فى بوست لى اخونا فرانكلى وزارة الخارجية السودانية لعبت قضية التطبيع بحرفية عالية Frankly 01-16-16, 07:45 PM Re: وزارة الخارجية السودانية لعبت قضية التطب ...........محمد البشرى الخضر 01-16-16, 07:56 PM Re: وزارة الخارجية السودانية لعبت قضية التطب جلالدونا ......................01-16-16, 08:05 شاتا زى السلام عليكم
Quote: سلام فرانكلى ------ تعرف يا ود البشرى سيدنا النبى قا عن سيدنا عمار تقتلك الفئة الباغية فى معركة صفيّن سيدنا على و معاوية انحاز سيدنا عمّار الى صف سيدنا على وفى عز المعركة صاح الجند قتل عمار قتل عمار معاوية عشان يتخارج من حتة الفئة الباغية دى جاء بالتبرير الاتى الفئة الباغية هى من زجّت به فى اتون المعركة غايتو جنس تحاليل
فى البوست ده http://وزارة الخارجية السودانية لعبت قضية التطبيع بحرفية عاليةhttp://وزارة الخارجية السودانية لعبت قضية التطبيع بحرفية عالية
تخير دائماً وين ترمي مداخلاتك .... بعدين الأمثلة قدامك و الإستيكة دي اليومين ديل إستعمالها زاد جداً ..... عامل لي فيها حريف .... عشان تعرف حجم الأزمة اللي نحن عايشينها ..... بس برضو غلطان الأداهم الإستيكة و خلاهم يمسحوا أراء الناس و يفرضوا رأيهم هم ....
الإستيكة هلهلت المنبر، زعزعت المشاركات، تركت فراغات بين الآراء، ساهمت في القضاء على جزء كبير من تاريخ الأعضاء ، شجعت على الهيمنة و قضت على الديمقراطية الناعمة.
هي فيها خير غير مباشر، الزول البعتمدها طريقة مع خصومو هو ح يلقى نفسو طلع من الحوار معهم في بوستاتهم وبعد شوية زي مصفى محمود دا حسابو بتحول لحساب فيسبوك ينوني فيهو براهو! يا أخوانا، نادم على حذفي لمداخلة للصادق عبد الله الحسن في واحد من بوستاتي الكتيرة دي، أعتذر على ذلك وأشهد أنها سلوك لا يليق بمستنير
Quote: تخير دائماً وين ترمي مداخلاتك .... بعدين الأمثلة قدامك و الإستيكة دي اليومين ديل إستعمالها زاد جداً ..... عامل لي فيها حريف .... عشان تعرف حجم الأزمة اللي نحن عايشينها ..... بس برضو غلطان الأداهم الإستيكة و خلاهم يمسحوا أراء الناس و يفرضوا رأيهم هم ....
ياخى دى فاتت حد الازمة و اصبحت كارثة منبرية لانها بى بساطة ممكن تأسس لى عداوات شخصية بين الزملاء و الزميلات و فايدة الكتابة هنا شنو لولا المشاركة و اختلاف وجهات النظر
الحكومة لما كانت ماسكة الاستيكة وشغالة مسح في المعارضة الناس نقنقت .. بكري لمن كان ماسك الاستيكة وشغال مسح في بوستات الجماعة الناس طفشت. بكري لمن أدى الاستيكة للعضوية النقة تاني قامت .. الخلاصة الأعمى شايل المكسر يكسحوا ويمسحوا الديمقراطية تطير عيشتها وتحيا الديكتاتورية يا قولة تراجي .. سلاماتي للجميع.
حباب اخيتى ستهم وستنا و و التحية للعزيزة نعمات و كل المتأستكين فى جخانين المنبر و يا ريت لو بعرفو يعملو حركة النعامة صاح ديل بدفنو نفسهم مش روسينن بس و كان لى البوست جاهز ليك تب بس انتى ابديهو
Quote: الإستيكة هلهلت المنبر، زعزعت المشاركات، تركت فراغات بين الآراء، ساهمت في القضاء على جزء كبير من تاريخ الأعضاء ، شجعت على الهيمنة و قضت على الديمقراطية الناعمة.
Quote: هي فيها خير غير مباشر، الزول البعتمدها طريقة مع خصومو هو ح يلقى نفسو طلع من الحوار معهم في بوستاتهم وبعد شوية زي مصفى محمود دا حسابو بتحول لحساب فيسبوك ينوني فيهو براهو!
انها كالحمر يا مستنير .. الضرر اكثر و اقسى من النفع
Quote: يا أخوانا، نادم على حذفي لمداخلة للصادق عبد الله الحسن في واحد من بوستاتي الكتيرة دي، أعتذر على ذلك وأشهد أنها سلوك لا يليق بمستنير
موقف جميل ونبيل و ياريت اخونا الصادق يمر بى جاى و يقبل و يبادل الاعتذار بى محبة و موده
Quote: الحكومة لما كانت ماسكة الاستيكة وشغالة مسح في المعارضة الناس نقنقت .. بكري لمن كان ماسك الاستيكة وشغال مسح في بوستات الجماعة الناس طفشت. بكري لمن أدى الاستيكة للعضوية النقة تاني قامت .. الخلاصة الأعمى شايل المكسر يكسحوا ويمسحوا الديمقراطية تطير عيشتها وتحيا الديكتاتورية يا قولة تراجي ..
كان الحكومة كان بكرى كان العضوية .. اصلا الاستيكة لزوما شنو المتضرر يمشى القانون و ياخد حقو ... افتكر ده حل كويس بدل القهر الاستيكى ده
هههه وزى قولك لا يلقونا لا نلقاهم لا نتلم و دريبن الكلو دعت ده مانى مقبّل عليهو ضمة مانى من ناس البندر و كمان قريب منّك و يمكن يكون بيناتنا رحم اها النوقّعو ليكى اول بالتبادى نبدا بى خت الغرب كان لى القرير و تنقاسى تلقينى لامّى فى ناس بشير اغا و الطاهر اللزيرق و ان جيتى على دويم ود حاج ياهو مسقط الراس و ان مشيتى على خت الشرق الاراك و اهلنا ناس ود سورج و كمان الزومة و شبا و اهلنا ناس ود دردق و ود نصر و اولاد البرير و من البركل الحمدتياب و العمد ... من عمدة ... اها لقيتينى كيف
اها ما قتلك القصة فيها رحم الطاهر ود الازيرق كان متزوج خالتى شقيقة امى و ولدو حسن الطاهر برضو متزوج خالتى شقيقة امى و هن خالتى خاسّة و خالتى قصورة عليهم جمبعا رحمة الله اها من يوم الليلى انتى لازمانى تب و حرررررم معاك فى الصاح و الغلت
فرحااااااااااااان و الفرحان بضحك ..😂😂😂 ملهم بيغادي كمل كوتو مع بتاع الحمير ... الاستيكة دي اعلنو عنها بي بوست ... اعترضت عليها و قلت للريس دا تهرب من المسؤلية ... عارف الحصل شنو ..؟؟؟؟ مداخلتي زاتها اتمسحت .... انا غايتو اعلنتها بكل وضوح ما بمسح مداخلة لأي زول ... و اي زول بمسح مداخلات و عايز ارد عليهو بفتح لي بوست اكتب فيه مداخلتي .... عشان الناس ما يضحكو علي زي ما انا بضحك عليك الان ....
عملتوه بيت بكاء ..... شهداء الإستيكة .... ضحايا المسح ... حالتكم تحنن و الله ..... (خليك حريف ... خليك حريص ... ما ترمي مداخلتك في أي بوست ) الحملة المنبرية للحفاظ على المداخلات
سلام وتحية جلالدونا الاستيكة زي جناحي البعوضة إن صح الحديث مع العلم اني ما بعرف بستخدموها كيف
ـــ ويا ست البنات انا مداخلة واحدة اتاستكت لي في المنبر دا في بوست حقك وبدون سبب من وجهة نظري واعتقد انها كانت اخر مداخلة لي في بوستاتك عشان كده كل ما ياستكوك بعجبني ( التعديل وش اخدر ما ظبط معاي في كلامي لي ست البنات )
Quote: فرحااااااااااااان و الفرحان بضحك ..😂😂😂 ملهم بيغادي كمل كوتو مع بتاع الحمير ... الاستيكة دي اعلنو عنها بي بوست ... اعترضت عليها و قلت للريس دا تهرب من المسؤلية ... عارف الحصل شنو ..؟؟؟؟ مداخلتي زاتها اتمسحت .... انا غايتو اعلنتها بكل وضوح ما بمسح مداخلة لأي زول ... و اي زول بمسح مداخلات و عايز ارد عليهو بفتح لي بوست اكتب فيه مداخلتي .... عشان الناس ما يضحكو علي زي ما انا بضحك عليك الان ....
برضو زيك اعترضت على حتة المسح دى و فى الاخر قلنا العضوية اكبر من تلجأ اليها كحل فى حسم الخلافات حتى و لو كانت شخصية ياخى ادفع بالتى هى احسن .. ربنا كتبا لى منو و لى شنو ان شاء الله ما افكر فيها مجرد تفكير فى الرد على زميلة او زميل ____ اضحك لما يجيك وجع اضان
Quote: شفت يا جلادونا أها الأستكة بلا جابتلي أخو وجابتلك أخت !
أريتا أستكة السرور !
انت كمان وريني الناس القعد يكاتلوك بقابلون ليك تب !
اما بالنسبة لي انا عندي ناس كدي بس تاني بغلت فيهون وكت انت اخوي ! بالجد مكسب كبير الزول يتلمّ و يتعرّف على اهل ليهو و زى با بقولو رب ضارة نافعة امسكى لى فى رقبة ود المدير و ابو حسين ديل و شايف ملهم ماشى علىّ يضّرع ارجميهم بحجارة من سجيل
والله انا كم مرة شفت بوستيك دا لكن ما كنت قايلو نفس الحريف المأستك مداخلاتي انا في نفس البوست
ههههههههه
ياخ بوست وزارة الخارجية دا قاعد في الصفحة الأولى ليهو أسبوع وبعد دا عدد المداخلات 16
معناها الاستيكة شغالة قرف
يا الغالى ود الغالى ياخى نحنا استكونا بدرى من تالت مداخلة يا حبيب تانى رجعه لصقتها ليهو اها التانية برضو لحقت اختا و لقيت خبرا هنا من ابو حسين نحن السابقون يا فردة عشان كده ما عندنا بر اللاحقين باللاهى انتا فيهم ! يا خبر مأستك _______
Quote: إقترح تغيير العنوان لبيت ردحي المأستكين .
اقتراحك مرفوض جملة و قطاعى واحد صاحب جايب لى كيبورد بيكتب بالحبر الجاف اها تانى نخش بى عين قوية فى اجعص بوست قال ردحى قال
Quote: i استكونا لغاية ما بقينا زي ال عندنا سكري وقرفنا من التعليقات ودي المرة الاخيرة
Quote: هههههههههه،
يا طارق ياخي ما للدرجة دي !، خليّك هنا ؤُ بلآش تفارق حينا . الله يكافينا شر اللستيكة البتجيب السُكري دي، نسعل الله السلآمة ...
زى ما قال ليك ود المدير يا طارق اطرح حاجاتك و اكيد بتلقى البتوافق معاك و البختلف معاك فى حدود الاحترام و المودة و الاستكك ده زول عدو نفسو و تانى الا يشمك قدحة ..
Quote: ولا يهمك جلالدونا تعيش وتتأستك في قبولك يا عمك,,صاحبك الليلة ماسك ليهو ككو وحايم بيهو
ايمن يا طيّب و لا همانى شى بس اتأستك فى قبولى دى ما بيمشيها كيف يعنى !!! افتح لى بوست و يجى فنجاط يمسح مداخلتى بمشى لى الاسطى الكبير بى عكازى و صلعتو ما تشوف الا النور ___ شايف ناس اشتغلوك و قالو نأستكا ليك علّا بقولخم خلوها .. الترقدرو تاريخ
Quote: يا هيثم ما يسرح بيك ابو حسين الضلالي دا هو الكوز, اسأله قول ليه مؤيد الحوار الوطني ولاّ لأ ياخي هو ود الباوقة بكونوا اسي بتجهَّزوا لي وفد المنافع 2
طيب يا ود البشرى لماذا لم تطولك الاستكةُ
وما هو سر الابتسامات بل القهقهات بينكما
المصيبة انو المسألة جابتلها ثنائيات مع الكيزان كمان
Quote: بوستينك ده خاص بأستكاتك بس والا بيتحمل أستكات تانية؟
:
يا حبيب البوست ده مفتوح و أى زميل او زميلة طالتو الاستكة الف مرحب به
Quote: شوف دي
مع انى حرمت على نفسى دخول بوستاتو لكن عشان خاترك مشيت الظن و بعض الظن اثم يظهر لنت و الزميل على قد تأستكتم زولك قلب كاسحة مداخلات عديل كدى تعازينا الحارّة
يا ود الغالى و ود البشرى و ابو حسين لو سمحتو امشو اتلاقطو بعيد من بوستينى ده _______ قلت لى ود البشرى نايم فى العسل مع زولك و اخر ابتسامات و حركات غايتو رماديتو عينة
😂😂😂😂😂😂😂 حكيتها قبل كدا .. و حا احكيها تاني و تالت و غصبا عنكم تقروها تضحكو ما تضحكو بي راحتكم قالو الراجل قال لي صاحبو الليلة انا براي في البيت نشيل لينا مريسة و نمشي نقيل بيها .. قال ليه جدا ... مشو شالو ليهم صفيحة مريسة و ماشين البيت صاحب البيت غاشي البقالة جنب البيت ادى صاحبو المفتاح قال ليهو امشي قدامي اغشى البقالة و بجيك صاحبو مشى البيت دخل و قعد يقزقز الراجل اتأخر في البقالة نقة كتيرة جاء داخل على المطبخ خت الحاجات و غير هدومو و جاء لي صاحبو في الصالون .. طواااالي مشى على الصفيحة عشان يبدأ .. عاين لي الصفيحة و عاين لي صاحبو ... دا شنو دا ... شربتها كلها ... قال ليهو :- و الله توفيق من الله .... 😂😂😂😂😂😂😂😂😂😂
اخونا ابو روضة فى المنشور ده .. كما يقول سيدنا قصى .. http://sudaneseonline.com/board/490/msg/%d9%8a%d8%a7-%d8%ac%d9%85%d8%a7%d8%b9%d8%a9--%d9%87%d9%84-%d9%85%d9%86-%d8%a8%d9%8a%d9%86%d9%83%d9%8...8%a7-1453640617.html منعنا من حاجات كده اها نرد عليهو هنا بعمل لستات و قوائم اللستة الفرانكلية اللستة الغريبية اللستة التجاهلية عشان نعمل داتا بيز للاستكة اللستة الفرانكلية على دفع الله ابو العزايم هيثم غالى اللستة الغريبية جمال خضر سيد شهداء الاستكة اللستة التجاهلية ملهم كردفان ابو حسين و ليس فى ذلك شك اللستة الستوبناتية و دى تحت التكوين و اتهام من على ود الفكى فى انتظار اضافاتكم بس لى رجاء اللستة الدينقية ما تمشو عليها عشان حاجاتنا تمشى صاح و شماتة ود المدير كمان
فى تطوّر لافت الاستكة طالت التواقيع .. كان عاجبنى توقيع قصى الراس فيهو كتير بس خايف من خورنة بكرى و استكة الزملاء و المشرف الما لحق يتهنّى بى توقيعو الا بالجد زعلان لى ود البشرى بتاع اعرف الحق تعرف اهله _________ الاستكة لنا و لسوانا توقيعى الجديد
يا شباب .. يا مأستكين اليوم اكتشفت ان الشريف عرفات أستك مداخلات لي في بوسته - الكل يوم بعنوان مختلف - و الغريبة ساب رده على كلامي وزي ما قال ليك أسال مأستك ما تسأل خبير, قلنا نشوف رايكم دام فضلكم
لالالالالالالالالالالالالالالالالالالالالالالالالالالالالالالالالالا يا هيثم ياخ .... الزول دا مأستك من زماااااااااااااااااااااااااااااااااااااااان... لكن بخجل و بتحسس شوية . .. تصدق و تآمن أستكو ليه مداخلتين ... بعد خمسة دقائق قام فتح بيهم بوست و جاب المداخلتين مكبشرات ....!!!!!! شفت ليك زول بكبشر مداخلاتو .....؟؟؟؟ أهو الزول دا ....
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
صديق مهدى على
ABUHUSSEIN
عبدالحفيظ ابوسن
ست البنات
أبوبكر عباس
Salah Ahmed Ali
طلحة عبدالله
عمر التاج
نعمات عماد
معاوية المدير
ملهم كردفان
أيمن الطيب
علي محمد الفكي
على محمد على بشير
جمال خضر
Ahmed Yassin
محمد البشرى الخضر
محمد على طه الملك
محمد أبوالعزائم أبوالريش
انستقرام
يوتيوب
بنتيريست