|
Re: قسما بالله فرّحتنِى يا ابوعركي (Re: سيف اليزل سعد عمر)
|
فنان أنتج فنان مبرووك لولدك محمد المرتجي
ياخي كونه يجيب الاغنيتين ديل ويوزعهم التوزيع المحترف ده. ويخت الخواجات ديل في الواطة ويشتغلوا الشغل المعقد ده بالجودة دي!!! ويخلي بتاعين الكمنجات ديل شغالين ضبح موسيقي صاح...
ياخي والله متعة دي
| |
|
|
|
|
|
|
Re: قسما بالله فرّحتنِى يا ابوعركي (Re: سيف اليزل سعد عمر)
|
بعد يوم كامل من قراية البوستات التي تكاد تطلّعك من الدين أو تطلّع الدين منك بوستيك دا ثبّتنا على ما كنا عليه شكرا لك إذ بديت لينا خميسنا بدري وأنهيتو بدري الواحد يمشي ينوم وهو على دينه
سلّم على الناس ديل كلهم وتصبح على خير
| |
|
|
|
|
|
|
Re: قسما بالله فرّحتنِى يا ابوعركي (Re: معاوية الزبير)
|
Quote: بعد يوم كامل من قراية البوستات التي تكاد تطلّعك من الدين أو تطلّع الدين منك بوستيك دا ثبّتنا على ما كنا عليه شكرا لك إذ بديت لينا خميسنا بدري وأنهيتو بدري الواحد يمشي ينوم وهو على دينه
سلّم على الناس ديل كلهم وتصبح على خير |
والله نفس الشعور هنا يا معاوية...
بكرة علي العموم اليوم عندنا نص إجازة قالوا إحتفالا بالهلاوين
تصبح علي خير
| |
|
|
|
|
|
|
Re: قسما بالله فرّحتنِى يا ابوعركي (Re: فتحي الصديق)
|
Quote: أبو عركي ومحمد المرتجى فدما تجربة جديدة في واشنطون , جهد ضخم بذل في هاتين الأغنيتين . من الفرقة الموسيقية ومن عركي ومن محمد . |
في البداية خلينى أثمن كل مجهودات الموسيقيين والفنانين السودانيين (دارسين او غير دارسين) الموجودين في الولايات المتحدة وفي وكندا. وداير أقول ليهم يا جماعة هوي الموسيقي والغناء السودانى يحتاجكم كثيرا ويعول عليكم كثيرا. كل واحد منكم ساهم في نشر الموسيقي والغناء السودانى بطريقته هو او هي (البلابل).
أنا زوول ما بفهم الحبة في علم الموسيقي. والنوتة الموسيقية دي بشوفها زي حروف اللغة الصينية وما بفهم فيها حاجة. وأكيد لست وحدي بل الغالبية العظمي من البشر ينطبق عليها هذا الكلام.
أتفق معاك إنه ما قدمه أبوعركي وإبنه محمد المرتجي هو تجربة جديدة. شاهدت فرق موسيقية أجنبية كثيرة قدمت اعمال سودانية في الخارج وفي السودان. لكن العمل القدامنا ده هو إضافة جديدة مختلفة إكيد.
وأنا بسمع في العمل ده كان في رأسي رائعة الأستاذ الدكتور عثمان مصطفي (حبيبي أكتب لي وأنا أكتب ليك) بالأداء الصينى (الكوري). الشباب (في الزمن داك) الإشتغلوا الشغل الكوري داك كانت الموسيقي (السودانية) جارية في دمهم وقلبهم. ابوعركي كان من الجيل داك.
لكن شغل الجيل الجديد ده القدامنا ده شغل (أمريكي). الناس الإشتغلوا الموسيقي (السودانية) في رأسهم مافي دمهم. والشغل ده زاتو يشبه لي شغل معقد جدا لكن تم تنفيذه بإحترافيه عاليه. وإحتمال كبير إنه العمل ده سيدرس في كليات الموسيقي الأمريكية . وإحتمال كبير الطلبة يحتجوا في الإمتحانات يقولوا ليك ياخي جابو لينا شغل ابرعركي السودانى ونص الدفعة سقطوا.
| |
|
|
|
|
|
|
Re: قسما بالله فرّحتنِى يا ابوعركي (Re: سيف اليزل سعد عمر)
|
سلامات يا عزيزنا سيف،،،
حضرت هذة اللوحة الموسيقية السودانية التي زينت سماء بوسطن قبل أن تزين وجداننا. وكان لي شرف تصويرها بعيون باكية وأنامل مهتزة من الطرب والإندهاش. حضرت هذا الإحتفال من داخل مسرح جامعة بيركلي العالمية للموسيقي والتي يفصلها عن الـ MIT نهر الشارلز. والمسرح مجهز بأحدث تقنيات الصوت والإضاءة واللذان أسهما بإخراج هذة المناسبة بصورة مزهلة تكاد تكون أقرب للكمال.
المناسبة كانت مشروع أكاديمي عملي ومهني وتقني إبداعي.. نحج فيه محمد المرتجى أبو عركي في إيصال رسالة موسيقية سودانية عالمية إنطلقت من فناء جامعته العريقة وأسهم فيها عركي وعاصم وأدروب ومليجي وجميع طلاب الجامعة وخاصة الذين عزفوا هذة الأنغام السودانية أو من أجادوا تشغيل أجهزة الصوت الدجتالي بطبقاته أو ممن تفننوا بالإضاءة التي تناغمت مع الألحان. وكان الإبن والصديق محمد المرتجى يعمل ليل نهار لعدة شهور وهو من تولى إنتاج هذة الإحتفالية الإحتفائية. فهو من كتب الموسيقى ووزع الألحان وجمع الأوركسترا السيمفونية الكاملة والتي بلغ عددها 37 عازف وعازفة وشيال وشيالة من الطلاب الدارسين من مختلف أنحاء العالم بقيادة مايستروا أتى من تركيا ليتخصص في مجال قيادة الآوركسترا. وظل عركي الصغير يكافح لإيجاد المال اللازم وكافة المستلزمات التقنية والموسيقية بمساعدة زملائه وزميلاته ودعم الجامعة ورئيسها السيد روجر والذي عرف السودان وعاش فيه هو وزوجته وهضم مختلف السودانية بعد أن طرب بها.
وجاءت مشاركة العملاق أبوعركي والذي سمح لنفسه بأن يشارك بتجرد كامل ووظف نفسه لأن يكون تحت إمرة إبنه وطاقمه المبدع. أي نعم، وكعادته، يجيد ويجود فنه ومغناه.. ولكنه هنا عاش إسبوعاً بين أحضان مشروع إبنه المتخرج أكاديمياً والمبدع جينياً. فطوع فنه من أجل إبنه ووهبه عصارة إنتاجه وخبراته الإبداعية والأكاديمية... فهو أستاذ للموسيقى وشاعر وعازف ومغني ضليع.
وإمتلأ المسرح الكبير وإمتزجت صفوفه بحضور كثيف ومتعدد الإثنيات.. وحضر عشاق الفن ومحبي عركي من كاليفورنيا ومن دي سي ومن ميين ومن نيويورك ونيوهمشر وعدد من الولايات الأمريكية. وحضرت جموع من بوسطن من مختلف الجنسيات وإستمع الكل وطرب وإندهش وإنتشى بهذا العمل الإبداعي العالمي الكبير. ورحب بهم رئيس الجامعة بسودانية طلِقَة وحدثهم عن طالبه النجيب المرتجى منو!
نكرر تهانينا الخالصة للخريج ولإستاذنا عركي وللدكتورة عفاف الصادق ولأخواته... وعقبال الأستاذية يا أمحمد!
وشكراً يا سيف على إتاحتك لينا الفرصة الجميلة دي لأن ندفع بعرفاننا لعركينا وأسرته الكريمة. ودعني أهديك هذة الصور لتشاهدها وتختار منها ما تشاء لتزين عيناك:
https://www.flickr.com/photos/63337477@N05/albums/72157660452369922
مع كامل الحب والتقدير،،،
| |
|
|
|
|
|
|
Re: قسما بالله فرّحتنِى يا ابوعركي (Re: سيف اليزل سعد عمر)
|
سلامات العزيز سيف ... بوستيك لامس فينا احساس كبير ، ونبه الإيجابي رغم كومة السلبي الكبيره - جدآ - حولنا . تسلم ، ومد الله عمر ابوعركي ( معلم وطني ) وجسور .
Quote: بعد يوم كامل من قراية البوستات التي تكاد تطلّعك من الدين أو تطلّع الدين منك بوستيك دا ثبّتنا على ما كنا عليه شكرا لك إذ بديت لينا خميسنا بدري وأنهيتو بدري الواحد يمشي ينوم وهو على دينه
|
سيد معاوية الزبير ... الله يخليك .
| |
|
|
|
|
|
|
Re: قسما بالله فرّحتنِى يا ابوعركي (Re: ايمن الصادق)
|
Quote:
سلامات يا عزيزنا سيف،،،
حضرت هذة اللوحة الموسيقية السودانية التي زينت سماء بوسطن قبل أن تزين وجداننا. وكان لي شرف تصويرها بعيون باكية وأنامل مهتزة من الطرب والإندهاش. حضرت هذا الإحتفال من داخل مسرح جامعة بيركلي العالمية للموسيقي والتي يفصلها عن الـ MIT نهر الشارلز. والمسرح مجهز بأحدث تقنيات الصوت والإضاءة واللذان أسهما بإخراج هذة المناسبة بصورة مزهلة تكاد تكون أقرب للكمال.
المناسبة كانت مشروع أكاديمي عملي ومهني وتقني إبداعي.. نحج فيه محمد المرتجى أبو عركي في إيصال رسالة موسيقية سودانية عالمية إنطلقت من فناء جامعته العريقة وأسهم فيها عركي وعاصم وأدروب ومليجي وجميع طلاب الجامعة وخاصة الذين عزفوا هذة الأنغام السودانية أو من أجادوا تشغيل أجهزة الصوت الدجتالي بطبقاته أو ممن تفننوا بالإضاءة التي تناغمت مع الألحان. وكان الإبن والصديق محمد المرتجى يعمل ليل نهار لعدة شهور وهو من تولى إنتاج هذة الإحتفالية الإحتفائية. فهو من كتب الموسيقى ووزع الألحان وجمع الأوركسترا السيمفونية الكاملة والتي بلغ عددها 37 عازف وعازفة وشيال وشيالة من الطلاب الدارسين من مختلف أنحاء العالم بقيادة مايستروا أتى من تركيا ليتخصص في مجال قيادة الآوركسترا. وظل عركي الصغير يكافح لإيجاد المال اللازم وكافة المستلزمات التقنية والموسيقية بمساعدة زملائه وزميلاته ودعم الجامعة ورئيسها السيد روجر والذي عرف السودان وعاش فيه هو وزوجته وهضم مختلف السودانية بعد أن طرب بها.
وجاءت مشاركة العملاق أبوعركي والذي سمح لنفسه بأن يشارك بتجرد كامل ووظف نفسه لأن يكون تحت إمرة إبنه وطاقمه المبدع. أي نعم، وكعادته، يجيد ويجود فنه ومغناه.. ولكنه هنا عاش إسبوعاً بين أحضان مشروع إبنه المتخرج أكاديمياً والمبدع جينياً. فطوع فنه من أجل إبنه ووهبه عصارة إنتاجه وخبراته الإبداعية والأكاديمية... فهو أستاذ للموسيقى وشاعر وعازف ومغني ضليع.
وإمتلأ المسرح الكبير وإمتزجت صفوفه بحضور كثيف ومتعدد الإثنيات.. وحضر عشاق الفن ومحبي عركي من كاليفورنيا ومن دي سي ومن ميين ومن نيويورك ونيوهمشر وعدد من الولايات الأمريكية. وحضرت جموع من بوسطن من مختلف الجنسيات وإستمع الكل وطرب وإندهش وإنتشى بهذا العمل الإبداعي العالمي الكبير. ورحب بهم رئيس الجامعة بسودانية طلِقَة وحدثهم عن طالبه النجيب المرتجى منو!
نكرر تهانينا الخالصة للخريج ولإستاذنا عركي وللدكتورة عفاف الصادق ولأخواته... وعقبال الأستاذية يا أمحمد!
وشكراً يا سيف على إتاحتك لينا الفرصة الجميلة دي لأن ندفع بعرفاننا لعركينا وأسرته الكريمة. ودعني أهديك هذة الصور لتشاهدها وتختار منها ما تشاء لتزين عيناك:
|
الأخ الحبيب محمد يس خليفة
والله الواحد فرحان عشانكم وبوجود أبوعركي البخيت ومحمد المرتجي بينكم. تشكر علي كل هذا الكم الهائل من المعلومات في مداخلتك.. أكيد لازال هناك العديد من المعلومات التى نريد معرفتها عن هذا العمل الكبير..
وأتمنى .، أتمنى ان اري مقال توثيقي لهذا الحدث الكبير
صورة المرتجي والخلفية حاجة ما تخلص...
نتمنى لناس واشنطن لقاء ممتع مع أبوعركي في واشنطن اليوم...
| |
|
|
|
|
|
|
Re: قسما بالله فرّحتنِى يا ابوعركي (Re: سيف اليزل سعد عمر)
|
Quote: دا شغل علمي متكامل ونظيف وكل موسيقي عارف وظيفتو وما في غلط.
|
مرحب بيك يا إسماعيل...
اتفق معاك تماما علي علمية هذا العمل....
كان في تركيز عالي وكل زول عارف شغلوا. ..
ابوعركي كان واثق وهادي وغير منزعج من بعض الفلتات الصغيرة...
حتى الآن أنا متحيير في كيفية استيعاب الطلبة ديل لهذا العمل..
أي الشغل شغل نوتة لكن برضوا فيهو احساس كبير جدا...
اتمنى اكون وصلت ما أعني. ...
| |
|
|
|
|
|
|
Re: قسما بالله فرّحتنِى يا ابوعركي (Re: عبدالحفيظ ابوسن)
|
شكراً سيف اليزل، عركي من قلائل مبدعينا اللذين يحترمون إبداعهم ويحترمون جمهورهم.
Quote: وأنا بسمع في العمل ده كان في رأسي رائعة الأستاذ الدكتور عثمان مصطفي (حبيبي أكتب لي وأنا أكتب ليك) بالأداء الصينى (الكوري). |
أغنية (رسائل) هي رائعة المبدع إبراهيم الكاشف.
تحياتي
| |
|
|
|
|
|
|
Re: قسما بالله فرّحتنِى يا ابوعركي (Re: سيف اليزل سعد عمر)
|
Quote: والله ما عارف العجبني شنو . اداء عركي المتفرد ولا تناغم الموسيقي وفرحة وبهجة العازفين في اغنية عن حبيبتي ولا عركي الانسان من يسافر لامريكا ليقف مع حلم ابنه |
ود أب سن سلام...
أنا بالنسبة لي عركي ومرتجي قدموا لينا باقة من الأفراح...كل زول يشوف ويختار الحتة البتفرحوا...انت فرحتك كل الحاجات..
تسلم كتير......
| |
|
|
|
|
|
|
Re: قسما بالله فرّحتنِى يا ابوعركي (Re: سيف اليزل سعد عمر)
|
Quote: وتلك الانحناءة التي تقترب من درجة الزاوية القائمة. كأنه ينحني مهابة واجلالا للموسيقى المتدفقة من الآلات والمنسابة من وجدانه! حقا " ملئ السنابل تنحني بتواضع والفارغات رؤوسهن شوامخُ" !
|
الصحفي الجميل الفاتح ميرغني
ابو عركي سنبلة منحية تنتج الملايين من سنابل الفرح.
شكرا لهذه اللوحة الجميلة
| |
|
|
|
|
|
|
Re: قسما بالله فرّحتنِى يا ابوعركي (Re: سيف اليزل سعد عمر)
|
Quote: كان يخطط هو وإبنه لمثل هذا اليوم منذ فترة طويلة والحمدالله تكللت جهودهم بالنجاح أسأل الله لهم مزيداً من التقدم والحياة الرغدة والرفاهية....والتحية للأنسانة التى دائماً من خلفهم د/ عفاف الصادق حمدالنيل......تقديرى لهم جميعاً ولك وللمتداخلين... |
التحية والتهاني لابوعركي ولأسرته الكريمة... والتحية ليك اخي إسماعيل عباس
| |
|
|
|
|
|
|
|