|
Re: التقسيم الطبقي للبورداب (Re: عبدالحفيظ ابوسن)
|
عشان نكون واضحين من هسة ما نخش في حمرتي لي وحمرت ليك ودحشة ووالدة ياتدري ولا اكسر قرينك البوستي! دة من وحي مداخلات بوست الاخت وضاحة عن العطور خليكم دقيقين من وحي مداخلات وليس من وحي البوست
| |
|
|
|
|
|
|
Re: التقسيم الطبقي للبورداب (Re: عبدالحفيظ ابوسن)
|
Quote: Especially if a man is already handsome. He will be completely irresistible and that's dangerous |
هههههه دا اولا" عليك سيدي باسبار يا الصادق ميرغني تعال ترجم الكلام دا للعربي لأنو ما فهمتو بالإنجليزي ... غايتو المداخله دي عاملا لي كرضمه من امس الصباح ومحتار الصقا وين مع الناس المكبرته دي. شكرا" حفيظ ان جعلتا ذلك ممكنا"
| |
|
|
|
|
|
|
Re: التقسيم الطبقي للبورداب (Re: Abdullah Idrees)
|
An old woman is riding in an elevator in a very lavish New York City building when a young, beautiful woman gets into the elevator, smelling of expensive perfume. She turns to the old woman and says arrogantly, "Romance" by Ralph Lauren, $150 an ounce!" Then another young and beautiful woman gets on the elevator, and also very arrogantly turns to the old woman saying, "Chanel No. 5, $200 an ounce!" About three floors later, the old woman has reached her destination and is about to get off the elevator. Before she leaves, she looks both beautiful women in the eye, then bends over and farts and says, "Broccoli - 49 cents a pound!" - يالها من عجوز مبدعة
| |
|
|
|
|
|
|
Re: التقسيم الطبقي للبورداب (Re: حيدر حسن ميرغني)
|
حيدر بخصوص المداخلة الاولي عشان اكون دقيق وكدة ما تلغم البوست انضم ساي دون اسماء ولو زول اندرع فيك بنحاول نخارجك منو وغلا ندرعا ليهو في رقبتو .. كون انو هو افكارو سيئة وانت ما بتقصد ذلك المعني القبيح وكل اناء بمافيه ينضح وحياتك نخليهو يتصرع
| |
|
|
|
|
|
|
Re: التقسيم الطبقي للبورداب (Re: حيدر حسن ميرغني)
|
انت لافحا وين يا صلاح تعال اترجمها ليك انا ترجمة ادبية قالوا الزوجة والزوج يتكابسو في المرايا الزوج قال لي زوجتو شوفيني انا ما حلو وسمح قالت ليهو انا زاتي حلوة وسمحة لكن ناقصين لينا راجل الراجل بسمحو جيبو عاين ناس الحكومة ديل يعزلو عزل الا في القايم دابو
| |
|
|
|
|
|
|
Re: التقسيم الطبقي للبورداب (Re: عبدالحفيظ ابوسن)
|
وحاتو هو الريحة زمان واضحة ومعروفة يا دة يا داك والتفاوت في الخمرة الخمرة تفاوت صنعة قبل يكون تفاوت مكونات ضفرة ومحلب وقرنفل ومسك وريحة سوار دي باريس اها الخمرة النية والنجيضة ولا نضافة الضفرة وكيفية ذلك الريحة الرش اثناء النهار والريحة الخمرة للنساء واثناء ما اوقات الصلاة عدا العرسان
| |
|
|
|
|
|
|
Re: التقسيم الطبقي للبورداب (Re: عبدالحفيظ ابوسن)
|
يا بكري يا اخوي الداير الغني يعمل حساب لي فقرو لو ما عرفت المخرج ما تخش يلمو فيك عكاكيز يخلوك تضارب من طرف ما تعرف صليحك من عدوك معاوية قال عمرو بن العاص ماهو دهاءك قال ليهو لو ما عرفت المخرج ما بخش معاوية قال ليهو انا شيتا داير مخرج ولا بخش فيهو اها انا قاعد في منزلة بين المنزلتين بيد اني اقرب للباب الخروج
| |
|
|
|
|
|
|
Re: التقسيم الطبقي للبورداب (Re: Salah Zubeir)
|
قالوا هدوها من التأخير فجرت يعني يا صلاح بقيت زي النكتة رقم 4 يا خوي البوست بهل لي كترة ناس اخوي خش لابس مركوب وجلابية وطاقية لقيت الدخول بالملابس الرسمية وحات الله اكان ما قالوا عطر انا قلت دي اسماء ادوية انجليزي هبطرش وغلا فرنساوي . فرنساوي لا تعني جبنة ولا بوست قباني عشان نكون واضحين اخوك طلع عنقالي ساي مشو في مداخلتي بي نمرة كوستي احمد الله شالوا الاستيكة كان اتاستكت زي المافي شي ملحوظة الترجمة طي المداخلة عاليه ترجمة ادبية بليغة
| |
|
|
|
|
|
|
Re: التقسيم الطبقي للبورداب (Re: عبدالحفيظ ابوسن)
|
واحد صاحبنا يقول ما يتريح الا عفن ولامن تعصر عليعو يقول ما يستحمي الا وسخان اها الخواجات اثبتو آي اثبتو والبغالطني يمشي يفتش براهو انو الحمام كل يوم ما صاح الحمام ابو شاور ما الحمام التاني باقي الدقة في التعابير بتخارجك وقت الزنقة
| |
|
|
|
|
|
|
Re: التقسيم الطبقي للبورداب (Re: عبدالحفيظ ابوسن)
|
النصيحة ليك يا الله وقت شفت عنوان البوست اتذكرت الرحلات زمان والبرامج حقتها برامج سريعة ينتهي مفعولها بانتهاء الرحلة يعني لو قلت اكلتي المفضلة مكرونة بالباشميل ولا في زول بتذكر تاني يكبشرها ليك وانت زاتك لو سألوك منها بتكون سمعت بيها بس توقعت انو البوست ينهار بسؤ التغذية مرقت وجيت خاشي اييييييك آمنتو بي الله الناس دي كلها بتتريح طلعت انا الوحيد المابتريح وكمان في ناس اتفاجات بيهم طقطقو اسما الروايح دي زي الترتيب عليك امان الله الريحة ما ليها معجبين قل لي ما هو عطرك اقول لك من انت داير اعمل واحد عن السجاير قل لي ماذا تدخن اقول لك من انت من هسة البرنجي حق المشاطات تقسيم طبقي وليس جندرة احييي يا المراقة
| |
|
|
|
|
|
|
Re: التقسيم الطبقي للبورداب (Re: Salah Zubeir)
|
البني ادم عندو ريحة . تتفاوت بين طيبة وكريهة . اهلنا بقولو عندو بخرة . للرايحة العفنة التهاب الجيوب الانفية بعفن ريحة الزول الاكل في واحد بغير الريحة اها مرات تتريح بي ريحة عجبتك عند فلان تتفاعل مع ريحتك البشرية تطلع ريحة ع فنة خلاس دى مداخلة ما عندها علاقة بالبوست مداخلة علي عجل عجل حديد fx 69
| |
|
|
|
|
|
|
Re: التقسيم الطبقي للبورداب (Re: عبدالحفيظ ابوسن)
|
تحياتي الجميع، بدون فرز.. يقول الأخ صاحب المنشور في لوحة إرشادية: ويؤكد باللون الأحمر:
Quote: البوستي! دة من وحي مداخلات بوست الاخت وضاحة عن العطور ------ من وحي مداخلات وليس من وحي البوست |
فنحن ماقطعنا الـ boarding pass بتاع رحلة العطور، وليس لنا في تلك الرحلة مقعد... يعني خارج الـ connection المؤدي إلى رحلة الطبقات . -- يعني عشان تكون ضمن قرعة طبقات ود أبوسن ، لازم تمشي تعلق في منشور العطور ؟ بخلاف كده عاين من بعيد، فالرحلة معطرة مسبقا هههه --- نتمنى للجميع رحلة مقهقة سعيدة...
| |
|
|
|
|
|
|
Re: التقسيم الطبقي للبورداب (Re: sadig mirghani)
|
اب سن يا غير متحضر ... مش معقول ما يكون عندك عطر مفضل ؟
ياخي انا كل يوم ادخل البوست خاتي يدي في قلبي عشان اطمئن إنّو عطري المفضل زول بيستخدموا مافي ... و الحمد لله حتى لحظة كتابة هذه المداخلة ... لم ينجح احد ...
اكشف لي عن عطرك ... اقل لك من انت !
| |
|
|
|
|
|
|
Re: التقسيم الطبقي للبورداب (Re: sadig mirghani)
|
ود ابسن قال البوست دا فيما معناهو بتاع ونسه وقرقراب ... نرجع لي موضوعنا يا فيرساشي إتا .... الترجمه وينه ... قنطره ... لا لا لا ... معاي أنا حماك الله بيشوت بس مقنطر مدردق ملولو لامن الشوت الكتير عمل لي ابو الشهيق
| |
|
|
|
|
|
|
Re: التقسيم الطبقي للبورداب (Re: ANWAR SAYED IBRAHIM)
|
ما براك يا ود اب سن انت البوديك تهابش شنو البوست للناس المتريحين انا ذاتى مشيت هابشت و قلت ليهم ما تشرطو عينا قدام سهير عبد الرحيم وحات خوتك ما اشتغلو بى الشغلة مشيت اقرا عن العطور عشان اكون مواكب و اشوف لى اسم عطر اقشر بيهو و كده لقيت الحكمة دى العطر المناسب في الوقت المناسب جليت ليك الموضوع طوالى
| |
|
|
|
|
|
|
Re: التقسيم الطبقي للبورداب (Re: جلالدونا)
|
زمااااان ... أيام السوق الحر الحر في المطار ببيعوا فوقوا الويسكي ...
مرة واحده من اخواتي وصتني انا جاي من السفر
اجيب ليها ريحة من السوق الحر ...
مشيت للبنية الواقفة ورا الكاونتر و نسيت اسم الريحة
كل المتذكروا انو اسم مركب من كلمتين ... وزي المتذكر الاسم التاني طشاش ...
فقلت ليها و انا مبتسم كده ... و هي زهجاااانة من الزول القبلي اظنه اتلايق عليها لياقة شديدة ...
فقلت ليها ... و انا ما متذكر طبعا ...
لو سمحتي يا اخت ... ما عندك ريحة اسمها something كده ... ...
و قبال ما اتم جملتي ... قالت لي و زي دايره تديني كف ...
لا و الله ما عندنا ريحها اسمها ( صمصنج ) .. و زاتو مافيش ريحها اسمها ( صمصنج ) ...
__________________________________________________________
اعتذرت لأختي و قلت ليها تاني خلي ريحتك المفضلة أكون اسمها ساهل ... و من كلمة واحدة ...
| |
|
|
|
|
|
|
Re: التقسيم الطبقي للبورداب (Re: عبدالحفيظ ابوسن)
|
احبك يا قباني ياخ ولا اقصد سوي النصف الآخر من مداخلتك الاخيرة عشان اكون دقيق او دقي العطر لأنوف من نحب العطر لن يشمه المتعطر إلا اول مرة وسيعتاده او للدقه ستعاده انفسه وشوشني العبير وانتشيت ذلك العطر الاغلي عطر من تحب اشتاق عطر ابي وكان محبا للتعطر دون اهتماما ملاحظا عليه . يشتري العطر ويتعطر .. افتقد عطره كل جمعة . ليس نوع العطر بل العطر حين يتفاعل مع رائحه جسده فأعلم انه ابي وكان حريصا منذ ان كنا اطفالا ان نتعطر من فتيله كل عيد . حتي كبرنا حتي كبر وجلس يجلس علي كرسيه في حوش بيته . وعلي يمينه تربيزة خشبية بها عدة الحلاقة ومرآة وفتيل عطره لم يكن يتعطر بعطر ثابت بل يختار من العطور ما كان غير نفاذ ولا يؤذي الشم ! بل تحسه يتغلغل داخلك ناشرا إلفه حميمة اشتاق عطر ابي واليوم قد مرت ستة ايام علي ذكري وفاته توفي يوم 28/6/2013 وبعده بثلاثة ايام ولدت بنتي ميار كأنها تحكي لي قصة الموت والحياة
| |
|
|
|
|
|
|
Re: التقسيم الطبقي للبورداب (Re: عبدالحفيظ ابوسن)
|
اووووو المونساتى ديىق احلف يمين دستورية و تقديرا لأقدميتك اديناك كبير المونساتية قال تلاتة خمسات قال و كمان حاسبنا ماب نعرف نقرا تعرف لو سيكرت دي لا رين أو .... سر الملكة..... ____ ود المشرّف يا حفيضو برضو عمل دايخ منى و منك من جاب سيرة الخنثيات .. حالتو ما عجبتنى
| |
|
|
|
|
|
|
Re: التقسيم الطبقي للبورداب (Re: جلالدونا)
|
صديق يا ميرغنى .. هجمتنى ياخ .. انتا متعطّر بى شنو؟ حبوبتى اسمها ليمياء .. ميادة دى امها قرت البوست داك و استهجنت الجهالة العطرية فيهو قلت ليها رايك شنو قالت لى نوع المرقة و و كتا و صابونة الحمام هم البحددو نوع العطر اها الكلام ده كيف .. غايتو طلعت الناس البى غادى ضهبانين
| |
|
|
|
|
|
|
Re: التقسيم الطبقي للبورداب (Re: محمد مجيدو)
|
بالله شوف الحقد الطبقي دا
ياخي انتو وكت ماكم ناس عطورات بتمشو تهابشو لي شنو
كمان في واحد بلا خجلة جاب سيرة بصاق.. عووووع الله يقرفك😡
بعدين بكل اسف الجماعة البهناك ديل انكلودن وضاحة زات نفسها
ما بعرفو العطور السمحة تلك العطور التي حين تداعب انفك
تصحي فيك شيئاً كان غارقاً في النوم منذ الف عام وتترك فيك اثراً يستمر الف عام اخرى
بالله فيكم واحد جرب يشم عبق زهرة البرسيم في صحوة جروف النيل مع الموجة الصباحية
ذلك هو العطر وتلك هي الحياة
لكن بوست وضاحة برضك جات منو فايدة كبيرة جداً
لانو بحتلنا العفن المكرن في العباد من عهد عاد ؤ عطرو
بالمناسبة يا برولوتاريا انتو
انا عطري المفضل Herrera for Men by Carolina
اكيد ما بتعرفو .. عالم وهم😂😂😂
| |
|
|
|
|
|
|
Re: التقسيم الطبقي للبورداب (Re: Haytham Ghaly)
|
اوووو ست الشي زاتو جات زارتنا البركة ومعها رهط من المتعطرين والمتأنقين قال سند في البدء قال الواهمون يا لسعادة بيت صاحبنا القرنفل قاع منزله البهار وسقفه الغيم الحنون اممممك جريت واطي اي جريت واطي اذ كان حمد الذي زاتو قال بجر واطي معليش ياخ لايدز فيرست ونحنو نحبو عطر النساء بجيكم
| |
|
|
|
|
|
|
Re: التقسيم الطبقي للبورداب (Re: عبدالحفيظ ابوسن)
|
تعرف يا قباني ام العيال بترسلني لامن كنت خاطبها شبعتها ريحة عيد الضحية فتيل عيد الام عيد شم النسيم عيد تنصيب الملك فاروق اها بعد دة الا ترسلني جيب وانا امشي السوق الشم ولا الضواقة دي اخر حاجة بشوف السعرها معقول وكتيرة بقيت اجلي بقو يحددو لي جيب الفلانة الفلانية ياتا فتيلة عامل شنو كدة ضيق من تحت عندو قدم غوتايتا كيف الصندوق لونو بمبي ولا بشتغل ليها اصل دكان الريحة اضرب تلفون توريني ومصرة كل مرة تحفظني وانا مصر ما احفظ
| |
|
|
|
|
|
|
Re: التقسيم الطبقي للبورداب (Re: عبدالحفيظ ابوسن)
|
اوووو دينق عطرت المكان يا برجوازي حيرتني بي هناك لقيتك قاري كويس تعرف تلاتة خمسات دي احسن ريحة ريحة ومطهر وملطف جو تجيب مسك مسحون وتكبو جوة الفتيل داير تتريح تديهو خجة تكبو في المكيف ملطف جو تاكل تغسل يدك وتلشق شوية تدعك اليدين حلقت شرحو قال كوامر قال عاجبني يا اخر موديل ذكرني احكي ليكم نكتة الطاهر النقر ونكتة البص دي قصص حقيقية ذكروني قبل اطش وضاحة دى ما مرقت من ديك جات لفت لي راسي وكان قالت لي حفوظي بفقعو كلو
| |
|
|
|
|
|
|
Re: التقسيم الطبقي للبورداب (Re: معاوية المدير)
|
يا حليّل زمان، اساعة اتلقالك بروة صابون فنيك سيدا نِساها فوق حجرة البحر ؤ تقوّل كدي تنزلبها في جوف النيل، تاخدلك شقة شقتين ؤ تقوّل كدي تتمشكبها زييييييين لآمن حِبيبات الموية يقُعدن يِزلّقن فوق جسمك ؤ يلمعن زي حبات التِر تِر . حرررررم آ جِنيات كان شميتو ريحة المُراح بعد المطر تقيّف والعجب اكان بقى تِحِت شُدرة طلح نوار البرم فوقا يلمع ؤ حبات المطر يقطِرن مِنّو روائح باريس جت يمسخن عليكُن .
خلآس أنا تُهت في اللشواق ؤ ما برجع ؤ هسّع ضُمممممة لا شايفكُم ولا بسمع ...
| |
|
|
|
|
|
|
Re: التقسيم الطبقي للبورداب (Re: معاوية المدير)
|
لحدت ما خلصت الثانوي كنت بستحم فقط ولو كانت كمان الصابونة مغرية زي اللوكس مثلا ممكن اتفلهم عديل وانا ماشي النادي او حفلة والا اي حاجة كافرة تكفي او صابونة فنيك اول مرة امتلك عطر كانت هدية من زميلتنا حيث اهلها هنا في السعودية جابت خمس فتايل من ذات العطر لنا نحن الخمسة اثنان منهما بورداب اسم الريحة مود لاحقا جيت عمرة وانا بعد برليم اشتريت ون مان شو هدية لابوي وماربريت مان لحضرتي استمريت معاهو سنوات ثم وصلت كابوتين و كريزي مودي و هسع عندي ريحتين في التلاجة بنبخ باقرب واحدة وامشي الدوام مافي زميل علق يبدو انهما متواضعان دلوني على عطر صيفي هاديء واخر للشتاء ودي فرصة شكرا لكل المتعطرين هنا
...................... دي مداخلتي خميتا من هناك وجبتها ليكم حارة من نارا يا اخوالي
| |
|
|
|
|
|
|
Re: التقسيم الطبقي للبورداب (Re: عبدالمنعم الطيب حسن)
|
اتا يا ابراهيم قايل التقسيم دة هبتلي الكلام علي البوكسنق بعدينك مهدي عامل مطلع كتاب عضم عديل كدة حول كلاسيكية التقسيم دة وانو لا يف بالمتغيرات الحالية شوف نحن وصلنا وين منذ استشهاده بالريحة بس مش ريحة صنع الله ابراهيم الزي الجاباها حيدر وعفن لينا البوست قل لي ما هو عطرك اقول لك ماهي طبقتك لكن بتكون ورا دينق ياخ دينق دة طلع بتاع جنس روايح ملحوظة اقيف في الصف
| |
|
|
|
|
|
|
Re: التقسيم الطبقي للبورداب (Re: عبدالحفيظ ابوسن)
|
يا مجيدو ياخ البورد بقا اوضة عروس بس من تخش الروايح تطاقش فيك اول مرة اعرف الريحة زي الناس اسماء عوايل وناس هاي نحن غايتو ريحتنا ريحة الله والرسول دة مرات وحاتك تملص هدومك وتمرق تجي خاشي تطقك ريحة الهدوم تمرق تخلي ليها الاوضة
| |
|
|
|
|
|
|
Re: التقسيم الطبقي للبورداب (Re: عبدالحفيظ ابوسن)
|
Quote: غايتو الكلآم دا كان طلع صُح هادي طرفي مِنّك يا جلالدونا ؤ بنفُضك ... |
اها شفت ذلك المكان من ,,, الختيتنى فيهو ده !!!؟ على العموم يا مشرف .. اموت قبل ما تجى اللحظة البحس انو سبب فى زعلك ما داير اخش فى حتة اشكّرك و انا من اهل الناس البتقول شكر الرجال عيب و كلامك على العين و الراس بس داير اسأل الاحساس ده جاك من المشاركات فى بوست الاخوة الزملاء ولّ من بوستات مفترعة من جانبى عشان اراجع حاجاتى و اشوف الاحساس ده وين
| |
|
|
|
|
|
|
Re: التقسيم الطبقي للبورداب (Re: جلالدونا)
|
يا مشرف ايش جاب لجاب ابوبكر دا ياخ معاط وكتاباتو مستفزة وبقصد انو يحرج الناس ويجرحن ويستمتع بان يجهلك بعدين ياخ كاتب مغرق في ذاتية مخجلة انا انا انا وتحس بيهو ما بحترم الناس ولا نفسو ياخ دا بقعد في المنبر دا 25 ساعة يبحث في كل ثانية فيها عن مجد شخصي مزيف ووهم وفاضي وخمج وفي النهاية يحصد الهشيم والارق ابوبكر دا اكبر مسيكين في الفضاء دا ولكنه لا يدري؛
............................. ابوبكر بتاع الساعة كم في هذه الساعة العطرة دي؛ وجايي بنظرية يكسر اي زول ليهوبريق هنا وموقف بدأ بمعاوية الصايم والمشرف نفسه وليس انتهاءا بعمر دفع الله الفنان وكمال عباس؛ دا مستـــــــــــــــــــــــكح بهبل تبا له سوري يا جماعة ولكنها المنابر فشنو عذرا لفتل البوست
| |
|
|
|
|
|
|
Re: التقسيم الطبقي للبورداب (Re: مازن فيصل هلال)
|
العطر يا حفيظ ليس بماركته او اسمه او قيمته المادية ...
العطر هو ما يفرزه جلدك حينما يتلقى العطر المرشوش عليه ...
و الحكم ليس لك ... و لكن لمن تعانقك ... ان لامس شيئاً في دواخلها فحتما ستعلق ...
لا يحتاج الامر سوى تعطير ما خلف اذنيك ( لزوم القلدة ) .. و ما يلامس نبضك ...
و سيسري العطر فيك كما تسري نشوة الخمر ...
تقول لي ( صمصنج ) ...
يا حفيظ غايتو مداخلة يحى دي حقو تستأذن منو و تلصقها بهناك فعلاً ريحة لي ريحة تفرق
| |
|
|
|
|
|
|
Re: التقسيم الطبقي للبورداب (Re: مازن فيصل هلال)
|
Quote: أجمل عطر ريحة الإنسان نفسه اذا كان نضيف |
ابو روضة عيدك مبارك اتفاق تاريخي بيني وبينك على الكلام الفوق دا !!! بس نعرف كلمة نضيف كمان . تحياتي لك ولصاحب البوست وكل ضيوفه وعيدكم مبارك
| |
|
|
|
|
|
|
Re: التقسيم الطبقي للبورداب (Re: محمد الزبير محمود)
|
هيثم يا غالي في ناس بشمو بي ارنبة انفهم في عطر جميل لأنو ستو جميلة لامن تشمو في اي مكان يتلاشي العطر وتفضل ستو ناس العلم زاتو قالوا طعامك وحالتك الداخلية تؤثر في افراز الهرمونات لتشكل عطرك الداخلي وبي بلغة الفيزياء عطرك الداخلي مع العطر الصناعي بتفاعلو وبتطلع محصلة تعكس ريحة عطر واحد ف شنو وللعطر جسدا احيانا
| |
|
|
|
|
|
|
Re: التقسيم الطبقي للبورداب (Re: عبدالحفيظ ابوسن)
|
اعتذار مدوي لصديقي والحبيب جلالدونا على تلك الاشارة الخنثى باعلاه ..
....
هههههههههههههههههههه يا جلالدونا ومنعم مداخلتي اعلاه كانت نوع من التماهي مع "روح المرح" .. ولأغيظ بها الكفار كذلك
| |
|
|
|
|
|
|
Re: التقسيم الطبقي للبورداب (Re: محمد حيدر المشرف)
|
ودالمشرف يا برجوازي وغلا كمان من كبار برجوازية المنبر وريتونا لكن صديقي الطاهر النقر والان هو طبيب بامريكان مع ناس جلال .. جلال شوفو في امريكا اسأل منو ياخ اها الطاهر دة جنو ريحة . لقا اخوهو الفاتح الراكشا بتريح قال ليهو اديني اتريح شال الفتيل اتبخبخ بخبخة شديدة . والوقت داك نحن في العالي الاباط .. الرقبة .. السدر . اليدين اسراف جد اخوهو بعاين ليهو ساي انتهي رجع الفتيل اخوهو قال ليهو الريحة لو بتريحو بيها كدة ما كان جابوها في فتايل صغيرة كان عبوها في اسطوانات غاز
| |
|
|
|
|
|
|
Re: التقسيم الطبقي للبورداب (Re: عبدالحفيظ ابوسن)
|
يا ود القوز الناس ديل ما بتطاقعو يا زول رشو اسم الريحة واسم بت خالتها تأصيل للفتيل زاتو بمناسبة الفتيل دي انا في فتايل بتعجبني في فتايل استايل كدة . مرات تشوفو كأنثي مشتاه او موديل امراة جيدة القوام وحياتك بالي كلو في الفتيل اها داير اعمل بوست فتيلك المفضل كنت داير اسميهو قزازتك المفضلة خفت من الخلط العفن انت بدور اسألك علاقتي مع التركين قبل بضع سنوات فهو ليس من طعام اهلي صحبي كروبين عزمني ليهو اول مرة . بكتل الحيل ويتقل المخ ويخلي ريالتك ومخاطتك حدهن سدرك في تركين ريحتو لو صنفرت يدك ما يطلع وواحد موية ساي تجيب خبرو ايهما افضل
| |
|
|
|
|
|
|
Re: التقسيم الطبقي للبورداب (Re: محمد حيدر المشرف)
|
بوست من بيت الكلاوي.. نكتب ليكم من السوق الحرة في مطار جون كنيدي...ومتوجهات الى لوس انجلوس لزيارة شقيقة اميرة بت السيد....وامامنا كميات من العطور واسماء لم نسمع بها واسماء اخرى موجودة في هذا البوست وبوست وضاحة...وسنختار وفقا للقائمة الاكثر شعبية بين اعضاء المنبر...ونشوف امتثال اختارت شنو وبت السيد اختارت شنو وابتهال اختارت شنو...ونقوم نقسمهن طبقيا... وسنعود للتعليق على مضمون البوست بعد ان نصل الى لوس انجلوس... ودمتم بالف خير ..
| |
|
|
|
|
|
|
Re: التقسيم الطبقي للبورداب (Re: Basamat Alsheikh)
|
عبدالله ادريس ان تقيل عثرة تلك شيمة حقيقة بك وانا غلطان دون مراء او تبرير رغم حرصي انت من الذين احبهم قسما عظما صحيح ليس ترضية ولكن اعفي لي ياخ عليك الله اعفي امسحها لي في وشي حزنت جدا ودبرست لمسحك المداخلة اخيرا اعتذر جدا ولو ما قبلت عذري والله الذي لا إله إلا هو اكتب لك بوست اعتذار لم اراسلك في الخاص لاتعذر
| |
|
|
|
|
|
|
Re: التقسيم الطبقي للبورداب (Re: Basamat Alsheikh)
|
بكتل الحيل ويتقل المخ ويخلي ريالتك ومخاطتك حدهن سدرك
Quote: في تركين ريحتو لو صنفرت يدك ما يطلع وواحد موية ساي تجيب خبرو ايهما افضل
|
ههههههه غايتو يتقل المخ دي ما مرت علي .. لكن المخاخيت السايلة لابد منهن .. عشان الشطوط والبصل .. التركين السمح ريحتو ما بتمرق منك بالساهل .. يوم الجمعة التركين عندنا كوجبة فطور ثابت لا يتزحزح .. اللهم الا تكون في ضبيحة حتين نجليه .. وفي المسجد الا تصلي جنب واحد بلدياتنا .. عشان حيقدر يتحمل الريحة .. بل حيحسدك على الوجبة الكاربة انا شخصيا بفضل اكله ني .. لكن المطبوخ برضو بناكله .. اكله معتبرة عندنا خالص وبنحبها ..
| |
|
|
|
|
|
|
Re: التقسيم الطبقي للبورداب (Re: جمال ود القوز)
|
عاين ديل !! هههههه .. يا وضاحة الجابك هنا شنو ؟ دول اجعص واحد فيهم بتبخر ببخور ضكر من الصباح مع كباية الشاي ؤ يفكفك .. بما فيهم عبد الحفيض ظاطو .. هسه زي ود المدير وجلالدونا ديل أطيب ريحة عنهم ترش ليهم الحوش في العصرية .. أومال أيه ؟ وأنا خايف.
| |
|
|
|
|
|
|
Re: التقسيم الطبقي للبورداب (Re: محمد على طه الملك)
|
مولانا الملك عاوزين نحضر ونطور الامه دي هههههههه ونخليهم يهتموا بالعطر ولو من باب السنه النبويه فقلنا نفتح بوست محو اميه عطريه ود اب سن دا محتاج مدرس خصوصي بعد فصل محو الاميه بشتكي للمدام هسي شوف الكلام البكتب فيه دا شنو عراقي وما ادري شو بالله دى امة دى شو هدول وين خلقو
| |
|
|
|
|
|
|
Re: التقسيم الطبقي للبورداب (Re: وضاحة)
|
لكن بوست وضاحة برضك جات منو فايدة كبيرة جداً
لانو بحتلنا العفن المكرن في العباد من عهد عاد ؤ عطرو
بالمناسبة يا برولوتاريا انتو
انا عطري المفضل Herrera for Men by Carolina
اكيد ما بتعرفو .. عالم وهم😂😂😂
************************
| |
|
|
|
|
|
|
Re: التقسيم الطبقي للبورداب (Re: وضاحة)
|
سلام يا ابوسن و سلامات لضيوفك الكرام وااله بوستك المبخر ده ريحته واصلة الصفحة التانية عطر الله ايامكم ياخي
Quote: صديقي الطاهر النقر والان هو طبيب بامريكان مع ناس جلال .. جلال شوفو في امريكا اسأل منو ياخ اها الطاهر دة جنو ريحة . لقا اخوهو الفاتح الراكشا بتريح قال ليهو اديني اتريح شال الفتيل اتبخبخ بخبخة شديدة . والوقت داك نحن في العالي الاباط .. الرقبة .. السدر . اليدين اسراف جد اخوهو بعاين ليهو ساي انتهي رجع الفتيل اخوهو قال ليهو الريحة لو بتريحو بيها كدة ما كان جابوها في فتايل صغيرة كان عبوها في اسطوانات غاز
|
بيني وبينك دكتور الطاهر بعملها دكتور الطاهر طبعاً اخ و صديق عزيز ويقيم معنا في منطقتنا و سابلغة عاطر تحياتك
| |
|
|
|
|
|
|
Re: التقسيم الطبقي للبورداب (Re: عبدالحفيظ ابوسن)
|
سلامات ابوسن
ارضاء الناس لحواسهم الخمس شئ طبيعي
مثلما لا نجد حرج في تفضيل نوع معين من
الشوكولاتة او سماع موسيقى بعينها او التعلق
بمناظر جميلة كذلك عادي ان نحب نوع معين
من العطر. طبعا الجغرافيا او خلينا نقول المكان
له تأثير غير مباشر في الاختيار .
| |
|
|
|
|
|
|
Re: التقسيم الطبقي للبورداب (Re: نعمات عماد)
|
في السوق الحرة في مطار جون كنيدي امتثال اختارت ارماني...وابتهال اختارت فرساشي...وانا اخترت اسكادا لان ال ICQ ما موجود...اما اميرة بت السيد فقد رفضت اختيار اي نوع من انواع الارياح بسبب انها تفضل فقط الريحة السودانية ....بس ما عرفنا يا تو نوع من انواع الارياح السودانية..وهل فعلا في مصانع ارياح في السودان؟ ويلا يا ود اب سن قوم قسمنا طبقيا ..وورينا بت السيد دي حتكون في ياتو طبقة... ودمت بالف خير وصحة وعافية
| |
|
|
|
|
|
|
Re: التقسيم الطبقي للبورداب (Re: حيدر حسن ميرغني)
|
Quote: دا شنو كمان ؟، نسبةً للهرهرة الفيهو دي المفروض يكون by كنيّف |
ود المدير حسن الفاظك لو سمحت
ما تعفن البوست باللاي
-------------
وضاحة بتضحكي مالك؟؟؟
بس ما تقولي لي ما عرفتيها ..
صراحة حا اكون انصدمت فيك
دي عتيقة من سنة 1993
| |
|
|
|
|
|
|
Re: التقسيم الطبقي للبورداب (Re: Haytham Ghaly)
|
تعرف يا ود المشرف كان اولاد الموظفين انضف مننا . ودي حقيقة كأطفال كنا بنلعب في الشارع بضجة شديدة . نلعب بالتراب بالطين . ماشين حفايا .. نبني بيوت الطين واصنام من الطين اللزج وعربات من الصفيح والسلوك لبسنا ياهو العراقي واللباس . دبلان وبعضنا دمورية ويميزنا ان اسرنا له تاريخ قديم في الحي اولاد الموظفين عموما بدء حياتهم هم حديثي سكني بالحي . لا يعرفون الناس عموما . يسكنون في حي واحد كله موظفين غالبا . الموظف بالضرورة متعلم ويخش السينما ويقرأ عن حياة الرفاهية ونمطها يعرفون النضافة وايجابياتها لهم نظرية في تربية الابناء يحتك ابناؤهم بمن هم مثلهم الوضع المادي لنا قد يكون افضل منهم . ولكنهم يعيشون حياة مرفهة الامر هكذا دون ضغينة او افضلية هم لا يشبهوننا نلبس العراقي ويلبسون الفنايل الداخلية باللباسات القصيرة النضيفة البيضاء في العيد نعيد بي جلابية ويعيدون بالاردية والبناطلين الامر هكذا كانوا برجوازية بنص التقسيم الماركسي ولم نكن بروليتاريا عموما ليس كلنا اعتقد يكمن الامر في التعليم . تعليم امهاتنا واباءنا .
| |
|
|
|
|
|
|
Re: التقسيم الطبقي للبورداب (Re: عبدالحفيظ ابوسن)
|
اذنكم للقفز تشكر الصاوي بلغ الطاهر النقر التحايا هو من الذين يحافظون علي السودان كما كان تمتد صداقتهم معنا منذ طفولتنا ولم تنقطع الطاهر النقر بجي سنويا . بلف كوستي كلها اولا للعزاء ويصل كل اصدقائه ومعارفه ولامن تلاقيهو ياهو النقر الزمان لا ينقطع حبل الونسة سلم عليهو وعلي زوجته منال واولاده واسألو من القصة طبعا الجزء النسيتو بعد الطاهر رجع الفتيل اخوهو قال ليهو كان تشيل منو بقة
| |
|
|
|
|
|
|
Re: التقسيم الطبقي للبورداب (Re: عبدالحفيظ ابوسن)
|
والله صحي ودالمدير الريحة الا يوم العيد ولا تلقا ليك صابونة بوكية تندعك بيها الحمام اياهو صابون الغسيل صابونة صافي ولا فنيك شندي وحات الرسول ريحتك زي ريحة الاسبتالية الحمام ابو طش الدوش زاتو مافي
| |
|
|
|
|
|
|
Re: التقسيم الطبقي للبورداب (Re: حيدر حسن ميرغني)
|
Quote: ود القوز يابلديات رسلت ليك قصة بلدياتنا خيري مع اللبناني بعد اكل التركين
|
هههههههه .. تسلم يا حيدر يا انداندي يا جميل .. يأخ التركين ده حكاويهو رهيبة .. عارف مرات الواحد بيتأخر يوم الجمعة مخصوص خوف الاحراج .. تشيل مصلايتك وتبقى مارق عشان تصلي بره في الشارع .. تنستر بالهواء الطلق خارج المسجد .. ههههههه
| |
|
|
|
|
|
|
Re: التقسيم الطبقي للبورداب (Re: عبدالحفيظ ابوسن)
|
سلام يا د. وضاحة
مشكورة على الدرس النظري ونجي للعملي
اقترح ان ترسلي عطر رجالي لابسن و نسائي لمدامته
عشان يجرب و يغير التقسيم الطبقي... زي ما انتي
عارفة ما كل انواع العطور موجودة في السودان .
لو اتعمل بوست عن الكرافتات و الاكسسوارات
و تناسق الالوان يكون ما قصرتو.
كونوا بخير .
| |
|
|
|
|
|
|
Re: التقسيم الطبقي للبورداب (Re: نعمات عماد)
|
ولا فنيك شندي وحات الرسول ريحتك زي ريحة الاسبتالية الحمام ابو طش الدوش زاتو مافي
ياسلام يا ود ابوسن تستحمي بصابونة نادية في الطشت والجردل وترش باقي الطشت في الغرفة ويبقي مكان الطشت في نصف الغرفة
زمن والله
| |
|
|
|
|
|
|
|