أم مجرد توقع منه؟
في رأيي كان الطبيب موفق في عدم الإستجابة للإستفزاز، لكن كان ممكن برضو (بنفس البرود) يكون موقفه أقوى.
في النهاية، نحن نحكم بنسجيل سمعناه، وربما هناك ظروف محيطة لا نعرفها ويعرفها الطبيب وحده.
| |
|
|
|
|
|
|
|
|
|
Re: الفاظ عنصريه من موظف سعودي على دكتور سودا� (Re: وضاح عبدالرحمن جابر)
|
انا اول مرة سمعت التسجيل ده اول أمس بالليل بالله زعلت لما النوم غلبني
سمعته تاني يوم بهدوء فوجدت نفسي متفهما لموقف الطبيب بل وموافقا له ان ما فعله
هو رد السلوك الأفضل في هذه الحالة.
ايام عملي في السعودية كنت اعمل في مركز طبي كبير ومجرد ان يبدر من اي مريض
او مرافق اي تصرف غير مظبوط الأمن بكون عندك في ثواني ويتم توثيق الحالة ودعمها
بشهادة الممرضة وموظفة الاستقبال او المراجعين و عموما كانت الادارة في صفنا.
اما في حالة من يعملون في المراكز الصحية التي تكون في الغالب خالية الا من الطبيب
ويكون بقية العاملين فيها من السعوديين وهم في الغالب لهم صلة قرابة بجميع المراجعين
ولبعضهم البعض بحسب توزيع السكان القبلي و العشائري في السعودية..في مثل هذه
الحالة يكون الأخ السوداني قد اختار الطريقة الأفضل للتعامل مع الموقف.
| |
|
|
|
|
|
|
|
|
|
Re: الفاظ عنصريه من موظف سعودي على دكتور سودا� (Re: سيف النصر محي الدين)
|
Quote: يا جماعة تحضر شنو مع عربي جلف زي دا
الطبيب دا جبن منو لا أكثر ولا أقل يعني شنو رجعوني السودان سو وووت
أقسم بالله لو الطبيب دا عندو زره من رجولة السعودي ود الكلب دا ما يرجع سالم
أقلها عاهه مستديمة وبعدها اليحصل يحصل . كفاية هوان بأسم التحضر وقطع الارزاق
الرزق بيد الله والموت واااحد بس الواحد يموت راجل . |
يا عادل الباهي
أفرض وإنتا ماشي في شارع من شوارع لندن إتشاكلت مع واحد إنجليزي .. وقام شتمك وسبك وقال ليك يا سوداني يا حيوان يا حمار يا خروف .. وسب أهلك وقبيلتك ودينك .. وبعدين قال ليك أنا شغال في Home office .. أي حركة منك سوف نلغي إقامتك في بريطانيا ونرحلك السودان فوراً ..
تجر واطي ؟
ولا تعملها جعلية ,, وبكرة يسفروك السودان ؟
| |
|
|
|
|
|
|
|
|
|
Re: الفاظ عنصريه من موظف سعودي على دكتور سودا� (Re: Ali Abdalla Hassan)
|
شكرا دينق لإيراد الفيديو
تنبيه مهم: الصورة المرفقة مع الفيديو لزميلنا و سنيرنا في جامعة الخرطوم و ليس لها علاقة بالطبيب صاحب التسجيل
لا أستطيع الحكم على موقف الطبيب المعني، و لكن موقفي شخصيا كان سيختلف تماما .. أحيانا الحلم يقود إلى التمادي، ولا أدعي أني أتحلى بسعة صدر هذا الطبيب و لو كنت مكانه لردعت ههذا العنصري البغيض بكل وسيلة ممكنة
أكرر: أنا هنا أتحدث عن موقفي الشخصي و ليس ما أرى أنه مناسب نظرا لعدم إحاطتي بجوانب الموضوع
تحياتي
| |
|
|
|
|
|
|
|
|
|
Re: الفاظ عنصريه من موظف سعودي على دكتور سودا� (Re: عزان سعيد)
|
وبعد دا يجيك واحد أهبل زي محمد احمد المحجوب يقول ليك:
تلك دعدٌ سواد الشعر كللها إختي لقيتك بعد الهجر أزمانا
اختك بتاعت فنيلتك؟
دي لو قابلتك في أي ملف بتقول ليك شو فيك يا الخال؟
قصة حقيقية قالوا معلم سوداني في الامارات بدرس طالبات
مدرسة ثانوية، لقى واحدة من طالباته في المول وقال ليها
وييين يا فلانة؟!
صرت وشها وقالت ليهو شو فيك يا الخال؟!
المهم محمد أحمد المحجوب بجانب أنه عروبي مستلب، برضو
إسلامي، وبتمنى أن يحتل العرب الأندلس، في زول عاقل يدعو للإستعمار؟
| |
|
|
|
|
|
|
|
|
|
Re: الفاظ عنصريه من موظف سعودي على دكتور سودا� (Re: النذير حجازي)
|
| Quote: واحد أهبل زي محمد احمد المحجوب |
هذ هو المحجوب Quote: بولاية النيل الأبيض وتخرج في كلية الهندسة بكلية غردون التذكارية عام 1929م ،كما نال الاجازة في الحقوق عام 1938م، عمل في مجال القضاء حتى استقال عام 1946م ، ليعمل بالمحاماة عام 1947م ثم انتخب عضواً بالجمعية التشريعية واستقال منها عام 1948م .تولى منصب وزارة الخارجية عام 1957م وفي حكومة أكتوبر تولى منصب وزارة الخارجية في عام 1964 م، وفي فترة الديمقراطية الثانية تولى منصب رئيس الوزراء عام 1967م ،وتولى المنصب مرة أخرى عام 1968م إلى جانب مهام وزير الخارجية .
من مؤلفاته مقالات في صحيفة النهضة وفي مجلة الفجر وكتاب (الحكومة المحلية) كما اشترك مع عبد الحليم محمد في كتاب (موت دنيا) له كتاب (نحو الغد) كما له كتاب (الديمقراطية في الميزان) باللغة الإنجليزية Democracy on Trial وله أشعار كثيرة وديوان(الأندلس المفقود) . توفي عام 1976م |
الذي في زمن النت المجاني و سودانيزاونلاين يأتي السيد النذير حجازي ويصفه بكل مجانية وبساطة الدنيا بالهبالة!
كدي يا نذير نوّرنا بما فاتنا من سيرتك الذاتية العظيمة و انجازاتك غير المسبوقة التي تبيح لك وصف شخصية مثل المحجوب بالهبل
| |
|
|
|
|
|
|
|
|
|
Re: الفاظ عنصريه من موظف سعودي على دكتور سودا� (Re: جلالدونا)
|
Quote: سلامات جورج, و زوارالخيط
الملاحظ ان السلطات الرسميه ستعاقب ايضا وتبحث عن من نشرالفديو فى الشبكه العنكبوتيه.. يعنى السلطات السعوديه معنيه اكثر بمنع تدوال المواد التى تشير بوضوح لعنصرية واضطهاد المواطنيين السعوديين للمهنيين والعمال الاجانب. |
سلامات يا أبو نورة.
ملاحظتك في مكانها تماما، وفي الغالب أن موضوع تسريب التسجيل سوف يتم مساومة هذا الدكتور المسكين به.
يعني ح يتهموهو بتسريب الفيديو، وبعد داك ما عندو طريقة غير يتنازل من حقه ضد ذلك المواطن السعودي العنصري.
| |
|
|
|
|
|
|
|
|
|
Re: الفاظ عنصريه من موظف سعودي على دكتور سودا� (Re: معاوية المدير)
|
كدي ورونا قانون السعودية بقول شنو في الحالة دي -؟ بتعامل مع العنصرية كيف وبتدين الجاني كيف؟
مثل مدير وزير الصحة وزير الصحة اتصل بالطبيب وطيب خاطرو دي مسالة - ثانية المسالة
المهم هي العلاج القانوني ! ورونا القانون بي نص علي شنو ؟
الحادثة!
لو وقعت الحادثة في مكان العمل فلامجال لاخذ القانون باليد والضرب والبونية -- وكذلك لا مجال
للمسامحة - فهي هنا تفهم ضعف ! يجب ابلاغ كافة السلطات المختصة واخذ الحق عبر القانون
(ان وجد )-- المهنية تتطلب الابتعاد عن الضرب والعنف البدني ردا علي اساءة لفظية وخصوصا من طبيب !
لو حصل الكلام برة الشغل - او في السوق او في قهوة - فهذا امر اخر وقد يفهم رد الفعل
حينها - كتصرف طبيعي - ورد علي اهانة واستفزاز! وان كان البعض يفضل الحسم عبر القانن في كل الاحوال !
--
| |
|
|
|
|
|
|
|
|
|
Re: الفاظ عنصريه من موظف سعودي على دكتور سودا� (Re: عادل الباهي عبدالرازق)
|
شكرا لدكتور سيف والسلطان دينق وبقية الحلوين
أقرأوا القصيدة كاملة للعروبإسلامي دا، الزول دا بقوانين اليوم إرهابي عديل،
وقال عايز يفجر الدنيا بركان في وجه الدول الغربية التي سماها بلاد الشرك
الفردوس المفقود
في رثاء الأندلس
للشاعر السوداني:
محمد أحمد المحجوب
نزلتُ شَطكِ، بعدَ البينِ ولهانا@ فذقتُ فيكِ من التبريحِ ألوانا
وسِرتُ فيكِ، غريباً ضلَّ سامرُهُ @ داراً وشوْقاً وأحباباً وإخوانا
فلا اللسانُ لسانُ العُرْب نَعْرِفُهُ @ ولا الزمانُ كما كنّا وما كانا
ولا الخمائلُ تُشْجينا بلابِلُها @ ولا النخيلُ، سقاهُ الطَّلُّ، يلقانا
ولا المساجدُ يسعى في مآذِنِها @ مع العشيّاتِ صوتُ اللهِ رَيّانا
****
كم فارسٍ فيكِ أوْفى المجدَ شرعتَهُ @ وأوردَ الخيلَ ودياناً وشطآنا
وشاد للعُرْبِ أمجاداً مؤثّلةً @ دانتْ لسطوتِهِ الدنيا وما دَانا
وهَلْهلَ الشعرَ، زفزافاً مقَاطِعُهُ @ وفجّرَ الروضَ: أطيافاً وألحانا
يسعى إلى اللهِ في محرابِهِ وَرِعاً @ وللجمالِ يَمدُّ الروحَ قُربانا
لمَ يَبقَ منكِ: سوى ذكرى تُؤرّقُنا @ وغيرُ دارِ هوىً أصْغتْ لنجوانا
****
أكادُ أسمعُ فيها همسَ واجفةٍ @ من الرقيبِ، تَمنّى طيبَ لُقيانا
اللهُ أكبرُ هذا الحسنُ أعرِفُهُ @ ريّانَ يضحكُ أعطافاً وأجفانا
أثار فِيَّ شُجوناً، كنتُ أكتمُها @ عَفّاً وأذكرُ وادي النيل هَيْمانا
فللعيونِ جمالٌ سِحرُهُ قدَرٌ @ وللقدودِ إباءٌ يفضحُ البانا
فتلك دَعْدٌ، سوادُ الشَعْرِ كلَّلها @ أختي: لقيتُكِ بَعْدَ الهجرِ أزْمانا
أختي لقيتُكِ، لكنْ أيْنَ سامُرنا @ في السالفاتِ ؟ فهذا البعدُ أشقانا
أختي لقيتُ: ولكنْ ليس تَعْرِفُني @ فقد تباعدَ، بعد القُربِ حيَّانا
طُفنا بقرطبةَ الفيحاءَ نَسْألها @ عن الجدودِ.. وعن آثارِ مَرْوانا
عن المساجد، قد طالت منائرُها @ تُعانق السُحبَ تسبيحاً وعرفانا
وعن ملاعبَ كانتْ للهوى قُدُساً @ وعن مسارحِ حُسنٍ كُنَّ بسْتانا
وعن حبيبٍ، يزِينُ التاجَ مِفْرقُهُ @ والعِقدُ جال على النّهدين ظمآنا
أبو الوليد تَغَنّى في مرابِعِها @ وأجَّجَ الشَوقَ: نيراناً وأشْجانا
لم يُنْسِه السجنُ أعطافاً مُرنَّحةً @ ولا حبيباً بخمرِ الدَّلِّ نَشْوانا
فما تَغرّبَ، إلاّ عن ديارهمُ @ والقلبُ ظلَّ بذاك الحبِّ ولهانا
فكم تَذكّرَ أيّامَ الهوى شَرِقاً @ وكم تَذكّرَ: أعطافاً وأردانا
قد هاجَ منه هوى ولادةٍ شَجَناً @ بَرْحاً وشوْقاً، وتغريداً وتَحْنانا
فأسْمَعَ الكونَ شِعْراً بالهوى عَطِراً @ ولقّنَ الطيرَ شكواه فأشجانا
وعاشَ للحُسنِ يرعى الحسنَ في وَلَهٍ @ وعاش للمجدِ يبني المجدَ ألوانا
تلكَ السماواتُ كُنّاها نُجمّلُها @ بالحُبِّ حيناً وبالعلياء أحيانا
فرْدَوسُ مجدٍ أضاعَ الخَلْفُ رَوْعَتَهُ @ من بعدِ ما كانَ للإسلامِ عنوانا
****
أبا الوليدِ أعِنِّي ضاعَ تالدُنا @ وقد تَناوحَ أحجاراً وجُدرانا
هذي فلسطينُ كادتْ، والوغى دولٌ @ تكونُ أندلساً أخرى وأحزانا
كنّا سُراةً تُخيف الكونَ وحدتُنا @ واليومَ صرْنا لأهلِ الشركِ عُبدانا
نغدو على الذلِّ، أحزاباً مُفرَّقةً @ ونحن كنّا لحزب اللهِ فرسانا
رماحُنا في جبين الشمسِ مُشرَعةٌ @ والأرضُ كانت لخيلِ العُرب ميدانا
أبا الوليدِ، عَقَدْنا العزمَ أنّ لنا @ في غَمرةِ الثأرِ ميعاداً وبرهانا
الجرحُ وحّدَنا، والثأرُ جَمّعنا @ للنصر فيه إراداتٍ ووجدانا
لهفي على «القدسِ» في البأساء داميةً @ نفديكِ يا قدسُ أرواحاً وأبدانا
سنجعل الأرضَ بركاناً نُفجّرهُ @ في وجه باغٍ يراه اللهُ شيطانا
ويُنتسى العارُ في رأد الضحى فَنَرى @ أنَّ العروبةَ تبني مجدَها الآنا
| |
|
|
|
|
|
|
|
|
|
Re: الفاظ عنصريه من موظف سعودي على دكتور سودا� (Re: اخلاص عبدالرحمن المشرف)
|
أمبارح سمعت نص التسجيل اليوم سمعته كله
كما قلت الطبيب كان حذر فى طريقه كلامه ورد الفعل عشان التسجيل
لكن (جزاك الله كل خير) البكرر فيها بالغ فيها ؟؟ زول بيهينك
تدعو له بالخير؟؟ كان مثلا يقول ليه ربنا يهديك لو داير يجر ناعم
وكان يمكن أن يستمر فى ضبط النفس ولكن يكون صارم فى رده (اللائق)
ولكن ليس الخنوع.. دى طبعاً حساباتها دقيقة وهو آثر (الضمان) الخانع
السعودى طريقة كلامه وتونة صوته يبدو لى ليس غضبان إنفلتت أعصابه
بل يبدو هادئاً . كان بيرفع تدريجياً فى جرعات الإساءة عشان الطبيب يخرج عن طوره
ويخطئ سواء بالقول او الفعل.وغرضه إما سيلقى تعويضا ماليا أو لمجرد تسبب
ضرر للطبيب ويفقده عمله .. وإحتمال برضو كان بسجل .. كانت مباراة
بين طرفين إنتصر فيها الطبيب السودانى
الطبيب غير ملام فى رفضه تحرير شهادة مرضية، ولكن أيضا لو مشى حاله
وحررها له فليست نهاية الدنيا .. هى مجرد تسديد أوراق فى سجلات مكان
عمل الموظف مما يترتب عدم الخصم .. الحنبلة والحصافة بتكون يرفض أخذ أى فلس
من السعودى مقابل مساعدته.
| |
|
|
|
|
|
|
|
|
|
Re: الفاظ عنصريه من موظف سعودي على دكتور سودا� (Re: نادر الفضلى)
|
النذير
سلامات ياخي
والله شكرا للقصيدة الرائعة دي الجبتها لمحمد احمد محجوب
بس خليك من المعنى ،،،والتاويل والشرح لكن اذا تذوقت موسيقى
الكلمات واللحن الموزع بين شطرات ابيات القصيدة تكفي ان نحترم
قائل القصبدة بغض النظر عن معاني ابياتها،،،والشعر سواء كان ذما ام مدحا
يقع في النفس الموقع الحسن،،،
فلا تظلم الرجل ،،فان كتب التاريخ ، سواء من رواية الاعداء او الاصدقاء، اعني
اعداء السودان واصدقائه ، تشهد له بالبراعة السياسية والدبلوماسية، وهو الذي وقف
له الاوربيون اعجابا يصفقون له،،،،
مع وافر الاحترام والتقدير،،،
| |
|
|
|
|
|
|
|
|
|
Re: الفاظ عنصريه من موظف سعودي على دكتور سودا� (Re: امتثال عبدالله)
|
| Quote: يتعرض الانسان الاسود في كل مكان للتمييز العنصري .. |
قرقرقرقر!
محمد حيدر، ما قتو عرب؟
الحصل شنو؟
ما قتو انتو اقرب الناس للعرب؟
انشاء الله خير؟
شنو فجاة قعدتا تسوي الانسان الاسود اي "الزنجي" يتعرض للتمييز؟
طيب ماذا عن استعلاء امثالك من ذنوجة الاعراب علي بقية اهلهم، انطلاقا من انهم عرب يا بريمة ادم العالم العربي؟
بريمة وين؟
| |
|
|
|
|
|
|
|
|
|
Re: الفاظ عنصريه من موظف سعودي على دكتور سودا� (Re: Bashasha)
|
| Quote: وقال عايز يفجر الدنيا بركان في وجه الدول الغربية التي سماها بلاد الشرك الفردوس المفقود في رثاء الأندلس |
النذير شلوم،
اها "العبد الحبشي" هذا اي المدعو المحجوب، طبعا ماعارف كيف من اوجود حاجة اسمها اندلس كانو كوشيين اي افارقة وهم المور، وان كان ماتم تحت لافتة الدولة العربية!
نعم الجيش، والاهما الارث الحضاري، وغالبية الملوك اللي اسسو وحكمو الاندلس كانو افــــــــــــــارقة مـــــــــــــور وليسو بعرب ساميين!!!
ولاجديد في نسب انجازاتنا نحن بالذات في مجال العلوم، للعرب او الخواجات! المور هم سكان شمال افريقيا التاريخيين اي السكان الاصليين الافارقة في تونس اليوم ليبيا اليوم جزائر اليوم مغرب اليوم غانا اليوم...الخ!
نعم طارق ابن زياد كان افريقي اي كوشي وليس بعربي!!
انا والاميرة الكوشية امنة مختار حنفتح بوست جماعي عن تاريخ المور، وملوك الاندلس الافارقة اي الكوشيين....
بس ارجوكم بريمة ادم ده اليوم داك تشوفو زول يحرسو!
انا خايف يجن!
نعم هو قال عربي جانا من الاندلس!
الان اتضح الجو صادين من الاندلس كانو "ذنوج"!!
عيييييييييك!
غايتو مشكلة كبيرة جدا، الله يستر!!!!!!!!
| |
|
|
|
|
|
|
|
|
|
Re: الفاظ عنصريه من موظف سعودي على دكتور سودا� (Re: Abureesh)
|
الدكتور ما حريف بدل جزاك الله خير دي كان يقول ليه انت أمشي الأمارة أنا بمشي للملك سلمان البدوي ودأم زقدة لو قال كلمة كدة ولا كده كان لقا نفسه في الجيمس الأسود ( الأسود هنا هو وصف للون السيارة عزيزي بشاشا وليس كره للذات ) ياخ مرة كان في سعودي شغال مع الأمير نايف بن عبدالعزيز بتعالج إتصل بيه الأمير بيسأل من صحته وقف على حيلوا يرجف الأمير في الرياض وهو في واشنطن هوسبيتال سنتر
| |
|
|
|
|
|
|
|
|
|
Re: الفاظ عنصريه من موظف سعودي على دكتور سودا� (Re: muntasir)
|
بعدين محامي شنو وعصام دهب شنو يا ابوالريش ياخ البقصوهم قصاص سمعت زول قال وقد أفاد محامي المتهم كلهم وقد إعترف الجاني زول واحد ما لقيت زول نكر,كما أعبر عن تعاطفي مع أبوفهد أو أي كان إسمه الجاب ليه السوداني الهوا وقال ليه أمشي ليه بطلع ليك المرضية
| |
|
|
|
|
|
|
|
|
|
Re: الفاظ عنصريه من موظف سعودي على دكتور سودا� (Re: Osman Musa)
|
الطبيب واضح جدا" جهز نفسو عشان يسجل للمراجع كويس وحاول
يثبت التعدي الواضح عليهو لانو في السعودية حتى لو كان في تسجيل
لكن مقتضب براحة ممكن يطلعوا السعودي منها وفي الغالب المراجع من
الناس المعروفين بالمشاكل وما بعيد يكون قبل كده حصل ليهو نفس الشئ.
الشئ الغائب عن الناس إنو كونك طبيب في السعودية بالذات في المراكز
وأقسام الطوارئ يوميا" بلاقوك أكتر من 5 حالات شبيهة بالحالة دي ولو
فضلت ترد على أي زول لا حتشتغل وحتفضل كل يوم من شكوى لى شكوى
وحتى السعوديين ناس باردين جدا" وعارفين السودانيين بنفعلوا بسرعة و
بحاولوا يستفزوك شدييد وده واضح جدا" إنو المراجع قنع من إنو الطبيب
يديهو الاجازة المرضية فبقى شغال يستفز فيهو عشان الطبيب ينفعل فيهو ويمشي
يقدم شكوى في الطبيب لكن الطبيب كان اذكى منو.
الشئ التاني بالتسجيل ده المراجع ده حيواجه مشاكل لا حصر لها سجن وغرامة
وفي مكان شغلو فلو واصل الطبيب ولم يتنازل عن حقو حيتسجن حيتسجن ودي حاجة
قاسية جدا" على السعوديين ولما كنا في السعودية شفنا رجال وشيوخ كبار والله يجوا
يبوسو رجلك عشان تتنازل عن القضية ليس إعتذار لكن خوف من المحاسبة وللاسف
السودانيين بتنازلو لما يصلو المرحلة دي.
| |
|
|
|
|
|
|
|
|
 Re: الفاظ عنصريه من موظف سعودي على دكتور سودا� (Re: عثمان الأمام)
|
نجحت إدارة التحريات والبحث الجنائي بشرطة منطقة الرياض، في ضبط مواطن متهم بالاعتداء اللفظي على طبيب مقيم يعمل في أحد المراكز الصحية بمنطقة الرياض بعد صدور أمر النيابة العامة بذلك.
ووفقاً للمعلومات شرعت إدارة التحريات والبحث الجنائي في التحرّي عن المتهم حتى تمّ ضبطه في وقت قياسي وإحالة ملف القضية إلى النيابة العامة.
وكشفت مصادر مطلعة معلومات جديدة عن القضية؛ مشيرة إلى أن المتهم ليس موظفاً في قطاع حكومي، حيث تبيّن أنه موظف في إحدى الشركات، نافية ما تردّد عن أنه موظف في أحد القطاعات الحكومية.
وكانت وزارة الصحة قد تفاعلت مع القضية بعد تداول تسجيل صوتي كشف التعدّي اللفظي من المواطن على الطبيب بعدما رفض الطبيب منحه إجازة مرضية غير مستحقة، حيث استقبل وزير الصحة الدكتور توفيق الربيعة؛
الطبيب وشكره على موقفه، فيما أكّدت وزارة الصحة تمكنها من تحديد هوية المراجع، بالتنسيق مع الجهات الأمنية؛ تمهيداً لتقديمه للعدالة.
من جهتها، أكّدت النيابة العامة في تغريدة لها اليوم، أن استعمال القوة أو العنف أو التهديد في حق موظف عام للحصول على قضاء أمر غير مشروع، يعتبر جرماً عقوبته تصل للسجن عشر سنوات وغرامة تصل إلى مليون ريال.
يُشار إلى أن القضية أثارت الرأي العام خلال اليومين الماضيين.
الجدير بالذكر أن شرطة منطقة الرياض سجّلت عديداً من الإنجازات الأمنية التي تمثلت في القبض على مخالفين ومتورّطين في عديدٍ من القضايا الغامضة التي تتم إثارتها وتداولها بخلاف إنجازاتها الأمنية وكشفها غموض الكثير
من الجرائم والتوصل إلى مرتكبيها في أوقات قياسية.
منقول عن حريدة سبق
| |
|
|
|
|
|
|
|
|
|
Re: الفاظ عنصريه من موظف سعودي على دكتور سودا� (Re: Biraima M Adam)
|
الخلاصة:
تصرف الطبيب طلع صحيح مية المية والدليل وزير الصحة السعودي قابله.. تم القبض على الموظف السعودي وسيتم تقديمه لمحاكمة.. قد يحصل الطبيب السوداني على تعويض مادي
اتمنى انه السودانيين في بقاع الأرض أن الانفعال اللحظي والحماقة تضيع حقوقهم.. وعهد العضلات واخنق فطس قد ولى ..
الخطأ الوحيد هو انزال المقطع الصوتي في وسائل التواصل الاجتماعي وهذا يعتبر جريمة والسلطات السعودية ستقدم أيضا من رفع المقطع الصوتي للمحاكمة...
درس لكل ابنا~نا في الخليج. لا تلجأوا للعنف والانفعال في حال الاستفزاز. هناك قانون
| |
|
|
|
|
|
|
|
|
|
Re: الفاظ عنصريه من موظف سعودي على دكتور سودا� (Re: ombadda)
|
Quote: انا والاميرة الكوشية امنة مختار حنفتح بوست جماعي عن تاريخ المور، وملوك الاندلس الافارقة اي الكوشيين....
بس ارجوكم بريمة ادم ده اليوم داك تشوفو زول يحرسو!
انا خايف يجن!
نعم هو قال عربي جانا من الاندلس!
الان اتضح الجو صادين من الاندلس كانو "ذنوج"!!
عيييييييييك! |
بشاشا .. نحن العرب .. المور .. أرجع لكتاباتي في هذا الخصوص ..
بريمة
| |
|
|
|
|
|
|
|
|
|
Re: الفاظ عنصريه من موظف سعودي على دكتور سودا� (Re: Biraima M Adam)
|
الذين يتحدثون عن أنه يجب أن يكون السودانين صبورين ومتدربين على التعامل مع مثل هذا النوع من المواقف.
دعوني أقول لكم
نوع وحجم الإسائات المتعمدة التي صدرت من هذا الرجل، لا أعتقد أن هنالك تدريب أو تأهيل للتعامل مع مثل هذه الحالة.
التدريب والتأهيل الوحيد هو تربيتك وماذا قدموا لك والديك من نصائح في التعامل مع الأخرين.
ليس بالضروروة أن يقوم بضربه ولكن كان يمكن أن يعطيه محاضرة في الأخلاق وفي الدين، ولكنه أختار الخشوع التام.
وبصراحة ترديد كلمة جزاك الله خير دي كان بايخ جدا، وفيه خشوع وإنكسار مبالغ فيه.
| |
|
|
|
|
|
|
|
|
|
Re: الفاظ عنصريه من موظف سعودي على دكتور سودا� (Re: اخلاص عبدالرحمن المشرف)
|
يبدو لي ان اللغة العربية لم تاتي بمصطلح اكثر سوءا من مصطلح جاهل
واذا وجد فانه ينطبق على هذا السعودي
الطبيب واضح انه كان يعد العدة
للايقاع بهذا الجاهل
وربما تم ذلك بالاتفاق مع جهة ما بتسجيل مايدور بينه وبين السعودي
وهذا بالطبع ربما سبقته اساءات اخرى
دفعت بالطبيب السوداني لعمل هذا الكمين
النيابة قالت كلمتها
وكذلك وزارة الصحة
الكورة الان في ملعب السوداني
والكلمة الان لديه
فلو عفا عن هذا الجاهل يكون قد نسف كل شيء
فاليترك القانون ليقول كلمته
وبعدها فليكن مايكون
| |
|
|
|
|
|
|
|
|
|
Re: الفاظ عنصريه من موظف سعودي على دكتور سودا� (Re: على عبدالله بشير)
|
تحية طيبة الاخ دينق والزملاء الكرام...
اتمني هذا الادب والاحترام والجدية والمسئولية الالتزام واحترام القانون هو ديدن الطبيب السوداني في تعامله مع موطنيه داخل السودان...شفت الناس تفاعلت بصورة كبيرة مع الحدث...حميدة قال زول عندوا كوليرا مايتعالج في مستشفياتي...مر الحدث مرورالكرام...حتي اصبحت المستشفيات والعيادات عندنا مسارح قتال واطلاق الرصاص الحي كماحدث في مستشفي بحري...الحصل شنو بعد ذلك ذاتوا مامعروف..غايتوا كل يوم يمر علينا نزداد اندهاشا...
| |
|
|
|
|
|
|
|
|
|
Re: الفاظ عنصريه من موظف سعودي على دكتور سودا� (Re: Deng)
|
دينق الكريه ....
Quote:
واحد عنصري زي ده كان مفروض ياخد له علقة محترمة، وبعد داك اليحصل يحصل. |
اتا قايل كل الناس راسها فاضي وبتفكر زيك ؟؟؟؟
الطبيب ( مصطفى مقداد ) طلع ذكي وعرف يستثمر القضية لصالحه دون تهور منه
والا كان في الشارع الان ...
وانتا في امريكا .. كم مره واحد جلف ابيض نبزك واستفذاك وقال ليك يا نقرو ؟؟؟؟
هل قدرت تمد يدك عليه ؟؟؟.. ولا فلاحتك بس في الاسافير ....
عملت لي شنو في موضوع تجارة البشر ؟؟؟
عااالم بطااالـــــــــــــــــــــة ,,,
| |
|
|
|
|
|
|
|
|
|
Re: الفاظ عنصريه من موظف سعودي على دكتور سودا� (Re: Deng)
|
Quote:
ايها السعودي العبد انت وليس السوداني
بقلم الدكتور عبدالله الكردي
استمعت للتسجيل الصوتي الذي دار بين الطبيب السوداني والمواطن السعودي الذي رفض الدكتور السوداني ان يعطيه اورنيك مرضي لقناعة الطبيب انه لا يستحق هذا الاورينك
فما كان من السعودي الا وان اكال السب واللعن للسوداني
وكانت عبارات جارحه
وصفه
بالعبد
الاسود
الحيوان
الجبان
وانه عليه ان يعرف ان السعوديه اكرمته بهذه الوظيفه
وانه لايستطيع الرد عليه
لانه سوداني عبد
لكن الطبيب في سابقه لم يتعود عليها السودانيين
امتاز بالهدوء
والاخلاق الرفيعه
وصبر على الاساءه صبرا جميلا
وكان يرد بهدوء ونفس بارد
بالشكر على هذه الاساءه تارة
وعبارة جزاك الله خيرا تارة اخرى
لكننا سنرد على السعودي وايضا بأدب
ونسأل
من هو العبد؟
انت ام هو؟
انت عبد لعنصريه بغيضه نهى عن الاسلام
انت عبد لفكر مريض صوره خيالك بانك بلونك هذا
انت الافضل
انت عبد للجاهليه الاولى التى حاربها الاسلام
وحاربها النبي لو كنت اصلا تعرف انه قال عنها
انها نتنه دعوها
لكنك عبد لفكر متطرف
عبد وحبيس للون لم تختاره انت بل كان منحه من الله العلي القدير
نعم انا اسود قالها الطبيب
وما العيب في ذلك
من هو سيدي؟
هو سيده الله
اما انت فسيدك العرف البغيض
والعنصريه القبيحه
والجهويه القذره
عبد انت
حبيس انت لفكر تجاوزه الزمن والدين
وحقوق الانسان
هو سيد بعلمه
وانت عبد بجهلك
وهوسيد باخلاقه
وانت عبد لسؤء الخلق
هو حر يحمل للانسان الشفاء
وانت عبد تحمل للانسان الشقاء
بلفظك الجارح
ومحدوية عقلك
عبد لفهمك القاصر
هو عالم
انت جاهل
وهو جاء ليقدم العون في شفاءكم من الامراض
والله قدم لك نوعين من الدواء
الاول بدني انت عندما شخص حالتك المرضيه
والثاني نفسي عندما شخص حالتك النفسيه
وادرك انك مريض نفسيا
قال لك بأدب جم انا مازعلان منك
لكنك لم تفهم ذلك
كان يريد ان يقول لك انه مقدر مرضك النفسي
لكنك تزيد في الهيحان والاساءة
تحمل الاهانه بصبر
ولم يجرحك
ولم يرد عليك الا بطيب الكلام
فتماديت في الاساءة
اتصفه بالحيوان؟
من هو الحيوان ؟ انت ام هو؟
انت تلهث مثل.........
وتغلي وتزبد مثل.......
وتتصرف بغباء مثل.......
هو انسان
تعامل معك بشكل انساني
وانت تعمالت معه بطريقه لا انسانيه
والنتيجه
وزير الصحه السعودي يكرمه
ويعتذر له
وهل لك الجراة ان تعترض؟
سوف تحاسب وتعاقب
اما هو يكرم
اذا من هو السيد؟
ومن هو العبد؟
هو محترم امام العالم كله
انت تعريت وانكشفت بسؤء خلقك
شكرا ايها الطبيب فقد مسكت نفسك
وسموت فوق الجراحات
شكرا لانك اعطيت هذا السعودي درسا في الاخلاق
شكرا لانك ارسلت رساله للعالم اجمع
تعلمهم قيم التسامح والمحبه
تبقى شيء اخير
ابدا لا نقصد الاساءه للسعوديين فهناك اخوة سعوديين في منتهى الادب والاخلاق
وكم من عالم سعودي اشاد بنا
بل نقصدك انت وانت بالذات مسؤول عن تصرفك
ربي يهديك
منقول من صفحة الاستاذ الجليل د.عبد الله الكردى
استاذ التاريخ فى المدارس الثانوية والمحاضر بالجامعات السودانية
|
عااالم بطاااالــــــــــــــــــــــــة ,,,,
| |
|
|
|
|
|
|
|
|
|
Re: الفاظ عنصريه من موظف سعودي على دكتور سودا� (Re: محمد مجيدو)
|
ماذا لو كان السعودي نفسه هو من قام بتسجيل المقطع الصوتي وهو يهين في هذا السوداني الجبان بالصورة الشنيعة السمعناها دي وبعد ذلك قام بنشره ؟؟
التوقع الراجح عندي أن السعودي هو من قام بتسجيل المقطع الصوتي ونشره ربما إمعاناً في إذلال الطبيب الذى ارتضى بالذل والإهانة لنفسه ولوالديه ولبلده ولمواطنيه بتلك الصورة التي سمعناها
| |
|
|
|
|
|
|
| |
Deng
معاوية عبيد الصائم
Elhadi
Abureesh
ombadda
قسم الفضيل مضوي محمد
حيدر حسن ميرغني
يحي قباني
ABDALLAH ABDALLAH
عبد المنعم موسى
bakri abdalla
عادل الباهي عبدالرازق
Elmoiz Abunura
aosman
محمد محمد قاضي
عبدالحفيظ ابوسن
Maawya Hussein
محمد حيدر المشرف
محمد البشرى الخضر
احمد حمودى
محمد أبوالعزائم أبوالريش
معاوية المدير
وضاح عبدالرحمن جابر
سيف النصر محي الدين
Ali Abdalla Hassan
عزان سعيد
النذير حجازي
جلالدونا
كمال عباس
Mohamed Adam
Bashasha
Osman Musa
Biraima M Adam
ابوحراز
على عبدالله بشير
محمد مجيدو
محمد نور عودو
فيس بوك
تويتر
انستقرام
يوتيوب
بنتيريست