مريم و مي .... من اجمل ما خطته أنامل شاعر الشعب الراحل المقيم محجوب شريف

نقل حي لتشيع زميلنا خالد العبيد الان بسدني استراليا
سودانيزاونلاين تنعى الزميل خالد العبيد فى ذمه الله
مرحبا Guest
اخر زيارك لك: 10-30-2020, 06:03 AM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مدخل أرشيف للعام 2016-2017م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
02-21-2017, 07:18 AM

Hassan Farah
<aHassan Farah
تاريخ التسجيل: 08-29-2016
مجموع المشاركات: 4143

للتواصل معنا

FaceBook
تويتر Twitter
YouTube

20 عاما من العطاء و الصمود
مريم و مي .... من اجمل ما خطته أنامل شاعر الشعب الراحل المقيم محجوب شريف

    06:18 AM February, 21 2017

    سودانيز اون لاين
    Hassan Farah-جمهورية استونيا
    مكتبتى
    رابط مختصر

    مريم و مي ...
    من اجمل ما خطته أنامل شاعر الشعب الراحل المقيم محجوب شريف

    محجوب شريف
    مريم ومى بنياتي
    وحشتنى ولعبتن بى
    تحياتى تصحووا امامى
    اشواقاّ تهز النبض وتتاقى
    عميقاُ من شعاب النور
    الاقى الذكرى بتاتى
    سلاماً يا حماماتى
    اسكنن فى مسامتى
    سلاماً يا غماماتى
    البتدني ابتساماتى
    مريم ومى بنياتي
    وحشتنى ولعبتن بى..
    يسافر قلبى صوتي
    يرن يسابق الريح
    قلب (الوالد) انت صحيح
    تحن وتهم
    حذاراك من الجواك
    وحذراك من جرى التبريح
    حتهرب منه جلدك وين
    ويوماً ما حتسكت تم
    واخت رأسى وافارق
    دنيتى وناسى
    واخلى وراي كراسى
    وما أسود سطر بالشين
    وما تعود اساك العين
    وما تشمت عدوي فينى
    طريق الشعب اوسع
    من زحام الضيق
    وقلب الشعب ارحب
    من رحاب الضو
    ونبض الشعب كلو حلم
    بداه بيتم
    وتطلع من شقوق الارض
    آلاف المدن قامات
    ويطلع حتى من
    قلب الحجر والصى
    شجر متشابك الهامات
    وجيلا" جاى حلو الشهد
    صبايا وفتية يمرحوا
    فى صباح الغد
    عيونهم برقهن لماح
    سؤالهم رد
    خفاف ولطاف
    وثابين أوان الجد
    دفاعا عن حياض
    السلم والافصاح
    سلموا لى عليهم
    جملة حتى اللسه
    قبل الخلق والتكوين
    صناع الحياة اليوماتى
    ملح الارض
    نبض الشعر
    والموسيقى والتلوين
    هدامين قلاع الخوف
    كانت هذه الدراجة
    يوماً ما كلاشنكوف
    مابين منارات السمع والشوف
    نقاشين فى جدار الصمت
    نساجين خيوط الشمس
    كهربجية الظلمات
    واجمل ما تكون الدنيا
    رسامين
    حفاريين مجارى العصر
    نصرا نصر
    حروفهم واحلالى
    تشمهن ترتاح
    ح حرية
    ت تغيير
    ت تعليم
    ك كتاب
    م مسمار
    ح حرية
    ت تغيير
    ت تعليم
    ج جراااار
    سكة حديد
    تهز وترز
    ب بحارة
    بحراُ عب وثار
    وطن مدرار
    جرت تتلاحق الانهار
    كما تتلاحق الاعراف
    كما تتمازج الالوان
    كما تتصافح الاديان
    كما تتمازج الالوان
    هجيناً من سلالات
    الفخار والعز
    مرور النسمة
    وايضاً هبة الاعصار
    علم فى نشرة الاخبار
    وهيبة على امتداد الكون
    علماً فى حماه
    الوردة حتى الزهرة
    والمريخ
    شبح حرب النجوم انزاح
    ايادى القهر
    خلف الظهر مكتوفين
    افاعى السحت
    حيث مزابل التاريخ
    سلموا لى عليهم جملة
    حتى اللسة
    قبل الخلق والتكوين
    بشوفهم كلهم أسه
    عصافيراً ترك جنبى
    نوافيراً ترش قلبى
    حماماتى بتشرب
    حسه من ايدى
    مريم ومى
    بنياتي سمعتن صوتى
    جيتن هى
    طلعتن من زوايا السجن
    كاللبلاب
    وبين السونكى والترباس
    وبالرقراق وحلق الباب
    وعبر السور
    زى النجمة والعصفور
    تجرن جدولاً رقاق
    من حبل العشم فتلات
    ومن حقل الوطن شتلات
    امكن الفى قلب جيتن لى
    من تيابها شراع
    ومنديلأ خيوطو شعاع
    وكراسا مسطر بالضحى اللماع
    وخط ايدا وشعورا الحي
    وقالت لى قالت لى وقالت لى
    سلاماً ياابو مريم ومى
    ثباتك شعلة فى ايدى
    بنياتك خلي راسن فوق
    وحاشاك الكلام النى
    وحاتك ما انكسرنا وراك
    ولابد أن يعود الحى
    وفجراً كالكرِب حيبين
    وشعب تبترب حيقوم
    ويملا شوارع الخرطوم
    وتجري مدامع الحلال
    تجر النم تسوى القوق
    فوق فوق سودانا فوق
    فوق فوق سودانا فوق
    بدل شاهيك اشرب دم
    اذا قلت الكلام النى
    وانا الما عندى ليهن شىء
    لا فى البنك
    ولا فى الدين
    سوى الكلمة الما بتنداس
    ولا بصبح مكانا الرف
    ولا عصفورة جوه الكف
    ولا صقراً يحلق فوق
    وينزل كف
    نبض الشعب اجمل من بريق الماس
    واجمل من حليب الستره
    ما حبيت مشارب كاس
    كما القمرية بين اغصانا
    اشرف من موائد ناس
    واقرب للوطن من ناس
    وخيراً جانا ما عم البلد وسواس
    أذن فلتقرع الاجراس
    مريم حضرى الكراس
    اميره ومى تعالن جاى
    نغنى لاخر المشوار
    نغنى لاخر الانفاس
    نغنى لاخر المشوار
    نغنى لاخر الانفاس ...
                  

02-21-2017, 07:20 AM

Hassan Farah
<aHassan Farah
تاريخ التسجيل: 08-29-2016
مجموع المشاركات: 4143

للتواصل معنا

FaceBook
تويتر Twitter
YouTube

20 عاما من العطاء و الصمود
Re: مريم و مي .... من اجمل ما خطته أنامل شاعر ال� (Re: Hassan Farah)

    مريـــــم ومي..سيف الجامعــــة
    https://www.youtube.com/watch؟v=iyEq-J7t0oshttps://www.youtube.com/watch؟v=iyEq-J7t0os
                  

02-21-2017, 07:46 AM

Hassan Farah
<aHassan Farah
تاريخ التسجيل: 08-29-2016
مجموع المشاركات: 4143

للتواصل معنا

FaceBook
تويتر Twitter
YouTube

20 عاما من العطاء و الصمود
Re: مريم و مي .... من اجمل ما خطته أنامل شاعر ال� (Re: Hassan Farah)

    يا اخونا ساعدونا بفتح رابط فديو سيف الجامعة مشكورين مقدما
                  


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de