أثناء تصفحي لأحد المواضيع القديمة التي يعرضها المنبر وجدت هذه المشاركة للخالة تراجي في بوست للزميل هشام هباني .. فقلت: سبحان مغير الأحوال من حال إلى حال! الموضوع بقى في الأرشيف وأحمد هارون ما مشى لاهاي وبشة قاعد زي ما هو ولكن أين الخالة تراجي؟ عشان كده قلت ليكم مافي شي على الله بعيد! كانوا زمان الصحابة يقولوا: لو أسلم حـمـار عمر لما أسلم عمر، ولكن كان النبي صلى الله عليه وسلم يدعو أن: اللهم أعز الإسلام بأحد العمرين عمر بن الخطاب أو عمرو بن هشام (أبو جهل) عشان كده قلت ليكم أنا أصلو ما يائس من أخونا عمر دفع الله ودايما بدعو الله أن يهديه للصراط المستقيم والسلفية الحقة وأن يكون من المدافعين عن الإسلام بريشته، وبرضو ما تفهموا كلامي غلط إنو الانضمام للكيزان هداية، أبدا بكون الواحد طلع حفرة ووقع في خور، لكن قصدي في تبدل المواقف من العداء الشديد والانتقال للمعسكر الآخر، بوريك إنو مافي شي بعيد، عشان هيك شاحد الله وأصلو ما يائس عمر دفع الله يبقى سلفي وعبد الله عثمان يبقى أنصار سنة وطه جعفر يبقى بلاغاتي ومنى عمسيب تتنقب، وشايف اليومين دي في عشاق شيخ محمد مصطفى عبد القادر في المنبر، وقالوا قديما: بين الإعجاب والمتابعة خيط رفيع، اللهم اهديهم يا رب، عشان منبر بكري ده نقفلو ونعرضو في الدلالة بلاش كلام فارغ! بعد ما سيد الحوش ذاتو يبقى من المهتدين. طبعا الموضوع ده القصد منه الفكاهة ولو في زول عندو حساب مع خالتو تراجي يجر شخيت ويصفيهو بعيد، والله صحي!
02-09-2017, 08:25 AM
محمد جلال عبدالله محمد جلال عبدالله
تاريخ التسجيل: 06-24-2011
مجموع المشاركات: 4552
يا زول والله كمان كان حفرتة لسة يا ما تلقي مواقف تحيرك للطيش
زي عينة ناس تراجي ديل كان عندهم كلام في الكيزان والله يحير الواحد ..ماعارف هسة كيف قلبوا ومشوا الضفة الاخري ؟؟؟ ياربي تغير مواقف ...ولا تغير مصالح !!!! تغير قناعات ..ولا لبس قناعات جديدة !!! تغير افكار ...ولا تغير شخصيات لزوم قتل الملل !!! غايتو الاجيال الجاية عندها فرصة كبيرة لعمل دراسات نفسية وتحليلية لعينة ناس تراجي دي ...واهو كلو محفوظ في الاسافير ولا مجال للانكار زمان في الستينات والسبيعنات كانت المواقف منقولة شفاهة غالبا ...لكن هسة اهو كلو مسجل ومافي طريقة للفرفرة
02-09-2017, 11:57 AM
مني عمسيب مني عمسيب
تاريخ التسجيل: 08-22-2012
مجموع المشاركات: 15691
ومنى عمسيب تتنقب كاااااااااااادي ! هههههههههههههههههههه كدي خليني من متغيرات تراجي وخلونا في متغيراتكم الخلتكم توافقوا علي سحب تهديدكم لامريكا الدني عذابها .. وكمان مغازلة اسرائيل ! واحتمال كبيير القاك بكرة من حراس السفارة الاسرائيلة بالسودان . وبعد دا ما تنسوا انكم من الارهابيين في العالم ههههههههههه .
ومشكور يافردة .
ونشوووووف :
02-09-2017, 11:57 AM
مني عمسيب مني عمسيب
تاريخ التسجيل: 08-22-2012
مجموع المشاركات: 15691
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
محمد جلال عبدالله
وهبه الشبلي احمد
مني عمسيب
فيس بوك
تويتر
انستقرام
يوتيوب
بنتيريست