حبيبنا يحيى .. تحياتي .. أي بوست ليك .. بجيك جاري عشان دائماً ما تذكرنا الزمن الجميل أيام الشباب .. المرة دي بس يكفيني توقيع عزالدين كاركتير ( رحمه الله ) .. ما عارف إنت كيف تختار أدوات البوستاتك .. زي بوست ( تعلق قلبي ..) ذكرتنا ايام إذاعة البي بي سي ..
تحياتي لك .. وسمعت أمس دكتور يشرح قناة أم بي ئي .. إستحضار أيام الشباب .. فيه علاج ..
مودتي .. أنس الباقين وخليك في طريقك الرائع ..
تحياتي ..
11-02-2015, 11:48 PM
يحي قباني
يحي قباني
تاريخ التسجيل: 08-20-2012
مجموع المشاركات: 18708
Quote: اما لو فاتح على احد ( المقالب ) ... فتجيب من وين ؟
ههههههههههههههههههه،
جيب من جوّة يا فردة، شغلك نضيف . بعض البوستات تدخلك ليها الزنقة، تلقى نفسك دخلت بشمالك ؤُ قلت اللهُمّ إني اعوذ بك من الخبث والخبائث بعد تقطع الجُمار بالراااااحة تمرق بيمينك ؤُ تقول، غفرانك ...
11-03-2015, 05:45 AM
محمد أبوالعزائم أبوالريش
محمد أبوالعزائم أبوالريش
تاريخ التسجيل: 08-30-2006
مجموع المشاركات: 14617
يا نديمي دعك من عثرات قولي واترع الكأس وناجي الكون مثلي لا تظنني أبيد العمر لهواً إذ أنا جسمٌ به البركان يغلي سوف يأتي باسم الثغر يلوّحُ بالأماني ضي عينيه بريقٌ وغموضٌ ومعاني
11-03-2015, 06:01 AM
يحي قباني
يحي قباني
تاريخ التسجيل: 08-20-2012
مجموع المشاركات: 18708
Quote: يا نديمي دعك من عثرات قولي واترع الكأس وناجي الكون مثلي لا تظنني أبيد العمر لهواً إذ أنا جسمٌ به البركان يغلي سوف يأتي باسم الثغر يلوّحُ بالأماني ضي عينيه بريقٌ وغموضٌ ومعاني
في داعي حسي للكلام ده .؟
كنت ماشي انوم ...ياخي ... حرام عليك ...
11-03-2015, 05:55 AM
يحي قباني
يحي قباني
تاريخ التسجيل: 08-20-2012
مجموع المشاركات: 18708
Quote: بعض البوستات تدخلك ليها الزنقة، تلقى نفسك دخلت بشمالك ؤُ قلت اللهُمّ إني اعوذ بك من الخبث والخبائث بعد تقطع الجُمار بالراااااحة تمرق بيمينك ؤُ تقول، غفرانك ...
و الله يا مدير حاجة صعيبة ...
المشكلة تمرق بشمالك ... و تقول امشي ارتاح لي في بوست كده يعيد لي التوازن ...
دايماً بمش لي بوستات ود المشرف عشان ما انسى الكلام و آخُد لي انجمامه ...
الا اليومين ديل من يوم ما عاطف عمر قال ليهو ما بعرف شنو ...
بالله العربي حقه بقي من العهد القديم و لي ورا ...
كلمة تفهم عشره ما تفهم ...
كنا معاهوا لغاية جبرائيل ماركيز و الكوليرا ... لكنه غرّق لينا في نيتشه و كانت و ارسطوطل ... بقيت الا تقراهوا من الشمال لليمين حتين يتسق ...
11-03-2015, 05:43 AM
يحي قباني
يحي قباني
تاريخ التسجيل: 08-20-2012
مجموع المشاركات: 18708
يا سلام الراتب 38 جنيه .. مدرس في أقصى الشمال .. ميز المدرسين والهجيج والخروف والعتوت والأكل .. فقط 7 جنيهات باقي الماهية الواحد ما كان عارف ماذا يفعل به . والد الله يرحمه راح الحج بـ 250 جنيه فقط .. نزور العاصمة في الاجازات السنوية 60 جنيه سياحة في شارع الجمهورية لمدة شهر وكمان ما تنسى كان يرافقنا دليل سياحي من إخواننا المقيمين في العاصمة برضه مصاريفه علينا
Quote: يا سلام الراتب 38 جنيه .. مدرس في أقصى الشمال .. ميز المدرسين والهجيج والخروف والعتوت والأكل .. فقط 7 جنيهات باقي الماهية الواحد ما كان عارف ماذا يفعل به . والد الله يرحمه راح الحج بـ 250 جنيه فقط .. نزور العاصمة في الاجازات السنوية 60 جنيه سياحة في شارع الجمهورية لمدة شهر وكمان ما تنسى كان يرافقنا دليل سياحي من إخواننا المقيمين في العاصمة برضه مصاريفه علينا
ليت الشباب يعود يوماً ..
ليت السودان يعود يوماً لأخبره بما فعل البشيرُ
كان الخروج من السودان للعمل قبل عهد النميري يشوبه بعض العيب ...
لو كان راتبك يكفي لفتح بيت اسره ... و يمكنك ان تعيش عيشة كريمة ...
اما عهد النميري عهد الفقر و الذي اعقبته فترة ديموقراطية هزيلة اضاعها الصادق المهدي كلاماً و ثرثرة ...
ثم أتت ( الإنقاذ ) ... و انقذونا من كل ما هو كريم و عفيف ... و تشردنا في كل بلاد العالم ...
كنت في السبعينات لو رأيت سوداني في أي دوله تأخذه بالأحضان لأنه حدث فريد ...
اما الآن ...
11-03-2015, 04:46 PM
نصار
نصار
تاريخ التسجيل: 09-17-2002
مجموع المشاركات: 11660
Quote: يا دكتور دي ما مجرد نكتة حصلت حقيقي في مدني من استاذ علم في المدينة و من اكبر اسر مدني مافي داعي لذكر الاسماء و رحم الله الاستاذ الجليل
تعرف يا نصار انا قربت اطلع دكتور ...
و كمان ازيدك من الشعر بيت ...
كنت بمشي مع اصحابي الدكاترة ازورهم في نبطشياتهم في الخرطوم ...
كتير من المرضي يقولوا ليهم ممكن الدكتور داك هو اليكشف علينا ... و المقصود انا ...
الشاسيه شاسيه دكاتره شكلوا يا نصار لكن مشينا معمار نعمل شنو ؟ ____________________________________________________________________ اما حقيقة القصة ... فانا دايما على قناعة انو كل قصصنا عندها اصل و لازم تكون حصلت هنا او هناك ...
غيبة اليومين الفاتو ديل يا قباني افتكرتك حردان مع الحردانين لو طولت الغيبة شوية كنت ح أفتح بوست بأسمائكم أقول ليكم دا حال المنبر عندو دميرة بتقوم عليهو لكنه لا يلبث أن يصفو وقد كفتني عودتك ومداخلات من بعض من حسبتهم حردانين مشقة التبرير والتفسير عادي ياخ
11-04-2015, 00:10 AM
يحي قباني
يحي قباني
تاريخ التسجيل: 08-20-2012
مجموع المشاركات: 18708
Quote: غيبة اليومين الفاتو ديل يا قباني افتكرتك حردان مع الحردانين لو طولت الغيبة شوية كنت ح أفتح بوست بأسمائكم أقول ليكم دا حال المنبر عندو دميرة بتقوم عليهو لكنه لا يلبث أن يصفو وقد كفتني عودتك ومداخلات من بعض من حسبتهم حردانين مشقة التبرير والتفسير عادي ياخ
ود الزبير يا حبيب ...
الغيبات كانت شوية شغله بس ...
لكن ما يمنع انو الوضع هنا بصراحة ريحتو عيش ناشف ...
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة