|
Re: أي زول يمسح مداخلة لي او يعدلها - ما بدخل ل� (Re: أيمن محمود)
|
تمام يازول اتفقنا
------- بس في مداخلة عايزة منك تعديل البوست بتاع نجاح بنت اخونا السر وقال خيارات الجامعة شايفك ركزت علي أمريكا وممكن ألَّبت تلقي فرصة أوسع من العلم والعمل والإقامة هناك انت هنا مسكك الشطط تستأهل المسح والتعديل بنت اخونا أمريكية المولد والمنشأ وقاعدة في نص البلد وصية ليك اترك الشطط وماتبقي متسرع
------ أختشي
| |
|
|
|
|
|
|
Re: أي زول يمسح مداخلة لي او يعدلها - ما بدخل ل� (Re: محمد المسلمي)
|
الحبيب ايمن
حذف المداخلات كان خيار اضطرار بعد حروب داحس و الغبراء نتيجة لتخصص بعض الاعضاء في تخريب بوستات الاخرين بصورة دائمة و لو كان بوست تعزية او تهنئة فقد كان بعض الفارغين من حارسي المنبر 24 ساعة من مخربي البوستات سببا في ما ال اليه حال المنبر من انصراف الاعضاء الفعالين و ذوئ الراي و (الكتابين) اتفق معاك الحذف امر سئ لكنه كالدواء مر و لابد منه
| |
|
|
|
|
|
|
Re: أي زول يمسح مداخلة لي او يعدلها - ما بدخل ل� (Re: عوض محمد احمد)
|
عوض تحياتي واحتراماتي كلامك وجيه شديد خلونا نفكر في حل للمعضلة دي 1. في ناس بتخرب بوستات بمداخلات يعتبرها البعض غير لائقة ويجب حذفها (حتة لائقة او غير لائقة اظن ده موضوع خلافي). 2. في ناس بتحذف او تعدل مداخلات ناس -فقط- لأنها أظهرت خطأهم وأصبح موقفهم حرجاً بسبب تسرعهم وشططهم - كمثال محمد المسلمي أعلاه يقوم يحذف مداخلتو ومداخلتي.
أنا مع سحب سلطة الحذف، فبقاء المداخلات يعتبر سجل يصب في مصلحة الاعضاء او ضدهم في يوم ما مما يجعلهم أكثر حذا وتعقلاً في الكتابة - تخيل انو فرانكلي مشى حذف كل بوستاتة بتاعة انهيار الدولار ونكهرها حطب والآن الدولار فط الحداشر الف.
| |
|
|
|
|
|
|
Re: أي زول يمسح مداخلة لي او يعدلها - ما بدخل ل� (Re: عوض محمد احمد)
|
عوض تحياتي واحتراماتي كلامك وجيه شديد خلونا نفكر في حل للمعضلة دي 1. في ناس بتخرب بوستات بمداخلات يعتبرها البعض غير لائقة ويجب حذفها (حتة لائقة او غير لائقة اظن ده موضوع خلافي). 2. في ناس بتحذف او تعدل مداخلات ناس -فقط- لأنها أظهرت خطأهم وأصبح موقفهم حرجاً بسبب تسرعهم وشططهم - كمثال محمد المسلمي أعلاه يقوم يحذف مداخلتو ومداخلتي.
أنا مع سحب سلطة الحذف، فبقاء المداخلات يعتبر سجل يصب في مصلحة الاعضاء او ضدهم في يوم ما مما يجعلهم أكثر حذا وتعقلاً في الكتابة - تخيل انو فرانكلي مشى حذف كل بوستاتة بتاعة انهيار الدولار ونكهرها حطب والآن الدولار فط الحداشر الف.
| |
|
|
|
|
|
|
Re: أي زول يمسح مداخلة لي او يعدلها - ما بدخل ل� (Re: أيمن محمود)
|
ايمن سلام
ما اقصده ليس مداخلات لائقة او غيرها بل كان هناك تخريب عديييل متبادل للبوستات بتغراقها بكمية كبيرة من الصور و الفيديوهات و المداخلات كوبي اند بيست مما لا علاقة لها بالبوست الاصلي و حتى ان كانت لها علاقة فليس من الحكمة اغراق البوست بصورة تتطمم بطن كاتبه و معروفين اطراف ذلك التخريب تماما لدرجة تضجر الجميع منهم و الحمد لله ان سلطة الحذف قد كفت اذاهم
| |
|
|
|
|
|
|
Re: أي زول يمسح مداخلة لي او يعدلها - ما بدخل ل� (Re: عوض محمد احمد)
|
Quote: ما اقصده ليس مداخلات لائقة او غيرها بل كان هناك تخريب عديييل متبادل للبوستات بتغراقها بكمية كبيرة من الصور و الفيديوهات و المداخلات كوبي اند بيست مما لا علاقة لها بالبوست الاصلي و حتى ان كانت لها علاقة فليس من الحكمة اغراق البوست بصورة تتطمم بطن كاتبه و معروفين اطراف ذلك التخريب تماما لدرجة تضجر الجميع منهم |
ديل مفروض يتم ايقافهم
| |
|
|
|
|
|
|
Re: أي زول يمسح مداخلة لي او يعدلها - ما بدخل ل� (Re: محمد المسلمي)
|
حبيبي محمد المسلمي تحياتي
Quote: بس في مداخلة عايزة منك تعديل البوست بتاع نجاح بنت اخونا السر وقال خيارات الجامعة شايفك ركزت علي أمريكا وممكن ألَّبت تلقي فرصة أوسع من العلم والعمل والإقامة هناك انت هنا مسكك الشطط تستأهل المسح والتعديل بنت اخونا أمريكية المولد والمنشأ وقاعدة في نص البلد وصية ليك اترك الشطط وماتبقي متسرع
|
والله يا محمد مداخلتي عادية جداً وماشايف فيها أي شطط وتسرع، والكلام يصلح لو كانت مولودة في أمريكا او غيرها ودي مداخلتي الوحيدة في البوست المعني
ده اثبات يشكر عليه محمد المسلمي على ان تعديل المداخلات وحذفها ممكن يخلي الناس زي محمد المسلمي يتبلو عليك حاجات كتيرة او ينكرو حاجات وتضيع الحقيقة
| |
|
|
|
|
|
|
Re: أي زول يمسح مداخلة لي او يعدلها - ما بدخل ل� (Re: هشام آدم)
|
عزيزي الفاضل ايمن محمود لغاية هسع ما بنعرف يحذفوا المداخلات والتعليقات كيفن!!! لكن بصراحة اذا في تعليق فيه شتيمة وسب وتعابير صادمة لصاحب او صاحبة البوست ، فإن خاصية حذف مثل هذا التعليق امر مطلوب وامر إيجابي..
اما تعليقك في البوست الكاتبه السر عبد الله بخصوص نجاح ابنته المتفوقة وقبولها في تلك الجامعات الأشهر في أمريكا فأنا مؤيداك ميه في الميه، وخاصة الفقرة الثانية والمعترض عليها محمد المسلمي .. لأنه فعلا الحياة في أمريكا بتعلم الكثير والكثير في شتى المجالات..
.. ويا محمد المسلمي انا مستعدة افتح بوست جديد عن كيف الحياة في أمريكا بتعلم الناس الكثير والكثير... ويمكن نقنعك تهاجر لامريكا.. وبالمناسبة البلد دي على الرغم من غربتها القساية والصعبة لكن فيها إيجابيات كثيرة جدا ما بتلقاها في السودان..( وجه ضاحك)..
| |
|
|
|
|
|
|
Re: أي زول يمسح مداخلة لي او يعدلها - ما بدخل ل� (Re: Basamat Alsheikh)
|
ابتسام بت الشيخ ياراقية سلام اخوك غير معترض علي الفقرة 2 بس القصد ان اخونا أيمن مسكه الشطط ( السرعة ) بنت اخونا السر الله يحفظها ويخليها ويعلي مراتبها أصلا هي مقيمة وامريكية وأيمن اخونا حسب فهمي ان الجامعة بتسهل عليها العيش وخلافه في أمريكا يعني الرأي كان حول اختيار الجامعة ومباركة النجاح وأيمن جاء بمبررات اخري مع الجامعة
-------- عارفك مابتقصري وأخوك حايم حوامة شديدة حول العالم الله بس يثبتنا من الجري الشديد
| |
|
|
|
|
|
|
Re: أي زول يمسح مداخلة لي او يعدلها - ما بدخل ل� (Re: محمد المسلمي)
|
هههههههههه دا شنو يا أيمن محمود التحذير المتعجرف دا ؟ المسح للمداخلات الضفاري والرايش ما مقصود بيهو انتا تحديدا حسب وجهة نظري .. أديك مثال : اتا مثلا في بوست أنور تاج السر دخلت ليهو ب دا عنوان لمرثية عديل حسب المتبادر للذهن .. لا والغريبة لما نبهك وقال ليك يا زول اتا كدا كتلتني جيت رددتها ليهو تاني وكأنك مصر على كتلو .. تفتكر المداخلة بطريقتا دي تتمسح واللا تربي في عز البوست ؟
| |
|
|
|
|
|
|
Re: أي زول يمسح مداخلة لي او يعدلها - ما بدخل ل� (Re: طلحة عبدالله)
|
ما تتمسح بل تتربى في عز البوست عشان الغاشي والماشي يشوفها البفهمها من الغاشين والماشين انها كعبة يبقى هو فهم طبيعة ايمن شنو والبفهمها بفهم تاني هو برضه حر ولو المتضرر منها شايف انها مخالفة لقوانين المنبر يطلب من صاحب المنبر يحذفها لا لحذف اي مداخلة الا المخالفة للقوانين والا عن طريق بكري
| |
|
|
|
|
|
|
Re: أي زول يمسح مداخلة لي او يعدلها - ما بدخل ل� (Re: احمد الشيخ)
|
يا أحمد الشيخ المسألة ما مخالفة قانون .. المسألة في فهمي ليها أنا سيد البوست بطريقة تجعلني أشعر بالإستياء مثلا .. طيب لو فعلا أنا شعرت بالإستياء ووضحت دا لى سيد المداخلة وهو أصر عليها وكررا يبقي هنا طوالي ساجزم انو الزول قاصد الإستفزاز .. وكدا يبقي عندي حل من أتنين يا إما أمسح يا أبادلوا الاستفزاز وبالتالي يتحول الأمر إلى استفزاز متبادل ودا بالطبع سيقود للتراشق والشتيمة الخ الخ والنتيجة الواضحة البوست انخرف واتخرب عديل .. وبالمفهوم دا يبقي المسح أبغض الحلول ..
| |
|
|
|
|
|
|
Re: أي زول يمسح مداخلة لي او يعدلها - ما بدخل ل� (Re: طلحة عبدالله)
|
Quote: دا شنو يا أيمن محمود التحذير المتعجرف دا ؟ |
ده تحذير غاضب وليس متعجرف يا طلحة - لما تحذف مداخلتي او تعدلها بتكون ما احترمتني وطالما انك ما بتحترمني سبب واحد بخليني اتداخل معاك مافي!
Quote: اتا مثلا في بوست أنور تاج السر دخلت ليهو ب Quote: ارقد بسلام |
كلامك ما صحيح يا طلحة
انا دخلت ليهو ب"اتصلح مع المنطق" ومعاها ابتسامة - ولأنك ما قريت هو كتب شنو في مداخلتو"المعدلة" افتكرت اني أنا دخلت عليه بتعبير "ارقد بسلام" واستعصى عليك فهم المعنى لأنو كان خارج سياق محدد - سياق مكون من رده المحذوف وردود لزملاء آخرين تم حذف مداخلاتهم.
ما لاحظت انو الاعتذار ده ما عندو خلفية وهيستوري؟
طلحة ارقد بسلام يا حمام
| |
|
|
|
|
|
|
Re: أي زول يمسح مداخلة لي او يعدلها - ما بدخل ل� (Re: طلحة عبدالله)
|
والله يا طلحة - وما طالبني حليفة - اخونا انور مجرد ما قعد يشلت في الضيف بدون سبب - بيني وبين نفسي قلت ده حمام ميت ومافي داعي الواحد يضيع زمنو معاهو وبالتالي تعبير ارقد بسلام جاء كسل مني ساي واتكالية على ذكاء القارئ - لكن يبدو اني كنت مخطئ في الجزئية بتاعة الاتكالية. لكن لما الدور جاء عليك صراحة جاني احساس بتاع احتراز شوية كده، وبعدين انت ما اظنك الزول البستخسرو فيهو المداد والزمن.
| |
|
|
|
|
|
|
|