|
Re: الإعلامية عفاف حسن امين دلوكت بالامس كانت (Re: بدر الدين الأمير)
|
قادنى بالامس الرموت للمرور على بعض القنوات السودانية وجدت الصديقة المتمردة على طريقتها والمتفردة على طريقتها عفاف حسن امين تقدم برنامج اسمو الدلوكة على قناة النيل الازرق وسرنى انو مافى اورغ ولاجن احمر عازفات ايقاعات ومغنيات قلت ياولد املا كاسك واصبر دقايق لقيت روحى صابر الى نهاية السهرة
| |
|
|
|
|
|
|
Re: الإعلامية عفاف حسن امين دلوكت بالامس كانت (Re: بدر الدين الأمير)
|
وانا مقهى مع عفاف والعازفات والمغنيات دخل صديق العمر عبدالمنعم الفكى عازف الايقاع المدرسة في عزف الايقاع وعبدالمنعم اوصفه كمايوصف شرنوفسكى العزف ينتقل من قلبه الى انامله كورت يامنعم تعال شوف محن عفاف ومنعم اتحكر وتمحن اكتر منى وبقى يدينى دروس في عزف الايقاعات ومرات يكورك براهو شوفن اشتغلن عشرة بلدى كيف وانا شغال رقيص بشتارتى المعروفة
| |
|
|
|
|
|
|
Re: الإعلامية عفاف حسن امين دلوكت بالامس كانت (Re: بدر الدين الأمير)
|
سرنى ان تكون في الحلقة مخرجة وفنانة تشكيلة واحزننى ان المصور والمخرج بيش لانهم يجهلون اثر الانفعال الجمالى بالدموع حين انفعلت تلك الام المغنية وبانت دموعها طوالى حركو عنها الكمرا مع انو دا كان اجمل من اى احساس ممكن ينطق ودى ماجديدة على تخلف المصورين والمخرجين السودانين حين بكى محمد الامين سرعان مازحو منه الكمرا وحين بكا حميد زحو عنه الكمرا وعلى قناة النيل الازرق ياخى فهمو مخرجنكم ومصورنكم انو البكاء معزوفة سماوية لاتتجلى من فراغ
| |
|
|
|
|
|
|
Re: الإعلامية عفاف حسن امين دلوكت بالامس كانت (Re: بدر الدين الأمير)
|
على فكرة ورينا الطفى النور منو دى انا اتعلمتها وشرح لى معناها ولدى لبيد قبل شهر وابن الكلــــب له ثلاثة سنوات في قطر وشغال بس مابثقفنى بمفرداتكم الجديدة اقول له ليش ماتفهمنى هذه المفردات الجديدة يرد بقوله داير تفهم اخذ اجازة وسافر السودان ليك 23 سنة ماشفت السودان وداير يدوك دروس عصر في لغة الرنودك
| |
|
|
|
|
|
|
Re: الإعلامية عفاف حسن امين دلوكت بالامس كانت (Re: يحي قباني)
|
انت زعلت يادكتور على فكره عفاف ماعندها اي معرفة بوسايل التواصل الاجتماعى ولاعندها صحفحات ولا شنو كد ماعارف اخواتها واخونها بجبو ليها الشما ر بس برضو احطياطى كدا ممكن يكون تتطورت وبقى عندها فيس بك ووتساب زى ما انا تطورت وبقى عندى حساب في توتر العن الداير العنو وامدح الداير امدحو والماعاجبو يمش يشتكينى لابوى في اربجى هههههه
تنهدات: بس ياقابانى وعلى قول الشوام السهرة بتعجب خاطرك
| |
|
|
|
|
|
|
Re: الإعلامية عفاف حسن امين دلوكت بالامس كانت (Re: معتصم عيدروس)
|
ود الامير والمتداخلين العيد مبارك عليكم مااظنك بجذبك برنامج بالساهل وتتابع واعتقد السهره كانت جميلة وجاذبة حتى حركتك وحرضتك تكتب بوست التحية للاعلامية عفاف ونديها 10 من 10 على الحلقة بعد اشادتك دى وكما عهدناها بتارخ دايما لغتاء البنات السودانى ولعادات حواء اها ساعدونا برابط الحلقة خلاص كملنا خدمة العيد نحن معشر النساء وجينا نلحق الحلقة👌
| |
|
|
|
|
|
|
Re: الإعلامية عفاف حسن امين دلوكت بالامس كانت (Re: najma)
|
يانجمة عفاف زولة صحبتى وهى من النوع البقول كلمته بشجاعة وعندها شوف للاشياء يخصها براها وهى شاعرة بت شاعر غنى له العاقب محمد حسن بس الاشعر منها شقيقتها مى زميلتى السابقة في العمل وكانت تكتب هنا باسم توما ياريت اجد متسع واجيب جانب من اشعار مى ومى احسن من يكت شعر عن الموت ودوما تجسد لى مقولة محمود درويش (انا لااخاف الموت إن كنت لن يكون وإن كان لن اكون)
| |
|
|
|
|
|
|
Re: الإعلامية عفاف حسن امين دلوكت بالامس كانت (Re: بدر الدين الأمير)
|
Quote: نادر يابوكدوك كيفك ياهندسة ياخى الشوق رزم رزم اتصل ياخى عندى شمارات في خليل واللعين كيكى |
ود الامير تحياتى وكل عام وانت بخير و ياخ انا اتخيل لى برغم اشادتك ومعك اخرون بالحلقة و بالاعلاميه عفاف الا انه الموضوع مكرر و سبق التطرق كثيرا لاغانى البنات و كذلك عازفات الايقاع من ايام الطيب محمد الطيب , كما انه المغنيات ديل بالذات مونيكا و مين كدة عذاب عملوا لينا و جع وش , انا عايز اعرف منو الرسخ فكرة انه التلفزيون اداة ترفيه و ثقافة ؟؟؟؟
بعدين ياخ ابكدوك علاقته شنو بالهندسة دة زول شيوعى ساى وشمارات خليل و كيكى حقو تكبهن لينا هنا افيد لينا من ناس مونيكا و اخواتها
| |
|
|
|
|
|
|
Re: الإعلامية عفاف حسن امين دلوكت بالامس كانت (Re: احمد التجانى احمد)
|
احمد التجانى اولا بالتبادى ابوكدوك الوحيد البخوف خليل واللعين كيكى في سهرة بدارى منذ سنوات بمناسبة زيارة ابوكدوك للدوحة كانت مغلقة فيها خليل وكيكى ابوكدوك زولك دا كب كمية من الشمارات عن الدفعة في جامعة الخرطوم واصاحبك دقو جرس ما تقول الكلام دا العربى دا بحفظ الونسة وابوكدوك ماقصر تب فاتهو جنس فت ام عن السهرة ياخى انظر للوحة من زاوية اخرى
| |
|
|
|
|
|
|
Re: الإعلامية عفاف حسن امين دلوكت بالامس كانت (Re: بدر الدين الأمير)
|
Quote: ود الامير تحياتى وكل عام وانت بخير و ياخ انا اتخيل لى برغم اشادتك ومعك اخرون بالحلقة و بالاعلاميه عفاف الا انه الموضوع مكرر و سبق التطرق كثيرا لاغانى البنات و كذلك عازفات الايقاع من ايام الطيب محمد الطيب , كما انه المغنيات ديل بالذات مونيكا و مين كدة عذاب عملوا لينا و جع وش , انا عايز اعرف منو الرسخ فكرة انه التلفزيون اداة ترفيه و ثقافة ؟؟؟؟
بعدين ياخ ابكدوك علاقته شنو بالهندسة دة زول شيوعى ساى وشمارات خليل و كيكى حقو تكبهن لينا هنا افيد لينا من ناس مونيكا و اخواتها |
ود التجاني يا بتاع الشمارات.....تحياتي للوالد الحبيب الذي اطلق علي شيوعي ودة شرف لا ادعيه....
| |
|
|
|
|
|
|
|