|
|
|
 Re: شاطِئ الجميرا (Re: أبوبكر عباس)
|
أول مرّة أشوف لي بحر واتحرك لي في رمال بيتش كان عمري ستة وعشرين ولّ سبعة وعشرين سنة، والبحر كان بحر الشمال.اليوم داك اندهشت جنس اندهاشة! وحمدت الله انو أنا ما متّ قبل اللحظة دي!قناة الحزيرة قبل نشرة الأخبار عندهم كورة ذهبية كدا بتجي طايرة وتغطس ليها في بحر، وتطلع تاني، وبعدين الكاميرا بتركز على انعكاس اشعة الشمس على المياه الصافية، أقصد انكسار الاشعة في المياه واعتقد ان الملح الذائب في المويه هو البخلي منظر الانكسار دا، أجمل من المذيعات ما عدا إيمان بنورا أو عياش!أعتقد انو أجمل منظر سينمائي تحتفظ به ذاكرتي هو : اللقطة البشوف فيها بطل فيلمcider house rulesللمحيط لأول مرّة وكانت كمان معاهو شارلز ثيرون، لكن كانت عيانة في اللقطةلو ما كدا كنت قلت علي اللقطة دي: زي إبن العميد:في بحور الشوق مسافرمسافر
| |
 
|
|
|
|
|
|
|
|
Re: شاطِئ الجميرا (Re: أبوبكر عباس)
|
وصلت لوهبة في بيت نسيبو مع فطور الجمعة، واتخيلو فطور جمعة بتاع عرب جزيرة لنسيب؟!عرفت انو الزول دا وصل الخميس، بعد القهوة همست ليهو: لو ما مرقنا طوالي الآن؛ عربك ديل بزرونا بالجمعة!قلت لأبو النسب سيد الفطور المجيّه: معليش يا مولانا، ح ننزل عشرة دقائق وبنرجعقال لي أخدوا راحتكم يا مولانا، بنصلي في جامع الحميدية
| |
|
|
|
|
|
|
|
|
|
Re: شاطِئ الجميرا (Re: سامي سالم)
|
يا اخوانا، لمان ألقى مداخلات زي بتاعت سامي سالم دي من نوع يا رائع دي وكمان مكتوبة بريشة؛ شيطان الكتابة بتاعي بتعفرت.تسلم يا سالم الأرباب
| |
|
|
|
|
|
|
|
|
|
Re: شاطِئ الجميرا (Re: أبوبكر عباس)
|
| Quote: وكل ما تقول ليهو فلان داك مات قبل عشرين سنة، يقوم علي حيلو يخلعك بالفاتحة، وبعد فاتحتك يشيّلك تاني فاتحة لجدو المرادف لحبوبتك! |
والله انا اكتر حاجة محيراني في العادات السودانية شيل الفاتحة داما موجود في أي مجتمع غير مجتمعنا السوداني مع انها عادة جميلة جداً ومعبرة الا ان شروطها صعبة جداً وبسبب هذه الشروط تحدث فيها غالباً لخبطات وربكاتمضحكة في مكان لا يحتمل الضحكسلامات يا مستنير يا رااااااااااايع وان شاءالله بعد محاولة الزوغة من الجمعة يكونو زروك
| |
|
|
|
|
|
|
|
|
|
Re: شاطِئ الجميرا (Re: معتصم ضرغام)
|
| Quote: ما عدا إيمان بنورا أو عياش |
عياد..عياد.. عيااااااد..ياخ لولا مخافة ربنا كان قلت ليك دي تتطلب سجدة سهو..-كنت عايز أسكت ريثما تكمل لكن مع (عياش) دي ما قدرت ..واصل..حا ننتظر، نعمل شنو..
| |
|
|
|
|
|
|
|
|
Re: شاطِئ الجميرا (Re: محمد المرتضى حامد)
|
فعلا يا مولانا تستحق اعتذار كبير واعتذار يمتد ليشمل زميلها معاوية الزبير.بالله شوف أنا صديق مقرب من معاوية زميل إيمان عياد!دائما قاعد أقول للناس في السودان:لا تيأسالله فيالبغفر لي يا مولانا، انو أنا في بوست واحد جمعت ليكم فيهو المذيعة الجميلة مع ثيرون وشاطىء الجميراأعمل ليكم شنو أكتر من كدا؟!
| |
|
|
|
|
|
|
|
|
|
Re: شاطِئ الجميرا (Re: أبوبكر عباس)
|
قلت ليهو داير تصلي الجمعة ولّ قاصر؟رد لي بتردد: دايرمشينا استحمينا ووديدتو مسجد الجميرا الجنب كنتاكي، مسجد عبارة عن تحفة فنيّة خالصة، وإتّا في الخطبة بتكون مبرعم في الزخارف الذهبية الأنيقة والخطبة تمر عليك من غير ملل ولا عذاب القبر!بعد الصلاة كان مندهش، قلت ليهو هل حصل عمرّت؟قال لي سفرتي الأمس دي أول مرّة أطلع فيها من السودانقلت ليهو: بورتسودان شفتها؟- أبدا، أرقى حتات شفتهم مدني والخرطوم، الباقي كلو نوع نيالا، الحصاحيصا والمدينة عرب.قلت في سري: بس الليلة إلا أخلعو ليك بالبحر، وتذكرت الملايين القاعديين بأم بدة ودار السلام، أقصى حدود المتعة عندهم عوضية سمك!!
| |
|
|
|
|
|
|
|
|
 Re: شاطِئ الجميرا (Re: أبوبكر عباس)
|
سلامات يا أبوبكر عباس,,| Quote: قلت في سري: بس الليلة إلا أخلعو ليك بالبحر، وتذكرت الملايين القاعديين بأم بدة ودار السلام، أقصى حدود المتعة عندهم عوضية سمك!! |
أنت والله سادي,,,إحتمال صاحبك دا لو حام معاك بالليل تعوقو ,,تحياتى ومتابعة,,,
| |
|
|
|
|
|
|
|
|
|
Re: شاطِئ الجميرا (Re: أبوبكر عباس)
|
| Quote: قلت في سري: بس الليلة إلا أخلعو ليك بالبحر، وتذكرت الملايين القاعديين بأم بدة ودار السلام، أقصى حدود المتعة عندهم عوضية سمك!! |
ابكر يا اديب يا مبدعوطيب ناس كمبو السدر وناس جاركو وناس الفعج البشير يقولوا شنو , ديل ممكن تكون اقصى امانيهم يشوفوا امبدة , ياخ خليك من ديل مرة المدرسة الاهلية ( أ ) ودتنا رحلة لمعرض الخرطوم , عمر اخوك لو ما انا كنت الدليل بتاعه كان راح ليكم فى الخرطوم , طبعا جزور طيبة الخواض وديم القراى ضاربة عمقها فيكم
| |
|
|
|
|
|
|
|
|
|
Re: شاطِئ الجميرا (Re: محمد المرتضى حامد)
|
المستنير علي دفع الله والمستنير هيثم غالي، شرفتوناالإجازة الفاتت دي يا هيثم، مشيت لي لواحد نسيبنا شلت معاهو الفاتحة في أبوهو بالشجرة، بعد خلصنا الفاتحة نزل يدو وعمل ليهو حركة زي بتاعة التعشيقة، ورفع معاي فاتحة تانية، نظام الاولي حقتنا والتانيةا للوفاة بتاعتكم الليها تلاتة سنين ديك!!بقيت أسلم عليهو وأضحك
| |
|
|
|
|
|
|
|
|
|
Re: شاطِئ الجميرا (Re: أبوبكر عباس)
|
| Quote: مسجد عبارة عن تحفة فنيّة خالصة، وإتّا في الخطبة بتكون مبرعم في الزخارف الذهبية الأنيقة والخطبة تمر عليك من غير ملل ولا عذاب القبر! |
ان شاء الله تصلي فيك حبوبة الحرم بعد دا.حبوبة الحرم سألناها:"مالك مابتصلي ياحبوبة ؟"قالت لينا :" والله يا ولادي مكجنة دا الفقيس"
| |
|
|
|
|
|
|
|
|
 Re: شاطِئ الجميرا (Re: MOHAMMED ELSHEIKH)
|
 اختارت مؤسسة المرأة العربية الإعلامية بقناة الجزيرة إيمان عياد سفيرة للنوايا الحسنة للمرأة والطفل في العالم العربي، تقديرا لمكانتها المتميزة ومسيرتها في الإعلام العربي.وقال رئيس مجلس إدارة مؤسسة المرأة العربية الدكتور كريم فرمان إن مهمة السفيرة تنحصر في حشد الدعم مع المنظمات والصناديق التنموية والإنسانية لمبادرة إنشاء وتجهيز مستشفى لعلاج سرطان الثدي تقيمه المؤسسة في العاصمة السودانية الخرطوم بالتعاون مع مؤسسة سند الخيرية.وتعاني النساء في السودان من ارتفاع نسبة الإصابة بهذا المرض، بسبب نقص التوعية الصحية، وقلة خدمات الكشف المبكر، إضافة إلى الافتقار لمنشأة طبية تختص بهذا النوع من الأمراض.وأضاف فرمان أنه سيتم توشيح السفيرة إيمان عياد بوشاح المهمة ورسالة التكليف في احتفالية كبيرة تقام في الخرطوم نهاية ديسمبر/كانون الأول القادم.وتنتمي إيمان عياد -وهي فلسطينية أميركية- إلى جيل المؤسسين في شبكة الجزيرة الإعلامية التي التحقت بها عام ١٩٩٨.وقد تجاوزت مسيرتها الإعلامية العقدين عملت خلالها صحافية ومذيعة أخبار وبرامج في قنوات عربية منها قناة دبي والشبكة العربية الأميركية من واشنطن، وفي مؤسسات إعلامية خاصّة.وفي العام ٢٠٠٦، حازت عياد على جائزة المهرجان العربي لوسائل الإعلام عن أفضل مذيعات الأخبار على القنوات الفضائية.---بعد اذنك طبعا أقحمنا هذه المداخلة
| |
|
|
|
|
|
|
|
|
|
Re: شاطِئ الجميرا (Re: معاوية الزبير)
|
| Quote: قلت في سري: بس الليلة إلا أخلعو ليك بالبحر، وتذكرت الملايين القاعديين بأم بدة ودار السلام، أقصى حدود المتعة عندهم عوضية سمك!! |
| |
|
|
|
|
|
|
|
|
|
Re: شاطِئ الجميرا (Re: willeim andrea)
|
يا معاوية ..أيوه إتا ما بتاع كندا ..أصلا داك كلما يشوفلو بوست الليلك بلبد للمشاركين ..حكمة الله نيتو بتمشي حتى في الكافر ولازاما واحد يجيب اسمو بدلك..يابكور بتاع كندا ده برضو ضمو لى لستة أبوحجار الزول دا عملو الإسفيري ما بقع واطا ..هسه يا معاوية أيوه إتا يعني فرحان أوي عشان جاب سيرتك مع بت عماد ؟أعمل حسابك الزول دا أكيد مقدم السبت ..أهو قت لييييك..:والله يا ( بابكر ) لو ما خايف من ناس مدني ؤ بالذات ناس( الفعج البشير يقولو شنو ) كان شلتك بالأحضان..الله يسعدكم . .يللا قول.
| |
|
|
|
|
|
|
|
|
|
Re: شاطِئ الجميرا (Re: محمد على طه الملك)
|
يا أخوانا، صديقي المناضل الشريف دا داير أحكي عن نضال خدمتو الناصع وذكرياتنا مع ضنب الحصان ونحن قاعدين في البيتش، لكن بعد أنزل مقطع فيديو صغير من فيلم السايدر.الحقيقة انو أنا حاسي بورطة فنيّة أدبية سردية في البوست دا!! خايفها تجيب لي مشكلة نقدية بعدين والناس بتجمع في أعمالي الكاملة.مرّة يا أحمد التجاني، سألت صديق الفعج قريبنا بتاع الدكان الفي بيتنا داك، عن الفرق بين مدني والفعج؟ قال لي الفرق بس المقاعد الخاتنها في كورنيش النيل الجنب المديريةقلت ليهو: والله، مدني ثقفتك!
| |
|
|
|
|
|
|
|
|
|
Re: شاطِئ الجميرا (Re: أبوبكر عباس)
|
نقد شنو يا ابوبكري ياخ، أحسن النقد ما صدر عن محبة أو كما قال صاحب (م ه ش)الناس دي (وبيناتم نقاد) بحبوك ومستمتعين بهذا النوع من فرائد الأدبلكن من ناحية ح يتعبوا في تجميعو بعدين، دي ما فيها كلامانت شغال ليهم تشتيت شديد يا فرده: دخلت نملة اخدت حبة مشت زرعتا في حته تانية وعيييكغايتو بدل النقاد، أنا أرشح ليك لُقّاط الدهب بتاعين الشماليةبنجِّضو شغلك دا
| |
|
|
|
|
|
|
|
|
|
Re: شاطِئ الجميرا (Re: معاوية الزبير)
|
| Quote: بعد خلصنا الفاتحة نزل يدو وعمل ليهو حركة زي بتاعة التعشيقة، ورفع معاي فاتحة تانية، نظام الاولي حقتنا والتانيةا للوفاة بتاعتكم الليها تلاتة سنين ديك!! |
ههههههههههههتعرف يا بكور انا قبل كدا اتسببت في لخبطة فاتحة فيها حوالي أربعة اشخاص القصة كالاتي:انا ومعاي اتنين من أبناء اهلي ومعانا خالنا الكبير وكنا بنخاف منو موت (له الرحمة والمغفرة) المهم مشينا نشيلالفاتحة مع جماعة بلدياتنا ونعزيهم في وفاة عزيز لهم اتاري في عادة عند اهالينا ديل لمن الناس تكون ليها فترة طويلةما اتلاقت بتشيل الفاتحة مرتين اها انا من اول فاتحة رحت حاضن ليك الزول وبديت اسلم عليهو وجماعتي بهناك رافعين الفاتحة التانيةوهو بقى حاضني بي يد وشايل الفاتحة مع التانين باليد التانية .. من اليوم داك حلفت تاني ما اشيل أي فاتحة
| |
|
|
|
|
|
|
|
|
 Re: شاطِئ الجميرا (Re: Haytham Ghaly)
|
** ابوبكر..** سلام وصباحك خير..## ياخوى ماكان تبدأ ليهو بالشواطى المُتحجبه وإنت جاى من عجمان ... لكن من البدايه توصلو لمرحلة الإستغراش .. ** وهاك دى :- مكتبى كان على مرمى حجر من شاطئ الجميرا فى مبنى (ذا فليج) ومن شباك المكتب يمكنك أن تشاهد كل الجمالالعارى جزئياً والمُتعرى كليا ,,, وفى يوم حضر صديق لى وحانت منه إلتفاتا على الشاطئ وشاهد إحداهن كما خلقها خالقها وكان حديثعهد بدبى ولا ازلت أذكر تعليقه (البلد دى مافيها نظام عام) ,,, والله متجدعين إنتو هنا وبطاطريكم مليانه **
| |
|
|
|
|
|
|
|
|
|
Re: شاطِئ الجميرا (Re: محمد المرتضى حامد)
|
السلام و التحايا للجميع هنا. يا مستنير اخبارك و وين اراضيك..نناشد الحبيب بكري ابوبكر بزيادة مخصصاتك حتى لا تطيلالغياب عن رعاية و سقاية و دردرة هذه البوستات الدرر، انشاء الله صاحبك وديتوا الفنانيين و استاربكس في خضم هذهالجولات البحرية حول الاسماك و كدا..
| |
|
|
|
|
|
|
| |
أبوبكر عباس
علي دفع الله
سامي سالم
معتصم ضرغام
محمد المرتضى حامد
أيمن الطيب
احمد التجانى احمد
MOHAMMED ELSHEIKH
معاوية الزبير
willeim andrea
محمد على طه الملك
عبدالكريم أحمد الامين
Faisal Saad
فيس بوك
تويتر
انستقرام
يوتيوب
بنتيريست