|
|
|
 Re: السفيرة الهولندية ستعبُر النيل سباحة وفا (Re: نعمات عماد)
|
ليتها قطعت وعداً ذا قيمة سعادة السفيرة ..
تقيت به جائعاً أو تقيل به عثرة محتاج ..
فما أحوج المواطن لوعود تملا بطن ..
من لدن دول تمرغت في خيرات أفريقيا ..
نيل الخرطوم وحاة الله كنا بنقطعو مرتين في اليوم ..
ذهاباً وعودة ..
الناس ماقاعدة تغرق من قلة العرفة بالعوم ..
الله ينجي سعادة السفيرة وصويحاباتها ..
من تمساح أب كبلو الظهر في الخرطوم ..
ومن سمك البرده .. وماتلم فيهن شيمة تبلعن ..
جمعة مباركة يا نعمات ..
عليكـ وعلى كل من مر من هنا ..
عابرا نيلنا الأغر ........
| |
 
|
|
|
|
|
|
|
|
Re: السفيرة الهولندية ستعبُر النيل سباحة وفا (Re: جمال ود القوز)
|
سلام للأخت نعمات،
أن تخرج سعادة السفيرة من مكتبها الوثير والفخم لتخاطر بجسدها لعبور النيل وهي تمثل قمة الهرم الدبلوماسي الممثل لبلدها في السودان مشاركةً وإسهاماً منها في قضية من قضايا السودان، فهذا لا شك عمل جدير بالإشادة والتكريم والاحتفاء، وربما تكون هذه سابقة حسنة تصب في مصلحة البلدين وترفع من تيرة العلاقات الطيبة.
ورغم مشاركتي للأخ ود القوز في رأيه إلا أني أرى أنه ربما كان هذا التصرف هو المتاح للسفيرة على الأقل وقتها عندما قطعت وعداً بالعبور وشاركها في الموقع أكثر من عشرة آلاف. كما أن حوادث الغرق كثيرة وأسبابها أكثرخاصة على ضفتي النيل. واعتقد أن هذا الحدث سوف تتناوله وسائل الإعلام، ربما العالمية.
لكما التحية.
| |
|
|
|
|
|
|
|
|
|
Re: السفيرة الهولندية ستعبُر النيل سباحة وفا (Re: إسماعيل ببو)
|
الأخت نعمات
والأخوة ود القوز وببو
أنا أتفهم تماماً هذا الوعد وبالسوادني (النضر) للسفيرة الهولندية والمسألة لا تختصر في قطعها للنيل وإنما في تعليم كل طفل في السودان السباحة وقد يقول لي أخي الجميل جمال هو لا قي يأكل عشان يسبح!!
هنا في هولندا إجباري كل طفل لابد أن يأخذ ثلاثة دبلومات في السباحة A -B-C وهي تتدرج من تعلم السباحة بصورة جيدة ثم السباحة بملابس ثم السباحة بملابس ثقيلة وهذا لكي يتسلح الطفل طوال حياته لمجابهة كارثة الغرق خاصة وأن هولندا تقع تحت مستوى البحر
أيضا السباحة من أكثر أنواع الرياضة التي تحرك عضلات الجسد بكاملها..
أعتقد المسألة هي بادرة جيدة والنية صادقة ولكن البلد وظروفها لا تسمح لأنه لا توجد أحواض سباحة في الأحياء لكي يتعلم فيها الأطفال والنيل ليس بالمكان المناسب لتعلم السباحة ( مع أني تواتي وإتعلمت السباحة في النيل وأفرق بين السباحة في النيل الأزرق والنيل الأبيض)
| |
|
|
|
|
|
|
|
|
Re: السفيرة الهولندية ستعبُر النيل سباحة وفا (Re: عزيز)
|
| Quote: وأفرق بين السباحة في النيل الأزرق والنيل الأبيض |
عزيز إزيكـ ..
والله السباحة مهمة شديد ..
لكن تخيل نفسك جاي من تمرين سباحة في حوض ..
أو مارق من سباحة في النيل ..
يمين تلهط براك أربعة عيشات ..
عشان كده قلنا السفيرة دي كان تتكفل بما يملا بطن ..
أو تتكفل ليها بي كم أسرة فقيرة ...
السباحة هينة وماحتغلبنا ولا بتغلب صغارنا ..
لكن الجوع كااافر ..
والحوجة حوّاجة ..
فرق كبير طبعاً بين سباحة النيل الأزرق ونهر النيل عموماً ..
والنيل الأبيض ..
بحر أبيض سباحته أصعب ومساحته طويلة ومشرور ..
ومويتو تقيلة لأنها أطعم ( الكلام ده حسب رؤيتي الخاصة ) ..
فضلاً عن إنها ساكنة لاتيار قوي فيها ..
والا تكون زول نفسك طويل .. حتين تقدر تقطعو ..
تخيل إنك بتعوم وإنت قاطع بحر أبيض مايقارب الكيلو ..
ومافي طريقه تتوقف ومويه شبه ساكنه الا في المنتصف بالضبط ..
لكن بحر أزرق التيار بيسهّل السباحة كتير .. ومسافتة صغيرة 300 متر وشوية ..
بس لازم تعمل حسابك لي حته أبعد حتطلع فيها في القيفة التانية ..
عشان لو عايز تسبح ضد التيار واطاتك صبحت ..
ناس توتي ناس بحر أزرق ساي ..
بعدين لازم تتعلموا السباحة فرض عين لانه ناس الجزاير دائماً في خطر ..
إنتو عوامين صحي ياعزيز ..
لكن ناس ضفاف بحر أبيض تماسيح عديل كده .. ..
حليل زمن حوض الجامعة وحوض علوم والثقافة والاعلام ..
زمن يأخ ...
لم نكن نتجاوز الـ 14 سنة ..
قطعنا النيلين ولم نتجاوز الـ 16 سنة ..
لكن لي هسه بنسوق صغارنا ..
ونعلمهم السباحة في النيل ..
غايتو انا شايف الشغلة دي بالنسبة لي ناس الضفاف ..
شي فطري ومنغرس في الجينات ..
هسه شفعنا نفكهم جوه الموية براهم يعوموا ..
شاكر لاثراءكـ هذا المكان بحضوركـ الأنيق ياعزيز ..
وأثمن خيوطك التي تبتدرها فتجر وتجتر حبل ذكرياتنا ..
بركة بالشوفه ومن زمن أغاني وأغاني ..
تاني ما ظنيتكـ جيت بي جاي ..
شهّيتنا السباحة يعلم الله ..
| |
|
|
|
|
|
|
|
|
|
Re: السفيرة الهولندية ستعبُر النيل سباحة وفا (Re: جمال ود القوز)
|
يا أخ جمال الزول لو مات غرقا يملآ بطنه كيف؟ الظاهر فات عليك الهدف من الفعاليـة (فعاليـة دى إلا يستعملوها المثقفين؟)
في منظمات كتثرة لملئ البطون، مهمتها ملئ البطون.. وديل يرسلوا ملايين الشوالات سنويا للمحتاجين عبر العالم.. ترى الغرب فيه تخصصات كتيرة.. هذه السفيرة تريد نشر وعى تسليح الأطفال بمعرفة السباحة.. وانظر
للإرشيف هنا وستعلم كم من السودانيين غرق في النيل. هدف نبيل يستحق الإشادة.
| |
|
|
|
|
|
|
|
|
|
Re: السفيرة الهولندية ستعبُر النيل سباحة وفا (Re: Abureesh)
|
| Quote: يا أخ جمال الزول لو مات غرقا يملآ بطنه كيف |
أبو الريش جمعة مباركة عليكـ ..
بتبالغ يأخ ..
مافي مقارنة أصلاً ..
أرتال الجوعى والمحتاجين يملأوا فيافي هذي الديار ..
ومدنها يازول ..
نحن أحوج بلاريب لمن يسد رمق أسر تقتلها الحوجة ..
وتهصرها وتسحق صغارها ضغوط الحياة ..
يحاصرهم الجوع الكافر من كل حدب وصوب ..
يأخ السفيرة دي التتكفل بس ..
بي فطور طلاب خمسة مدارس في خرطوم السجم ده ..
ولمدة كم عام دراسي كده ..
شوف كم الاجيال الحتتخرج من المدارس دي ..
بدون ماتواجه شبح الجوع الحيشوه دواخلها ..
ويهدم أي منظومة أخلاقية داخلهم ..
وتأثير ده في بناء مجتمع فاضل ..
حين يهتك الجوع أستار أحلامه ويجعله ام فكو ..
يشهد الله وعن قرب اعرف الكتير من طلاب الأساس ..
ياتوا كل يوم للمدرسة وليس معهم حق الفطور ..
يأخ تخيل طفل يافع زي ده يجي الصباح شايل قزازة شامبيون ..
وخاتي فيها كسرة ناشفة يبلها بي موية وقت الفطور ويفطر بيها ..
ده والزيو كان قدرت السفيرة ووفرت ليهم فطور بس سندوتش فول سادة ..
تكون عملت فيهم معروف كبير ..
وصنعت أجيال ستصنع غد لوطن يسكن بيوته الجوع ..
السباحة با ابورالريش يا أخوي شي كمالي ..
الجوع كافر يأخ وتمكّن من بلدنا دي ..
واحتش مفاصلها ..
أنت والسفيرة دي يا أبوالريش بتفكروا زي حكومتنا السجمانة دي ..
القالت وفرت الهوت دوق والهامبورجر وعلمت الشعب ثقافة الغذاء ..
والشعب أغلبو مالاقي ياكل ملاح ويكة بي كسرة ..
أعذرني إن تجاوزت وجهة نظركـ ..
فالشفته أنا شخصياً وعايشته بس في حتة فطور أولاد المدارس دي ..
تملا الزول غبينة الى أن يرث الله الأرض ومن عليها ..
يازول سباحة شنو مع جوع صغار ..
لاتقوى أجسادهم الواهنة على مواجهة الجوع الكافر ..
وفي وجبة مهمة زي وجبة الفطور دي ..
ياخ طيب خليها السفيرة دي تتكفل بي تكلفة بناء حوض سباحة ..
وبرواتب المدربين .. لتعليم النشء أصول السباحة ..
كان خلاص السباحة دي هاماها ..
صدقني لكانت شكلت فارق كبير ..
بدل هي بنفسها تجي تقطع لينا النيل ..
يأخ سكان الضفاف البغرقهم ماعدم اتقانهم للسباحة ..
ربما هوام النيل من تماسيح وبرد وحفر ..
جوه النيل تشكّل شيمات تغرق الناس ..
أها جناب السفيرة حتسوي شنو في الباب ده ..
تجي تنضف ليك قاع النيل مثلاً !! ..
الله في .......
| |
|
|
|
|
|
|
|
|
 Re: السفيرة الهولندية ستعبُر النيل سباحة وفا (Re: عبدالعزيز الفاضلابى)
|
تحياتي أستاذ جمال القوز و أستاذ أبوريش
شكرا لكما و شكرا للسيدة سوزان كلانهارت سفيرة هولندا لدي السودان لحملة رفع الوعي بالغرق .
ندعو السيدة السفيرة لكفالة بعض الإيتام و تعليمهم السباحة كذلك . ( و الدعوة تشمل القراء أيضا ) .
مشكورة على اليوم الترفيهي سيدة كلانهارت .
آخر لحظة ( 21-11-2015 )
| |
|
|
|
|
|
|
|
|
|
Re: السفيرة الهولندية ستعبُر النيل سباحة وفا (Re: عبد العزيز محمد عمر)
|
سلام و تحية عطرة الأعزاء إسماعيل ببو و عزيز
شكرا للإحتفاء بمبادرة السفيرة الهولندية و التي قد تصبح تقليدا محليا للسودانيات بعبور النيل وفاءا للنضر ( وجه مبتسم ) .
أتمنى أن يستفيد الأطفال من برنامج الوعي بالغرق و أن تكون تلك البداية لتأهيل سباحين بميداليات ذهبية في البطولات العالمية .
Quote: أن تخرج سعادة السفيرة من مكتبها الوثير والفخم لتخاطر بجسدها لعبور النيل وهي تمثل قمة الهرم الدبلوماسي
الممثل لبلدها في السودان مشاركةً وإسهاماً منها في قضية من قضايا السودان، فهذا لا شك عمل جدير بالإشادة والتكريم
والاحتفاء، وربما تكون هذه سابقة حسنة تصب في مصلحة البلدين وترفع من تيرة العلاقات الطيبة. |
Quote: نا في هولندا إجباري كل طفل لابد أن يأخذ ثلاثة دبلومات في السباحة A -B-C وهي تتدرج من تعلم السباحة بصورة جيدة ثم السباحة
بملابس ثم السباحة بملابس ثقيلة وهذا لكي يتسلح الطفل طوال حياته لمجابهة كارثة الغرق خاصة وأن هولندا تقع تحت مستوى البحر
أيضا السباحة من أكثر أنواع الرياضة التي تحرك عضلات الجسد بكاملها..
أعتقد المسألة هي بادرة جيدة والنية صادقة ولكن البلد وظروفها لا تسمح لأنه لا توجد أحواض سباحة في الأحياء لكي يتعلم فيها الأطفال والنيل ليس
بالمكان المناسب لتعلم السباحة ( مع أني تواتي وإتعلمت السباحة في النيل وأفرق بين السباحة في النيل الأزرق والنيل الأبيض) |
| |
|
|
|
|
|
|
|
|
|
Re: السفيرة الهولندية ستعبُر النيل سباحة وفا (Re: أيمن محمود)
|
سلام أستاذة نعمات ....... عبرت سفيرة هولندا في السودان السبت نهر النيل سباحة بعدما حازت صفحة السفارة على فيسبوك اكثر من 10 آلاف "اعجبني"، وهو شرط كانت وضعته للقيام بهذه المبادرة الرامية للتوعية من حوادث الغرق وتحسين وضع المرأة. وارتدت السفيرة سوزان بلانكهارت (63 عاما) لباس سباحة برتقاليا، اللون الذي يرمز الى هولندا، وعليه شعار السفارة، ونزلت الى مياه النهر الازرق برفقة ست نساء هولنديات وسبع نساء سودانيات. واجتازت النسوة مئات الامتار سباحة في المياه المضطربة على وقع هتافات التشجيع التي اطلقها جمع احتشد على ضفتي النهر لتشجيعهن. وجرت عملية "عبور نهر النيل" بمواكبة من فريق من السباحين السودانيين الذين توزعوا على عدة زوارق. ولدى عودتها الى البر قالت السفيرة ضاحكة "كان امرا رائعا، مذهلا، اوصي الجميع ان يأتوا للسباحة في النيل". وكانت بلانكهارت اطلقت هذه المبادرة للتوعية من مخاطر حوادث الغرق في النيل وتحسين وضع المرأة في السودان، وقد اشترطت لتحقيق ذلك ان يتخطى عدد معجبي صفحة سفارتها على فيسبوك العشرة آلاف وهو رهان فازت به اذ ان عدد معجبي الصفحة لا ينفك يتزايد وقد ناهز السبت حوالى 14 الفا.
| |
|
|
|
|
|
|
|
|
|
Re: السفيرة الهولندية ستعبُر النيل سباحة وفا (Re: الشامي الحبر عبدالوهاب)
|
| Quote: فوق ,, جمعية مكافحة رص البوستات |
تحياتي و شكري الأعزاء الفاضلابي و أعضاء الجمعية الكرام .
| Quote: ما تقوم به السفيرة الهولندية عمل جليل يستحق الإشادة أتمنى أن يحذو سفراؤنا حذو هذه السفيرة لتعليم الناس في بلدانهم حتى ولو ( أكل البوش )... |
تحياتي أستاذ عبد العزيز محمد عمر نتمنى أيضا أن تحذو الحكومة حذو السيدة بلانكهارت و تنزل النيل و توفي بوعودها الإنتخابية للشعب السوداني أو تبقى داخل النيل للأبد .
| |
|
|
|
|
|
|
|
|
|
Re: السفيرة الهولندية ستعبُر النيل سباحة وفا (Re: Mannan)
|
| Quote: شديدة ولضيضةعندنا 63 سنة الكسرة ما تقدر تعوسا تلقاها زولة صلاة ساي |
ياحمد أخوي أريتا شدتي !قاليك البيبي من أول شهر و على حوض السباحة .. ياخي عندنا ناس في الطشت ما بخلوهم يعوموا .لا و كلو كوم و الرمرمة في بيوت المناسبات كوم تاني ... يتم إفراغ الموائد من كل قطعة شحم و لحم وخبز و ويكة و تحلية . .. عشان كده أحسن نتعلم السباحة و نرفض العوازيم المجانية ونقول في بعض الأوقات .. Let us go dutch  الرأي العام ( 23-11-2015 )
| |
|
|
|
|
|
|
|
|
|
Re: السفيرة الهولندية ستعبُر النيل سباحة وفا (Re: نعمات عماد)
|
| Quote: على السودانيين جميعا ان يتعلموا السباحة..لا قدر الله لو سد النهضة الاثيوبى إنهار حيغرق السودان ومصر... ناس السودان يعوموا لحدى مصر وناس مصر يروحو البحر الابيض المتوسط.. |
سلام و تحية طيبة سعادة السفير منانو لا سفينة نوح (عليه السلام ) ح تنجينا من إنهيار السد لو حصل . نسأل الله أن يجيب العواقب سليمة .و ينجي أهلنا النوبة من السدود و أن تصرف الحكومة النظر عن إقامتها .............سلام و تحية باشمهندس يحي قبانيشكرا لرفد البوست بالصورة الجميلة و التعليق الأجمل .الفرحة على وجه السيدة السفيرة و النشاط ستحبب الناس في السباحة في النيل .أتساءل عن معنى أسم بلانكهارت .. هل هو القلب الأبيض أو الخالي ... و قلبك أبيض يا سيدة بلانكهارت .
| |
|
|
|
|
|
|
|
|
|
Re: السفيرة الهولندية ستعبُر النيل سباحة وفا (Re: نعمات عماد)
|
التحية والتقدير للسفيرة سوزان ولك اختي نعمات لنقلك لهذا الجمال وهذا الشي الذي يفرح النفس هنا ... هكذا تكون الحياة ,,, اعجبني هذا الحدث وهذا التفاعل وهذا التجاوب من هؤلاء النفر الكريم فلهم تحية خاصة وان شا الله ربنا يكثر من امثالهم ... عمل عظيم بالجد تحياتي : ياسر العيلفون ..
| |
|
|
|
|
|
|
|
|
|
Re: السفيرة الهولندية ستعبُر النيل سباحة وفا (Re: مهدي صلاح)
|
سلام العزيز مهدي صلاحجزيل شكري للفيديو من نشرة الأخبار بتلفزيون السودان . الفيديو يُظهر جانبا من جمال النيلالأزرق و روعة الطبيعة حوله .. و زادها الحدث جمالأ ...............................................سلام العزيز ياسر السرشكرا لإطلالتك البهية و كلماتك الأنيقة في الإحتفاء بمبادرة سفيرة هولندا .نعم هكذا تكون الحياة .. عبارة رائعة لوصف الحدث و المكان و الزمن الغريب . أتمني أن تكون هذه بداية لمبادرات أخرى تبث الأمل في مستقبل أفضل .| Quote: حية والتقدير للسفيرة سوزان ولك اختي نعمات لنقلك لهذا الجمال وهذا الشي الذي يفرح النفس هنا ...هكذا تكون الحياة ,,, اعجبني هذا الحدث وهذا التفاعل وهذا التجاوب من هؤلاء النفر الكريم فلهم تحية خاصة وان شا الله ربنا يكثر من امثالهم ... عمل عظيم بالجدتحياتي : ياسر العيلفون .. |
<="https://web.facebook.com/DutchEmbassySudan> >صفحة السفارة الهولندية
| |
|
|
|
|
|
|
|
|
|
Re: السفيرة الهولندية ستعبُر النيل سباحة وفا (Re: نعمات عماد)
|
الفضلى الاستاذه نعمات وعليك السلام ورحمته وبركاته ,, وشاكر ومقدر لك كلماتك الطيبات فهذا شي يسير نحو ما تقومين به من جهد لجلب ما هو جميل هنا ,, فنحن اختي الفضلى بعيدين عن السودان باجسادنا ولكن قريبين منه باحاسيسنا ومشاعرنا وقلوبنا فانتي تزيدين قربنا من هذا الوطن الحبيب ,, متعك الله بالصحة والعافية فانتي تصنعين الجمال في دواخلنا مع خالص تمنياتي وآمالي العراض نحو سودان جميل ومستقبل زاهر ... واسف للاطالة , تحياتي : ياسر العيلفون ...
| |
|
|
|
|
|
|
|
|
|
Re: السفيرة الهولندية ستعبُر النيل سباحة وفا (Re: ياسر السر)
|
| Quote: فنحن اختي الفضلى بعيدين عن السودان باجسادنا ولكن قريبين منه باحاسيسنا ومشاعرنا وقلوبنا فانتي تزيدين قربنا من هذا الوطن الحبيب ,, متعك الله بالصحة والعافية |
| Quote: مع خالص تمنياتي وآمالي العراض نحو سودان جميل ومستقبل زاهر . |
صباح الوطن و الجمال الأستاذ الفاضل و الفنان المرهف ياسر السرمداخلتك الباذخة ذكرتني كلمات قرأتها قبل أشهر في إحدي الصحف ( أظنها ألوان ) قال الصحفي ما معناه إن المغتربين أكثر حبا و وفاءا للسودان من أهل الداخل .. و ربما قصد أنهم أكثر جمالا في التعبير عن حبهم للسودان .شكرا لكلماتك و أتمني أن أكون عند حسن الظن . الجريدة ( 26-11-2015 )
| |
|
|
|
|
|
|
| |
نعمات عماد
جمال ود القوز
عزيز
Abureesh
عبدالعزيز الفاضلابى
أيمن محمود
الشامي الحبر عبدالوهاب
حمد عبد الغفار عمر
Mannan
يحي قباني
ياسر السر
مهدي صلاح
فيس بوك
تويتر
انستقرام
يوتيوب
بنتيريست